「煙條」再過幾日就發佈全新「叉狗狗」平台，不過香港代理晨咁早派左貨，不過就得入門級「 Core-i7 伍捌貳零畸」同最高階「 Core-i7 伍玖陸零叉」，兩粒分別港幣叁仟貳佰捌拾捌圓整同捌仟捌佰陸拾圓整，板廠就只敢放個盒仲未有廠敢衝燈，由於今代 d RAM 全部轉用「 DDR 肆」，所以真係近乎成套買。

腦場打工仔收到料，「煙條」今代希望力俗「 Core-i7 伍捌貳零畸」，呢粒 22nm Haswell-E 6C12T 處理器，規格同上代最頂級「 Core-i7 肆玖陸零叉」有得揮，核心時脈叁點陸激擁有拾伍 MB L 叁 Cache ，但就賣港幣叁仟貳佰捌拾捌，不過「叉狗狗」主機板個價唔低，再加上要轉「 DDR 肆」，其實都幾甘。

由於「 Core-i7 伍捌貳零畸」個規格都叫吸引，板廠都特別做左好多入門級「叉狗狗」主機板再配「 DDR 肆」套餐，希望一條龍服務令到個性價比高番少少。

另一粒「 Core-i7 伍玖陸零叉」同樣係 22nm Haswell-E ，但係升級左做 8C16T 處理器，核心時脈叁點零激擁有貳拾 MB L 叁 Cache ，不過成捌仟捌佰陸拾圓整天價，你以及無人買 !? 香港其實大把有錢佬買番去上網睇 Facebook ，吹咩。

如果你睇唔明呢篇野，我腦場打工仔話你知，其實我都唔太明， 29 號前「煙條」唔畀寫得咁明，大家明啦 !!