標題: 請問點樣可禁止某WIFI手機用家使用我網絡? [打印本頁]

---

作者: 光波爐    時間: 2019-2-25 14:50     標題: 請問點樣可禁止某WIFI手機用家使用我網絡?

本帖最後由 光波爐 於 2019-2-25 15:02 編輯

大家好，本人經營商場小店，自己申請 WIFI 使用，隔離有個大戶上海佬，黐左我免費 WIFI 近兩年，茶都冇杯請過我飲，成日仲要我請佢飲茶，講野又尖酸刻薄，剛剛仲話要買個 IP CAM 要我幫佢裝，意思係要用埋我 WIFI 接駁。但我話我生意不景，做埋呢個租約期就結業停止，佢聽到之後臉色即轉，語氣開始不忿句句有骨。

佢唔止自己兩部手機用緊我 WIFI，平時事無大小有關電子產品使用，都搵我幫手好似老逢咁! 平時表現得財大氣粗但好孤寒，我客客氣氣忍左好耐終於忍唔住，感覺佢真係唔識分莊閒，我成日免費幫佢做嘢，飲襯茶我都係請客，把口就話佢請去到唔願拔鎗!

我尚有半年寬頻合約，而我用係 TP-LINK C750 Archer C2 Router，請問我從 Router 內容搵到 MAC  及 IP，點樣去封鎖佢唔俾佢用? 到時我相信佢會走嚟呱呱嘈，我就幫佢扮研究下部手機，之後話都搵唔出原因，等佢自己戇居居拎手機去維修玩下佢 !

希望有師兄教我點在 Router 設定內搞?! thx

---

作者: batman911    時間: 2019-2-25 14:56

Allow the trusted mac address only

---

作者: 光波爐    時間: 2019-2-25 15:00

本帖最後由 光波爐 於 2019-2-25 15:04 編輯



sorry 我完全唔知邊一項及邊一欄設定，可否明示一些，感激師兄!

我凈係見到可接受通過 mac 設定，即係如果我有十部裝置，我就要逐一輸入設定通過，冇設定輸入就通唔過，我覺得比較麻煩! 有冇可能凈係 block 佢一部主要裝置先? 我又唔想改密碼，因為想證明我唔係刻意改密碼， THX

---

作者: retimepls    時間: 2019-2-25 15:10

樓主，不如試下修改 WiFi password 先 (等佢連唔返你個 WiFi)
如果唔想佢手機掃到你個WiFi Network，Disable 埋個 Broadcast

不過睇個勢你已經俾個上海佬食住左，明明開門做生意都要俾人佔便宜。一開始就唔應該俾人連入你個網絡，萬一 access 到你公司機密，你都冇仇報

---

作者: warrior    時間: 2019-2-25 15:13

回覆 3# 光波爐


    Allow the trusted mac address only = 佢走黎煩你
    改password  = 佢走黎煩你
有分別咩?

---

作者: warrior    時間: 2019-2-25 15:15

改password + hidden ssid  話你上網到期 唔續約都好呀

---

作者: 光波爐    時間: 2019-2-25 15:18




師兄您好，因我自己都安裝好多裝置及IP CAM，唔想拆哂落黎逐個轉換密碼，而且佢又會不斷當面煩我問我、會不斷叫我幫佢睇部手機連結，所以我唔想改密碼，主要讓佢冇懷疑下死心，當自己部手機出現匹配問題就算! 佢有兩三部手機用緊我 WIFI，我暫時只想 Block 佢主要用果部教訓下佢!

剛我搵到設定內有家長監護設定，我就將佢 MAC 號碼設定在日頭連結唔到，依家睇下佢陣間會唔會搵我麻煩!

冇計，可能我平時唔多計較，導致上海佬變本加厲，以前都同上海人打過工，確實好難頂又度縮!

先謝謝師兄解答，THX

---

作者: C_K    時間: 2019-2-25 15:21

1。WiFi SSID改名稱/密碼
2。Disable 埋SSID Broadcast
3。對外宣稱，你已經取消咗個上網服務。
4。收埋隻router去個隱秘d嘅地方，唔好俾人見到

via Nexus Device

---

作者: 光波爐    時間: 2019-2-25 15:22

剛我申請商業寬頻時，佢問我幾多錢一個月，我話二百零蚊一人一半佢唔肯。之後我自己申請左佢就當冇事，厚住面皮拎部手機過黎叫我連線，好啦我又好心幫佢! 佢就話請我飲茶乜乜物物，弊在去襯飲茶成日唔願拔鎗，叫得我去多我都唔再去了!

有次我話可能唔做，叫佢自己申請商業寬頻，咁佢自己申請左一條 P 記固網電話，佢話每月都要佰幾蚊，我話我問過我用既 HGC，商業寬頻連電話做緊優惠都係二佰多少少，點知佢一句大大聲得埋嚟：『你傻架!成兩舊水咁貴我唔會申請囉!』，我聽佢呢句個心即時好唔舒服，佢咁講即係話我本身係傻佬? 每個月交二佰蚊寬頻，分一半俾佢用咪仲傻?!

---

作者: PC147    時間: 2019-2-25 15:23

https://youtu.be/lHwtkMDYEio
慢慢同佢玩

---

作者: C_K    時間: 2019-2-25 15:25

回復 7 #光波爐

你只辛苦1次重新入SSID/password，
佢見唔到之前個SSID咪會死心，永唔會煩你囉

via Nexus Device

---

作者: jchie    時間: 2019-2-25 15:29

本帖最後由 jchie 於 2019-2-25 15:30 編輯

如果可以set到限速，佢用到但好慢，走嚟問你都可以回一句「係咩，我又唔多覺呀」

---

作者: nkwhahaha    時間: 2019-2-25 15:31

無blacklist咩？

via HKEPC IR Pro 3.5.2 - Android(3.2.0)

---

作者: peter_chan    時間: 2019-2-25 15:35




    樓主話自己都有用WEB CAM﹐好難叫位 "好鄰居" 相信。

---

作者: 光波爐    時間: 2019-2-25 15:36

大家好，先多謝大家幫忙及提供有用資料，我已搵到 2.4G 及 5G 設定內，有【無線網絡MAC管理】，我已將兩條頻道內，輸入佢主要使用手機 MAC 號碼，封鎖了!

---

作者: peter_chan    時間: 2019-2-25 15:41

將router內的DHCP Pool 較到只派1-2個﹐自己的設備就用MAC address綁死某一固定IP (DHCP 本身都有此功能)。

到時﹐外人咪只有1-2部設備連線﹐又唔會話用唔到。
這個方法﹐差不多唔會用router的資源﹐反而用QOS之類﹐就會用唔少router CPU 資源。

又唔駛逐隻IP Cam 拆出重新再set過。

再過多一兩個星期﹐連最後的一粒IP都唔派。

---

作者: retimepls    時間: 2019-2-25 15:47

唔識 say no 既後果，俾個電話就要幫你整? 如果上海佬識多少少 IT，access 左你 Network 再日日連去你 d Cam 監視你仲過癮

---

作者: jackwong717    時間: 2019-2-25 15:49

回復 15 #光波爐

我有個同事寸寸，我封佢手機pad行1Mb再寸就100Kb

Jack Wong

---

作者: super_hkg    時間: 2019-2-25 16:06

行得正做正事，叫佢科水

佢肯科水大家和氣收場，唔肯就改SSID煩一次都要

---

作者: C_K    時間: 2019-2-25 16:14


WEB CAM可以唔上網齋用SD card save 囉

via Nexus Device

---

作者: ssrhws    時間: 2019-2-25 18:25

回復 1 #光波爐

好多呢D強國朋友都係咁㗎啦.

via HKEPC Reader for Android

---

作者: 淼林焱    時間: 2019-2-25 18:38



做一次copy & paste 10個MAC address會麻煩得過佢每帶一部新機連你wifi再block佢一次麻煩？

---

作者: baby16    時間: 2019-2-25 19:22

Block 到得返56k 速度加 加每隔10Mins Renee is 斷次線

via HKEPC IR Pro 3.5.1 - iOS(2.4.1)

---

作者: rudrawong    時間: 2019-2-25 19:39

如果你唔俾佢用,佢一定煩到你HIHI

你可以選擇將佢mac address add落bandwidth restrict度, 俾10kb/s佢
佢問咩事你就話唔清楚

---

作者: tgo    時間: 2019-2-25 22:03

重可以話係佢嘅手機問題唔關你事。

---

作者: a2462    時間: 2019-2-25 22:49

睇o下佢係唔係電腦白痴, 改WIFI名再加HIDEo左個WIFI名 話佢部機搵唔到個WIFI

---

作者: EVANGELION    時間: 2019-2-25 23:03

1. 好似樓上咁，改哂D密碼之類的
2. 唔好咁林，態度強硬D

---

作者: theluxman    時間: 2019-2-25 23:38

回覆 1# 光波爐


1. Change SSID + New Password

or. Set Guess SSID , allow low usage

---

作者: 光波爐    時間: 2019-2-26 00:42

唔該樓上咁多位師兄，THX

---

作者: ericyyhk    時間: 2019-2-26 08:23



呢個方法最好, 你 block 佢佢實知, 日日見住佢實煩死你... 俾佢上啲唔上啲就最好...

---

作者: tony1608    時間: 2019-2-26 08:43

用ubnt可在controller選擇block 哪個裝置

---

作者: smartlam    時間: 2019-2-26 09:20

本帖最後由 smartlam 於 2019-2-26 09:51 編輯


我都有呢種隔離鄰舍自私友問題，但我登入 ROUTER 設定，搵極都搵唔到邊道設定限速？！

---

作者: 1203ben    時間: 2019-2-26 09:46

ching 可能你先看下TPLINK Archer C2 的MENU, 有說明PARENT CONTROL, ACCESS CONTROL, 及BANDWIDTH CONTROL
https://static.tp-link.com/1910012133_Archer%20C2_V5_UG.pdf
首先用BANDWIDTH CONTROL 限制佢上網的速度, 等佢上網慢, 求救時表示一切正常, 如果他說你的ROUTER 有問題, 你便說我用就無問題, 不如叫佢比錢買過隻新.
過多一個星期後再用ACCESS CONTROL 直頭唔比佢上網, 並每次佢來求救時就說他的電話壞, 買過台新.

---

作者: terryk    時間: 2019-2-26 10:47

本帖最後由 terryk 於 2019-2-26 10:50 編輯

理直氣壯同佢講"唔L比錢無得用"
點解自己比錢仲要怕咗佢

---

作者: jackwong717    時間: 2019-2-26 11:05

回復 34 #terryk

有d人諗法好奇怪，呢人d人少野為妙，太硬好易 奶嘢

Jack Wong

---

作者: (朗尼)    時間: 2019-2-26 11:41

同佢收番錢囉,
每部電話wifi每月$30,每次幫手$100
佢就知無免費午餐

---

作者: tiger131    時間: 2019-2-26 11:49

樓主吹水好幼稚

---

作者: jackwong717    時間: 2019-2-26 12:02

邊個西咪玩邊個

---

作者: 321    時間: 2019-2-26 13:20

回復 2 #batman911

如果係俾客用就唔好Block Mac.
用家長控制功能Block左佢上網

---

作者: wunit    時間: 2019-2-26 13:43

本帖最後由 wunit 於 2019-2-26 13:44 編輯

用MAC Address行QoS 10KB/s算啦

同哩D人鬥冇好處, 特別係舖, 搵食姐
一陣無啦啦日日有食環/消防/機電/海關上門就唔好啦 (PS: 你嬲還嬲, 千其唔好咁玩人)

1823 is your best friend

---

作者: 光波爐    時間: 2019-2-26 13:51



你憑咩話我吹水? 你份人都係網絡鍵盤戰士，現實一隻死狗!

---

作者: peter_chan    時間: 2019-2-26 17:40

本帖最後由 peter_chan 於 2019-2-26 17:43 編輯



    應該係要辛苦一次﹐拆晒自己的WEB CAM 重新設定一次﹐不過係有方法慢慢做。


首先 :

1. 更改現時使用中的SSID 及密碼﹐用全新的的SSID 名 (最好hide埋佢﹐等對方無咁易發現)及密碼(唔好再用舊密碼﹐以免比對方撞中)。

2. 開啟 GUESS WIFI 功能﹐並且把SSID 改做原本的SSID名及原本的密碼。

完成1 & 2之後﹐你的設備就會同對方一樣﹐用晒guess wifi。
不過﹐可以如常上網的。

3. 就係將自己的設備﹐慢慢改番晒自己使用的SSID﹐即係新改名的一個。

4. 當全部設備改晒之後﹐樓主就做到二個效果。一是對方唔可以再access到你的設備﹐二是可以再進一步設定﹐令佢減少使用你的wifi的意欲。


5. 將guess wifi 做更多的設定﹐可以限速﹐可以限使用時間﹐可以限指定時間再可連線。

當中用限速最好﹐因為對方點都用到上網﹐只係慢一些﹐唔會過來煩樓主。

至於限幾多﹐就樓主慢慢玩啦﹐初時set 1M﹐之後才慢慢收緊﹐但不宜慢過0.5M。

其他設定會令對方上唔到網﹐到時就會煩樓主。


做完以上頭4點之後﹐日後就唔好做傻仔﹐亂比wifi別人用。
就算比﹐都係比 guess wifi ﹐千萬不要比自己network的一個別人使用。
這是最基本的保安問題。


* 以上做法已經google過﹐樓主的router本身已經有齊這些功能。

---

作者: peter_chan    時間: 2019-2-26 17:53




    比客用﹐當然係直接用guess wifi啦。

guess wifi 是否設定限速限時係後話﹐保安才是最重要。

---

作者: 光波爐    時間: 2019-2-27 00:56

我一話就摺唔做，佢即刻變臉，好多年隔離鄰舍相敬如賓態度，180度逆轉句句串我，我都唔使同佢客氣已黑面，我已先 Block 佢主要手機，不過預左佢會扮傻問我，我就會話：『我呢輪都係咁，有時收到有時收唔到，有時連到線有時又連唔到，斷得好頻密，我幫你睇下啦，你得閒 reboot 手機試下啦!』

---

作者: mcdull    時間: 2019-2-27 02:13




不要限制佢, 否則佢都係來同你反面. 你set QoS將佢啲機 priority 較到最低就ok.
打開門口做生意, 唔好鬥氣. 只會輸.

---

作者: 光波爐    時間: 2019-2-27 10:55




但我租約都就滿離場，私底下同佢都冇來往，加上佢知我唔做態度180度轉變，平時已經扮老屎忽串生哂，今次仲踩到我地底泥，我先忍左咁多年先咁嬲 !    

其實我個位係分店，自己本身仲有一個旺區商場位，見今年分店生意差左先唔租，凈番主場老鋪繼續做而已，並唔係摺哂全部 ! 我覺得上海佬本身都係孤寒架啦，唔係歧視...我認識上海人都係咁度縮 ! 佢見我退租唔再俾免費 WIFI 佢用就唔開心，可能一時之間佢就反臉，冇諗過自己會反應咁大講野咁過份而已!

---

作者: kaitou    時間: 2019-2-27 11:08

提示: 作者被禁止或刪除 內容自動屏蔽

---

作者: peter_chan    時間: 2019-2-27 11:26




    即係你仲有另一間鋪啦。

你在明﹐佢在暗。

只要對方得悉你仲有另一間鋪﹐佢有心玩野係可以玩你另一家鋪的。
上面都有人講啦﹐1823係好幫手﹐得閒話你懷疑消防有問題﹐話你請非法勞工....... ﹐你都有排煩。

你可以講光明正大無所謂﹐由得官府查證﹐但係查證期間阻礙自己做生意嘛。


總之﹐日後再放wifi比其他人用﹐就記得用guess wifi功能。(參考上面#42)
在guess wifi 最重要係唔會入到你自己的network﹐這是網絡保安問題。
其次﹐你可以隨時改setting﹐例如password﹐開放時間等等﹐都唔會影響自己的設備的設定。

---

作者: mcdull    時間: 2019-2-27 11:58




生意上多個朋友少個敵人.  雖然佢唔當你係朋友. 反正你唔租, 咪由佢用到離場囉.
正所謂...

忍一時益X埋人地
退一步激X親自己

係真架, 但生意就係講錢, 益人同激自己都同錢無關.

---

作者: bei6266    時間: 2019-2-27 12:08

樓主都唔做點玩都得啦.佢打得1832玩你政府做野成年後嘅事啦都唔知搬左去邊啦.

---

作者: peter_chan    時間: 2019-2-27 12:10




    樓主講了﹐係有另一間鋪的。

人家得悉的話﹐就唔會玩就快摺的鋪﹐而去玩你另一間長做的鋪。

---

作者: 光波爐    時間: 2019-2-27 13:24




我是做正行的，一向都有同行攻擊整蠱 ，自己問心無慚冇嘢犯法，如果佢無理投訴我，我咪又無理投訴番佢囉!

---

作者: freefdhk    時間: 2019-2-27 13:30

本帖最後由 freefdhk 於 2019-2-27 13:38 編輯

其實有好多野可以玩 ,

1. QoS 限速
2. 空氣 DNS , 咩都LOAD吾到
3. 有問題 DNS , LOAD 假網站
4. Block Mac address.
5. 改 ssid + 隱藏 ssid

---

作者: 爪王凌雨    時間: 2019-2-27 13:40




呢個方法最高同唔會得罪人   

條寬頻慢關我Q事

佢係都唔要面問點解你快佢慢,我都食唔飽點會比你快

做得生意又唔係細佬仔唔洗講得咁清楚呀

---

作者: peter_chan    時間: 2019-2-27 14:01




唔係話你會有把柄會出事﹐而係怕煩﹐要應酬上門的官府人員﹐阻礙自己做生意。

你唔會知邊個人無理投訴你﹐你亦無証據係某人無理投訴﹐所以就留有一線﹐減少對方有報復之心。

---

作者: 留白兄    時間: 2019-2-27 14:10

MAC ADRESS BLACKLIST

---

作者: hman2002    時間: 2019-2-27 14:35

用MAC filtering

---

作者: new68u    時間: 2019-2-27 16:21

所有webpage redirect去內地公安主頁，大陸佬最怕。^^

---

作者: 光波爐    時間: 2019-2-28 10:47

佢最好笑就係乜都當老馮，成日拎部手機衝入嚟嘈，話點解 app 彈咁多廣告嘅?! 我就話你唔想廣告就買 IPhone 囉，用得免費 app 就預左有廣告，講咗幾十次成日都同我詐型，成日問我有冇得搞，話好多廣告彈出嚟好煩，我解釋完又解釋，我再講世界上冇免費午餐的，講極佢都唔明!

---

作者: blee2    時間: 2019-2-28 12:11




    仲肯理佢?

---

作者: 光波爐    時間: 2019-2-28 12:48




我講佢之前一向係咁

---

作者: Jackywongkk    時間: 2019-2-28 13:05

限佢速吧

---

作者: 觀星是答案    時間: 2019-2-28 13:46

QoS 限速係最好
又唔係唔俾佢用 , 不過慢到佢自己都唔想用

---

作者: TH30    時間: 2019-2-28 23:40



cap左 1k download 1k upload
比死更難受

---

作者: a2462    時間: 2019-3-1 08:37

唔係隻隻ROUTER都有限速
試過ROUTER OS可以

---

作者: 光波爐    時間: 2019-3-1 14:29



我隻 TP-LINK C750 Archer C2 Router 設定內搵唔到有限速，但之前用其他例如小米 WIFI 手指分享，設定內有限速!

---

作者: 光波爐    時間: 2019-3-1 14:40

請問大家係唔係喺呢個頁面設定限速? 如果係...我點知佢 IP ?  同埋內容都好複雜下咁多嘢填!!!

[attach]2112507[/attach]

---

作者: peter_chan    時間: 2019-3-1 14:44

本帖最後由 peter_chan 於 2019-3-1 14:57 編輯



    前文你話知道對方的MAC Address。


先去DHCP 版面﹐將 "目標" 的Mac address指定派某一固定IP﹐例如順序10-20(尾數)。

之後﹐你就可以在你附圖的版面輸入 10-20(尾數)的IP範圍﹐輸入最大的流量速度﹐就做到限速了。
[attach]2112509[/attach]

---

作者: simonconquers    時間: 2019-3-1 15:55

你可以試下用這個router(https://www.gl-inet.com/products/gl-ar750s/)，可以直接在Clients裏面Block唔想給他用WiFi的用戶：
https://docs.gl-inet.com/en/3/setup/slate/clients/

---

作者: 光波爐    時間: 2019-3-1 17:41

各位師兄我爬左兩日文，亦上網搜尋其他教學，都係設定唔到限速，直接 Block 左佢 MAC 算了，放棄!!!

THX 各位~~~

---

作者: peter_chan    時間: 2019-3-1 17:58




    你無綁死對方的MAC ADDRESS 去派指定IP﹐你就做唔到想要的效果。

參考上面#68的內容﹐做完才可做到限速。

又或者做大些少﹐參考我之前#42 的做法﹐分開做GUESS WIFI﹐之後再慢愎攪限速。
GUESS WIFI 只需做一個設定﹐所有用GUESS WIFI 自己APPLY限速。

---

作者: yipyipfung    時間: 2019-3-1 18:08

提示: 作者被禁止或刪除 內容自動屏蔽

---

作者: hkeclipse    時間: 2019-3-1 23:13

買隻二手wifi Router 齊放ssid後面唔駁modem. 搵你就hea 吓佢話幾個月冇交月費比人cut 佐。

---

作者: TH30    時間: 2019-3-1 23:37



唔洗用劍既~
百零蚊既TPLINK已經有限速

---

作者: a2462    時間: 2019-3-2 00:07




    睇落幾麻煩! 首先要綁o左佢粒MAC ADDRESS去FIX IP
然後先o係到SET

---

作者: a2462    時間: 2019-3-2 00:09




    百零蚊ROUTER OS都有限速了

---

作者: a2462    時間: 2019-3-2 00:10




    直刷OPENWRT 開SSID好過

---

作者: ricky1992    時間: 2019-3-2 05:34

比我就麻煩小小
起改wifi密碼前入cam改左新密碼先同改新ssid
咁咪唔洗隻隻拆出尼改囉
之後入router改wifi密碼+hide ssid+新ssid咁就夠
咁你可以話cut左咪唔會煩你

---

作者: jason930    時間: 2019-3-2 06:50


block mac address 無用
佢轉mac address 一樣用到你既網絡

---

作者: a2462    時間: 2019-3-2 10:29




    你估手機咁易改到咩

---

作者: NeTZoO    時間: 2019-3-2 10:50


佢知密碼,佢轉手機就已經知咩事啦

---

作者: 光波爐    時間: 2019-3-2 15:29

本帖最後由 光波爐 於 2019-3-2 17:22 編輯


佢唔知我密碼的，佢幾部手機都係經我手設置登入。

其實我已經西面，特登 Block 佢新買果部，入門型號華為手機，佢另有兩部山寨我照俾佢用!

佢如果厚住面皮問我，我就話 Router 出問題，我自己都有部手機用唔到，唔信就算! 而且我特登拎個 Router 包裝盒擺鋪面，佢再問我就話留正就唔做，我冇諗住再買 Router....如果佢再囉嗦我會話：『你出錢買?』，以佢上海人咁度縮算爆性格，就算我再做落去續約2年，叫佢送個二舊幾水 Router 俾我，我好肯定佢一定唔會肯!!!

---

作者: peter_chan    時間: 2019-3-2 21:24




    樓主更加不用換router﹐因為樓主部router已經有此功能

---

作者: peter_chan    時間: 2019-3-2 21:27




    其實係有另一個玩法﹐只係唔知樓主最初個網絡點share比人用。

只要share個network係guess wifi﹐就只需要set guest wifi所佔的資源上限﹐這樣就所有guest wifi都係共同分這條水喉。

任對方點加手機/tablet連線﹐都係用同一條窄窄的水喉﹐越多機就越慢。

---

作者: wct    時間: 2019-3-4 14:34

本帖最後由 wct 於 2019-3-4 17:21 編輯

樓主你都係想佢知難而退，可以試樓上Peter Chan 個方法
步驟如下：
1.  將你依家SSID 同 password 記低  (當住係  SSID_OLD, PWD_OLD 先)
2.  改咗你個WiFI SSID 同 password (假定 SSID_NEW, PWD_NEW ) ，
3.  自己啲device 改曬用新 SSID_NEW 同 PWD_NEW
4.  之後將 broadcast SSID 熄咗
5.  去 Guest network (中文應該係訪客網絡之類)
6.  着咗個Guest network，記得着埋 Guest network isolation，咁佢就算連接咗你個WiFi都同你啲機分開。
7.  記得 set 個 Guest network 嘅 SSID 同 password 做 SSID_OLD, PWD_OLD，咁就可以神不知鬼不覺將條友搬去Guest network，起埋保證佢攪唔到你啲嘢。
8.  最後亦係最重要，記得一定要着咗個Guest Network Bandwidth Control。
9.  跟住去Bandwidth Control 加條rule，將Guest network 限係 512k，以後咪當施捨個龜速網絡畀乞兒囉。

P.S. 原來前幾頁一早已經有人教咗，早知唔使打咁長

---

作者: MoMoEgg    時間: 2019-3-4 15:51

我諗樓主話要搵人幫手set,都一定唔會有問題,
實有師兄出手相助
因為各位花生友都想知後事如何

---

作者: 321    時間: 2019-3-4 16:04


邊度都有西人。上海人普片比較識得人情世故，唔係個個都係呢個case咁。
香港西既人都大把，唔好玩標籤