作者: man3564 時間: 2013-3-6 17:36 標題: 俾compumark玩左成個月!
想係compumark買電視既請留意,因內容比較長,請耐心觀看.
事情由我過年前(1月26號) 經 price.com 向 HD life 買sony 40吋HX750開始...
落單後第2日收到電話,話冇貨,我問幾時有
HD life 話真係唔知,D人個個都想過年前換機,所以都唔想hold住我張單
叫我搵下其它有現貨賣既....
咁我又上price.com搵,同埋見過呢度D師兄話compumark都ok
就打去問下包D乜之類(當時冇話冇貨),然後上price.com落單
過左一陣收到電話,當時compumark話暫時冇貨,要問代理,過2日覆我...
過左2日打黎,話代理未覆,我講明過年用既,同埋10號前買sony先會送多2副眼鏡
職員就話過年前應該有一批貨返,因為數量較少,叫我落左單排隊先
因為衣家都有2個客排緊,話今晚會搵代理傾,下星期可以覆實我...
我再3叮囑,職員亦承諾過年前有冇貨都會俾電話我.
如是者,直到過年都冇通知....
過完年(2月14),即刻打去compumark搵返負責既職員
佢話代理未覆,亦未開市問唔到,要再過2日....
我問佢衣家過左10號,2副眼鏡點攪?
佢話你張單10號前落左係冇問題既,眼鏡3月前都可以換到
呢個時候我知道已經賴左野.....
搵第2間買都唔得,想要多2副眼鏡只能夠繼續等.....
到左星期一(2月18號)打黎話返左貨,仲約埋星期六送貨裝機
我滿心歡喜,但事情仲未完......
2日後收到compumark電話,聲稱 "代理話佢地(指compmark)賣得太平,要加價"
所以冇貨俾我,佢地搵緊第2間代理,我話約哂送貨裝機啦喎
咁都得? 即係坐地起價?
佢話係代理加唔係我地加,我再問咁要加幾多?
佢停左一陣唔知同邊個商量之後答我 "起碼$6500" !
我話要時間考慮,遲D覆佢
我極度無奈之下又上price.com睇睇,發現compumark岩岩先update左個價
係62xx定63xx咁上下....同埋見到呢度既師兄話係其它shop買到....
即時著左,心諗睇死我想要眼鏡就屈我水!
就算著火都要權衡輕重,心諗俾佢屈多幾百,仲叫做保得住2副眼鏡
不過醒起佢地話 "起碼$6500" ....於是幾日後決定打去問清楚要加(屈)我幾多....
我打去問實個價,佢地竟然話唔再同呢間代理合作!
我話咁第2間代理乜價錢? 佢話暫時未有!
我話即係肯俾多幾百都冇貨? 你地price.com岩岩update左仲賣緊喎
佢話果D資料唔岩既!
我話你地拖左我咁耐,衣家搵第2間買都冇左2副眼鏡啦
你地根本就冇得賣點解拖我咁耐,仲要update價錢俾人睇?
乜野開業2x年信心保證就係咁呀!?
呢句似乎觸動到佢,佢話冇貨都冇計!衣家周圍都冇貨
唔信你自己去問下! (其實我知已經返左貨,係想睇下佢點狡辯架者)
收線後即時打去HD life,$6380約埋星期六送貨安裝,用左幾日好滿意!
同一個場,1間咁老實,1間就做到咁!
其實當中仲多次用D什麼 "今晚同代理坐低傾" , "老細會親自搵代理" 之類既廢話黎敷衍我!
已經寫得太長,唔講啦
唔信可以睇返呢度/discuss近期有講sony電視既post
會見到我有提過下呢單野,只係件事未完我唔講住.
附上price.com訂講紀錄:
當我發洩又好,分享又好,多謝收看!
圖片附件: compu mark.jpg (2013-3-6 17:24, 67.25 KB) / 下載次數 70https://www.hkepc.com/forum/attachment.php?aid=1501798&k=edf86dd79ce30c7dbc7ccf7086a5abb6&t=1781449900&sid=2Nzc6LA2JF
作者: newbiebie 時間: 2013-3-6 18:09
本帖最後由 newbiebie 於 2013-3-6 18:11 編輯
我好耐都無落訂買野，基本上香港既市場有少少變左質
唔好話電視，隔離版如手機，相機鏡頭等等，好多時落訂永遠係最遲拎，反而 walk in 就好快拎到
原因好簡單:
1. 你都俾左訂，我就唔信你唔等，我先賣左街客賺一下炒價，有大貨番時才俾你
2. 有D 賤既鋪頭，將街客揀過既貨，重新 PACK 番好就 CALL 預訂左既人黎拎，你話有問題時，鋪頭就話得番呢件貨，唔要大把人要，等下一批貨可能要 2-3 星期........心急既人咪硬食 law
又係個句，你都俾左訂，我唔怕你唔要，你要退訂就話唔得，又或要扣 XX% 手續費
上面兩個情況我都見過，之後我就永遠買野唔落訂買，只會留聯絡方法
佢有貨時就自然會CALL 你 (因為佢仲未做到你生意，你仲有話事權)
俾左訂，咁就
你明啦
作者: man3564 時間: 2013-3-6 19:07
我好耐都無落訂買野，基本上香港既市場有少少變左質
唔好話電視，隔離版如手機，相機鏡頭等等，好多時落訂 ...
newbiebie 發表於 2013-3-6 18:09
呢D網上店唔洗俾訂,貨到收錢
只係間賤野唔埋有冇貨賣,一味hold住你先
一家四口,但得2副眼鏡,佢就埋得你死!
損人不利己正PK!
作者: lonesheep 時間: 2013-3-6 19:17
上個星期在高清生活買左,都係等兩天有貨
叫佢寫張單做前少少,去SONY攞埋兩副眼鏡
作者: yiuhin11 時間: 2013-3-6 19:22
回復 4# lonesheep
點解吾係一次過比埋眼鏡ga?
作者: man3564 時間: 2013-3-6 20:29
回復 lonesheep
點解吾係一次過比埋眼鏡ga?
yiuhin11 發表於 2013-3-6 19:22
因為本身只跟2副
送果2副係sony做promote
所以要自己去sony換
作者: ellie 時間: 2013-3-7 12:48
呢間野我都領教過，講下我既情況
我上PRICE見到佢 有部22EX420最平，當時大約網上報$1950
我WALK-IN上到去佢就話個價未UPDATE，現在要$2050，
我無買。
過咗兩日上PRICE見到佢 UPDATE部22EX420最平，當時大約網上報$1930
於是打電話去問，佢話有貨，價錢係$1930
30分鐘後去到，佢話剛剛賣咗
自此就BLACKLIST咗呢間嘢
佢既手法好多時用報低價吸引你，但係又建議你買第二隻
作者: KinChungE 時間: 2013-3-7 12:56
呢D網上店唔洗俾訂,貨到收錢
只係間賤野唔埋有冇貨賣,一味hold住你先
一家四口,但得2副眼鏡,佢就埋得你死 ...
man3564 發表於 2013-3-6 19:07
如果可以唔要任何眼鏡再平D, 我實買
(對3D冇興趣)作者: lopez13 時間: 2013-3-7 12:57
呢間野只適宜買Dell，其他牌子幫趁第二間啦
作者: ucc117 時間: 2013-3-7 13:25
呢間野我都打過電話去問
又係有價無貨
後來我打去另一間問，兩日後回覆有貨
連埋送貨安裝，前後三日時間
價錢唔差個一，二百
前一陣我上Y拍買野，遇到個賣家原來又係呢個鋪位
http://hk.user.auctions.yahoo.co ... 19010&filter=-1
我問左個問題，對方兩日都無回覆
後來打電話去問，對方話無貨，又係叫我買其他產品
我懷疑佢無貨賣，都唔想同行有成交，就同你拖落去
佢無貨賣，平五百，一千都係無貨賣
唔好同佢磨時間
作者: man3564 時間: 2013-3-7 13:28
如果可以唔要任何眼鏡再平D, 我實買 (對3D冇興趣)
KinChungE 發表於 2013-3-7 12:56
就係咁先屎滾!
因為同屋企人講左有3D電視過年,佢地冇睇過3D戲
所以個個都好開心....
點知攪成咁,好似玩埋我D屋企人咁....
好在屋企冇怪我仲安慰返我轉頭
本來冇貨係好少事,點解間野要做到咁PK先!?
作者: man3564 時間: 2013-3-7 13:32
本帖最後由 man3564 於 2013-3-7 13:37 編輯
我懷疑佢無貨賣，都唔想同行有成交，就同你拖落去
佢無貨賣，平五百，一千都係無貨賣
唔好同佢磨時間
ucc117 發表於 2013-3-7 13:25
除左呢個原因,我真係諗唔到第2個....
損人不利己,仲要玩埋個客!
我見呢度有師兄話過ok嘛....
我已經搵有實鋪既shop...
點知呢間野咁PK!
作者: power1883 時間: 2013-3-7 15:28
回復 1# man3564
呢間compumark正一屈人寺！
我都試過price.com訂Mon，打電話去有貨，山長水遠上到去臨時加價。
不過佢店員多，每人一句係度留言，大家以為真係老實鋪，呸！
作者: power1883 時間: 2013-3-7 15:33
打手多多！compumark信唔過！
作者: jil 時間: 2013-3-7 15:54
回復 2# newbiebie
絕對認同，死都唔好落所謂釘金，仲有現在好多科技產品第一水都會中伏，自己上次沖去買padfone2.就出左事la
作者: yiuhin11 時間: 2013-3-7 16:01
咁去邊間買好?
作者: Kin_2012 時間: 2013-3-7 16:28
而家咁架?
未試個經 price.com 買野．可能個 commission 高~
e 間 compmxxk 一向都係即場問價試機比錢..都 ok
作者: mpegdecoder 時間: 2013-3-7 16:56
"price dog 柑" 最出位之處係「現價賣得最平(係要平過其他)既 99% 係冇現貨」
就算你即刻親臨貴舖, 都係冇貨賣
"price dog 柑" 賣得平你心急落訂訂貨出事率奇高, 瀨硬九成九!!
領較過都怕怕
個人情願行下場, 有貨合價即買好過; 又或託 reseller 朋友入貨
作者: rockyw 時間: 2013-3-7 17:27
信price. Com 個價根本就係伏， 甘耐我都係睇個價黎參考
作者: hazelnut 時間: 2013-3-7 19:09
乜唔係電話落單,貨到收現金咩 ?
作者: jnusvc 時間: 2013-3-7 23:47
試過買lg walk in落1,200蚊定，貨到比尾數，
無事wow,係個送貨有d縮骨唔想攞上樓，不過我話d錢係樓上
作者: btc 時間: 2013-3-8 00:33
我都係過年後買咗 40HX750
本來參考過 price dot com 打算去深水步買
但經過時代廣場豐澤發覺原來做緊 HSBC 信用卡優惠
有額外獎賞錢同即時回贈
計落大約 $6,054 送兩副眼鏡
另有百佳易賞錢積分可轉亞洲萬里通
第二日送貨+安裝
作者: ellis 時間: 2013-3-8 01:54
本帖最後由 ellis 於 2013-3-8 01:58 編輯
回復 1# man3564
did u paid any deposit to cxmpumark?
作者: ellis 時間: 2013-3-8 01:56
回復 11# man3564
因為同屋企人講左有3D電視過年,佢地冇睇過3D戲
你唯有請佢去戲院睇
作者: 501indy 時間: 2013-3-8 02:48
price上面間間都係甘，停產断貨成年，都不断update減價，包括樓主提果兩間，其實大型連鎖電器鋪買tv講完價計埋d簽賬回贈後，個實價同e d鋪頭仔唔爭得幾多，有時仲平過e d甘既price細鋪，仲未計屈佢送多d野！
至於其它野，係price價睇完價買過兩次都賴野之後，我已經blacklist左e個網d登記客戶鋪頭lor!
作者: qaz11 時間: 2013-3-8 02:57
買過DELL MON, 又OK喎, 佢俾個價我我都係話貴咗, 佢問我要咩價, 我話網購做緊咩咩價, 佢都俾個幾接近既價, 差廿皮, 勝在有得試.
唔講都唔知price.com有得訂, 查實買野咁方便, 網上買都係可免則免, 尤其貴價物品.
作者: RT9000 時間: 2013-3-8 06:18
提示: 作者被禁止或刪除 內容自動屏蔽
作者: rex516984 時間: 2013-3-8 08:27
嘜依間cxmpumark咁衰,我同過佢買DELL MON 有無野喔!
作者: 7285 時間: 2013-3-8 09:00
嘜依間cxmpumark咁衰,我同過佢買DELL MON 有無野喔!
rex516984 發表於 2013-3-8 08:27
有d野可遇不可求
好多時撞手神...=0=
作者: C-Leung 時間: 2013-3-8 09:08
Compumark出名係賣mon，自己keep stock存貨一定充足
但係近年連tv都賣埋，tv因為可以call代理出貨，所以存貨唔會多
始終賣tv泥講佢算係細舖，同代理關係唔夠好的話感覺都係比較易出事
作者: man3564 時間: 2013-3-8 09:41
回復 man3564
did u paid any deposit to cxmpumark?
ellis 發表於 2013-3-8 01:54
唔洗俾訂既,佢話 "落左單排隊先" 既意思係問實我要唔要
要就開單等
作者: man3564 時間: 2013-3-8 09:44
price上面間間都係甘，停產断貨成年，都不断update減價，包括樓主提果兩間，其實大型連鎖電器鋪買tv講完價 ...
501indy 發表於 2013-3-8 02:48
我問左瘋宅同百記,計到最平都差K幾
所以先上price.com....
作者: ellis 時間: 2013-3-8 09:54
回復 31# man3564
開單之後就要俾訂?
作者: lordvalkyrie 時間: 2013-3-8 09:55
好鬼多年前去 compumark walk in 買都感覺幾 OK, 點解而家訂會搞到咁呀..
諗起以前 compumark 還有賣 PC Game, 都有傾有講, 訂左一定有 Game 囉..
作者: ellis 時間: 2013-3-8 10:36
回復 34# lordvalkyrie
買現貨,或可即場CHECK 機既可能服務好D
作者: ellis 時間: 2013-3-8 10:37
回復 3# man3564
間賤野唔埋有冇貨賣,一味hold住你先
係外國都一樣
作者: man3564 時間: 2013-3-8 11:03
回復 man3564
間賤野唔埋有冇貨賣,一味hold住你先
係外國都一樣
ellis 發表於 2013-3-8 10:37
外國我唔知,但, HD life 冇hold住我囉
同埋開左單都唔洗俾訂既
係我咁老實答左佢,人地話開左單
又話點樣同代理傾,下星期會有,咁我咪等囉
如果我好似compumark咁PK不負責任
叫人開單又當冇件事既,咁就PK對PK
你地都睇唔到呢個post
作者: ellis 時間: 2013-3-8 11:12
回復 37# man3564
你無俾DEPOSIT 隨時放COMPXMARK 飛機都得啦
SSP 貫係咁PK
作者: sungcharming 時間: 2013-3-8 13:01
price.com 我只幫襯過美x 家買過sony 家庭影院同微波爐, 都係行貨, 價錢比百x, 豐x 平幾百蚊啦. 有時你搵到其他平過佢既價可以同佢傾下, 佢有時會做到人地個價的
作者: tonyonline 時間: 2013-3-8 13:15
以前compumark 都ok架？家陣~唉
作者: Miipp 時間: 2013-3-8 15:11
price上面間間都係甘，停產断貨成年，都不断update減價，包括樓主提果兩間，其實大型連鎖電器鋪買tv講完價 ...
501indy 發表於 2013-3-8 02:48
$.com 任人 update, 所以要自己判斷 d 資訊準唔準確, 消費者應該有咁的基本能力.
打個電話去 confirm 價錢有幾難?
我甚至係先達買過水貨, 都無問題, 打去問 confirm 價錢及有貨先去, 全新貨未開封, 過程愉快
大型連鎖電器鋪買tv講完價計埋d簽賬回贈後，個實價同e d鋪頭仔唔爭得幾多
老實講, 有幾多款電器可以做到師兄所講的 “唔爭得幾多”?
聖誔前我係 $.com 上的細鋪買左部電視萬六, 格完大電器鋪都要貴二千幾, 即係貴左 ~15%.
信用卡個 3% charge, 回盡比你咪得五舊水.
再諗諗菜街 d 街鋪幾錢月租? 大鋪無返咁上下 markup 點維到皮?
至於送個 d 所謂贈品唔要都罷, 最多咪值幾十蚊, 有 d 甚至阻定要送比人.
有時要平就要落力少少做下功課, 收貨時檢清楚. 貨到先付款, 有問題拒收, 點會懶野?
唔做功課, 又想 “穩陣” “有信心”, 咁咪幫下大鋪交租, 助長地產霸權囉.
作者: gameisfireforce 時間: 2013-3-8 15:26
我都試過$.com買野
睇完資料後,走去佢門市再睇睇,無問題先落訂
始終純係網上買,我都怕好似Ching咁中招
作者: 501indy 時間: 2013-3-8 18:28
本帖最後由 501indy 於 2013-3-8 18:34 編輯
回復 41# Miipp
of course, 我冇格過所有牌子,所有model size既TV尼做比較研究,我答你唔到!
我凈係聖誕時買部32"時格過d我幾款心水model 得出e個結論炸,我當然唔係用大舗d"所謂標價"尼格,係問左大舗sales既"實價"la!
I think u are in the same situation. Thus, it is very normal that we have different experience as we are just a little customer, not a market reseacher / shop sales! haha
Perhaps, u should forget my previous conclusion! It is not a big deal jer! haha
作者: ruudwai 時間: 2013-3-8 19:08
我都係過年前o係呢間買同一款TV, 過程大致同樓主相同(包括2日回覆, 新年前返唔到貨, 之後有貨.....), 去到佢話代理講佢定價太低唔出貨後(我當時都係覺得佢係想加價), 我就同佢講你做到個價先再搵我啦, 之後18/02佢再打比我又話做到, 22/02送貨+安裝(已換多2幅眼鏡), 冇大問題, 呢次可能係個別事件, 因為佢太多人, 可能每一個人的答案都唔同, 樓主都唔好太勞氣喇.
作者: Miipp 時間: 2013-3-8 20:52
回復 Miipp
of course, 我冇格過所有牌子,所有model size既TV尼做比較研究,我答你唔到!
我凈係聖誕 ...
501indy 發表於 2013-3-8 18:28
要比十個趣你先得
以 specific 經驗得出一個 general conclusion in 25#
作者: man3564 時間: 2013-3-8 20:52
本帖最後由 man3564 於 2013-3-8 20:55 編輯
我都係過年前o係呢間買同一款TV, 過程大致同樓主相同(包括2日回覆, 新年前返唔到貨, 之後有貨.....), 去到 ...
ruudwai 發表於 2013-3-8 19:08
NO,我每次都搵返同一個人既
佢話電視由佢負責架喎!
X佢! 又話叫我落單排隊
即係完全亂吹啦!
作者: DarkHero 時間: 2013-3-8 21:00
俾錢落訂認左第2蠢都應該無人會認第1
作者: man3564 時間: 2013-3-8 21:04
我都係過年前o係呢間買同一款TV, 過程大致同樓主相同(包括2日回覆, 新年前返唔到貨, 之後有貨.....), 去到 ...
ruudwai 發表於 2013-3-8 19:08
真係P佢個K!
約好哂送貨裝機
佢地20打黎反口,22就有貨送俾你!
作者: 501indy 時間: 2013-3-8 21:45
回復 45# Miipp
thx!我都比返100個趣你先得，係forum發表個人意見，原來都要做足全面市場調杳研究先可以架！
甘似乎你幫親過d國際專業認可市場調杳公司先買野/反駁人地，又或你是從事有關行業的資深工作者尼，唔怪得.....我唔夠你講同對行内了解了，佩服佩服，多謝專業指點。haha...真有意思，又學到野，thx!
作者: 501indy 時間: 2013-3-8 21:48
回復 48# man3564
似乎係睇人尼食，唔夠强硬就...., 當唔好彩lor
作者: ellis 時間: 2013-3-8 22:10
final verdict?
buy mon is fine
buy tv sucks
作者: ruudwai 時間: 2013-3-9 09:17
回復 man3564
似乎係睇人尼食，唔夠强硬就...., 當唔好彩lor
501indy 發表於 2013-3-8 21:48
點都有啲影響, 因為我唔係急用(更加唔想比佢加錢), 所以咪叫佢做到個價先再搵我囉
作者: GT50000 時間: 2013-3-9 09:35
買Mon邊間鋪穩陣D？
作者: lobewow 時間: 2013-3-9 10:22
本帖最後由 lobewow 於 2013-3-9 10:23 編輯
買D可以淨係原廠送貨安裝嘅,我都搵D直銷公司訂貨(自己用開一間,有幾間做開都OK的)
佢地直接同代理攞貨,叫佢地直接送貨及安裝,小電器就去自己倉再送貨,平市面約15%(其實佢淨係賺代理+送貨差價已經好多,不過我地用家冇得直接係代理攞貨咁解)
淨係要另外安裝的電器,例如冷氣機,佢地冇直接師傅安裝到先唔會幫佢地買(自己再搵師傅裝好麻煩,有手尾又難跟)
最好處係自己上網搵到個電器model就可以叫佢地問代理訂,市面唔見賣都得,總之代理肯代訂嘅貨都買到,試過幾次問電器舖冇個隻款,但代理肯訂到香港,等一等都買到
唯一唔好係有事要即刻搵代理整(所以買比較大牌子,代理OK的電器我都咁做)
作者: man3564 時間: 2013-3-9 12:04
final verdict?
buy mon is fine
buy tv sucks
ellis 發表於 2013-3-8 22:10
i don't think so
一間手法有問題既鋪,賣乜都一樣
前面都有師兄講左買mon既經驗
問就平價有貨呃你落去,到左就冇貨/坐地起價!
一樣咁PK!
作者: ellis 時間: 2013-3-9 12:05
回復 55# man3564
TRUE 坐地起價 SO PK
作者: ITGuy 時間: 2013-3-9 12:14
尼間嘢一早就blacklist咗喇，非常之唔老實，因我都有類似經歷！
作者: ITGuy 時間: 2013-3-9 12:14
尼間嘢一早就blacklist咗喇，非常之唔老實，因我都有類似經歷！
作者: man3564 時間: 2013-3-9 12:19
點都有啲影響, 因為我唔係急用(更加唔想比佢加錢), 所以咪叫佢做到個價先再搵我囉 ...
ruudwai 發表於 2013-3-9 09:17
我每次打去都好聲好氣,大聲D都唔會
可能係咁以為我好恰D!
衣家我上網唱佢D衰野,唔知計落佢地賺定蝕!
不過佢地做得出都唔怕人講啦,希望多D人睇到呢post
想幫親佢地之前,停一停,諗一諗!
作者: ellis 時間: 2013-3-9 12:32
睇完PRICE 之後落場搵邊間有貨
價相差少就先試後$ 唯有
作者: ellis 時間: 2013-3-9 12:34
回復 58# ITGuy
你個經歷係點?
作者: killercheung 時間: 2013-3-9 21:51
我上年尾同佢買左 sharp 又冇乜事 wor，可能都係睇彩數
作者: manlung803 時間: 2013-3-17 05:18
呢間野 我2010年中時去買過次mon，果時覺得非常好運，自己亂行撞手神都搵到間咁好服務態度既鋪
果次係買3星mon 先試後比錢，試第1部有問題，即時開第2部比我
2010年尾去佢地度買件砌機，服務態度依然好好(仲係同一班sales)，買左一部主機既零件，主板有問題，雖然要我行左兩轉(因為去換果日負責果位同事放假)，都即時一換一比我，仲可以加錢轉其他板
果排我現實同線上都向我班FD推介呢間鋪 (而家諗番其實次次去佢間鋪買野都緊有壞野 ，不過電子野好難講，未必佢地問題...)
2012新年後諗住換機， 第1時間當然諗住去呢間野，班sales已經轉哂人， 全部都係後生仔， 唔多好老脾，直頭唔想做你生意咁，之後全年我同我班FD都無再幫親呢間野
上個月幫FD砌機，諗住再去睇下佢地轉番班sales未，有無好d，但佢地好似無再做主機零件了，直接介紹我去左第2間鋪，服務態度好好，幫親左買2次
(2012~2013 我覺得中x田班sales脾氣係最差的，第2差就是這間了)
我相信好多師兄同我一樣，每次落高登之前其實一早決定左要買咩，最多只係格下價，唔會多問d咩，價岩就落單，相對比起d師奶之類問你成粒鐘野先決定到買咩既，我地應該叫做"好客仔"了，咁都無耐性，真係唔知點學人做sales
作者: Summer 時間: 2013-3-17 08:56
買野落訂
作者: Ifrit 時間: 2013-3-18 15:36
搶手貨就只有價錢冇貨起手
作者: walleinad 時間: 2013-3-20 21:24
oh, 呢間我之前都一直同佢買mon. 仲諗住過幾日去買隻 idtv... 乜而家搞成咁 @_@
咁有無邊間可靠 D??
作者: walleinad 時間: 2013-3-20 21:25
買D可以淨係原廠送貨安裝嘅,我都搵D直銷公司訂貨(自己用開一間,有幾間做開都OK的)
佢地直接同代理攞貨,叫 ...
lobewow 發表於 2013-3-9 10:22
c-hing 有無邊間公司介紹? 我想買隻細 idtv...
作者: ettommy123 時間: 2013-3-20 21:35
唔好理依D黑店 backlist 左佢啦
作者: cmb979 時間: 2013-3-20 22:51
提示: 作者被禁止或刪除 內容自動屏蔽
作者: marsover 時間: 2013-3-21 17:59
c-hing 有無邊間公司介紹? 我想買隻細 idtv...
walleinad 發表於 2013-3-20 21:25
我呢幾日都打算買部22" idtv, 師兄有無心水推介作者: walleinad 時間: 2013-3-21 18:19
我呢幾日都打算買部22" idtv, 師兄有無心水推介
marsover 發表於 2013-3-21 17:59
22" 你可以睇睇 LG M2252D. 2 個 HDMI, IPS panel, FHD 1080p, PIP.
作者: 小伙子 時間: 2013-3-21 18:28
我都唔明點解會有人買野無貨落訂
除非係豐澤, 百老匯既我會信
網站電話訂有就有, 無就無好簡單
用得里招,其他電業都可能玩你
所以我果次買電視, 直接係去實店睇
實店都沒有Demo, 根本就信唔過
所謂網上直銷公司, 如果件貨停產(32吋好多停產）, 有問題要換就奶野
最新型號因為fix price ，直銷公司都唔會平幾多
作者: marsover 時間: 2013-3-21 23:17
22" 你可以睇睇 LG M2252D. 2 個 HDMI, IPS panel, FHD 1080p, PIP.
walleinad 發表於 2013-3-21 18:19
我都係睇啱呢隻ips問題係去邊間買, 有無大哥幫到手
謝謝謝謝謝謝
作者: man3564 時間: 2013-3-22 10:57
我都唔明點解會有人買野無貨落訂
除非係豐澤, 百老匯既我會信
網站電話訂有就有, 無就無好簡單
用得里招,其 ...
小伙子 發表於 2013-3-21 18:28
見師兄你打左咁多字,所以我都回一回
其它得一句串我落訂果D真係費是理佢....
其實之前都答過幾次, 我冇 ”落訂”
只係 “落單”, 可能篇野太長師兄睇錯左
咁點解要 “落單” 呢?
係為左做promote 送果2副眼鏡
作者: K_C_ 時間: 2013-3-22 11:30
親身經驗:
買TV,做完功課之後,去Y拍搵一搵嗰d電話落單,送貨收$$嘅舖頭就得啦.部機根本就由代理直接送出,仲穩陣過幫任何一間舖頭買.
而家呢個年代,由細至買隻game、電話.....到大型電器都係唔需要落訂喇~