Intel 一直被冠以「牙膏廠」嘅原因，相同不少玩家們都非常清楚，直至 AMD Zen 微架構正式登場，全新 Ryzen 處理器平台登台後，終於拿出有力與 Intel 一戰的產品出來，結果 Intel 被嚇到自亂陣腳，只好拿出史上最高性價比嘅雙核四線程「 Pentium G4560 」來增援，結果 Core i3 銷情被嚴重影響，低階的 Celeron 或同級嘅  Pentium 處理器更加不用多說，結果係自亂陣腳。

其實 Intel 今次突然推出「 Penitum G4560 」自亂陣腳已非首次，當年 AMD 推出推出之前吹到自己鬼咁勁，當年 Intel 原本希望將 Core i7 處理器定位及價格再提升一個檔次，結果因對手的唬嚇而告吹，一直保持現有嘅定價水平。

有樣野必須要讚 AMD 嘅係， AMD Ryzen 處理器規格係擺明車馬，針對 Intel 處理器嘅不足而設計，更多嘅核心、更多嘅 CPU PCIe Lanes ，足夠一張顯示卡 PCIe x16 再加上一隻 PCe x4 NVMe M.2 SSD 直連。面對更多核心嘅 Core X 處理器， AMD 就拎兩顆 Zeppelin 8 核心嘅 ThreadRipper 出來，仲要平你一截。

老實說，我一直認為 Intel 依幾年來一定收埋咗未拎出來嘅黑科技，用來殺 AMD 一個措手不及，但自從 Tick-Tock 失效之後，我依個諗法天真過份天真嬌，由「 Pentium G4560 」呢條死橋， Intel 已經透露左個底畀你地知我係得咁多。 Intel CoffeeLake 其實咪又係將自己改成多核心玩法，但留意單核心運算力早由 3 系轉 4 系得仲有少少可見嘅效能差以外， 5 系玩內置顯示核心就不特別說， 6 系及 7 系根本無快過， 8 系咪又係一樣加怪力入去。

我期望的係 Intel 有新技術提升到核心運算能力，而唔係一味追求多核心運算能力，或者係加多 PCIe Lanes ，多核心都係留返比對上的 X 系列玩吧。 再提，數月前 6800K+ASRock X99 Taichi 做緊特價好很平果陣，又唔見大家講多核心好爽 ..

不過 Intel CoffeeLake 我都仍然推薦使用 Sandy Bridge/Ivy Bridge 甚至是 Nehalem 嘅朋友升級，始終套平台去到咁上下係真係夠期。 順道提醒各位使用緊一條 RAM 嘅朋友，唔好以為一條 8GB/ 一條 16GB 夠用，無 Dual Channel 真係爭好遠，有好多時候其實系統係因為唔夠 RAM 而慢，唔好諗住加大 Page File 去彌補依個問題，只會寫死 SSD 。利申 : 我係分得到部機由快變慢，是咪行緊 Dual Channel 同速度的變態，如果唔係跑唔到好嘅 Super Pi 分數的 w 。