作者: chue 時間: 2022-9-11 07:43 標題: 拜登：晶片發展須追趕華
拿,今次唔係簡體字啦,你睇東方日報幾大膽
拜登（左二）出席晶片工廠動土儀式。
出席俄州工廠動土 強調美國製造
美國總統拜登上周五到俄亥俄州新奧爾巴尼市出席晶片工廠動土儀式，期間表明先進晶片除了用於商品外，對生產先進武器亦極為重要，但形容現時在美國生產的先進晶片是「零」，因此必須加快發展以趕上中國。
英特爾晶片工廠耗資200億美元（約1,560億港元），可以創造7,000個建築職位，投產後能夠提供3,000個全職崗位。拜登說：「這一切都符合我們的經濟利益，也符合我們的國家安全利益，工業化的中西部又回來了。」民主黨過去兩屆總統選舉均輸掉俄亥俄州，拜登向當地加大發展意欲爭取當地選民支持。
指華游說美企反對法案
拜登提到過去30多年，美國佔全球晶片生產總量超過三成，但作為美國經濟支柱的製造業後來出現變化，企業把職位搬到海外，在中西部工業區最為明顯，即使美國在晶片研發及設計領先全球，但今時只佔全球晶片生產總量大約一成。他指有必要在美國製造晶片，才能夠降低每天的生產成本及創造好的職位。
中國、日本、南韓、歐盟均投資數百億美元吸引晶片生產商設廠，但拜登聲言業界還是選擇美國，「因為他們見到美國回來了，美國一路領先」；又稱「俄亥俄州製造及美國製造不再只是口號，它正在發生，在今天成為現實」。他提到上月簽署國會通過的《晶片與科學法案》，指法案提升美國科技競爭力。
拜登指中國試圖在生產先進晶片方面超越美國，中國曾經積極游說美國企業反對《晶片與科學法案》，「你想在我們國家做生意，就不要在那裏做生意」。他強調美國必須在生產先進晶片方面領先全球，表明將確保拿取聯邦資金、即納稅人款額的企業不會掉轉槍頭，在中國投資削減美國的供應鏈及國家安全。
印太經濟會議加州落幕
另一方面，由美國主導、被指針對中國的「印太經濟框架」部長級會議上周五在加州洛杉磯落幕，美國與其他13個印太國家就框架的4大支柱，即數據流動和勞工權利、供應鏈復原力、綠色能源和環境標準、反貪及稅務措施達成共識。美國商務部長雷蒙多表示，此次會議有助提振夥伴國家的投資及就業機會。本報綜合報道
原文網址：拜登：晶片發展須追趕華 | 東方日報 | 兩岸國際 https://orientaldaily.on.cc/cont ... 911-0911_00180_041/
作者: 掃馬想機 時間: 2022-9-11 11:07
拜登外行人，垮大其詞，老實講，中国晶片從來都無超越過美国，美国何來落後
作者: rabbit82047 時間: 2022-9-11 11:30
本帖最後由 rabbit82047 於 2022-9-11 11:36 編輯
拜登外行人，垮大其詞，老實講，中国晶片從來都無超越過美国，美国何來落後 ...
掃馬想機 發表於 2022-9-11 11:07
美國一早就生產空洞化, 計生產量實質上係落後無錯
係近幾年Intel 俾 3*, 台積電係製程超過之後, 美國就只剩設計唯一一個優勢
所以最新策略係搬台積電去美國, 反正台灣政府高度配合, 隨時附送埋日月光
3*有南韓政府出頭難D
作者: ~Mars~ 時間: 2022-9-12 10:27
美國一早就生產空洞化, 計生產量實質上係落後無錯
係近幾年Intel 俾 3*, 台積電係製程超過之後, 美 ...
rabbit82047 發表於 2022-9-11 11:30
當年納粹黨都認為美國只係做到一般商品，做唔到德式精密軍工
結果42年一開動全面戰時經濟即刻碾壓德國小店式工業
更何況，所謂製程落後TSMC，其實唔差幾遠。美國（或者應該話係目前領導企業）最大優勢係行業標準話語權, 睇Intel graphics 屢戰屢敗就知咩事。
作者: rabbit82047 時間: 2022-9-12 10:53
回覆 4# ~Mars~
好玩既係, 今次搵台積電去美國"投資", 係要台積電自己請埋工程師去美國就業
以美國既生產成本, 3*, 台積電去美國, 根本就係商業自殺
戰時經濟, 就係戰時先適用, 平時唔通搵律師, 教師, 醫生, 金融才俊去工廠揼石仔?
作者: alanh999 時間: 2022-9-12 11:39
Glad to know that China will overtake USA in semiconductor industries soon!
作者: Q-Q 時間: 2022-9-12 13:51
提示: 作者被禁止或刪除 內容自動屏蔽
作者: sonichkhk 時間: 2022-9-12 14:39
回覆 5# rabbit82047
台積電冇話語權如果吾去美國"投資"怕美國禁佢光刻機一樣死
作者: hpdeskjet3325 時間: 2022-9-12 16:39
台積电 変 美積电，呆湾理应可以慢慢玩，会攞到好多嘢返来，但佢哋政府冇咁做。赔了夫人又折兵。睇吓菲律宾，啊三，呢玩得几咁出色。
作者: O人 時間: 2022-9-12 21:10
提示: 作者被禁止或刪除 內容自動屏蔽
作者: kenken33 時間: 2022-9-13 00:56
本帖最後由 kenken33 於 2022-9-13 01:00 編輯
美帝生產大國,已經係二戰時代既遺物,實質產物,早就隊哂出去世界工廠生產
一個疫情,=水退左,先見自己冇著底 ...
Q-Q 發表於 12-9-2022 13:51
口罩生產呢類低階野呢間唔賣咪同第二國第二間買何來被人渣住個袋袋
藥廠呢類專利高科技研發就真係渣住全世界個袋袋，好似特效口服藥咁藥廠賣幾千蚊一粒你香港咪又係要同人買。
三星台積電制程係先進又如何，美國一下令禁令唔比賣有包含幾多%佔比美國技術既產品咪只能照跟。
作者: rabbit82047 時間: 2022-9-13 08:10
回覆 11# kenken33
口罩係低階產品，但都係疫情中既必需品
你都識講美國玩開高附加值既產品，咁d"低階"必需品自然就要搵人生產
美國係可以搵第二個國家買，但呢幾年貿戰既結果好似唔多支持呢個觀點啵
貿易逆差比貿戰之前仲擴大左，頂住25%或以上既關稅都要買中國貨，有d難明囉
作者: Dcup 時間: 2022-9-13 12:28
回覆 kenken33
口罩係低階產品，但都係疫情中既必需品
你都識講美國玩開高附加值既產品，咁d"低階"必需 ...
rabbit82047 發表於 2022-9-13 08:10
物流鍊獲曬，有貨就要買，你睇比例高，但實際收貨個量唔夠以前的，個數據好多原因做成中國貨咁高.....
作者: kenken33 時間: 2022-9-13 13:17
本帖最後由 kenken33 於 2022-9-13 13:24 編輯
回覆 kenken33
口罩係低階產品，但都係疫情中既必需品
你都識講美國玩開高附加值既產品，咁d"低階"必需 ...
rabbit82047 發表於 13-9-2022 08:10
依家咪一地都係口罩死貨求售，covid19口罩不是必需品，加上就算一般平民要自制布口罩好簡單，當時環境係人地主流人群唔肯戴口罩多於真係因為完全冇口罩而戴唔到。醫護n95一樣可以消毒重用，而且經過幾年來結果依家係人都知戴口罩一樣會中，香港人日本韓國人平時唔戴口罩咩，咪一樣爆到九彩。必需品反而係疫苗，有效降低死亡重症率。
作者: rabbit82047 時間: 2022-9-13 14:12
回覆 14# kenken33
口罩只係一個例子，中國出口美國既"低技術"產品又唔係得口罩一項，中高技術你當無啦
唔需要咁執著喎
單睇中美貿易逆差，比美日貿易總額仲要大，就知兩國既互補性有幾強
簡單講句低技術，容易替代，咁點解替代左幾年仲未替代到？
德國福士，巴斯夫最近都加大左中國投資
仲要係德國政府表明唔做融資擔保之下進行
咁係一個則面就表明中國市場既重要性，在地生產有佢既必要性
美國覺得唔需要中國市場，可以繼續制裁，結果係點可以慢慢睇
作者: OLD-XEON 時間: 2022-9-13 17:01
以前個鬼佬老闆家族係美國開廠, 後來都摺晒做返行~佢話開廠最大問題係要應付D工會~
作者: kenken33 時間: 2022-9-13 17:20
本帖最後由 kenken33 於 2022-9-15 11:11 編輯
回覆 kenken33
口罩只係一個例子，中國出口美國既"低技術"產品又唔係得口罩一項，中高技術你當無啦 :hah ...
rabbit82047 發表於 13-9-2022 14:12
成本計落有錢賺美國政府又冇禁止投資低科技產業商家佬點解要急住換先，依家係因為仲有錢賺所以唔轉而唔係某d講到低階品係揸住人袋袋。正如一件衣服咁當係中國製成本係12蚊，越南成本係10蚊，加完25%當你美國廠食晒都只係15蚊，但件衫零售價講緊賣百幾二百蚊起一件。而且實際為左留住客戶中國廠方通常都係硬食大部分關稅因為處於低技術下把位，議價能力不及美方，高優勢方只需負擔小部份甚至完全不用負責新增關稅，咁係越南設新廠中短期成本係高過唔搬廠咁咪唔搬就係咁簡單，商人當然要賺盡，而唔係某d人講到冇左中國美帝就買唔到衫會冇衫着裸體
作者: hpdeskjet3325 時間: 2022-9-13 18:33
财經佬話係美国商家硬食關稅喎(大部份额至全部關稅)，唔係中方賣家，最終關稅將轉至美消费者。關稅对美商家不利，所以想降關稅，但美no.1人物唔肯減，驚得罪美工会，失選票。
作者: rabbit82047 時間: 2022-9-14 08:20
回覆 17# kenken33
中國又無打算揸住邊個個袋袋，產品生產出黎就係要賣
就好似最近既鈷釤合金，一樣都係隨便買，只不過美國唔知道點解立左法唔準買
要唔要豁免，定係換材料都係美國自己既事，因為咁延遲出貨就閣下自理
反正產品既影響力係要有人買先有影響力，禁止買賣只會令果件產品失去影響力
話說美國受影響果樣最終產品好似係識隱形既
作者: kenken33 時間: 2022-9-14 09:27
本帖最後由 kenken33 於 2022-9-14 09:29 編輯
财經佬話係美国商家硬食關稅喎(大部份额至全部關稅)，唔係中方賣家，最終關稅將轉至美消费者。關稅对美商家 ...
hpdeskjet3325 發表於 13-9-2022 18:33
財演都要搵食，「搵食啫，犯法呀」
你睇下佢地做間公司係乜背景就知。財演樣樣講真樣樣中呢個世界冇窮人佢自己都唔駛做演財賺夠退休 (财經佬話係美国商家硬食關稅喎) 咁幾百間公司CEO同美國政府申請要求保留懲罰性關稅係咪燒壞腦,
美國貿易代表署（USTR）發表聲明指出，接獲超過三百五十家美國企業的四百多件要求保留對中國商品懲罰性關稅的請求，因此不會終止該懲罰性關稅，但會進行檢討。該署還說，接下來的步驟包括聽取利害關係人對此的進一步評論，以及考慮「這種行動在達成其目標上的效果」。聲明中未進一步說明時程或細節，但稱拜登政府可能會就此做改變，以及在最後定奪時會考量該關稅行動是否影響包括消費者在內的美國經濟。
美國前總統川普在二○一八年發動貿易戰，先後對價值約三千七百億美元（約十一．三兆台幣）的中國進口商品課徵七．五％到廿五％的懲罰性關稅，原本分別於今年七月六日與八月廿三日到期。拜登上台後對中國關稅措施啟動四年一度的審查，徵求美國國內利益相關者的意見，最後美國貿易代表署收到四三四件延長關稅請求，理由包括該措施能促使中國政府停止特定有害政策與作為、讓美企得以與中國進口商品競爭，投資新技術、擴展國內生產，與僱用額外勞工；此外，懲罰性關稅能讓美國掌握更多籌碼，促使中國廢除不當政策與措施，也有助解決中國技術轉移政策導致的不公平競爭。
作者: antlee 時間: 2022-9-14 10:33
回覆 kenken33
中國又無打算揸住邊個個袋袋，產品生產出黎就係要賣
就好似最近既鈷釤合金，一樣都係隨便 ...
rabbit82047 發表於 2022-9-14 08:20
無打算揸住 => 應該譯作"只要有, 終有一日會揸住"
產品生產出黎就係要賣 => 望住[俄羅斯燒gas都唔賣天然氣俾德國]就明白
禁止買賣只會令果件產品失去影響力 => 禁運/禁用華為network product就係呢個道理(network backdoor)
作者: rabbit82047 時間: 2022-9-14 13:58
本帖最後由 rabbit82047 於 2022-9-14 14:26 編輯
無打算揸住 => 應該譯作"只要有, 終有一日會揸住"
產品生產出黎就係要賣 => 望住[俄羅斯燒gas都唔賣天然氣 ...
antlee 發表於 2022-9-14 10:33
既然你提到俄氣，咁就補充下，俄羅斯目標就係黎緊既冬天
歐洲班領導人過唔過到冬天就睇今次，過多幾年核電起左，或開發到其他供應源，就效果不大（難度都唔細）
歐洲各國如果態度唔改變，歐俄最終就只會分道揚鑣
仲有一個有趣位，就係俄油既價格上限，買家仲可以定個上限價，直接禁買俄油咪算，限價仲想人賣你，真心有趣
今個冬天有戲睇，為左場無意思既戰爭，無視俄羅斯係歐洲國家之一，迫到對方埋牆角
分明就係自制敵人，多過佢地聲稱既歐洲安全
至於美國既制裁措施，長遠唔會有效果，因為美國國力係支持唔到咁既措施
唯一會出事係台海，玩過左火位係會出事
放長雙眼慢慢睇，急唔黎
作者: hpdeskjet3325 時間: 2022-9-14 15:18
既然你提到俄氣，咁就補充下，俄羅斯目標就係黎緊既冬天
歐洲班領導人過唔過到冬天就睇今次，過多幾年核 ...
rabbit82047 發表於 2022-9-14 13:58
欧盟个主席馮德萊恩，会就开完，完全無题到油価上限。根本唔work，俄唔賣，呢个上限又有乜意義，打咀炮就得。
作者: hpdeskjet3325 時間: 2022-9-14 15:25
本帖最後由 hpdeskjet3325 於 2022-9-14 15:28 編輯
美降唔降关稅，係美嘅事，唔关中国事，中国唔急，苦係美国人民。美只係想係中国攞好多着數，跟住可以有理由降啲民用物品关稅，正一又要威，又要戴头盔。変數睇美中期選舉。
美啲政策好短视，机場入唔到25大，拜拜就即刻话俾六千几億美元翻新机場，嗰啲啲錢，都唔知夠唔夠一个机場用。
作者: kwok-hk 時間: 2022-9-14 22:15
美國由蘇聯開始都係鐘意自貶,由反法西斯到反蘇反日本反華都話自己得個樣
作者: antlee 時間: 2022-9-15 01:19
既然你提到俄氣，咁就補充下，俄羅斯目標就係黎緊既冬天
歐洲班領導人過唔過到冬天就睇今次，過多幾年核 ...
rabbit82047 發表於 2022-9-14 13:58
俄氣就是你講的"揸住邊個個袋袋"嘅行為, 做得一次就以後都會做. 如果低頭就以後被人撳住搶
綏靖主義嘅代價就係WW2
想一勞永逸只能解決源頭, 尤其是想要"長久的和平"而非"虛偽的和平"
呢場戰爭對世人意義重大(揭露真實軍力/國際組織失效/etc.)
至於台海...地理上係美國的"袋袋"(船運航線)...
如果會發生戰爭, 就只係"綏靖主義(基辛格ver.)嘅代價"而已
作者: rabbit82047 時間: 2022-9-15 08:35
回覆 26# antlee
無意思係因為佢本身可以避免，亦無必要發生，但因為某國操作，所以佢發生左
既然都發生左咁就以某國目標計，俄國以完全失敗告終
結果就會係歐俄同美俄既長期對立，點解要歐俄同美拆開講？
因為兩者成本同代價唔同，美國本身資源豐富，美俄對立對美國影響不大
但歐洲唔同，能源只能依靠入口，歐俄對立就代表歐洲排除左一個穩定而又低成本既供應源，能源成本必然上升
長期黎講就會造成競爭力下降
講到咁，應該都幾清楚
作者: jonahl 時間: 2022-9-15 09:25
回覆 27# rabbit82047
唔想對立，就由得俄國佔領烏克蘭，之後把全球其中一個大精倉比埋俄國。
之後又唔想對立，比埋波羅的海三國佢。
作者: rabbit82047 時間: 2022-9-15 09:47
回覆 rabbit82047
唔想對立，就由得俄國佔領烏克蘭，之後把全球其中一個大精倉比埋俄國。
之後又唔想對 ...
jonahl 發表於 2022-9-15 09:25
你有咁既理解，好明顯就係唔知北約係個咩組織，同佢係呢場戰爭既角色
以上幾點如果你唔先了解，就唔會理解我點解話呢場戰爭係可以避免同無必要
反正離題太遠，就唔展開
完
作者: antlee 時間: 2022-9-15 11:02
你有咁既理解，好明顯就係唔知北約係個咩組織，同佢係呢場戰爭既角色
以上幾點如果你唔先了解，就唔會理 ...
rabbit82047 發表於 2022-9-15 09:47
咁首先就係所謂"北約東擴" 實則 "俄將前華沙成員推向西方"的認知問題
現時結果就係搞到本來中立的芬蘭都要入北約...
俄特使據報曾在開戰時與烏方達成不加入北約協議 遭普京拒絕
https://rfi.my/8jym
https://twitter.com/Reuters/status/1569944420438384641
作者: minibanana 時間: 2022-9-15 12:09
本帖最後由 minibanana 於 2022-9-15 12:28 編輯
拜登外行人，垮大其詞，老實講，中国晶片從來都無超越過美国，美国何來落後 ...
掃馬想機 發表於 2022-9-11 11:07
人地講緊晶片生產線, 中國某程度上的確超越左美國, 因為中國係工業晶片上可以自給自足, 而且呢個市場先係最大, 反觀美國做唔到, 需要人地D生產線, 如果唔係, 美國都唔會想騎劫台積電過去啦, 美國一直食緊老本科研專利, 依家比華為趕超訂立中國標準, 到時老本都無埋仲趁早打壓咩。
其實邊個先制定標準, 邊個就食到科研專利條大水, 唔係話中國無能力制訂標準, 只係美國標準先行, 所以人地要跟佢, 新標準係好難上到軌, 正如你用開windows, 忽然有個新系統、新標準、新協議, 你都唔識用、唔會用、唔兼容。
美國幾十年前秘密會議已經打算制定環保標準要全世界跟佢, 達唔到標準就高利貸借錢比你搞環保, 否則制裁或者攻打你, 根本就係借環保名義去收割其他國家, 因為發展中國家必然會面臨環保問題, 而且破壞環境既野, 美國早已經判曬出去比其他國家做, 污染人地地方, 自己只享受成果, 所以美國達標係食生菜。
好在中國早就知佢如意算盤, 早就發展各項綠色能源, 所以美國點解咁驚中國, 要利用香港同台灣。
最近美國2黨爭鬥, 其中一黨大搞環保, 另一黨為左攻擊對方, 話對方「太環保」而列入商業黑名單, 呢個美國係神係鬼, 大家有眼見
作者: Albeniz 時間: 2022-9-15 12:28
拜登外行人，垮大其詞，老實講，中国晶片從來都無超越過美国，美国何來落後 ...
掃馬想機 發表於 2022-9-11 11:07
拜登雖然是外行人，但他手下有很多行內專家。
中国晶片現時有無超越美国，中国晶片在可見未來是否超越美国，這點我相信拜登絕對比你清楚。
作者: hpdeskjet3325 時間: 2022-9-15 13:37
人地講緊晶片生產線, 中國某程度上的確超越左美國, 因為中國係工業晶片上可以自給自足, 而且呢個市場先 ...
minibanana 發表於 2022-9-15 12:09
碳排放問题，發達国家/有錢国家 向 落後/無錢国家 用錢買碳排放權，即係發達/有錢国家 可以繼續碳排放享受生活/發展，即係佢哋嘅減碳排係假議题。