電腦領域 HKEPC Hardware 's Archiver

kennyyyt 發表於 2019-5-9 02:18

A牌86u VS Synology MR2200ac [劏房篇]

[i=s] 本帖最後由 kennyyyt 於 2019-5-9 20:19 編輯 [/i]

= = = = = = = = = = = =
                    前 言
= = = = = = = = = = = =
喺HKEPC都12年幾﹐多次參加抽獎同會員活動都係無我份。
今次就好彩抽中﹐我可以試下Synology Mesh Router係咪適用喺劏房!

時至今日﹐Mesh Wifi產品愈出愈多、花多眼亂﹐好多人都唔知點樣揀同埋係咪適合自己.。
而大部份人都唔知Mesh Wifi同Repeater速度上分別大唔大。
今次開箱,主力測試一下Synology Mesh Wifi 喺速度同功能係符合大家嘅要求!

一般人都會覺得除咗住村屋,屋企好大或者寫字樓外﹐都無咩必要用Repeater, Homeplug或者Mesh Wi-Fi產品。
事實係出現WiFi死角﹐多數由於主力或者非主力牆阻隔WiFi信號造成。
所以住緊嘅劏房嘅我﹐都有WiFi死角問題,咁跟住落黎就試下Synology MR2200ac Router會唔會改善到我嘅問題!


= = = = = = = = = = = =
                    安 裝
= = = = = = = = = = = =
[attach]2125163[/attach]
拆開包裝盒後﹐有MR2200ac機身、火牛、LAN線同說明書。

[attach]2125164[/attach]
MR2200ac背部分別有1個USB3.0、LAN同WAN Port各1個。

[attach]2125167[/attach]
iPhone/Android 下載DS Router APP。
跟上面圖中6個步驟﹐5分鐘已經設定完成﹐非常簡單方便!

[attach]2125168[/attach]
主要Router安裝後。
再次使用DS Router APP 跟上面4個步驟﹐5分鐘內完成Mesh Node設定。
整個安裝過程用都可以喺手機完成﹐呢點真係抵讚!

[attach]2125221[/attach]
轉用Browser登入Router後, 見到SRM (Synology Router Manager) 嘅介面, 用開Synology NAS嘅你,係咪好有親切感呢?

= = = = = = = = = = = =
             速 度 測 試
= = = = = = = = = = = =
黎到重要嘅一環﹐就係新舊Router對戰!

- - - - - - - - - - - -
      規 格 比 較
- - - - - - - - - - - -
[attach]2125169[/attach]

- - - - - - - - - - - -
      測 試 環 境
- - - - - - - - - - - -
[attach]2125165[/attach]
門口櫃        : A牌86U Router

[attach]2125166[/attach]
門口櫃         : Synology MR2200ac Router (主)
Room D  : Synology MR2200ac Router (次)
運作模式 : 透過 Mesh WiFi連接

[b][size=5]測試1 - WiFi[/size][/b]
[attach]2125171[/attach]

Iphone XS 喺A、B、C及D位置﹐連接到Speed Test Server測試速度。
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125172[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125173[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125174[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125175[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -

[b][size=5]測試1 - 結果[/size][/b]
[attach]2125170[/attach]

由於兩者無論用途同定位都唔同﹐唔可以就咁比較。
但測試結果仍然可作為參考﹐究竟Mesh Wifi啱唔啱自己啦!

講返測試結果。喺近距離(A位置)測試結果, 單一WiFi Router仍然有速度優勢。
而喺走廊尾(A位置)測試結果, 兩者各有勝負。
最後喺我房入面嘅廁所(C位置)同床上(D位置)測試結果, 明顯見到Mesh Wifi嘅速度優勢!
其實喺B、C、D 3個測試位置,我嘅iphone係會連到Mesh Node個隻MR2200ac。
下載速度均為80Mbps左右, 上載就大約160Mbps, 由此可見在Mesh node附近都有穩定嘅速度!


[b][size=5]測試2 - Wlan to lan[/size][/b]

2隻MR2200ac 經由Wifi 組成Mesh Network﹐而PC就用Lan線駁去Mesh Node 隻Router個Lan Port。
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125176[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -

[b][size=5]測試2 - 結果[/size][/b]
結果令我喜出望外, 下載竟然逹到177Mbps, 比喺用iphone快成倍,而上載約165Mbps﹐絕對收貨!


[b][size=5]測試3 - Wan To Lan[/size][/b]

Server駁Wan Port﹐而PC就駁Lan Port ﹐以8 Threads去測試NAT (Wan to Lan) throughput。
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125177[/attach]
[attach]2125178[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -

[b][size=5]測試3 - 結果[/size][/b]
結果同大部份Router都一樣﹐逹到945.9Mbps﹐非常滿意!


[b][size=5]測試4 - Wan/Lan Throughput [/size][/b]

Server駁WAN Port﹐而PC就駁LAN Port﹐同時各8 Threads去測試Wan to Lan及Lan to Wan NAT Throughput。
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125235[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -
[attach]2125218[/attach]
- - - - - - - - - - - - - - - - - - - - - - - - - - - - - - - - - - - - - - - - - - - - - -

[b][size=5]測試4 - 結果[/size][/b]
同時上/下載Throughputu達到1527Mbps。
對比A牌68u嘅1300Mbps同86u嘅 1500Mbps及大部份家用Router, 算係名列前矛!


= = = = = = = = = = = =
             套 件 測 試
= = = = = = = = = = = =
除咗速度外﹐Router其他功能亦都好重要!
今時今日大部份Router都有VPN、 Files Sharing、 Print Sharing 等等嘅功能, MR2200ac 當然唔例外﹐而且仲有佢大佬Synology DSM血統﹐介面同功能都有多相似嘅地方!

- - - - - - - - - - - -
      基 本 功 能
- - - - - - - - - - - -
基本嘅功能就唔詳細講﹐係咁易簡單介紹下。

[attach]2125225[/attach]
Network Center-顯示Wan/Lan/Wifi資料同即時流量﹐仲有Firewall  Rules/ Port Forwarding/ DMZ/DDNS等等相關設定

[attach]2125224[/attach]
Wi-Fi Connect-顯示Wifi裝置連接情況﹐仲有可以喺呢度設定Mesh Node, Guest Network 同埋MAC Adress Filtering等等

[attach]2125226[/attach]
Control Panel-管理Account﹐USB裝置如File Sharing同FTP功能﹐當然DSM有嘅 EMAIL/SMS提示功能都有。 而且最特別有埋Network Printer Sharing功能﹐令Router搖身一變變成Print Server!SRM、Google Safe broswing名單、IP及Domain安全清單都可以喺呢度更新!


- - - - - - - - - - - -
      重 點 功 能
- - - - - - - - - - - -
[b][size=5]Safe Access[/size][/b]

[attach]2125229[/attach]
第一個重點介紹﹐就係Safe Access。
有別於普通家用Router﹐我地只能夠封鎖某D網址。
而Safe Access 功能可以設定個人Profile﹐將相關用戶嘅裝置如電腦/手機﹐限制存取時間或網址清單。
更可以套用系統預設嘅Profile(小朋友、員工、訪客、無限制)﹐方便大家唔需要自己花時間去分類網址類別。
有咗Safe Access功能就方便咗管理家中嘅小朋友 或者係公司嘅員工嘅上網限制﹐避免咗佢地接觸不良資訊及有問題網站!


[b][size=5]SSL VPN[/size][/b]

[attach]2125230[/attach]
VPN技術普及後﹐一般用家已經識得用VPN功能﹐例如返大陸時翻牆上吓Facebook或者youtube睇下片咁。
市面上中高階嘅Router基本都支援OpenVPN,L2TP,PPTP VPN﹐Synology MR2200ac當然都支援啦﹐而且更加支援商用級嘅SSTP同埋SSL VPN以及IPsec site-to-site VPN(呢個需要License) !

我就集中講我嘅至愛SSL VPN。
SSL VPN係應用層嘅VPN﹐只要手機或公司無封鎖上網(HTTPS)﹐就可以用到SSL VPN。簡單到用Browser 登入就可以進行VPN連線!係咪聽到都心動呢?

[attach]2125232[/attach]
幾個動作就喺Chrome到連咗SSL VPN!


[b][size=5]File Sharing[/size][/b]
MR2200ac Router都提供File sharing同FTP功能﹐仲支援埋WebDAV。
我本身都有隻NAS﹐所以只做D File sharing基本速度測試。

[attach]2125233[/attach]
[attach]2125234[/attach]
分別係駁咗USB3.0 SSD嘅上載(45Mbps)及下載(60Mbps)速度,尚算可以!


= = = = = = = = = = = =
                  總 結
= = = = = = = = = = = =
試咗MR2200ac一星期﹐對Mesh Wifi有少少改觀。
雖然我都睇唔少文章或者廣告介紹Mesh Wifi產品﹐但係自己都無乜意慾去親身買黎用。
主要原因係我同大部份人諗法一樣,攪咁多野不如買一隻Wifi勁嘅Router仲好過。
但今次活動又抽中我,變咗免費比我試一星期﹐咁結果當然係收貨嘅!

講返MR2200ac先﹐無論Wan To Lan或Wan&Lan NAT Throughput都係無可挑剔架啦!
而且仲有埋SSL VPN同Safe Access呢D咁啱我口味嘅功能﹐一般家用Router喺呢方面都無法媲美。
加埋Safe Access、 Radius Server 功能及支援WiFi WPA3 加密通訊協定﹐喺公司用都唔失禮﹐非常全面!

之不過咁﹐讚咗MR2200ac咁多﹐咁係咪整體黎講真係無可挑剔呢?
咁都有幾個位值得改善下嘅 ; 第一係希望有返Wan Port連線時間﹐第二係Network Monitor無得翻睇每小時/日/月嘅流量﹐而第三樣同佢本身無直接關喺嘅﹐活動大會應該比3隻MR2200ac Router我地試:xd:  咁先試到3角形嘅Mesh Network同發揮到佢嘅特性 又或者 1隻 Synology RT2600ac Router加1隻MR2200ac Router比我地試﹐先可以試到Mesh WiFi嘅真正速度:d:

最後一句﹐不喜勿插:titter:

henrietta 發表於 2019-5-9 07:34

[i=s] 本帖最後由 henrietta 於 2019-5-9 07:36 編輯 [/i]

測試一D都唔公平
ASUS AC86U都有MASH
點解要2隻Sxnology對ASUS
VPN等AC86U都有
講埋先夠公平

ccc123 發表於 2019-5-9 07:42

>今次就好彩抽中

公喜。。公喜。。。。。。。:p:

brbrhung 發表於 2019-5-9 08:53

好詳盡既評測!

rfdingo 發表於 2019-5-9 09:02

mesh <- 隻副機要放去一個身都收得唔錯既位,先會速度快(其實同Repeater放法差唔多,除非係行有線底既mesh)

執執個副機位,個使用體驗先會好
如果放番個本身收得唔好既位,無意義

c3048 發表於 2019-5-10 00:26

[b]回覆 [url=https://www.hkepc.com/forum/redirect.php?goto=findpost&pid=38394385&ptid=2498248]2#[/url] [i]henrietta[/i] [/b]


咁呢個係"  Synology MR2200ac 開箱文開箱文試用體驗 ":haha:

又唔係牙石開箱文:titter:

c3048 發表於 2019-5-10 00:32

本人係A記用家
68U, 86U, 88U 都用過
但是可以用手機全程setup真的是好方便,對於一個非電腦專業玩家黎講,可以大大加快個設定時間
另外,SSL-VPN 真的是難得一見ge feature,對於而家的科創企業黎講,也是一個唔錯的選擇
文章寫法個人也認為很流暢:adore:

c3048 發表於 2019-5-10 00:39

[i=s] 本帖最後由 c3048 於 2019-5-10 00:53 編輯 [/i]

[b]回覆 [url=https://www.hkepc.com/forum/redirect.php?goto=findpost&pid=38394461&ptid=2498248]5#[/url] [i]rfdingo[/i] [/b]


相信師兄係一個完美主義者:titter:
在一個接受不良的地方放mesh router,不是沒有意義的。現實的情況之中,真是可以用解決接收不良的問題,比起用repeater更加有效。
雖然可以看見他的D點只有Down Stream :83.2Mbps, Up Stream:171Mbps,離高峰數字500Mbps差3-400Mbps之遠
但是提升了不少,可以應付日常的youtube及遊戲流量。
如果那個位置放多個wifi repeater,個人經驗是不會提升那麼多的Bandwidth,因為是repeater的先天性缺點。除非你用明線repeater,咁就另一種玩法:xd:

felix430 發表於 2019-5-10 00:57

[quote]測試一D都唔公平
ASUS AC86U都有MASH
點解要2隻Sxnology對ASUS
VPN等AC86U都有
講埋先夠公平 ...
[size=2][color=#999999]henrietta 發表於 2019-5-9 07:34[/color] [url=https://www.hkepc.com/forum/redirect.php?goto=findpost&pid=38394385&ptid=2498248][img]https://www.hkepc.com/forum/images/common/back.gif[/img][/url][/size][/quote]


其實樓主前言有講 " 所以住緊嘅劏房嘅我﹐都有WiFi死角問題,咁跟住落黎就試下Synology MR2200ac Router會唔會改善到我嘅問題!",佢又唔係要比較ASUS同Synology既mesh功能,有咩公唔公平?純粹比多d數據你睇,再介紹埋Synology既功能之嘛,ching你會唔會諗多左。

felix430 發表於 2019-5-10 01:14

補充多少少,我覺得樓主呢篇開箱文比較上係詳盡d,睇得出有用心,有table有chart,連diagram都自己design。
文章結構標準,有前言總結,分段尚算清晰,如果每張圖片有加frame會更加明確。
真心比個讚!

頁: [1] 2 3

Powered by Discuz! Archiver 7.2  © 2001-2009 Comsenz Inc.