電腦領域 HKEPC Hardware 's Archiver

hk133 發表於 2023-4-1 00:20

如果為悲劇故事加入童話故事女主角?鏡之孤城電影觀後感

[i=s] 本帖最後由 hk133 於 2023-4-3 16:10 編輯 [/i]

(觀看特典映像及二刷後重寫)
個人認為呢套電影非常值得一睇,當然畫面嘅質感遠不及另一套大作,但瑕不掩瑜,劇情依然值得細味。

但我個人不建議認真看待女主角推進劇情嘅細節,點睇都係童話故事,因為女主角得到幫助嘅經歷基本上不太可能於現實發生,尤其係個城堡,現實中就算係要畀到遭遇校園欺凌嘅兒童一個可以稱得上係避風港嘅容身之所都絕不容易,更遑論一個與世隔絕嘅海中城堡。時間可以沖淡一切,前提就係要有個咁樣嘅城堡俾兒童遠離壓力。

不過其實冇必要太講究,結果好就好。但認真講嘅話,呢個應該話係「俾大人睇嘅童話故事」,大家都希望難以解決嘅校園欺凌問題可以有如此妙想天開嘅解決方法,既然現實做唔到,就靠童話故事般嘅情節實現。本來應該註定係悲劇嘅故事,最終因此得到尚算美滿嘅結局,我個人而言就幾鍾意呢個結局。

反而係劇情中關於女主角遭遇校園欺凌問題,頗為值得深思,劇情佔比雖短但非常牽動人心,亦將我短暫地由童話故事拉返去現實。女主角遭受嘅欺凌,喺現實發生都並不奇怪。反而佢遇到來自他人伸出嘅援手、家人嘅理解就極為罕見,幾乎係童話故事女主角先會遇到。認真思考之後覺得都幾可悲,不過如果要認真探討嘅話就又要將教育制度批判一番,所以請容我輕輕帶過。如此一想就覺得劇情寫成童話故事風格其實好合理,現實太殘酷。

而到女主角校園欺凌情節嘅尾聲,女主角嘅朋友講出佢對校園欺凌嘅睇法,雖然在理,但對涉世未深嘅初中生而言,要明白佢所講嘅道理,難度實在太高。感覺似係作者藉機抒發自己對校園欺凌嘅睇法。

講返故事本身,即使主角同配角於劇情篇幅上有明顯差距,涉及到配角嘅描寫亦冇馬虎,不同角色各有個性,比如既自卑又率直嘅嬉野,一開始會覺得佢好滑稽,但隨著劇情發展對佢了解多咗,會對佢產生同情心,然後逐漸理解到佢其實係渴望得到他人關注,但又無法把握好於他人相處之道,因此只好拼命討好他人,可惜思慮不周嘅行動屢屢令佢遭遇挫折,結果佢嘅自信心隨之消磨殆盡而變得自卑。其他角色唔講啦,自己去戲院睇啦。

hk133 發表於 2023-4-1 01:07

[i=s] 本帖最後由 hk133 於 2023-4-3 16:02 編輯 [/i]

!!!下方劇透注意!!!

!!!下方劇透注意!!!

!!!下方劇透注意!!!

!!!下方劇透注意!!!

!!!下方劇透注意!!!

!!!下方劇透注意!!!

[color=Silver]
講返故事,故事中嘅「城堡」,俾到失去歸宿/安全感嘅主角團一個避風港,佢哋亦喺城堡入面了解到自己並不孤單,主角亦因此打開心扉,一步一步開始面對現實生活中所遭遇嘅校園欺凌⋯⋯

如果係咁簡單就好。

實際上主要係得主角一個人有主動打開心扉,其他人直到最後都未曾主動提及自己身上發生咗咩事、有咩難以忘卻嘅傷疤,
呢個反差突然將觀眾由童話故事拉返去現實。

又唔係話其他人完全冇講到自己咩環境嘅,但佢哋婉轉嘅講法、去到係人都睇得出唔妥嘅時候先不得不講出嚟,而且就算要講都只係最低限度地透露,甚至最關鍵嘅 Aki 選擇到最後一刻先爆發,真係非常有真實感。

無論係遭受欺凌、長輩壓力、家暴,都並非可以輕易對人說出嘅事。

而所有人都選擇「佢唔講我就當唔知/睇唔到」,真實到呢⋯⋯
結果到最後一日就出事,一個人帶住幾乎所有人一齊攬炒,
主角就因為咁啱學校嘅唯一朋友搵佢傾計,冇去到城堡而逃過連坐懲罰,咁明顯嘅主角光環真係驚死觀眾唔知佢係主角。

睇完兩次之後,我嘅感覺依然係「如果冇咗女主角嘅話個故事註定係悲劇收場」。女主角喺推進劇情上發揮極大作用,即使到最後故事幾乎註定要以悲劇告終,女主角依然憑藉主角光環成功力挽狂瀾。

又咁啱主角嘅朋友咁啱屋企有幅畫,原來幅畫就係外掛/作弊,主角一嘢就解開曬所有謎底,仲直接睇埋其他人嘅經歷,知道佢哋遭受過咩創傷。

雖然睇嗰刻覺得爽,但事後又會諗如果可以一步步咁解開謎題,故事內容會更充實。可惜冇如果。

整體而言套電影都係好睇嘅,各個角色嘅情感刻劃都好細膩。

特典映像係全糖,亦都明示主角同其他配角最後都可以得到幸福美滿嘅結局,可喜可賀可喜可賀。


[/color]

!!!上方劇透注意!!!

!!!上方劇透注意!!!

!!!上方劇透注意!!!

!!!上方劇透注意!!!

!!!上方劇透注意!!!

!!!上方劇透注意!!!

rion 發表於 2023-4-12 10:21

有時用大人的角度去睇返小朋友世界, 覺得冇咩大不了

其實, 如果佢地細個時可以得到更好的支持, 會有更好的結果

劇情都係老土野, 但係比起現在只賣畫面的新海誠, 其實更值得睇

(香港得返好少院上)

hk133 發表於 2023-4-12 22:09

[i=s] 本帖最後由 hk133 於 2023-4-12 14:18 編輯 [/i]

[quote]有時用大人的角度去睇返小朋友世界, 覺得冇咩大不了

其實, 如果佢地細個時可以得到更好的支持, 會有更好的 ...
[size=2][color=#999999]rion 發表於 2023-4-12 02:21[/color] [url=https://www.hkepc.com/forum/redirect.php?goto=findpost&pid=41648183&ptid=2692961][img]//i.hkepc.net/forum/common/back.gif[/img][/url][/size][/quote]


    兩套電影各有各好嘅,呢套嘅劇情冇咁大眾化,少人睇都正常,自然戲院都唔敢開咁多場。

    同埋套戲宣傳上係話推理/解謎,但結果係拋個波畀觀眾,收埋啲線索喺劇情入面等觀眾去發掘、推理,到最後由主角開估,但其他角色就冇乜點參與個過程,係有啲可惜。如果好似 虛構推理 咁,由主角去主導成個推理嘅過程,其他角色都參與推理,應該會有趣好多?我覺得。

0186 發表於 2023-4-17 16:57

[i=s] 本帖最後由 0186 於 2023-4-17 17:03 編輯 [/i]

[b]回覆 [url=https://www.hkepc.com/forum/redirect.php?goto=findpost&pid=41648183&ptid=2692961]3#[/url] [i]rion[/i] [/b]

復活節假後有明顯加場, 我都剛好4月16號先睇完
我係v walk睇, 開映前一個鐘見只賣出3-4張, 開場前再望有近20日左右

睇返當日其他場, 其實都算多院都有, 但時間就麻麻, 平日更只有中/下午場較多

套電影非常建議有心讀/做學校社工既朋友睇, 雖然是童話,  雖然是動畫, 雖然是科幻, 但真的很寫實 (日本/香港)

rion 發表於 2023-4-18 13:38

[quote]回覆  rion

復活節假後有明顯加場, 我都剛好4月16號先睇完
我係v walk睇, 開映前一個鐘見只賣出3-4張, 開 ...
[size=2][color=#999999]0186 發表於 17/4/2023 16:57[/color] [url=https://www.hkepc.com/forum/redirect.php?goto=findpost&pid=41656494&ptid=2692961][img]//i.hkepc.net/forum/common/back.gif[/img][/url][/size][/quote]


個故事係因為當事人經歷過, 所以先做輔導去幫返其他小朋友

在同一城市, 唔同的時間, 去幫返自己以前的朋友

但係現實, 好多時都係當打份工, 要 KPI 快D CLOSE CASE

0186 發表於 2023-4-18 16:30

[i=s] 本帖最後由 0186 於 2023-4-18 16:31 編輯 [/i]

[b]回覆 [url=https://www.hkepc.com/forum/redirect.php?goto=findpost&pid=41657850&ptid=2692961]6#[/url] [i]rion[/i] [/b]

在同一城市, 唔同的時間, 去幫返自己以前的朋友: 應該只有喜多嶋
因為當事人經歷過, 所以先做輔導去幫返其他小朋友: 喜多嶋

我都明現實係"打份工", 但希望再次睇返鏡之孤城, 令學校社工有返熱誠都好既

好多時現實是學生會信社工多過朋友/家人, 可能一dd,亦好多時因為是 "過來人" 會更加易去處理及與學生有同理心

我睇鏡之孤城既時候, 喜多嶋好有地獄少女-閻魔愛既感覺

0186 發表於 2023-4-20 14:58

開始睇返小說, 聽聞今次劇場版好似有唔少部份cut走左
小說既編排有d唔同, 也同劇場版一樣以月做一個章節

0186 發表於 2023-4-27 17:03

(瘋狂老爹)原作小說細節補充
[url]https://www.youtube.com/watch?v=sf6kypYyjqw[/url]

kaxman 發表於 2023-5-22 14:30

[i=s] 本帖最後由 kaxman 於 2023-5-22 14:34 編輯 [/i]

Original Soundtrack 入手

[attach]2373649[/attach]
[attach]2373650[/attach]
[attach]2373651[/attach]
[attach]2373652[/attach]

頁: [1]

Powered by Discuz! Archiver 7.2  © 2001-2009 Comsenz Inc.