[操作疑難] (5# 算係半解決)無線 Mouse 靈異事件

C_Law

話說，我有部 Notebook，睡房又有部 Desktop 電腦，有時會帶埋部 Notebook 入睡房，同時開著兩部機用。

部 Desktop 無藍牙，用 2.4GHz 無線 Mouse(相中黑色)，本來用有線 USB Keyboard。


部 Notebook 就用藍牙的 Keyboard(3模，無 NumPad 短身)，以及藍牙 Mouse(相中白色)，隻 Mouse 係大約兩年前去開 SSP，係福仁個雜貨場求其買，無包裝，得個透明袋裝住，貨架註明係齋藍牙。

但兩部機同時用，好難將兩個 Keyboard 放埋落電腦檯，於是今年初又買了以下連 NumPad 的 3 模 Keyboard(這 Keyboard 可以同 Mouse 一套買，但我只買 Keyboard，個 2.4GHz 接收器係 Keyboard 和 Mouse 共用)，我將這個新 Keyboard 經 2.4GHz 接收器駁 Desktop 用，Notebook 就經藍牙連線，Mouse 就照舊分開 Desktop 用黑色，Notebook 用白色。大約用了兩個零月都正正常常。


但前晚用用下，忽然發現本來連線去 Notebook 的白色 Mouse 無反應，移動隻 Mouse 時見  Notebook 的 Mouse 箭嘴無跟住移動，關閉隻 Mouse 的開關掣再重開，Notebook 都仍然無反應。但「立下眼」望去 Desktop 個 Mon 竟然見到箭嘴會跟住隻白色 Mouse 移動！！ 不過前晚趕住瞓覺，無理到就熄機瞓覺。

昨晚再次開住兩部機一齊用，同樣的問題，繼續出現，明明部 Desktop 無藍牙，買隻白色 Mouse 時又聲稱係齋藍牙，但竟然部 Desktop 對白色 Mouse 有反應！！

斷估，隻白色 Mouse 本身也是 3 模，只係福仁個場無跟埋個 2.4GHz 接收器，於是當齋藍牙 Mouse 去賣。而新 Keyboard 個 2.4GHz  本身可以同 Mouse 共用，但不知為何忽然間會連到隻白色 Mouse！

不過，奇就奇在，照計 2.4GHz 的無線 Mouse 出廠要跟個接收器配埋一對先至用得，就算同款，都不是任可一個接收器都可同任何一隻 Mouse 連線。新 Keyboard 買返來用了兩個零月一直都正常，不知為何由前晚起會連接到隻白色 Mouse！？

目前情況係，如果先開著 Desktop，一開白色 Mouse 開關掣就會連到去 Desktop，如果部 Notebook  想經藍牙連線去白色 Mouse，一係將新 Keyboard 個 2.4GHz 的接收器拔除，然後係 Notebook 經藍牙向白色 Mouse 連線；又或者將 Notebook 和 Mouse 帶出廳，超出個 2.4GHz 接收器的接收範圍先至可以連線。

不過就算白色 Mouse 經藍牙連到去 Notebook，一旦返入房，如果長時間無用 Mouse 令它 Timeout 自動熄，再開返隻 Mouse 又會只係連線到 Desktop！

有無人遇過這問題！？有無得同個 2.4GHz 接收器解除連線？

試過入 Desktop 的裝置管理員，係屬於同 Keyboard 共用 2.4GHz 的 Mouse 上 Right click 揀停用，移動白色 Mouse 時，Desktop 的箭嘴的確無跟住移，但係隻白色 Mouse 的燈號仍然顯示已連線的狀態，Notebook 仍然係不能經藍牙連線到白色 Mouse。 斷估係裝置管理員內停用，只係  Windows  不理來自 Mouse 的訊號，但硬件上，個接收器仍然同隻 Mouse 連線。

chpyeung

隻白色 mouse 會唔會有個 connect 掣? 試下長按有冇可能切換其他mode?

C_Law

隻白色 mouse 會唔會有個 connect 掣? 試下長按有冇可能切換其他mode?
chpyeung 發表於 2025/5/13 18:27

講聲唔該先˜˜˜

隻白色 Mouse 有五粒掣，正面的：左、中(轆)、右、DPI。再加 Mouse 底有粒電源開關掣。

當隻 Mouse 連上 2.4GHz 時，試過正面 4 個掣的任何兩個掣長按組合，但係都無得轉去 BT mode。

Google 下，原來當這隻 Mouse 粒開關掣係 Off 時，同時 Hold 住右和中掣，然後繼續 Hold 住的去開個開關掣，隻 Mouse 就會同附近已開著的 2.4GHz 接收器配對。

可能前晚無意中按住這兩個掣去撥個開關掣，搞到隻 Mouse 同個新的長身 Keyboard 粒 2.4GHz 接收器配對，結果，以後如果先開著 Desktop 再開白色 Mouse，就會以 2.4GHz 方式連線去 Desktop。

我心諗，我另外有個短身三模 Keyboard 都有個 2.4GHz 接收器，但這個短 Keyboard 從來不用接收器，我以為只要將隻 Mouse 同短 Keyboard 接收器配對，就可解除同長 Keyboard 接收器的配對。

於是試試拎部 Notebook 出客廳(超出房部 Desktop 接收器的範圍)，插了短 Keyboard 接收器去  Notebook，再關上 Notebook 的藍牙。先試下開著白色 Mouse，但無反應(正常，因為 Notebook 已關閉藍牙)。於是進一步關上 Mouse 開關掣，Hold 住中和右掣去開個開關掣，結果成功同短 Keyboard 個接收器連線。

不過，當我熄了隻 Mouse 後把它拎入房再開掣，隻 Mouse 仍然會同 Desktop 個長 Keyboard 接收器連線。再熄 Mouse 拎出廳再開，又同插住係 Notebook 的短 Keyboard 接收器連線！ 如今隻 Mouse 無論同長或短 Keyboard 接收器都可以連線！   

Google 再搵，但搵來搵去都不見有解除配對的方法，睇怕我都係要另外買過隻藍牙 Mouse。要真正「齋藍牙」的 Mouse。

via HKEPC IR 5.1.14 - Android(5.1.2F)

top8man

拼多多買mouse 可以好平，三日內都免運送到香港了，就買隻試下囉。

C_Law

進行配對方式：
隻白色 Mouse 係 Power off 時 Press & hold 中和右掣去 Power on 就會向附近同款的 2.4GHz 接收器進行配對。

一旦成功配對，以後只要駁住接收器的電腦已 Power on，再 Power on 隻 Mouse，或者本來隻 Mouse 已閒置到進入 Standby 然後是但按 Mouse 掣去 Wakeup，只要隻 Mouse 係 Power on 或 Wakeup 的一刻感應到這個 2.4GHz 接收器，就會首先以 2.4GHz 模式連接。

這方法可算是萬試萬靈(當然，個接收器要係同款)，就算偶然一次不成功，只要即刻做第二次就會成功，未試過需要做到第三次。

---

解除配對方式(不太肯定)：
當駁住接收器的電腦已開著，隻 Mouse 亦已開著並正在以 2.4GHz 模式連接到接收器，Press & hold 中和右掣去 Power off 隻 Mouse。之後關閉電腦並移除接收器，重開電腦(如果這電腦本身無藍牙，就去開另一部有藍牙的電腦)，Boot 完機後開著隻 Mouse，等部電腦的藍牙連線去隻 Mouse。成功以藍牙連線後可以關閉電腦。插返個接收器去電腦然後再開機，Boot 完機後 Power on/Wakeup 隻 Mouse，隻 Mouse 就(可能)不會再以 2.4GHz 模式連接到這接收器。

之所以話(可能)、(不太肯定)，因為這方式不是 100% 成功，而且成功率都幾低 ，可能重複做十次先至有一兩次係成功。

只有一點幾肯定係當隻 Mouse 正在以 2.4GHz 模式連接去電腦時要 Press & hold 中和右掣去 Power off 隻 Mouse，這個步驟似乎係必需。

至於為何成功率好低，或者同 Press & hold 的長短時間有關！？或者隻 Mouse 太舊，本身中和右掣 Bad contact，就算我 Hold 住都可能中途斷過！？又或者重有其他原因！？因為我反覆試過好多次，可能有時 Press & hold 的時間長，有時時間又比較短，試得太多次，我都不記得成功的時候究竟係 Press & hold 幾長時間。

總之，目前已將隻白色 Mouse 同長、短兩個 Keyboard 的接收器解除配對。不敢再試清楚解除配對的方法啦，難得已經同兩個接收器都解除配對，費事再去配對去再試解除方法，萬一配對後又解不開就即係搵自己笨。

C_Law

其實係搵到 5# 的解除配對方法之前，已打定輸數，逃了隻 Mouse 返來，不過又玩緊個 DIY project，邊設計邊逃零件，越逃越多，剛剛周末先至一次過集運來香港。

今次隻 Mouse 背面 Power 掣係分三格，中間 Power off，一頭一尾分別係行 2.4GHz 及 BT，可以人手隨時揀用那一種連線模式，不會好似我原本隻白色 Mouse 那樣一有 2.4GHz 就轉不到去 BT。

收到隻新 Mouse 想試下可否好似白色 Mouse 那樣配對去其他 2.4GHz 接收器，希望可以同個長 Keyboard  用埋同一個接收器，令部 Desktop 電腦空出一個 USB port，但試了不同的按掣組合去 Power on 隻 Mouse 都改不到，唯有放棄。

今次隻銀色 Mouse 用落都幾好，拿出背面的接收器可以見到粒螺絲，拆走它就可以輕易打開個上殼，入面見到粒 14500 的 3.7V 1.11Wh 充電，粒電係放係電池座，將來粒電老化都可以輕易換電。









15 人仔有找的逃佬貨，就當係多隻後備 Mouse。