作者: kentnklee 時間: 2017-4-16 15:50 標題: 奇怪的血壓計
家中一部手臂式血壓計, 如果斷電個零鍾(例如移走電芯AAx4, 或外置電源)就好難著得番, 試過換tactile switches 仍然一樣, 要亂撳一輪至有機會著番, 究竟邊度出問題?
作者: wukw 時間: 2017-4-17 18:28
跟一跟電池接點及相關電路銲點有冇虛銲
作者: whitechunk 時間: 2017-4-17 18:29
提示: 作者被禁止或刪除 內容自動屏蔽
作者: wukw 時間: 2017-4-17 19:50
你又識
whitechunk 發表於 2017-4-17 18:29
叻過大佬你少少
作者: C_Law 時間: 2017-4-17 20:50
要亂撳一輪至有機會著番 ...
kentnklee 發表於 2017/4/16 15:50
會不會只是巧合？
有無試過長時間拆走電後，當重新入電時無急住開機，先等一等，一個鐘後才試下開機，睇下能否一下就開得著？
話時話，部機用了幾耐？
作者: kentnklee 時間: 2017-4-17 22:45
回覆 5# C_Law
部機外家用了成十年,
開唔萫才交給我處理.
之前用熱風槍吹底板排除虛焊,
又著得番, 好似好正常,
但幾星期後就變到而家咁.
在唔斷電情況下,
開關多數正常,
但移走電池/電源個零鐘後就多數唔掂.
唔知邊part 出問題!
作者: 絕對好奇 時間: 2017-4-17 22:57
回覆 6# kentnklee
睇下連接電池/電源嘅電線接位，有無斷咗幾條線或接觸不良，
電線有無夾扁到，呢啲都會影嚮電壓下降，引致部機運作不正常。
作者: C_Law 時間: 2017-4-18 06:55
回覆 C_Law
部機外家用了成十年,
開唔萫才交給我處理.
之前用熱風槍吹底板排除虛焊,
又著得番, 好似 ...
kentnklee 發表於 2017/4/17 22:45
「要亂撳一輪至有機會著番 」，由於你話已經換過掣，我當新掣係本身係正常。所以我覺得亂按掣未必直接係令到部機開得著機的原因，有可能係"亂按掣所花的時間"才是關鍵。之前話入電後不要心急開機，先等一段時間再睇下能否一次過開機，就係想証實這一點。
好多數碼小電器的所謂開關都不是直接切斷電源，部機一入電池就不停用電，只係部機在 Standby 時用好小電，實際要用部機時按個所謂開關掣係去 Wakeup 部機。而入電池的一刻會有個 Delay 線路，部機一入電池係處於 Reset mode，要過了預設 Delay 時間後先至開始運作(所以這段時間內按掣係無用)，我懷疑係這個 Power on reset 的 Delay 線路出事，這線路通常係好簡單的串連電阻同電容，一駁電池，電容開始經電阻充電，充到電容到達某個電壓就 Trigger 部機脫離 Reset mode。可能部機基於某些原因，令原本好快就充完電的 Delay 線路變到充得好慢，例如充電的串連電阻虛焊，大幅增加總阻值令到充電時所需的時間增長。
除此之外，好多血壓計會有 Memory 記住過往幾十次量度到的數值，通常係靠大電容或者小形充電池當作 Backup 電源，令到 Memory 可以在換電池的時間得以保存一段時間。有機會係這 Backup 電源線路出事，長時間拔走電池，令 Backup 電源都用盡，到剛剛再入電池時，要向已經完全放電的 Backup 電源充電，一下子扯到電池壓太低，低到不能正常開機，直到 Backup 電源充夠電，電池電壓先至回復到可以開機的水平。如果 Backup 電源係用小形充電池，部機用了十年機，有可能這充電池已經死了。
作者: xiao 時間: 2017-4-18 08:44
先換電容再說 固態電容也會壞的 10年機器
作者: digiman 時間: 2017-4-18 09:32
血壓計屬醫療儀器，我覺得唔好自己整，有問題換過部最好，數據準唔準係重要問題，突發時用唔到點算，尤其是心藏問題可能只係得好短救援時間，我試過家人胸悶唔舒服，知道後即幫佢量血壓，偏高及心率不正即Call白車，當晚即做通波仔救返條命
作者: kentnklee 時間: 2017-4-18 21:01
回覆 8# C_Law
Thanks.
其實已換電容, 但仍然唔得.
部機衹要唔好斷電, 多數正常, 仍然可用,
不過我想解決個斷電唔正常問題.
作者: superwebguys 時間: 2017-4-18 23:14
買過部啦。
via HKEPC Reader for Android