[開箱] Filco 20年紀念版紅軸 Tenkeyless Keyboard

本帖最後由 pang0011 於 2011-3-21 12:47 編輯

機械鍵盤越來越流行,而大中華地區憑藉卓越的成本優勢, 生產能力及代工經驗,近年已經超越原廠Cherry成為主導市場既一股主要力量。盡管如此,Cherry當初2008年底初推出紅軸時仍然只限自家品牌專利,未有開放予其他品牌推出產品,情況直到最近才有特破。據講,來緊將會有好多(聽講會包括Ducky在內) 採用Costar(立寶)二代公版既紅軸鍵盤推出市場 。目前最先推出產品既係Filco。而我今次入手既係香港行貨細版 Tenkeyless。  

同傳統名牌Model M以及Classic既原廠Cherry相比,Filco算係一位亞洲新貴, 一位由充滿創意又認真既日籍母親與強有力而又能幹既大中華父親共同努力所誕下既愛情結晶。




紅袖添香 – 輕柔又軟棉棉的Cherry MX紅軸

同壓力克數較大既黑軸相比,紅軸呢個小妹妹遺傳著同一種手感但比哥哥柔弱得多。紅軸既手感一句講曬就係軟棉棉,但據網上講佢其實只係輕黑軸, 又有話紅軸只係用左茶軸彈弓既黑軸云云…。從呢個層面睇紅軸無甚特別。

網上亦有人指出今次Filco紅軸其實係用左立寶第二代公版,係改良版來:"新的紅軸版87聖手對於內部電路板也進行了重新設計,使用了厚達1.6mm的雙層PCB板http://tech.hexun.com.tw/2011-03-19/128051771.html"。而我亦都發現我隻紅軸鍵盤底logo同右下角既金屬logo都同以前唔同左。如果網上所講既屬實,咁$1250呢個價錢買第二代公版紅軸Filco又似乎ok返小小。




鍵帽編

Filco既鍵帽確實係佢既一大敗筆,雖然望落好靚但今時今日重沿用ABS油墨印字呢類上代既工藝未免有小小outdate;而響大部分keyboard大鍵位都用曬偽軸(衛星軸)既今日,Filco重堅持用stabilizer (平衡軸)似乎又係一處敗筆。

根據網上既資料,Filco對使用pad-printed keycap同平衡軸既解釋係咁:
"Filco的空白鍵都還是使用鐵絲來當平衡桿,最主要的原因就是「手感」,經過測試之後,平衡桿的手感還是比較好。"
"Filco的鍵帽都是採用網版印刷,不用雷射的原因是摸起來會有紋路,手感沒這麼好。官方也表示未來也希望能採用二色成型或是熱昇華印刷,目前沒有採用主要是技術門檻還不夠,加上成本也會高上不少。"
詳情可以參考下面條link
http://www.techbang.com.tw/posts ... p-behind-the-scenes
條link入面重提到"目前還在開發階段既新款的鏡面鍵帽",不過講緊既已經係2010年5月既事,到而家已經差唔多都成年啦,呢啲新既鏡面鍵帽唔知重要等幾耐至有得玩呢?

言歸正傳,我自己就已經習慣左所有Filco買左返來都會換鍵帽,而Cherry原廠二色成形鍵帽係我既首選。 下面4隻keyboard之中三隻黑色都係換左二色鍵帽,而白色嗰隻係Filco原裝白色laser engraved keycap,理論上都應該會比一般pad-printed嗰種耐用。




原廠鍵帽以外的其他選擇

Filco雖然本身鍵帽比較不濟,但佢同其他鍵帽既兼容度卻係非常高而且選擇多,呢點應該主要係因為Filco並無L型大Enter同佢係台製之故 台製MX軸鍵盤親戚實在多,以Ducky鍵帽為例就可以完全與Filco兼容。

由於可供Filco選用作替換既鍵帽Option實在太多不能盡錄,因此以下只列舉部分供各位做參考,好多師兄重有更多更靚:

Option 1: Cherry原廠二色鍵帽厚度足而且對比強烈幾時都係首選,但奈何價格並不親民而且市場上流通量亦越來越少;


Option 2:Ducky 104鍵暗金色PBT材質鍵帽組(可以搵魔鬼),除左黑金之外重有黑白同刻可選,但個人覺得黑金實用性較高;
http://www.hkepc.com/forum/viewt ... &extra=page%3D1



Option 3:Signature Plastic 客製二色成形鍵帽,響北美較流行,為客製產品並無零售。雖然同屬二色成形但據了解品質不及原廠Cherry,鍵壁不及Cherry厚。




Option 4:Filco原廠無刻鍵帽,買行貨Filco加$180可以買一set平過散買好多,所以不能不提



總結
Filco Majestouch既出現唔單止係品牌本身既成功,亦為台製MX軸鍵盤開創左一個新既局面。自從Majestouch系列出現之後幼框keyboard可謂處處花開,仿佛已經成左定制,不論係SS7G/6Gv2, Ducky… etc, 大概都走唔出Filco呢個框框。但點成功都好始終唔可以一本通書睇到老。面對Ducky呢個強敵,而家已經係軍臨城下,係時候要求變啦。希望Filco傳說中既鏡面鍵帽以及二色成形&熱昇華等鍵帽可以早日面世。

但其實有無人諗過點解幼框機械keyboard就一定要係好似Filco咁既樣呢?舉個例機械keyboard做到好似下圖入面呢隻Logitech咁都幾靚呀?

 
回復 1# pang0011 很強大嘅分享,鉅世無遺,同我哋啲放毒/勸敗post冇得比,謝謝pang師兄
btw,last張相我完全唔係好在意有隻"羅記"係度~

TOP

回復  pang0011 很強大嘅分享,鉅世無遺,同我哋啲放毒/勸敗post冇得比,謝謝pang師兄
btw,l ...
ricyuyc 發表於 2011-3-21 13:22

係啦,點解幅相係logitech keyboard

TOP

證明左有靚女代言好過曬千言萬語, 開發商同代理明白啦:D:

TOP

支持pang兄 絕對係由淺入深既好文
我都好期待機械kb外形有朝一日可以百花齊開
但大概係開始無耐 廠家都係想穩住陣腳先 比較保守

另外依家市面太多剪刀腳kb 反而火山口薄膜款式好少
唔知邊一日 鍵盤&滑鼠真係可以上升到品味既角度呢

TOP

最後張相,如果無左果keyboard會好"好多"囉

TOP

支持pang ching 的開箱文。我去日本的時候也試過red cherry,但現在買了 hhkb pro 2,的確破產

TOP

ching又有好野玩, 講開filco d keycap, 上星期貪得意我都入左d pbt既kc, 不過放埋一齊好似唔多好睇XD
附件: 您需要登錄才可以下載或查看附件。沒有帳號?註冊

TOP

支持pang兄 絕對係由淺入深既好文
我都好期待機械kb外形有朝一日可以百花齊開
但大概係開始無耐 廠家都係想 ...
SmileBoy_r 發表於 2011-3-21 13:47


據我自己觀察, 而家暫時機械鍵盤重點主要放響生產同銷售呢兩部分, 即係主要以代工廠同Sales為主, 呢個格局同M$ & Logitech好唔同. 要將產品提升到生活品味既高度, 必須要有好既Product Development & Marketing配合.  

你講既剪刀腳鍵盤台灣松鼠討論區最近好似有出過啲唔錯既款式, 但$500一隻剪刀腳鍵盤佢地似乎對自己既產品好有信心.

TOP

回復 9# pang0011
嗯 果隻極光神話
設計理念唔錯 背光亦幾炫目 不過唔太鍾意鍵位

想等返隻非剪刀腳、標準鍵位、窄框、背光黎用
剪刀腳鍵程太短 即使有回饋力 但都彌補唔到果種手感
而機械就要求茶/紅軸 雖然自己換都幾方便

TOP