作者: C_Law 時間: 2017-1-22 22:44 標題: 舊手機換電
本帖最後由 C_Law 於 2017-1-22 23:59 編輯
其實好耐之前有想過，搵迷你直升機的電池代替已經買不到的手機池。以前有嘗試過，當時心念，同樣係 Li-ion 電，或者可以成功。不過迷你直升機粒電只係出紅黑線，而電話就有 +、T、- 三個位，當時懶，只係將粒直升機池的紅黑線用鱷魚夾線駁去電話的 + 和 - 位，無理到 T 位。雖然開得著部電話，但係一分鐘左右又自動熄機。當時無理到，就打消了改電池的念頭。
最近在水區見到有兩個 Post 講舊手機，又再勾起換電的想法。
28#, 32#
http://www.hkepc.com/forum/viewthread.php?fid=15&tid=2345055
4#, 13#
http://www.hkepc.com/forum/viewthread.php?fid=15&tid=2350657
剛才食完飯無無聊聊，將部早已撞散的迷你直升機粒電拆出來玩。不過這粒電厚過我部電話個電池位，所以只可以當係測試下個 Idea，真係要用就要買過粒薄身小小的電。
位了方便接駁電池到電話，我搵塊線路板，根電話個電池位的闊度裁好，度好電池接位的三條針位，用刀銼界開幾條坑，焊三枝針腳。另外部粒氣直升機粒電本來只有紅黑兩條線，但入面塊保護板還有個 T 接口係無焊線，我焊返條 T 線，連同原本的紅黑線，駁個三針頭。
部迷你直升機已撞散了好多個月，粒電亦都閒置了好多個月，所以不知本來剩低幾多電。但係駁好電之後試下開電話，又夠電開得著。但只得一格電(滿係 4 格)，試下打電話去 187-8200 聽天氣，但係都未聽完即日報告已經無電斷線。駁返電話火牛充電，純綷玩下，所以無打算充滿它，只係充了十分鐘左右，拔走火牛見到有兩格電，試下再打電話，打去 187-8200 聽天氣，聽完即日報告同未來幾日預告都無事。收線睇下，仍然係兩格電。再開部機內置個低能麻雀 Game 打了幾舖，打完出返去主畫面睇下都仍然係兩格電。似乎我這個 Idea 係 Work 的。
不過，只當係玩下，就算真係用，都重要試埋充電充到滿是否識得自動停止充電。由於充到滿都要花點時間，要試都要搵日得閒先至再去試。
[attach]1955465[/attach]
[attach]1955466[/attach]
[attach]1955468[/attach]
[attach]1955467[/attach]
[attach]1955469[/attach]
[attach]1955471[/attach]
[attach]1955470[/attach]
作者: 1號閒人 時間: 2017-1-22 23:19
提示: 作者被禁止或刪除 內容自動屏蔽
作者: imax 時間: 2017-1-22 23:34
電池三條線直接焊機底三枝彈針
作者: C_Law 時間: 2017-1-22 23:43
呀..................好似科研品,
但仲未可以拎出街用囉
1號閒人 發表於 2017/1/22 23:19
純綷係以手頭上現有的材料去做下實驗。
電池三條線直接焊機底三枝彈針
imax 發表於 2017/1/22 23:34
只係實驗下，目前仍然要繼續用粒已死了大半的手機電池，因此要以可還原為大前題，所以專登整塊線路板去做實驗。將來真係試到係完全 Work 的話，我可能買過粒裝得入部手機的電池然後直接焊上去。
作者: 高登阿伯 時間: 2017-1-22 23:46
其實好耐之前有想過，搵迷你直升機的電池代替已經買不到的手機池。以前有嘗試過，當時心念，同樣係 Li-ion ...
C_Law 發表於 2017-1-22 22:44
典解粒電好似發漲咗，小心呀。
作者: C_Law 時間: 2017-1-22 23:59
典解粒電好似發漲咗，小心呀。
高登阿伯 發表於 2017/1/22 23:46
印象中當初買部迷你直升機時，粒電就是這個樣。不過，部直升機撞爛後，粒電就閒置了好耐，可能都真係有事，所以我都無打算長充，剛才的測試都只係充了十分鐘就收手，這十分鐘充電時間及之後試打電話和打麻雀 Game 的時候都一直有摸住粒電，不覺有發熱，連微微暖意都無。
不過我都會小心處理粒電，多謝提醒。
作者: xiao 時間: 2017-1-23 22:25
本帖最後由 xiao 於 2017-1-23 22:27 編輯
T - 之間
用 10K -100K 電阻接起來
不同的電池有不同的數值
就可以假裝溫度正常
有的機器不看T
有的充電機會看T
就是一個熱敏電阻
參考看看
https://www.hkepc.com/forum/viewthread.php?tid=2047353
作者: C_Law 時間: 2017-1-25 06:24
本來只係當做實驗玩下，但係屋企有盞燈爛燈座，要出鴨街買新座，既然去到鴨街，經過迷你遙控直升機檔口，就手痕買過粒薄身小小放得入部手機的電。
http://www.hkepc.com/forum/viewthread.php?fid=19&tid=2350913
返到屋企就好似 1# 方式駁住部機做測試，粒電買返來就駁電話嘗試開機，係開得到，不過一開著部機，部機就話電量低而自動關機。心諗新買返來未充過，無電都係正常，於是駁火牛充電。充了大半個鐘，部機就話充滿，拔走火牛，見到四格電，之後試下打電話，講了約五分鐘後收線，仍然係四格。由得部機開著，到臨睡前玩下部電話內置的低能麻雀機，玩了十五分鐘，玩完後仍然四格電。剛剛睡醒再望下，仍然係四格電。
由充滿電後拔走火牛起計，到現在大約九個鐘，當中又講電話又打過麻雀 Game，換轉係平時用緊粒電，應該都跌到落去兩格甚至只剩低一格。似乎又邁向成功一步。
不過要返工，不能用橡筋扎住粒電出去，唯有換返平時用開粒入去。不能繼續試到新電用到無電，要過幾日放新年假先至再玩。
作者: C_Law 時間: 2017-1-25 06:24
T - 之間
用 10K -100K 電阻接起來
不同的電池有不同的數值
就可以假裝溫度正常
有的機器不看T
有的充電機 ...
xiao 發表於 2017/1/23 22:25
度過部電話目前用緊的電，部爛迷你直升機的電，以及另外再買的薄身小小的電，T 和 - 之間的阻值都係 10kΩ。
作者: C_Law 時間: 2017-1-27 00:44
失敗了！
話說星期二買粒電，夜晚充滿後打過電話亦打過機，之後開到星期三朝早，大約開著了九個鐘都仍然四格電。因為不能帶出街所以拆電用返本來粒電。
星期三晚放工返到屋企，換返粒新電入去，開機仍然係四格，由得它繼續開著，過幾個鐘後，到臨睡前睇下，剩低三格，之後諗住又打下個麻雀 Game，但係打打下就突然熄機，連同之前的九個鐘，總共開著了大約十三個鐘。
不過問題係駁返火牛諗住充電及開機，但不能成功開機，開著幾十秒便自動熄機，心諗可能真係無電到不能開機，試下由得它不開機充十分鐘再試下開機，都仍然開著後過幾十秒便自動熄機。因為已經夜要睡覺，唯有先入返舊電，未有研究不能開機的原因。
今晚放工返屋企，試下駁返新電再開機，又成功開到，而且又係四格電(昨晚都只係充了十分鐘)，嘗試駁火牛，部機充了一會便顯示充滿電。於是駁走火牛諗住試下打麻雀 Game，但又係玩玩下就自動熄機。
為何第一晚充電可以成功打電話又打 Game 都無事？回想起來，第一晚粒電我係由得新電駁住電線吊吊揈，但係昨晚和今晚都係用手拿住粒電去用，度下 T 和 - 之間的電阻，發現只得 8kΩ 左右。
正常的電阻值大約 10kΩ
[attach]1956218[/attach]
用手拿著新電，電阻直立即下跌到 8kΩ 左右
[attach]1956219[/attach]
用部電話本來用緊粒電，以及之前部撞爛了的直升機拆出來的厚身電，做同樣的測試，無論有無用手握著電池，都係維持在 10kΩ 左右。
似乎係粒新電塊保謢板的溫度感應太敏感，只係手心的熱力已足夠令它產生變化。我估，如果裝粒新電入部電話，再將電話放入褲袋帶出街，一樣會因為溫度問題而熄機。
作者: xiao 時間: 2017-1-27 09:16
要用vr找出機器的溫度偵測的threshold
不然室溫較低量到低阻
作者: diputs 時間: 2017-1-30 10:36
點解唔將粒舊電保護板拆出黎替換粒新電保護板呢，一般厘種鋰電保護板上限充電電壓都係約4.2V，加埋輸出短路或過載保護，但超溫保護果粒NTC熱敏電阻就因配合保護電路有不同溫度電阻值曲線，就算外形相同的熱敏電阻如MF52A，幾粒的室溫阻值R25同為10k，因不同熱敏電阻B值唔同(如3270A、3435B、3450B、3470A、3600A、3950A、3977B、4100A等)，於溫度變化時，相對的電阻值會唔一樣，所以都係用番舊電池的熱敏電阻或保護板(熱敏電阻裝於保護板內)好d。
作者: C_Law 時間: 2017-1-30 15:17
我都有諗到換另一塊保護板入去粒薄電。但暫時還不想破壞目前用緊粒電，所以會先揀粒直升機厚電的保護板。
不過阿媽話新年流流不要搞 DIY
，過幾日先啦。星期六好似係宜開市動土
！作者: C_Law 時間: 2017-2-5 00:59
剛剛將直升機厚電的保護板拆出來換入去新買的薄電，再拆走之前用來做接駁的線路板上的針位，直接用電線由線路板駁到厚電的保護板。整完之後重試 10# 的實驗，無論有無手握電池，T 和 - 之間的電阻值都維持在 10kΩ 左右。
之後就嘗試將電池裝入電話，用電線膠紙圈四條"豬腸粉"，C 和 D 用來攝住電池邊的虛位，A 和 B 就圈得粗小小，合上機殼的底蓋時就靠這底蓋壓住兩條"豬腸粉"再將塊駁接用的線路板壓落去部電話的接電位彈弓針。
[attach]1957760[/attach]
[attach]1957759[/attach]
裝好機殼後就駁火牛充電，一直手握著電話，不覺有發熱，微暖的感覺都無。充到部電話顯示滿電自動停充，拔走火牛，當時大約夜晚十點幾，之後繼續手握電話打了十幾分鐘麻雀，又講了幾分鐘電話，同樣係微暖的感覺都無。目前可做的就只有等，睇下這粒薄電的電量可以挨到幾長時間。
作者: C_Law 時間: 2017-2-5 23:36
今日瞓到中午才起身，距離昨晚充滿電拔走火牛超過 12 個鐘，起身時見到已經由滿電的四格電跌到落三格電，但不知是什麼時候跌落去。
今日都講過三四個電話，如今距離拔走火牛超過 24 小時，超過本來用緊粒電的電量(充滿都只能挨十幾個鐘)，而且到現在仍然見到有三格電，已超越我的目標。
暫時不充電，繼續用落去，睇下可否挨到 36 甚至 48 小時。
作者: C_Law 時間: 2017-2-6 16:30
今朝起身見到只係剩低兩格電(距離充滿電拔走火牛大約 32 個鐘)，今朝都打過幾個電話，最後一次係午飯時間，都重見到係兩格電。
不過剛剛有電話打入，我拿起電話都重未按掣接聽，就見到畫面顥示話無電然後自動熄機。由星期六晚十點幾充完電起計，一共用了接近 42 個鐘。
其實平時每日充一次電，只要挨到超過 24 小時，已經夠用，對今次換電成績算係心滿意足。
接下來就要等今晚返屋企睇下可否再充返滿電。
作者: C_Law 時間: 2017-3-7 01:15
在水區有師兄問起，返過來睇下這個 Post，原來未過期，就趁被鎖 Post 之前講埋最終報告。
粒薄電用了大約一個月，暫時一切正常。最初幾次係充到滿又用到盡，大約用到 40~50 個鐘先至用到無電而自動熄機。之後改變用電習慣，日日充一次，無再試過用用下無電而自動熄機。
既然可以可靠地用足一日，我當係達到目標。