作者: 絕對好奇 時間: 2017-12-10 16:56 標題: 如何辨別或測試出電阻值？
之前新買咗個遙控開關插座，
點知用唔夠兩日就燒咗，
拆開睇到原來入面發哂霉，
因而發生短路，燒黑咗粒電阻！
咁樣係睇唔到色環嘅情況之下，點樣揾出電阻嘅阻值？
我諗到用一個可變電阻，由大至小慢慢調至佢起動到為止，
再測量可變電阻嘅阻值，從而得出原本阻值，
唔知咁嘅諗法行唔行得通呢？
同埋用幾大嘅可變電阻比較適合同安全呢？
請各位師兄賜教！
圖片附件: 031748 (Small).jpg (2017-12-10 16:44, 81.04 KB) / 下載次數 66https://www.hkepc.com/forum/attachment.php?aid=2029003&k=381fdf65532ea55afb7ad183dd76e333&t=1781455668&sid=3YEOFcmd72U
作者: Joe_Black 時間: 2017-12-11 10:09
提示: 作者被禁止或刪除 內容自動屏蔽
作者: billyck2 時間: 2017-12-11 10:22
既然燒得,就一定唔只燒粒電阻,周邊野都有機會串燒
除非你有電路圖,已經燒左又黑哂既電阻,已經冇任何方法可以測得出
作者: edgeyim 時間: 2017-12-11 11:21
搖控插座…整返都會好擔心下，不如放棄啦，
用來練下手，拆下備用零件算。
作者: 絕對好奇 時間: 2017-12-11 11:40
本帖最後由 絕對好奇 於 2017-12-11 11:46 編輯
三位師兄，
小弟係電子新手，我呢排都有做咗啲功課，發覺係唔知瓦數同無色環嘅情況下，真係好難揾得返個數值，
除非買多個一模一樣嘅遙控開關插座返嚟拆開佢，
先至睇得返個數值，不過我已對呢個牌子失去信心，
唯有諗下點樣利用個殼改作其他用途嘞！
學電子真係唔容易，越細數值嘅電阻，
就要越精密嘅他表先度得準，我啲平嘢他表即刻現形，
電阻、電容種類繁多，又要做好分類管理庫存，
每樣備份幾粒都好佔地方，加埋熟悉元件非一朝一夕之事，
睇嚟呢條路都有排行，好彩只係為興趣，無乜壓力可以慢慢嚟！
作者: edgeyim 時間: 2017-12-11 12:16
借師兄地方提問下關於搖控插座~
http://www.hkepc.com/forum/viewthread.php?tid=2172134
小弟早兩年買左呢套電力監控，同時重有4只搖控插座(Ecoscoket)，
由於插座內部造工非常麻麻，所以一直都閒置，
心中有一想法，有無可能改成獨立一個搖控switch控制？
或者大家得有咩可發展用途？
歡迎指教~
作者: Joe_Black 時間: 2017-12-11 15:53
提示: 作者被禁止或刪除 內容自動屏蔽
作者: Joe_Black 時間: 2017-12-11 15:57
提示: 作者被禁止或刪除 內容自動屏蔽
作者: 絕對好奇 時間: 2017-12-11 21:59
回覆 7# Joe_Black
我都有買貼片電容、電阻包，不過無師兄呢隻成本郵票簿咁靚咁齊！
我買開嘅店無呢種賣，bookmark咗先，多謝師兄好介紹！
回覆 8# Joe_Black
＂阻容降壓＂以前睇post就睇得多，不過唔係睇得好明！
不過我諗我呢個應該都屬於阻容降壓。
check過紅圈嘅元件係正常同已更換咗電容。
麻煩師兄睇下呢個係咪阻容降壓。
圖片附件: top (Small).jpg (2017-12-11 21:53, 84.05 KB) / 下載次數 56https://www.hkepc.com/forum/attachment.php?aid=2029348&k=f6c012d3059dfbf5196b463b385a3af2&t=1781455668&sid=3YEOFcmd72U
圖片附件: side1 (Small).jpg (2017-12-11 21:53, 82.7 KB) / 下載次數 56https://www.hkepc.com/forum/attachment.php?aid=2029349&k=0d6df4ffb1a4db15a74ff7daf626502f&t=1781455668&sid=3YEOFcmd72U
圖片附件: sdie2 (Small).jpg (2017-12-11 21:54, 96.45 KB) / 下載次數 49https://www.hkepc.com/forum/attachment.php?aid=2029350&k=1ad0162bfb3e66086fff4985f49e7198&t=1781455668&sid=3YEOFcmd72U
圖片附件: close (Small).jpg (2017-12-11 21:55, 115.01 KB) / 下載次數 55https://www.hkepc.com/forum/attachment.php?aid=2029351&k=f9be8fd4fd70158e4b75147023d6054d&t=1781455668&sid=3YEOFcmd72U
圖片附件: bottom (Small).jpg (2017-12-11 21:55, 112.92 KB) / 下載次數 62https://www.hkepc.com/forum/attachment.php?aid=2029352&k=cecc67aaba45f5479ea4bda18bcd3393&t=1781455668&sid=3YEOFcmd72U
作者: 絕對好奇 時間: 2017-12-12 02:59
回覆 6# edgeyim
其實可以將滑咗牙嘅窿用有鑽頭嘅攻絲整大啲，
再加自鎖絲母應該都好穩陣，不過呢啲搖控插座，
就算佢話用到一千火嘅電器，我都只係用係啲細火數嘅電器上面，
唔會長著，我買搖控插座都係貪方面，有時個拖把插到滿哂，
尤其是有啲插頭連埋火牛會遮住個拖把開關掣，
又或者拖把位置比較隱蔽，插頭難按開關掣嘅地方使用。
作者: Joe_Black 時間: 2017-12-13 00:59
提示: 作者被禁止或刪除 內容自動屏蔽
作者: 絕對好奇 時間: 2017-12-13 02:31
回覆 11# Joe_Black
多謝師兄幫忙，
呢個對我嚟講有啲深，要自已做下功課了解下先得，
先試咗換電阻，再慢慢消化下個中原理。
佢原本嗰粒電阻係咪2W，
係嘅話就照住佢嘅大細揾下先。
圖片附件: 20171213_022239 (Small).jpg (2017-12-13 02:31, 69.64 KB) / 下載次數 39https://www.hkepc.com/forum/attachment.php?aid=2029610&k=4494cf21697557062274b9dc024f508c&t=1781455668&sid=3YEOFcmd72U
作者: Joe_Black 時間: 2017-12-13 02:39
提示: 作者被禁止或刪除 內容自動屏蔽
作者: 絕對好奇 時間: 2017-12-13 03:05
回覆 13# Joe_Black
線繞可變電阻點嘅樣架？
呢啲得唔得？
圖片附件: 20171213_030217 (Small).jpg (2017-12-13 03:05, 104.52 KB) / 下載次數 32https://www.hkepc.com/forum/attachment.php?aid=2029613&k=e8cf0281c9fb4234d2b7e0fdbdbd53a9&t=1781455668&sid=3YEOFcmd72U
作者: 絕對好奇 時間: 2017-12-13 03:28
回覆 13# Joe_Black
唔好意思，一時間消化唔到師兄嘅意思，
我明嘞，我揾下先！
作者: 絕對好奇 時間: 2017-12-13 05:45
回覆 11# Joe_Black
著燈鳥！
係無loading嘅情況之下，我第一次調係500 ohm，
之後一路向後調到10k佢都正常著到，
咁我應該用邊個數值呢？
圖片附件: 20171213_053138 (Small).jpg (2017-12-13 05:40, 103.6 KB) / 下載次數 44https://www.hkepc.com/forum/attachment.php?aid=2029614&k=94bb6227f5fa904fc54171ab218c9362&t=1781455668&sid=3YEOFcmd72U
圖片附件: 20171213_053311 (Small).jpg (2017-12-13 05:41, 104.54 KB) / 下載次數 40https://www.hkepc.com/forum/attachment.php?aid=2029615&k=ac292360bbfeb1e294acc105fd817054&t=1781455668&sid=3YEOFcmd72U
作者: Joe_Black 時間: 2017-12-13 08:35
提示: 作者被禁止或刪除 內容自動屏蔽
作者: trustme133 時間: 2017-12-13 08:51
回覆 Joe_Black
線繞可變電阻點嘅樣架？
呢啲得唔得？
絕對好奇 發表於 2017-12-13 03:05
即係線性電阻,體積比較大.
一般100ohm都好大隻.
作者: billyck2 時間: 2017-12-13 10:36
即使著到燈,因為唔肯定真正阻值,同改變左有咩長遠影響
C兄當研究玩下好啦,長用要小心
畢竟呢D野有咩事,D人又出哂街就GG
作者: ckshum 時間: 2017-12-13 12:28
簡單來說，換粒10-50 ohm 2W電阻就可以了。詳細解釋看此：鏈結
至於用500 ohm可以嗎？簡單計過0.56uF電容的阻抗是5.7k ohm，加上10 ohm電阻，最大電流是38mA，電阻功耗0.014W。但換上500 ohm電阻，電流減到35mA，但電阻功耗升到0.6W。由此可見，阻值太大的壞處是電阻功耗大、發熱量大。
作者: ghostkcleung 時間: 2017-12-13 12:48
本帖最後由 ghostkcleung 於 2017-12-13 12:49 編輯
測阻值方法：
根據 Voltage Divider （中文唔識）
Vout / Vin = R2 / (R1 + R2)
假設我俾 5V 出嚟，駁 1 粒 10k 電阻，
另一粒阻值不明。
2 粒電阻之間出一條 vout，
如果條 Vout 係 2.5V，
咁樣即係
2.5 / 5 = R2 / ( 10k + R2 )
咁 R2 就係 10k 喇，
有錯請指教。
https://en.m.wikipedia.org/wiki/Voltage_divider
作者: 絕對好奇 時間: 2017-12-13 16:55
回覆 17# Joe_Black
明白了，唔該哂師兄，辛苦哂！
作者: 絕對好奇 時間: 2017-12-13 16:58
回覆 18# trustme133
多謝師兄解析！
作者: 絕對好奇 時間: 2017-12-13 16:59
回覆 19# billyck2
多謝師兄提醒！
我會小心再測試清楚先會用，
而且會用係一啲唔會長開，低火數嘅電器上面。
作者: 絕對好奇 時間: 2017-12-13 17:01
本帖最後由 絕對好奇 於 2017-12-13 17:04 編輯
回覆 20# ckshum
回覆 21# ghostkcleung
多謝兩位師兄提供資料，
今晚收工返嚟再研究消化一下。
作者: C_Law 時間: 2017-12-13 17:55
本帖最後由 C_Law 於 2017-12-13 17:58 編輯
多謝師兄提醒！
我會小心再測試清楚先會用，
而且會用係一啲唔會長開，低火數嘅電器上面 ...
絕對好奇 發表於 2017/12/13 16:59
問題不在於你開著個外接電器幾長時間，也不在於外接什麼電器，小至一個 USB 火牛仔，大至水煲暖爐，只要無超出個 Relay 可控制的範圍，風險都係一樣(當然，插座接觸不良的風險又另計)。
風險在於個控制線路本身要用幾多電，降壓供電必需提供足夠電力給控制線路，但提供得過多電力又會令 Zener diode 同電阻發熱甚至燒。只要個控制線路係有駁電，風險同你外接什麼電器無太大關係。
作者: Charcoal99 時間: 2017-12-13 19:58
本帖最後由 Charcoal99 於 2017-12-13 23:16 編輯
簡單來說，換粒10-50 ohm17.4mA 2W電阻就可以了。詳細解釋看此：
至於用500 ohm可以嗎？簡單計過0.56uF電容的阻 ...
ckshum 發表於 2017-12-13 12:28
計算電流時，220 (RMS) Vac 半波整流要乘上調整系數 √2/π ≈ 0.45
https://en.wikipedia.org/wiki/Rectifier#Half-wave_rectification
所以最大電流值是 Vcap / Xc = (Vpk - Vr - Vout)/π / Xc, 當中Xc為等效阻抗 1/(2πfC)
≈ (220 * √2 - 24)/π * (2πf C) = 16.08 mA
(f=50Hz, C=0.56uF, Vout = 24V, 電阻若不大，Vr 可略)
估計原設計計算電流時忽略了24V Vout, 以為它可應付 17.4mA,
(半波整流時, Vdc 約有99V, 若Vout 少至大約5V時, 很多人會略去Vout及Vr作簡單計算,
因為可消去π, 即 I = 220 * 1.414 * 100 * C, 若C的單位是uF, I 的單位便是uA
但輸出大至24V, 不好過份簡略)
Relay spec, 電流要求是15mA, 二級降壓估計為5-6V 供電到 IC3.
LED 串上 R8 3K限流電阻, 約2mA, 其它電路一般不大於1mA.
阻容降壓為了減低發熱,一般會算得頗盡. 貼近需要值.
但現在算來電流有些不足了.
作者: 絕對好奇 時間: 2017-12-14 03:14
回覆 20# ckshum
師兄俾嘅link講阻容降壓講得好好，
睇流程圖基本上就同我呢塊板一樣，
不過琴晚玩夜咗，今晚唔係幾夠精神，
等精神啲再睇多幾次，有問題再向師兄請教！
作者: 絕對好奇 時間: 2017-12-14 04:58
回覆 26# C_Law
多謝師兄提醒咗我，呢個係內部控制線路供電問題，
啱啱度過供電俾Relay嘅電壓，用10k電阻值供電俾Relay嘅電壓為17V，
用850Ohms為19V，電流唔夠會影響電壓，
想再調低阻值，點知隻可變電阻就頂唔順瓜咗！
小弟有個想法，如果我有隻頂得順嘅可變電阻，
將阻值一路調至供電俾Relay嘅電壓啱啱好到24V，
咁樣會唔會表示，已經調啱咗正確嘅電流值呢？
作者: 絕對好奇 時間: 2017-12-14 05:50
睇完阻容降壓嘅文章，小弟自我感覺到我係未學行先學走，
睇完雖然抖正咗一啲錯誤嘅觀念，但又產生更多艱澀難明嘅問題，
睇嚟要讀多啲基本嘢，砌多啲散件套件，接觸多啲元件，
記住佢地嘅名稱，了解多啲佢地嘅特性功用，
要熟悉電子詞彙，公式計算，
好似啱啱學3d printer一樣，從零開始！
電呢啲嘢一犯錯會有嚴重後果，難怪咁多師兄提醒小弟！
不過唔開呢個post又學唔到咁多嘢，多謝各位師兄賜教，
包涵小弟呢個電子新手嘅無知，感激！感激！
作者: 絕對好奇 時間: 2017-12-15 04:08
有個問題想請教下各師兄，阻容降壓嘅文章裹面，
電容C1的容抗為Zc=-j/wC=-j/2πfC
電阻R1的阻抗為Zr=R
總的等效阻抗為Z=Zc+Zr=-j/2πfC+R
所以I=U/Z=U/(Zc+Zr)=U/(-j/2πfC+R)
呢的Zc,j,wC呢啲英文字母代表乜嘢意思？
另外電容有降壓作用，咁點解有時見到啲換電容post，
又可以用大少少V數同容量去代替呢，
咁樣對電路嘅電壓又無影響嘅？
作者: Joe_Black 時間: 2017-12-15 09:18
提示: 作者被禁止或刪除 內容自動屏蔽
作者: Charcoal99 時間: 2017-12-15 09:30
本帖最後由 Charcoal99 於 2017-12-15 11:32 編輯
這是電子學裡阻抗的複數表達式﹐亦是電子學的數學基礎。
為何要用複數? 這是由於交流電裡的正弦波除了量值關係外，還有相位關係的存在，
在直流領域裡面的電壓差、電流值、功率等值，在交流領域內均要引入相位差項
https://zh.wikipedia.org/wiki/阻抗
由於大量的三角函數計算並不方便，所以引入了複數表達式
https://zh.wikipedia.org/wiki/复数_(数学)
由原來極座標系(Polar coordinate system)的相量(phase/Amplitude) 關係變換到
直角座標系(Cartesian coordinate )的二維線性關係 並引入複數項虛數 j 作為第二維數的表示
(電子學 裡一般用 j 取代 虛數 i, 因為 i 普遍表示為電流)
結合了量和相位的 阻抗 即為 複阻抗 其極形式：
亦可表達為直角形式： 
當電容和電阻串聯時其 總等效阻抗 (Z) 為電容容抗(Zc) + 電阻阻抗 (Zr)
其複數表達式為 Z=Zc+Zr=-j/2πfC+R
電容C1的容抗為 Zc = - j/ωC = -j/2πfC
當中的量值為 1/ωC 或 1/2πfC (ω 為 角弧度頻率)
ω以radian 為角度單位, f 以 degree 為角度單位 https://zh.wikipedia.org/wiki/角频率
-j 項 表示它為 二維複數座標的虛數部份 (亦即為極座標裡的 相位 超前 90° 或落後270°)
在交流電路中，在串聯時﹐電容如電阻一樣有降壓作用，跟電阻不一樣的是交流的相位會有超前90°的改變。
但你提出的例子，一來它工作主要區域為直流部份並加上交流紋波 Ripple，而其對主項的DC部份並不起作用
(理想電容的容抗只有虛部並無實部，虛部為有相位差分量，DC並無此分量)。
(它的任務是阻止電壓快速改變以減低交流紋波, 某程度來說即是只對交流成份的降壓)，
二來電容在電源中它是並聯關係，好比電阻在串聯時有降壓作用，但並聯到電壓源時你不會說它有降壓作用。
除非你引入更高級精細一點的電容等價串聯電阻(ESR)分析。
作者: 絕對好奇 時間: 2017-12-15 16:57
嘩！開工前真係唔適宜睇阻容降壓，睇到個頭好痛，
我諗我依家最需要嘅係即時降壓！
唔該兩位師兄，
收工返嚟再慢慢研究下！作者: 絕對好奇 時間: 2017-12-16 03:36
換電容post問題，兩位師兄講解得好好，小弟睇得好明白，
Charcoal99師兄俾嘅維基link同更詳細嘅解析，
小弟自覺已經大大超出本身知識及理解能力！
阻容降壓記憶中拆過好多細火牛都有類似嘅設計，
應該係一種被非常廣泛使用嘅設計，我一定要學識佢，
不過礙於本身條件，電子根底差，需要暫時放棄嘞！
要回到基本，拾級而上，一步步慢慢向住呢個目標出發！
阻容降壓你等我，I be back！
多謝咁多位師兄支持，循循善誘，
係呢個post教識小弟好多知識，
又可以玩下實驗，小弟心願足矣！
唔該哂各位大佬師兄！
作者: 絕對好奇 時間: 2017-12-18 23:12
本帖最後由 絕對好奇 於 2017-12-18 23:13 編輯
唔好意思各位師兄，真係欲罷不能！
係呢條link到
http://book.51cto.com/art/201104/257828.htm
佢話
1W = 1 J/s
1 J = 在1 N 的力作用下前进1 m
1 N = 每秒钟让1 kg 的物体的速度增加1 m/s 所需要的力
在此基础之下，电气单位都可以用质量、时间以及电子的电荷等物理量来确定。
呢個1J係咪阻容降壓公式入面嘅J ？
另外我咁樣翻譯呢個阻容降壓嘅公式有無錯？
電容C1的容抗為Zc=-j/wC=-j/2πfC
[電容的阻抗=-假想/2π電容頻率]
電阻R1的阻抗為Zr=R
[電阻的阻抗=阻抗]
總的等效阻抗為Z=Zc+Zr=-j/2πfC+R
[阻抗=電容的阻抗+電阻的阻抗
=-假想/2π電容頻率+阻抗]
所以I=U/Z=U/(Zc+Zr)=U/(-j/2πfC+R)
[電流=電壓/阻抗
=電壓/(電容的阻抗+電阻的阻抗)
=電壓/(-假想/2π電容頻率+阻抗)]
呢個(-假想)又係乜嘢意思呢？
問題比較多，請見諒！
作者: Charcoal99 時間: 2017-12-19 10:22
本帖最後由 Charcoal99 於 2017-12-19 17:33 編輯
J 跟 j 並不一樣 (國際單位大小寫並不能互通及混淆)
J 是能量單位 焦耳 (Joule) 的符號 https://zh.wikipedia.org/wiki/焦耳
而 j 即 複數 (Complex Number) 裡的 虛數單位 i https://zh.wikipedia.org/wiki/复数_(数学)
因應電子學裡 i 普遍用作電流符號，所以用 j 取代了 i
你文中的「假想」j 勉強要翻譯應譯作 「虛數單位」(複數裡的 imaginary)
但因應這是國際通用符號，可在任何國際通用語言下電子/數學領域中直接使用而不作翻譯。
(這好比 π 你也不翻譯一樣)
在數學領域當中，公式 (或算式) 是符號表達式﹐在翻譯中不作改動，
一般並不會這樣如你這樣翻譯的
你要翻譯的其實是符號的語言含義。
---------------------------------------------
電容C1的容抗為 Zc = - j/ωC = -j/2πfC
(其中 ω 為 角頻率，f 為 通過電容的電源頻率, C 為電容容量)
---------------------------------------------
留意你 fC 寫成是 「電容頻率」 這是錯誤的。電容在各頻率下運作，並無「電容頻率」這回事。
算式中的 2πfC 實為 2 * π * f * C (乘號在算式中被省略)，而 Zc 則是一個符號
c 為 Z 的下注標 (subscript) 在算式中 並不解作 Z * c,
一旦算式中符號被文字取代，乘號便不能省略，否則便會有語言誤解。
容抗算式翻譯可看 https://zh.wikipedia.org/wiki/电抗
裡的容抗一段。
如前文所述﹐在交流分析中阻抗實為二維 (量/相位) 值, 其極座標形式 :
變換為複數平面直角座標形則為 :
如電阻的電阻值為 100Ω 則其阻抗為 [100 + 0 j ] Ω (對應極座標形式即強度量為 10, 相位差 為0°)
假若交流電頻率為50週，
如電容的電容值為 100µF 則其阻抗為 [ 0 - 31.83 j ] Ω (對應極座標形式即強度量為 31.83, 相位差 為-90°)
當中 -1/2πfC = -1/(2*3.14159*50*0.0001) = -31.83
的R 是實數軸(橫軸)的 Re (複數域的 實數部 Real part)，而X 是虛數軸(縱軸)的 Im (複數域的 虛數部 Imaginary part)
j 即是上圖虛數軸(Im)的虛數單位
如要理解 j 的物理含義, 把計算後的
畫個複數平面座標然後換算為極座標便可知道它的量和相位差了。作者: 絕對好奇 時間: 2017-12-19 15:26
回覆 37# Charcoal99
多謝師兄解析，師兄嘅文章好有老師嘅風格，
我真係要叫聲師兄做阿Sir ！Good afternoon Sir！
睇嚟我都係心急咗啲，我書讀得少，學生時代好怕數學，
成日食零雞蛋，牛王話我有讀寫障礙都錯唔哂，
我一見到數學的方程式、代數呢啲，真係好容易個腦會一片空白！
師兄上半部嘅解析我勉強明白到，不過入面有講到數學嘅複數，
我都唔記得自已有無學過，不過有無都好，我都要重新再學過。
而下半部呢！就真係要自已再努力啲先可以理解嘞！
我一見到呢條公式：
所以I=U/Z=U/(Zc+Zr)=U/(-j/2πfC+R)
[電流=電壓/阻抗
=電壓/(電容的阻抗+電阻的阻抗)
=電壓/(-假想/2π電容頻率+阻抗)]
電流=電壓/阻抗咪歐姆定律囉！
我以為已經接近可以理解阻容降壓，
原來這麼近，但又那麼遠！
老師咁有心機教我，我自已要俾心機啲，
以後問嘢唔洗老師要寫咁多咁長，答得咁辛苦！
衷心感激！唔該哂阿Sir ！
作者: Charcoal99 時間: 2017-12-19 18:19
本帖最後由 Charcoal99 於 2017-12-19 20:42 編輯
我相信你所理解的 歐姆定律 電流=電壓 / 阻抗 為直流領域裡面的 歐姆定律
在直流領域裡﹐所有變項值均為數學裡的實數值域 Real Number﹐簡單的乘除運算便可以。
但踏進交流領域分析時，因為引入了相位(正弦波的起始點)，交流訊號在經過一器件時，
不只其數值量會改變，其相位也有可能改變。
歐姆定律裡的三個變量也都有其量值及其相位值變項。
要擴展歐姆定律在交流領域裡使用﹐即給某兩個變數的(量值及相位值)，結果也要同時算出其量及相位﹐
單一實數值已經不能滿足這要求，所以變量要改為二維變量。
二維變量可以有很多不同選擇，直接可以用強度及相位差，即是極表達式
但運算時已不再是簡單的算術運算而要引進三角函數，變換成複數域雖然變得相當抽象
(當中的虛數並無相對應的物理意義)，但其好處是維持跟直流分析相同的算式，
只是變量從實數域轉至複數域，而簡單複數域一個變數可以同時容納二個變項。
運算前 及 結果後的解譯圴要做 量/相位 <--> 複數 的變換，但當中的所有複雜運算圴變得跟直流一樣簡單。
相位的改變對於訊號的疊加及乘積均有重大的影響。
例如在阻容降壓的例子中﹐由於總阻抗存有 j 項，即電流和電壓間存在相位差，
其功率 P = V I 是兩個有相位差的正弦波相乘，跟同相的情況相比有少於1的功率因數項出現。
容抗越大功率因數會越低。
作者: diputs 時間: 2017-12-19 21:47
本帖最後由 diputs 於 2017-12-19 21:58 編輯
回覆 38# 绝对好奇
试下补充少少，希望令你易明d，所谓虚数部份的〔j〕，可看成系一个将相位角向反时针方向转90度的虚数单位，用两维(X,Y式座标）表示即j轴相对Y轴，从X轴即实数Real Part轴，转90度是j轴，再多转90度为X轴的负数，
因可用代数方式运算：
即 j ²为-1（相位带前180度或反相），
1/j=j/ j ²（分子分母各乘j）=j/-1=-j
在交流运算中，电容的阻抗为 1/(j 2πf C)= -j/2πf C
，如算术运算方式同名数方可加减一样，要分有j项（即虚数项，电路中的电容阻抗或电感阻抗）及无j项（即实数项，电路中的纯电阻项）各自加减运算。
例：于50 Hz的交流电路中，有一个120Ω电阻与一个1μF电容串联，阻抗为 120-j/(2*3.1416*50*1* 10^-6）≒120-3183j
该总阻抗Z的大小为 √(120²+3183²)=3187.5 ∠-87.8°
电阻与电容串联 Z=R-j/(2πf C)
电阻与电感串联 Z=R+j (2πf L)
電路中的電流跟從歐姆定律 I = V/Z
作者: 絕對好奇 時間: 2017-12-20 04:17
回覆 39# Charcoal99
睇完老師嘅解析，雖不致完全明白，
但個人係無之前咁迷惘，原來我一直用直流去諗交流，
就好似用摩打嚟諗stepper，我再睇返老師之前嘅文章，
睇維基有好多專業名詞，一路㩒落去，一路又有新嘅名詞或定律出現，
就好似diy板嘅網友睇我嘅舊文章，佢話一路碌，一路碌，最後唔知我講乜，
而我睇維基又係一路碌，一路碌，不過我最後碌咗落山！
人貴自知，都係返去睇完’身邊的電子學’先，
打好基本功，先至再來請教，我唔想為發問而發問，
勉強問一啲自已都未攪清楚嘅問題，浪費咗老師嘅時間同心機，
再次多謝老師，Goodbye Sir！
作者: 絕對好奇 時間: 2017-12-20 04:30
回覆 40# diputs
多謝師兄幫忙再解析！
不過我真係仲未夠班，但係我會將師兄同老師嘅解析做筆記，
久不久會攞返出嚟，睇下可以理解幾多，以驗證下自已有無進步，
師兄同老師嘅文章，寫得又多又詳細，而且睇得出有經過覆核修改，
非常嚴謹用心，俾到我向前嘅動力，
真係多謝哂！辛苦哂！
作者: jwong852 時間: 2017-12-20 19:58
各位高及低年班學生,
睇完你地以上的討論, 有修正的必要.
阻容降壓, 其實主要電壓降在電容上, >90%. 因電容係無功降壓, 所以唔會消耗功率.
電阻並非用來降壓, 其作用是限制開始供電時電容的充電電流(inrush current). 一般在10-50 ohm之間便夠了. 如阻值太大, 電阻上的功耗太大, 便會發熱, 甚至燒毀.
明不明?
不明, 我有空時, post幾個simulation俾你地睇.
作者: edgeyim 時間: 2017-12-21 10:45
...明不明?
不明, 我有空時, post幾個simulation俾你地睇.
jwong852 發表於 2017-12-20 19:58
期待師兄
作者: 絕對好奇 時間: 2017-12-21 17:08
我唔明！
作者: jwong852 時間: 2017-12-21 20:16
本帖最後由 jwong852 於 2017-12-21 20:20 編輯
以此線路為例:
阻容降壓之電阻使用5 ohm, 功耗為6mW, 發熱不大.
電阻轉用500 ohm, 如下:
電阻功耗為0.6W, 發熱很大.
阻值越大, 功耗越大.
但使用5 ohm, 開機時電容充電, 電流達60A.
因輸入是AC, 此simulation是假設最壞的時侯, 電壓剛在最高峰時 :
如使用500 ohm, 則最壞的時侯, 電流只是0.6A :
衡量功耗及inrush current, 選用50 ohm較為合適, 功耗是60mW, 最大開機電流只是6A.
p.s. 師兄就唔敢當了
識我的人會叫我的學生做師兄或師傅.
圖片附件: RC voltdrop1.jpg (2017-12-21 19:36, 123.42 KB) / 下載次數 38https://www.hkepc.com/forum/attachment.php?aid=2031389&k=502697dbdf64f2c00a9b3eebd2f54aac&t=1781455668&sid=3YEOFcmd72U
圖片附件: RC voltdrop3.jpg (2017-12-21 19:37, 83.28 KB) / 下載次數 44https://www.hkepc.com/forum/attachment.php?aid=2031391&k=f9b06deaf5e50dc591ddaed8f1012d56&t=1781455668&sid=3YEOFcmd72U
圖片附件: RC voltdrop4.jpg (2017-12-21 19:37, 84.87 KB) / 下載次數 42https://www.hkepc.com/forum/attachment.php?aid=2031392&k=7b048850d105ef3e9b3e300180c543d7&t=1781455668&sid=3YEOFcmd72U
圖片附件: RC voltdrop2.jpg (2017-12-21 20:20, 118.83 KB) / 下載次數 48https://www.hkepc.com/forum/attachment.php?aid=2031396&k=5d22e4859538aef79a49c7305845ec5d&t=1781455668&sid=3YEOFcmd72U
作者: Brainstomer 時間: 2018-1-6 08:22
提示: 作者被禁止或刪除 內容自動屏蔽
作者: 絕對好奇 時間: 2018-1-7 02:35
回覆 47# Brainstomer
原來複數係一門咁深嘅數學！
唔知google幫唔幫到手嘞？
不過我有排都未去到呢個境界，
仲有好長嘅路要行！
近排買齊料準備做’身邊的電子學’入面嘅實驗！
順手買咗啲平價工具嚟玩下！
圖片附件: 20180107_023250.jpg (2018-1-7 02:35, 107.39 KB) / 下載次數 61https://www.hkepc.com/forum/attachment.php?aid=2034455&k=93a86b0ea0aca7a07ddf44a32b3567f9&t=1781455668&sid=3YEOFcmd72U
