近日腦場「中記」就推出了 ECS LIVA 減價優惠，由原價 $1,899 減價去 $1,599 ，預載 Windows 8.1 Bing 之餘更額外送耳機，在價錢上已經吸引不少人目光，對於部份不打機、不剪片、不執相，淨係上 FaceBook 、 YouTube 、玩鬥地主的用家，就要留意一下。

ECS LIVA 除了用 Intel Bay Trail-M SoC 以及內建 2GB DDR3L 記憶體之外，更是 64GB eMMC 型號，相比之前的 32GB 版本有更多空間。音效卡、 LAN 、 Wi-Fi 、藍牙等等功能全備，而且有齊 USB 3.0 、 HDMI 、 VGA ，不但如此，今次的 ECS LIVA 更預載 Windows 8.1 Bing 作業系統，換言之只需插電即可使用，連買 Windows 的價錢都可以慳。

效能方面當然不及普通 Celeron Dual-Core 等處理器，但在 HKEPC 較早前的測試（http://www.hkepc.com/11411/page/5）裡面，無論 4K 影片檔還是 YouTube 播放 4K 影片都流暢。加上採用 eMMC 作為硬碟機部份， 雖然速度不及 SSD ，但都比傳統硬碟機快，而且更加慳電。 ECS LIVA 只需 Micro-USB 5V 電力推動，最高都只有 9.4W 功耗，即 2A 左右。  

有人會提議：「不如砌部 ITX 啦」，但今次部 ECS LIVA 賣 $1,599 ，就算是類似 Q2900M 的 All-In-One 主機板，連同記憶體、硬碟機、機箱、電源供應器，可能都要近兩千，仲要未計 Windows ，想慳錢又要慳位的話，有甚麼辦法呢？