作者: 大和雅也 時間: 2014-1-25 07:07 標題: [開箱]Cooler Ｍaster V8 GTS之變形金剛狂派再起[更新3770K測試圖]
本帖最後由 大和雅也 於 2017-6-20 22:45 編輯
話說今日放假，本來約左個朋友去旺角睇下D單反，點知下午打比我話有事唔泥得。因為事前推晒D節目突然之間又好難約人，跟住變相又係落左黃金腦場行下（宅你就宅啦，咁多解釋
）之後行左無幾耐見到某舖入面有樣野吸引左我眼球（肯定靚女啦
）NO你錯，我見到變形金剛，What...你唔會係見到Megan Fox掛
，就算係你都唔係Sam Witwicky啦
。好啦講番正題，呢隻早係上年腦場9月左右就已經番左貨，不過個陣都無乜點去留意，畢竟個陣件產品仲係太新，又未有評測同開箱影片，同埋見個價錢都唔算太平，所以個陣就無買到。至於點解話吸引我眼球呢，因為早上個月前睇完D片就已經中毒太深（加上我又係一個電腦外貌協會成員）因為成日行腦場都見呢隻無乜貨，今日行過見到有貨就忍唔住手買左了，雖然價錢都係無點樣平過，就當新年前獎勵一下自己吧。
姑媽慣常用的紫黑彩盒正面，加送Microworks貼紙一大張。
正面特色介紹，水平真空腔均熱板技術，優良散熱效率表現，16萬小時壽命風扇，2013紅點設計大獎。
盒頂部份，Microworks 1年保用。
側邊部份，詳細規格表，支援現時主流常見既CPU平台，我諗好多人最關注係重量部份。單單係Heat sink就已經重854g（1.8磅幾）裝完兩把風扇總重量係去到1140g（2.5磅左右），絕對拍得住V10（V10總重為2.6磅左右)
另外一邊就係影佢著左燈之後既毒相
盒背部份，多國語言介紹。
詳細圖解V8 GTS長闊高體積，因為總SIZE有成6.1吋X5.9吋X6.6吋，免得買左番屋企，裝唔落就真係喊都無謂。
介紹完基本資料，又到左指定獨有動作時間
亦都係國際慣例，說明書時間（睇唔到
唔緊要，打開比你睇）
多國語言圖文列舉不同平台安裝方法。
簡單介紹一下配件，平台扣具，螺絲，螺絲貼，散熱膏，背板，迷你士巴拿，砂紙。
因為我用Intel 1155平台，咁就介紹一下呢塊背板。每個角位都總共有3個卡位，可以好簡單咁前後推Set岩位，不過真係有少少奇怪AMD個塊係金屬，Intel呢塊就類似膠既物體，感覺上好似唔夠力。不過經過我暴力測試，好硬淨，可以理論是硬膠嗎
又係時侯到主角出場，三字形容，肌肉感
坑紋設計反射Logo。
呢到要特別一提
，廠方好貼心咁係兩把風扇之間攝左兩塊硬卡紙固定，避免運送個陣郁來郁去斷葉。
兩邊側邊都係外露散熱鰭片設計。
風扇PIN頭方面原裝跟左一條2轉1線，所以可以只插一條4PIN（不過走線唔好睇，我都係原始咁插番兩個落去主板算）
事實上風冷保養最主要都係保把扇，唔好多手剪左了（特別係呢把扇，後面部份會解釋點解）
風扇呢部份本來係可以直接裝唔洗拆，但因為我唔懶唔想成塊板拆出泥裝，又可以比大家睇清楚（懶你就懶啦，又解釋
）拆卸方法好簡單兩邊頂部都有兩粒螺絲固定（總共四粒）
拆卸後的固定罩。
頭先一開始講到16萬小時壽命既14CM波浪紋扇，採用POM軸承，RPM600～1600RPM全速轉會比較嘈（不過支援PWM控速，問題不大）DBＡ值為16~36（不過風扇自身線材異常短，不過提供左延長線，方便走線）
紅色LED燈固定左係風扇底，總共8粒。
咁至於岩岩點解話呢把扇保養紙牌好重要，因為風扇底部設計有個卡位，唔可以用一般風扇代替。
散熱座上的風扇卡位。
廠方亦都好貼心咁標示左Air flow方向，跟番箭咀指示裝就可以了。不過其實都好難裝錯，因為首先風扇上LED燈就係底，固定罩卡位就係面。
再簡單D，印有V8 GTS字眼呢個就係右，左邊跟番岩岩以上方法就裝好了。
三塔型散熱鰭片設計（拆左兩把風扇之後即時變晒樣，果然夠變形金剛
）
導熱管方面總共有8條，Size都係6mm，旁邊兩座塔係由左右4條去貫穿，而中心座主塔由中間4條負責。
到左最重要介紹部份，講左咁耐究竟均熱板係乜野來呢，我簡單而又詳細咁介紹一下（免得師兄們訓著）所謂的均熱板散熱，電腦市場上常見主流有三種，分別為均熱板熱管，純粹只係均熱板底座，封閉冷液散熱，而呢隻V8GTS就係三者結合。
V8GTS利用水平真空腔均熱板技術，目的係指真空既均熱板同埋熱管裏面都係真空設計。簡單泥講，真空腔底部冷液係吸收CPU熱力後，然後蒸發擴散至真空腔內，蒸汽由垂直對流流動改為水平方向流動。再將熱量傳導至散熱鰭片上，隨後冷凝為液體回到底部，咁樣導熱管就能夠均勻咁樣受熱，散熱效率大大提升到可以達到普通導熱管既8倍,由於導熱管被充分去利用,鰭片溫度都會相對較低。
大大隻字眼提醒，用前記得抆左佢，唔好大頭蝦唔記得
。
抆完之後，最好用消毒酒精抹一抹個接觸面，因為面頭仲可能有D膠紙跡。
乾淨晒，由於時間關系已經裝好扣具。
要道別了212Evo，多謝你一直以來為我服役。
對準位置Set好。
掉番轉塊板，嗯 位置岩岩好。
套上螺絲柱固定。
查埋散熱膏。
師兄們應該仲記得我係唔拆主板去裝，所以原裝跟的迷你士巴拿根本用唔著。不過好彩以前買既Evo跟左樣好好用的十字銅套比我。
因為有銅套關系，好快就裝上了（螺絲柱唔洗上太緊，微緊就可以）
一定有師兄會諗我組Corsair高身RAM會唔會頂呢？答案係唔會，雖然之後拎條RAM出泥或者要加RAM時侯，要拆散熱先得，不過講真有幾可會拆，8G夠用亦都唔洗加。
裝埋兩把風扇，接上PIN線，大致上就完成了。
亮燈儀式開始，師兄們感受下魅力吧。
買後感想：霸氣外形我諗師兄們睇上面圖都有目共睹吧，成個散熱器造型貼合晒個主題夠晒時尚科幻，亦都係我買佢既原因。紅色LED望得耐可能會眼痛，不過新年嘛夠晒紅噹噹。水平真空腔均熱板技術基於底座同埋熱管裏面都係真空設計，而且填充左冷卻液關系，令均熱板吸收熱力後內部冷卻液轉化成水汽，蒸發擴散至真空腔內向熱管傳導熱力，熱力再均勻咁傳導去散熱鰭片上，然後冷凝為液體回流底部循環散熱，再配合三重塔散熱同埋雙14CM風扇，最高可以排出250W熱量。
風扇壽命又夠長，再加上3座獨立鰭片設計就算用高身既RAM都唔會頂住,而且V8 GTS仲得到2013 Reddot Design Award設計大獎(世界上知名設計競賽)可能好多師兄們買之前會諗，嘩咁重，大佬塊板傷唔起，用水冷好過啦。水冷有水冷好，風冷有風冷好我唔作任何評論，每種類型產品都總會有佢既存在實用價值，咁的確上我唔超頻又唔係超頻CPU（可能會換CPU可能性）實際上212EVO都足夠我用有餘。但係如果單純用外形上形容呢隻風冷，造物之前，必先造人，而人類的創意設計製造左呢件產品。
至於性能方面足夠我用了（正所謂投其所好）好似唔係人超頻我又要超頻，睇番自己有無需要。我都知呢種咁重Size又大份的風冷，都唔係話人人隻箱都放得落，再加上而家好多師兄們都開始走ITX細箱路線。重量方面怕壓灣主板的師兄們可以放心，呢樣野就係睇設計，受力方式，所以而家好多散熱器都會有加強背板或金屬背板，只要裝得唔好太緊，係唔會有大問題的，呢個道理就等於女性要帶胸圍防止下垂道理一樣。
缺點方面：我諗唔想拆主板裝散熱器有好多師兄同我一樣好懶，原裝跟的迷你士巴拿工具如果唔拆主板情況下係好難扭，仲有如果主板上供電散熱鰭片太高既話可能有機會要拆鰭片先裝到，另外負責兩個小塔既導熱管灣左成90°，減低左散熱效率。至於清塵方面，由於三塔設計都會變得有少少難，可能要搵工具幫手。事實上裝呢個散熱器有貼示，用帶有磁性頭螺絲批，就算如果係唔拆主板出泥既情況下跌左螺絲落塊板到都可以磁番起身。
3770K待機溫度
Prime 95 blend模式測試下記錄17分鐘情況的溫度，室溫20度情況下，核心溫度最高唔超過70度。
作者: Turboaftershave 時間: 2014-1-25 10:15
本帖最後由 Turboaftershave 於 2014-1-25 10:18 編輯
支持開箱
d led 如果出白色會更加親你機箱
另外 照甘睇 把扇一定要用反原裝個把 少左野玩
作者: necoalex 時間: 2014-1-25 10:36
之前仲以為佢可以換扇添
佢個殼唔係有螺絲位上風扇咩? 就算無卡位應該都扣到掛......
不過14CM有LED兼要圓邊放到入殼都幾難搵
HOW MUCH? 依然699?
作者: MOD32 時間: 2014-1-25 14:03
呢隻外型無得輸，但呢可價加少少買到水冷
作者: 大和雅也 時間: 2014-1-25 17:36
回復 2# Turboaftershave
白加紅LED都唔錯，把扇一定要用反原裝因為個罩位設計同個底有個扣位，一般既扇係用唔到。
作者: 大和雅也 時間: 2014-1-25 17:40
回復 3# necoalex
係扣唔到的，首先係對應唔到底個扣位再者就算比你扭到上去都上唔番個面罩。
14CM扇種類已經好少仲要咁設計仲難搵，買左$688好意思
作者: 大和雅也 時間: 2014-1-25 17:40
回復 4# MOD32
但呢個價錢都係買一體水。
作者: necoalex 時間: 2014-1-25 17:45
回復 necoalex
係扣唔到的，首先係對應唔到底個扣位再者就算比你扭到上去都上唔番個面罩。
14CM扇種類已 ...
大和雅也 發表於 2014-1-25 17:40
哈哈, 好在我隻V4GTS簡單D, 可以換返D 12CM 扇
作者: 大和雅也 時間: 2014-1-25 17:47
回復 8# necoalex
V4GTS都係經典，不過唔夠我呢隻巨型
作者: 大和雅也 時間: 2014-1-25 17:48
回復 8# necoalex
不過我無記錯的話V4GTS跟的Intel扣具應該係同我呢隻一樣物料。
作者: AL131 時間: 2014-1-25 17:49
支持開箱
機尾把扇換埋紅色LED就正晒
作者: 大和雅也 時間: 2014-1-25 17:51
回復 11# AL131
131師兄而家好似開始唔玩LED扇，換埋紅色LED就殘眼死，試過個LED HUE同個機箱LED HUESET晒紅色，簡直用刺眼泥形容
作者: necoalex 時間: 2014-1-25 17:54
回復 necoalex
V4GTS都係經典，不過唔夠我呢隻巨型
大和雅也 發表於 2014-1-25 17:47
V4GTS同V8GTS同期的...都係12年產物, 你2年保我得1年
INTEL扣具完全一樣, 係AMD無你個塊咁巨
張砂紙有咩用, 係咪D片積塵抹
作者: 大和雅也 時間: 2014-1-25 18:00
回復 13# necoalex
盒上有寫2年保，實際上得１年保。呢個應該係睇地區性。
嗯，咁就無記錯了。
砂紙用途就大了，磨滑個底
作者: 大和雅也 時間: 2014-1-25 18:04
回復 13# necoalex
V4GTS散熱器雖然都係均熱板，但係熱量無導過去鰭片，僅僅係個底均熱板設計。
作者: necoalex 時間: 2014-1-25 18:08
回復 necoalex
盒上有寫2年保，實際上得１年保。呢個應該係睇地區性。
嗯，咁就無記錯了。
砂紙用途就大 ...
大和雅也 發表於 2014-1-25 18:00
哈哈, MICROWORKS搵笨XD
講真有位我都想上V8GTS/SB-E, 可惜機箱無位, 第日我都想換NZXT PHANTOM 410
你有冇磨先......真係磨得?
作者: necoalex 時間: 2014-1-25 18:11
回復 necoalex
V4GTS散熱器雖然都係均熱板，但係熱量無導過去鰭片，僅僅係個底均熱板設計。 ...
大和雅也 發表於 2014-1-25 18:04
唔明= =.....咁均熱板上面個D導熱管做咩=_=....唔係將均熱板O既熱傳上去鰭片咩
唔好搞GAG喎.....
作者: 大和雅也 時間: 2014-1-25 18:14
回復 16# necoalex
咁就唔知了，不過唔擔心既，兩把風扇有成16萬小時壽命，數數手指都成18年
不過我覺得均熱板反正又唔係鏡面唔洗磨，如果均熱板再磨真係穿都有份
如果係買就買530啦貴少少，但係又大少少，都係千鬆D左右。
作者: AL131 時間: 2014-1-25 18:19
回復 AL131
131師兄而家好似開始唔玩LED扇，換埋紅色LED就殘眼死，試過個LED HUE同個機箱LED HUESET晒紅 ...
大和雅也 發表於 25-1-2014 17:51
本身MB, 水冷頭同顯示卡都識發光
我又唔想個箱太光
加上24 X 7長開
費時俾家人話我嘥電啦
作者: 大和雅也 時間: 2014-1-25 18:20
回復 17# necoalex
因為個V4GTS唔係好似我呢隻同TPC812咁將熱量由均熱板引導去鰭片。
作者: 大和雅也 時間: 2014-1-25 18:22
回復 19# AL131
不過事實既，ENERMAX個陣TB VEGA幾多人用，好多舖都只係番Basing，都好少可話會有花巧LED扇番，LED風扇而家唔係太HIT。
作者: 大和雅也 時間: 2014-1-25 18:28
本帖最後由 大和雅也 於 2014-1-25 18:31 編輯
回復 17# necoalex
我比張圖你睇應該就明了。
呢張係V4GTS
呢張係TPC812
呢張係V8 GTS
作者: AL131 時間: 2014-1-25 18:32
回復 AL131
不過事實既，ENERMAX個陣TB VEGA幾多人用，好多舖都只係番Basing，都好少可話會有花巧LED扇番 ...
大和雅也 發表於 25-1-2014 18:22
佢粒LED燈好易打柴
成200蚊把的確係貴
不過真係靜同好風
作者: necoalex 時間: 2014-1-25 18:34
回復 necoalex
我比張圖你睇應該就明了。
呢張係V4GTS
呢張係TPC812
呢張係V8 GTS
...
大和雅也 發表於 2014-1-25 18:28
你指V4GTS D PIPE冇佈滿成個底座就唔同效果?......
作者: 大和雅也 時間: 2014-1-25 18:34
回復 23# AL131
動靜皆宜的確係，但實在係貴，之前想買無貨買左LEPA。
作者: 大和雅也 時間: 2014-1-25 18:38
回復 24# necoalex
一來二來係熱管灣既幅度係三者最大，而且好明顯見到摺紋。
作者: 大和雅也 時間: 2014-1-25 18:47
本帖最後由 大和雅也 於 2014-1-26 10:53 編輯
回復 24# necoalex
我再簡單D講啦師兄。
姐係均熱板熱管同埋純粹係均熱板底座散熱仲有封閉冷液散熱。
而V4GTS係屬於純粹係均熱板底座散熱。
作者: koli 時間: 2014-1-25 18:51
呢隻係幾型,佢早1個月出我都會買佢,可惜太遲小弟買左藍寶Vapor-X果隻
作者: 大和雅也 時間: 2014-1-25 18:52
本帖最後由 大和雅也 於 2014-1-25 19:58 編輯
回復 24# necoalex
而V8GTS就係一個三者結合。
作者: 大和雅也 時間: 2014-1-25 18:53
本帖最後由 大和雅也 於 2014-1-25 19:58 編輯
回復 28# koli
係咪比佢外形毒到呢師兄，藍寶個隻好似都唔平。
其實出左都有幾個月了，因為成日無貨關系。
作者: koli 時間: 2014-1-25 19:03
回復 koli
係咪比佢外形毒到呢師兄，藍寶個隻好似都唔平。
其實出左都有幾個月了，因為成日無關系。 ...
大和雅也 發表於 2014-1-25 18:53
cm交流會我玩過實物,係有D心動可惜冇理由買多隻
,9月出的,我買果時499作者: 大和雅也 時間: 2014-1-25 19:07
回復 31# koli
係腦場都有見過藍寶外形都好似唔錯係未有呢隻之前，不過如果相比V8GTS藍寶個隻可能有D輸蝕
作者: 大和雅也 時間: 2014-1-26 09:25
回復 4# MOD32
我見Price連個重量都打錯埋，邊止110g
作者: LHF 時間: 2014-1-26 12:27
呢隻都唔錯....但699=___=
作者: 大和雅也 時間: 2014-1-26 12:43
回復 34# LHF
個陣岩岩番貨個陣都覺得貴，諗住過一排會平D，688入手
唔緊要啦不過，新年就當獎勵下自己
作者: Frozen 時間: 2014-1-26 15:53
688
唔good choice
作者: evereva 時間: 2014-1-26 16:46
本帖最後由 evereva 於 2014-1-26 16:51 編輯
呢隻野真係岩唔點大超, 又想個樣型既人真係夠晒有突
不過講真, 咁既價加少少己經買到個最勁既一體水冷120排 H80i
真係好睇你要樣, 但係風, 難清塵既V8
定係一個望落大空間感, 散熱勁D, 方便唔難清塵, 但折舊率高既一體式(折舊率高都係小弟覺得, 硬係感覺一體式水冷只係夠用3年上下, 風冷既, 你夠用, 真係10年唔換, 清晒塵都仲係岩岩買返黎既效能一樣, 唔煩好似一體式到咁上下要買個新)
各有好壞, 但係一想到我係要空間感多D, 都係諗返水冷算, 加上黎緊真係睇實幾時香港有得買NZXT H440個 mid case機箱, 咁大個cpu cooler好似唔係好岩比例, 諗諗下都係放棄左呢隻V8GTS
作者: 大和雅也 時間: 2014-1-26 17:28
回復 36# Frozen
都差唔多係呢D價錢上落，話晒算頂級風冷
作者: 大和雅也 時間: 2014-1-26 17:33
本帖最後由 大和雅也 於 2014-1-26 17:35 編輯
回復 37# evereva
的確夠晒型
所以我就講左唔評論水冷同呢隻相比了，清塵又唔難既，用個強力風筒吹就OK。因為唔少人都會覺得如果水冷過保之後漏水會好麻煩（雖然呢類情況現今技術上泥講好少發生，但唔排除有呢個可能性）。至於你話H440 3月頭左右應該會有貨番，又唔會既，H440有隻紅黑色，加埋呢隻V8 GTS真係夠晒襯，隻箱價錢係1千蚊以下。
作者: Cooler大師 時間: 2014-1-27 09:22
嘩,大和師兄你又泥放毒
靚箱型仔散熱,呢個搭配唔錯
作者: 大和雅也 時間: 2014-1-27 09:26
回復 40# Cooler大師
咩啊，毒死你未呢
呢隻想買好耐架啦個陣仲諗住等降價買，點知過左幾個月去買都係平少少。
見新年當獎勵下自己啦
作者: 戰地風雲 時間: 2014-1-27 22:23
本帖最後由 戰地風雲 於 2014-1-27 22:33 編輯
大和師兄真係Time to放毒,新年前玩D咁既野.
如果公司有出雙糧就考慮入手,仲有知唔知邊到買先有電視卡
作者: 大和雅也 時間: 2014-1-27 22:26
回復 42# 戰地風雲
戰地兄你值得擁有
我都想有電視卡，入手價$688
作者: 莎月美希 時間: 2014-1-27 23:12
毒我唔到0既,因為我都用左成4個月,佢真係好型仔,而且效果都好好,
貴唔貴真係好睇個人價值觀,但就個人來說,699值得比啦.
作者: 大和雅也 時間: 2014-1-28 02:32
回復 44# 莎月美希
師兄係咪一樣同我超迷佢造型呢。
不過呢個價位對於一般人講，實會話呢個價倒不如去買一體水，各有各好啦。
我都覺值，以前買風冷都唔會話咁著迷。
CM泥緊好似仲有一隻灣型既風塔幾有型。
作者: 莎月美希 時間: 2014-1-28 07:13
回復 莎月美希
師兄係咪一樣同我超迷佢造型呢。
不過呢個價位對於一般人講，實會話呢個價倒不如去買一體 ...
大和雅也 發表於 2014-1-28 02:32
佢一公布出，我見到咁型，我馬上迷上，之後仲因為要用佢仲換埋機箱。
作者: 大和雅也 時間: 2014-1-28 18:56
回復 46# 莎月美希
不過呢隻早上年無記錯好似係9月腦場就番左貨，換埋箱
作者: 莎月美希 時間: 2014-1-28 19:32
回復 莎月美希
不過呢隻早上年無記錯好似係9月腦場就番左貨，換埋箱 ...
大和雅也 發表於 2014-1-28 18:56
係呀,我就係果段時間轉囉.
作者: 大和雅也 時間: 2014-1-28 19:33
回復 48# 莎月美希
正正正，不過好似用既人的確係比較少。
作者: 戰地風雲 時間: 2014-1-29 03:48
回復 43# 大和雅也
咁到時如果有花紅的話,睇邊邊平就入啦
作者: Turboaftershave 時間: 2014-1-29 21:33
回復 莎月美希
師兄係咪一樣同我超迷佢造型呢。
不過呢個價位對於一般人講，實會話呢個價倒不如去買一體 ...
大和雅也 發表於 2014-1-28 02:32
大和師兄有無隻CM新cooler d 圖看看
浮誇野我好尼味
作者: 大和雅也 時間: 2014-1-29 22:34
回復 51# Turboaftershave
最新個隻係咁既樣
作者: SEED 時間: 2014-1-29 22:42
回復 Turboaftershave
最新個隻係咁既樣
大和雅也 發表於 2014-1-29 22:34
個CPU散熱係COOLERMASTER
作者: 大和雅也 時間: 2014-1-29 22:44
回復 53# SEED
YUP
作者: Turboaftershave 時間: 2014-1-29 22:44
回復 Turboaftershave
最新個隻係咁既樣
大和雅也 發表於 2014-1-29 22:34
未加外殼已經彎成甘 好期待"個樣" 十足 gigabyte當年個隻
作者: 大和雅也 時間: 2014-1-29 22:46
回復 55# Turboaftershave
可以講係V8進化版。
作者: SEED 時間: 2014-1-29 22:48
回復 Turboaftershave
可以講係V8進化版。
大和雅也 發表於 2014-1-29 22:46
屈開晒
作者: 大和雅也 時間: 2014-1-29 22:49
回復 55# Turboaftershave
不過如果講誇張，想當年Thermalright隻純銅Ultra 120E，差唔多成4磅重。
作者: 大和雅也 時間: 2014-1-29 22:50
回復 57# SEED
蛇蠍美人
作者: 大和雅也 時間: 2014-1-29 22:52
回復 57# SEED
實裝之後個樣
作者: SEED 時間: 2014-1-29 22:57
回復 SEED
實裝之後個樣
大和雅也 發表於 2014-1-29 22:52
CHING部機
作者: 大和雅也 時間: 2014-1-29 22:59
回復 61# SEED
NO網上搵的圖
作者: 大和雅也 時間: 2014-1-31 08:49
回復 61# SEED
用索帶索3把20CM散熱
作者: jonathanyu 時間: 2014-2-1 04:38
回復 SEED
實裝之後個樣
大和雅也 發表於 2014-1-29 22:52
都搞得水冷啦 cpu整咩fanless
作者: 大和雅也 時間: 2014-2-1 08:37
回復 64# jonathanyu
保持空氣流通:D
作者: runninging 時間: 2014-2-5 00:24
c兄你太神氣了
作者: RacingKingR4e 時間: 2014-2-5 01:19
支持開箱....師兄!我都用緊V8GTS 好型...散熱正 唔嘈!
作者: RacingKingR4e 時間: 2014-2-5 01:24
呢隻外型無得輸，但呢可價加少少買到水冷
MOD32 發表於 2014-1-25 14:03
鐘意風冷既師兄這隻真係唔錯........但加少少真係可入門水冷........睇你鐘意
作者: 大和雅也 時間: 2014-2-5 10:10
回復 67# RacingKingR4e
功能上都唔差的，陣間我補上3770K圖
作者: 大和雅也 時間: 2014-2-5 21:33
回復 68# RacingKingR4e
呢個價錢唔止話買入門水冷了，加少少都可以買到H100I。
作者: RacingKingR4e 時間: 2014-2-6 00:54
回復 RacingKingR4e
呢個價錢唔止話買入門水冷了，加少少都可以買到H100I。
大和雅也 發表於 2014-2-5 21:33
H100 i好似900左右......V8 GTS 我買630
作者: 大和雅也 時間: 2014-2-6 10:47
回復 71# RacingKingR4e
H100I EPC二手價最平500左右，全新最平700左右。
V8GTS你買630夠平
作者: RacingKingR4e 時間: 2014-2-7 03:04
回復 RacingKingR4e
H100I EPC二手價最平500左右，全新最平700左右。
V8GTS你買630夠平 ...
大和雅也 發表於 2014-2-6 10:47
原來H100i 現在最平700蚊炸....小弟這排沒空少行腦場
作者: 大和雅也 時間: 2014-2-7 11:49
回復 73# RacingKingR4e
腦場全新都要900左右，700係EPC D師兄賣既價錢。
作者: 大和雅也 時間: 2014-2-10 18:44
回復 66# runninging
你都可以的，買番隻
作者: makyeung2009 時間: 2014-2-10 19:20
外型真係無得輸
作者: 大和雅也 時間: 2014-2-10 19:22
回復 76# makyeung2009
夠晒份量，外形又夠霸氣
作者: FrankChan 時間: 2014-2-11 23:24
話說今日放假，本來約左個朋友去旺角睇下D單反，點知下午打比我話有事唔泥得。因為事前推晒D節目突然之間又 ...
大和雅也 發表於 2014-1-25 07:07
新款CM V8 GTS型過第一代V8（在下係用家）好多..@_@
造型及扣具亦有大革新，壓i7-3770K亦有心有力！大和雅也兄 寫得好詳細，測試亦盡心盡力；[Like]已按，精文必須留名！呵呵～
作者: 大和雅也 時間: 2014-2-11 23:37
回復 78# FrankChan
感謝師兄讚賞，V8GTS相比V8真係分別好大，V8GTS最大賣點真係均熱板熱管再加均熱板底座熱管裏面真空設計含有封閉冷液散熱，三者結合，寫得詳細等師兄們你地可以多方面了解呢件藝術品
作者: 20111029 時間: 2014-2-12 00:58
支持開箱,如果唔係轉細箱一定已經買左,好型
作者: 大和雅也 時間: 2014-2-12 01:01
回復 80# 20111029
感謝師兄支持，如果個機箱好似我咁整埋LED HUB，又有得隨住自己心情喜好SET顏色，整體效果仲會更加好，不過如果師兄機箱位置所限就無計LU。
作者: dee108208 時間: 2014-2-14 15:46
請問……邊到會仲有貨？ 小弟都想買番個
via HKEPC Reader for Android
作者: 大和雅也 時間: 2014-2-14 16:24
回復 82# dee108208
師兄可以打電話落中田問下，不過唔肯定有無貨。
作者: 大和雅也 時間: 2014-2-15 17:02
回復 78# FrankChan
咁師兄而家用緊邊隻箱同散熱
作者: jeffsze 時間: 2014-2-17 10:18
提示: 作者被禁止或刪除 內容自動屏蔽
作者: 大和雅也 時間: 2014-2-17 18:36
回復 85# jeffsze
如果你話同級既話一體式都唔會差得好多溫度。
作者: 肥寶 時間: 2014-2-17 18:44
回復 86# 大和雅也
用緊V8 ,溫度比H2o 620 高,燒機升得快
當然,我唔知均熱板屈唔屈機,但
如果唔怕漏水,我估多數人會用 3百幾蚊一體水冷
作者: 大和雅也 時間: 2014-2-17 18:47
回復 87# 肥寶
呢隻V8 GTS前者我都有提左，3者結合，水冷唔多唔少的確學師兄講好多人怕漏水。
作者: 大和雅也 時間: 2014-2-17 18:48
回復 87# 肥寶
燒機實夠過，如果極限超頻都唔會唔夠既，但問題一般玩家好少可話會長期咁極限超。
再者如果真係長期極限超既師兄我諗會上自組水。
作者: 肥寶 時間: 2014-2-17 18:51
回復 89# 大和雅也
所以我放左620 ,再用70蚊買左V8 返黎
so far so good
圖片附件: 未命名.png (2014-2-17 18:51, 35.25 KB) / 下載次數 273https://www.hkepc.com/forum/attachment.php?aid=1640070&k=78be23831082288e373b8efb842ffd51&t=1781584381&sid=4NkiYaLEat
作者: 大和雅也 時間: 2014-2-17 18:54
回復 90# 肥寶
GOOD
不過題外話，以我所知，一般情況下如果CM水冷如果漏水壞到你既其它硬件，只要你證明到係佢公司水冷漏水整到壞係會一賠一，其它牌子就唔清楚了。
作者: I7965 時間: 2014-2-24 22:28
仲有邊到有V8賣
作者: 大和雅也 時間: 2014-2-24 22:38
回復 92# I7965
V8行晒成個腦場都唔覺眼有，我諗可能代理個便都無貨。
作者: I7965 時間: 2014-2-24 22:39
回復 I7965
V8行晒成個腦場都唔覺眼有，我諗可能代理個便都無貨。
大和雅也 發表於 2014-2-24 22:38
早2日行過次
都唔覺有
作者: 大和雅也 時間: 2014-2-24 22:41
回復 94# I7965
師兄你聽日可以試下打電話問下代理。
作者: I7965 時間: 2014-2-24 22:43
回復 95# 大和雅也
聽日試下先
作者: 大和雅也 時間: 2014-2-24 22:48
回復 96# I7965
作者: 大和雅也 時間: 2014-2-24 23:23
回復 96# I7965
不過師兄我唔記得V8係唔係兩邊代理都又入，Microworks同Rambox都可以問下。
作者: 大和雅也 時間: 2014-2-24 23:25
回復 96# I7965
因為呢隻屬於停左產類別，可能比較難搵。
作者: Savoy0904 時間: 2014-2-26 11:22
$700
想問 i5-4440 唔超頻係唔係唔洗用到依個?