標題: 電磁爐 [打印本頁]

---

作者: timrice    時間: 2018-7-4 16:03     標題: 電磁爐

想問電磁爐有冇D係細火數時唔係開下關下既?

---

作者: wyhui5124    時間: 2018-7-4 16:15

依家有D新款叫"恆勻火電磁爐",話可以細火都連續輸出喎,但未試過唔知係點嘅效果
[attach]2068584[/attach]

---

作者: timrice    時間: 2018-7-4 16:25

回覆 2# wyhui5124


    貴唔貴? 有冇單頭流動款?

---

作者: wyhui5124    時間: 2018-7-4 16:48




    淨係有單頭流動款咋,上淘寶就search倒

---

作者: josew    時間: 2018-7-4 17:01

用開電磁爐, 消費比煤氣低, 熱天用既時候, 人亦無咁興,   

之前有睇過, 比普通款係貴好多, 人仔5百度上下,  
要留心, 有的款有 Wi-Fi 功能 , 近似 model no. 功能都有大小不同差異,  

Midea/美的 C21-QH2130/QH2131 恒匀火家用火锅静音电磁炉
https://item.taobao.com/item.htm ... amp;_u=t2dmg8j26111

---

作者: timrice    時間: 2018-7-4 17:34

回覆 4# wyhui5124


   

---

作者: pomkon    時間: 2018-7-4 17:50

提示: 作者被禁止或刪除 內容自動屏蔽

---

作者: josew    時間: 2018-7-4 18:42




     我對 細匀火 同 桑拿蒸 興趣大的,  
美的 wi-fi 睇反應好似唔係咁好, 而且要另外加錢, 亦唔會考慮.

---

作者: 1個閒人    時間: 2018-7-5 00:25

細火數用"電陶爐"煲湯靚,及冬天做暖爐

---

作者: dcc2000    時間: 2018-7-5 03:28

小米果隻電磁爐都係類似設計，仲聲稱可以99級火力控制，個外觀較為另類，有別於大路款式嘅電磁爐。

[attach]2068685[/attach]

---

作者: timrice    時間: 2018-7-5 12:43




    淘X299, 唔貴, 有冇勇士買左? 好唔好用?

---

作者: 珠海榮    時間: 2018-7-7 01:13

八週年慶典, 七月九日至十三日   電磁爐HK$399 .

---

作者: josew    時間: 2018-7-7 01:27

本帖最後由 josew 於 2018-7-7 01:30 編輯

回覆 12# 珠海榮


    唔應師兄提醒 !

無留意, 好彩仲未找數,
呢個價同人仔差唔多, 到時入返部,

不過已經無晒, CSL, The Club 之前都有做 399 + 100 club points,

---

作者: arziarzo    時間: 2018-7-7 07:42



    我做左清兵，買左大陸版。
好用，細火唔會著下息下缺點有二，
噪音比較大，但對比美的又差唔多或者比美的安靜少許。
顯示屏無傾斜度對於有土地問題的香港有可能要彎腰睇顯示屏

via HKEPC IR Pro 3.4.0 - Android(2.3.4)

---

作者: dcc2000    時間: 2018-7-7 10:04

香港依家係$499了，$399果時基本上係買唔到。

---

作者: 珠海榮    時間: 2018-7-8 03:03

回覆 13# josew


    剛睇過重有喎 CP100 +HK$390

---

作者: josew    時間: 2018-7-8 04:00

本帖最後由 josew 於 2018-7-8 05:00 編輯



    唔該師兄,
可能我上次未 login The Club,  
如果明天係 米HK 399入到, 會慳返 CP100 - CP39 = CP61

---

作者: josew    時間: 2018-7-8 04:36




    睇反應,
好似仲有,
顯示字型比較細, 唔太適合老人家, 同近視眼,  
中心火力, 大過外圍, 打邊爐, 混水易由中心彈出煲外, 不過如果用加厚底煲, 唔知情況會唔會好的.

Wi-Fi, App 可能顯示為主, 未必可以對個爐控制自如
不同菜色煮法, 以時間流程, 同每個時序間隔長短, 作為控制方式, 即係中途有任何人手干擾都可能會破壞整個菜既煮法流程, 之後要改手動補救,

控制旋鈕, 有易壞既報告

---

作者: dcc2000    時間: 2018-7-11 23:54

香港小米又嚟特價$399

[attach]2069835[/attach]

---

作者: zoulo    時間: 2018-7-12 11:00

提示: 作者被禁止或刪除 內容自動屏蔽

---

作者: josew    時間: 2018-7-14 17:09     標題: RE: 電磁爐 - 小米家 型號: DCL01CM 初步用後感

本帖最後由 josew 於 2018-7-20 15:47 編輯

小米家 型號:  DCL01CM 初步用後感

特價8折時 HK$399, 小米家 型號:  DCL01CM  

因為有用開電磁爐, 覺得方便又易清潔打理, 操作時環境溫度又比煤氣爐低好多,
所以電磁爐已經走出厨房用, 唔使講既打邊爐, 沖茶, 咖啡, 公仔面等用途, 甚至唔多油煙同水氣既菜色, 好多時都係廳同食飯台搞定同即時進食, 亦方便隨時保溫同返熱,
而且因為懶, 所以經常都係一條龍懶人式用法, 即係同一煮食器皿, 連煮連食, 用後只需要洗一次.     

剛有時間試用小米電磁爐, 發覺有一的特點, 亦有一的盲點/缺點需要留意,

散熱風扇風聲唔算大, 但頻率比一般電磁爐為高, 有的似在遠處聽到吸塵機聲, 聲音雖然唔算大, 但係時間長左會唔舒服.
另外, 要留意電源線既保護, 因為係屁股後面出線, 但用既保護套 (有阻尼?) 十分硬, 經常移動, 易傷電線外皮, 或易斷芯 (係旺角米家示範品, 已經見外皮斷開, 露出藍同啡色2芯線), 自己用亦要小心 !  

1. 手動操作
1a. 無溫度控制同顥示
1b. 只有火力同時間控制
1c. 用火力控制加溫到想要情況或溫度後, 就算將火力調到刻度最低 1格, 仍然會到達水滾或以上溫度 (視孚煲, 水同食物多少同大細情況同時間長短), 所以在某的用途, 需要用暫停功能去暫停加熱, 等溫度降低之後, 再手動開返繼續加溫,
呢方面, 反而可能比普通電磁爐, 需要多的留意同人手操作,

2. App, 用 app 去控制
2a. 有溫度, 火力, 同時間控制
2b. 溫度 (40度 至 190, 每分隔為5度) , 但係 81 到 109度 之間係盲區, 無得控制, 即係一係唔滾, 一係已經過左大滾,
唔知點解, 會有一大盲區而未解決到問題, 因為呢 30度範圍, 係煮食常用溫度, 影響好唔好食, 老唔老, 柴唔柴, 甚至燶唔燶等等一連串好多大問題,
所以如果想自動, 又要回返去用火力控制, 加人手操作, 呢方面比普通電磁爐唔算太大優點.

---

作者: josew    時間: 2018-7-14 17:38     標題: RE: 電磁爐 - 小米家 電磁爐 app 菜色的操作和控制

本帖最後由 josew 於 2018-7-14 18:34 編輯

小米家 電磁爐 app 菜色的操作和控制

可以控制 火力, 溫度, 同時間,
但係只有單一操作/控制 程序,
即係, 一係火力加時間控制, 一係溫度加時間控制, 但只有一個單一程序步驟控制, 無得再加第2步或以上,  

同樣, 有上面提到既溫度盲區昭問題,
(2b. 溫度係 80 到 110 度之間係盲區, 無得控制, 即係一係唔滾, 一係已經過左大滾,
唔知點解, 會有一大盲區而未解決到問題, 因為呢 30度範圍, 係煮食常用溫度, 影響好唔好食, 老唔老, 柴唔柴, 甚至燶唔燶等等一連串好多大問題,)

例:
只可設定, 幾多火力/溫度 + 幾多時間, 完成後便停下來,
適合一鑊熟/煮方法, 如有其他要求, 都係要加人手操作.

---

作者: 孤獨推銷員    時間: 2018-7-14 19:06

回覆 22# josew
ching請問佢電線有幾長?

---

作者: josew    時間: 2018-7-14 19:15

本帖最後由 josew 於 2018-7-14 19:18 編輯



    153 cm, 5呎左右, 請要預用拉尺度誤差, 預短一的會好的.

電線係固定係屁股, 唔似電腦火牛, 可以隨意插同脫離, 呢樣對我來講, 亦唔係咁鍾意.

---

作者: tgo    時間: 2018-7-15 17:05

多多謝師兄報告，之前重想買呢個添。

---

作者: josew    時間: 2018-7-16 05:00     標題: RE: 電磁爐 - 小米社區, 電磁爐 火力實測報告

小米家, 電磁爐 火力實測報告

係小米社區, 有網友發表對 電磁爐 火力實測 情況報告,
但未知同現時銷售中, 同埋本地既貨品有無分別,
照原文測試後資料, 火力檔數, 同現時其他較新電磁爐, 同係 10檔 火力控制,  

==========
電磁爐實測情況
==========
引用原文出處:
http://bbs.xiaomi.cn/t-14292360

發表在 問題&討論 01-13 09:22:16

本人喜歡煲粥，原來用的電磁爐在600瓦時就不能連續調功了，小火煲粥非常不便。
看到小米電磁爐介紹說，99 擋微調控火支持低溫烹飪，就搶了一台，心想這下煲粥就方便了。
經實際實用發現，這個99擋微調的意義實在是不大。
特別是在大功率的情況下，微調沒有任何意義，就好比，1500瓦和1520瓦能有多大區別？
微調只在小火低溫時才有意義。
可是小米電磁爐在400瓦以下就不能微調了，確實這個指標比我之前使用的電磁爐好了一些，但是，仍不能解決小火煲粥的便利問題。現在只好將小米電磁爐裝回包裝盒作為備用吧。

下面是小米電磁爐各擋功率對照，因為讀數不穩定，不一定很準，只做為參考吧。

1擋：    5瓦到410瓦（來回跳，不是連續調功）
11擋：    520瓦
22擋：    625瓦
33擋：    750瓦
44擋：    870瓦
55擋：    1185瓦
66擋：    1370瓦
77擋：    1550瓦
88擋：    1760瓦
99擋：    1900瓦

---

作者: josew    時間: 2018-7-16 05:06     標題: RE: 電磁爐 小米家, 電磁爐 有拆解片, 拆機圖

本帖最後由 josew 於 2018-7-16 09:36 編輯

補充:
小米家, 電磁爐 有拆解片
===============
小米社區, 電磁爐 有拆機圖

YT 片
小米米家電磁爐 拆解 拆机
https://www.youtube.com/watch?v=5fx7QttForI

米家电磁炉拆解：线圈缠绕竟然有种辣条既视感
https://www.youtube.com/watch?v=n0RLaVoonko


小米社區, 電磁爐 有拆機圖
請參考原文,
http://bbs.xiaomi.cn/t-14257143

---

作者: josew    時間: 2018-7-16 09:57     標題: RE: 電磁爐 - 故障修理維修參考

本帖最後由 josew 於 2018-7-16 10:06 編輯

高危險動作！！！ 注意生命安全！！！

只適合有高技術同經驗人士 ! ! !

參考, 故障修理維修

看图学会电磁炉故障维修
https://www.youtube.com/watch?v=4W-23IvRgQo

---

作者: josew    時間: 2018-7-16 13:17     標題: RE: 電磁爐 - 參考 煮食用具 不銹鋼 煲，平底鑊，煎 pan

本帖最後由 josew 於 2018-7-16 13:32 編輯

題外話

參考
電磁爐用 -  平價不銹鋼煮食用具， 煲，平底鑊，煎 pan
（不銹鋼煮食用具，需要掌握使用技巧，避免黏底）

（留意，如果外層不銹鋼較薄，任何爐火太猛，升溫會好快，容易燒煲，就算係煮較稠如咖哩等，都要小心！）
而普通電磁爐，因為溫度控制使用調節，開（大火/高溫）同關（細火/低溫）式，加上控制時間長短，來達到平均溫度數值，所以亦較易於有上面問題！


Ikea,

ANNONS, $99.9, 煮食用具，5件套裝, 玻璃, 不銹鋼
https://www.ikea.com/hk/zh/catalog/products/30207400/
套裝，平價（未見特價），外層不銹鋼，中間層為鋁質，有厚底，
外層不銹鋼較薄。

OUMBÄRLIG， $439， 煮食用具，7件套裝
https://www.ikea.com/hk/zh/catalog/products/10286417/
套裝，平價（曾特價平8x），外層不銹鋼，中間層為鋁質，有加厚底，
外層不銹鋼中等，不銹鋼蓋，唔係玻璃蓋。


ECLiving 簡簡單單

不銹鋼，煎 pan （需要掌握使用技巧，避免黏底）
Buffalo 牛頭牌 E-Cook 24CM 煎 pan（多次特價 ＄98）
唔差，多層，中層為鋁，無另外加厚底

Buffalo 牛頭牌 Pro-Cook 28CM 煎 pan（多次特價 ＄128）
唔差，中層為鋁，有加厚底


淘記
要好心機，撞手神，加上輸左自己唔好火滾。

---

作者: DGCNYO    時間: 2018-7-16 13:38

提示: 作者被禁止或刪除 內容自動屏蔽

---

作者: josew    時間: 2018-7-16 14:37

本帖最後由 josew 於 2018-7-16 14:45 編輯

買個厚D既，係方法之一，
但係唔夠加厚底咁直接同有效（多層設計除外），
因為熱力由底部下面傳導到達上層，需要時間，所以會係中間夾層加鋁，幫助加快傳導散發熱力。
加厚底本身，中層多數係厚鐵，外面包不銹鋼，再上入煲底。
所以有更大阻尼 damping，"平均係數" 亦較好。

太薄，再開大火，煲底溫度會升得非常快，已經會燒，如果散唔切，煲上煲下溫差太大，甚至可以扭曲變形。

---

作者: josew    時間: 2018-7-16 18:23

本帖最後由 josew 於 2018-7-16 18:54 編輯

導磁，導熱輔助工具

可以在不導磁既煲或器皿之內使用，

电磁炉用砂锅导磁片导热片陶瓷煲康宁玻璃锅不锈钢导磁导热垫
https://item.taobao.com/item.htm ... amp;_u=t2dmg8j26111


可以在不導磁既煲或器皿底部之下使用，
不過要小心使用，因為要用組合拳法出招，一分心就容易出錯，有危險性。

以前永安百貨有靚仔好多既同類用品，不過價錢亦靚得好多。
Frabosk Induction Plate 14cm & 22cm 節能板
https://www.youtube.com/watch?v=FLqB-EPbVwA

RV Induction Cooktop
https://www.youtube.com/watch?v=odIBLV_0gIc

西班牙式电磁炉传热板玻璃锅导热板烙饼煎烤薄饼板23cm
https://item.taobao.com/item.htm?id=563509239233&_u=

---

作者: midnight    時間: 2018-7-17 01:32

睇完呢個帖，決定下次壞爐不買小米

via HKEPC Reader for Android

---

作者: timrice    時間: 2018-7-17 02:19

好在未買, 其實電磁爐係咪先天冇連續細火架?

---

作者: DGCNYO    時間: 2018-7-17 18:05

提示: 作者被禁止或刪除 內容自動屏蔽

---

作者: josew    時間: 2018-7-17 19:35

本帖最後由 josew 於 2018-7-17 20:02 編輯

照睇返之前小米官網討論帖，最低火數可能係 410W 度上下，

我做左個比較，小米電磁爐同用個好舊煤氣爐比較，
小米電磁爐，手動教到火力最低 1 度，
煤氣爐，開到最細，再教中心圈 既火高度，到仲淨返 4 至 5 cm 高度之下，外圍圈火高度約 1/2 cm 度，
兩者都有水滾，水珠都係大眼，約 大半 cm 高度，亦都有水蒸氣沖上煲蓋。

係呢種溫度下，雖然細火，但煎魚等，都要留心睇火，因為都可能會燶，所以要經常反轉面，
所以，我會再教煤氣爐火細小一的，到剛剛有火，煎起來香脆而不燶，肉仍滑因肉汁損失不大。

但係小米電磁爐，手動已經冇得再教細，


一般經驗，新鮮水喉水，係加上蓋煲，
開始煲到剛剛出現水珠，似細小蝦眼一般大細，水溫大概 60 度左右，
煲到細小蝦眼慢慢升起來，水溫大概 70 度左右，
煲到蝦眼較快上升，水溫大概 80 度，
煲到蝦眼轉為較大水珠上升，水溫大概 90 度，
再煲，會到水滾，水珠反為越來越少，因為水中氧氣已經揮發得差不多，水會上下滾動。


所以，而家嘗試，用保溫功能，當細火數使用，
用  App，加入唔同溫度/時間，設定為唔同自定模式/菜色，備用，

例如，
自定模式/菜色， （App 冇 81 - 109 度 控制，每 5 度，為一個分隔）。

1. （慢煎魚） -- 設定，溫度 80 度 / 時間 10分鐘
（會事先將鑊加熱到合適溫度，落油，將魚煎到唔黏鑊。）
之後打開 App，執行  （慢煎魚），完成之後反面煎第二面，如果需要，可以再次煎耐的。
效果仍可以香脆肉滑。

做起來，係多左的步驟，又要將手機整來整去，不過比較原來用手動細火，算係唔使睇咁多次火，


2. （沖龍井） -- 設定，溫度 80 度 / 時間 2分鐘
（會先將水煲滾，然後等溫度降低）。
之後打開 App，執行  （沖龍井），完成之後再用來沖入龍井茶葉中
沖龍井茶，溫度不能太高，一般 75 - 85度之間會較好，再高會破壞茶既味道同口感，再過高甚至煲熟茶葉，飲落好似苦菜湯。
第二次或之後沖水，溫度應該適當提高，因為係兩溝，要補充返之前茶葉已經濕水同水溫已經降低。


3.  （沖咖啡）-- 設定，溫度 80 度 / 時間 2分鐘
（會先將水煲滾，然後等溫度降低）。
之後打開 App，執行  （煲咖啡），完成之後再用來沖或者煲咖啡
咖啡，一般按照不同品種同烘焙，沖煮水溫由 77 - 87 之間。


4. （保溫65） -- 設定，溫度 65 度 / 時間 60分鐘
之後打開 App，執行  （保溫65），
用來保持飲用時既喜好溫度。

---

作者: peterma    時間: 2018-7-17 23:42

本帖最後由 peterma 於 2018-7-17 23:48 編輯


我就係睇左前面, 未出josew ching後面詳細評論時就買左
真係垃圾一件, 試左一陣, 束之高閣, 只作為現在的電磁爐如果壞左, 拿來作spare頂一兩日之用, 算係做左白老鼠
外表設計好像很前衛, 但其實只係好睇而並不實用
簡單來講, 前面ching都講左, 99段調節係冇用, 我用電磁爐超過十年, 基本上煮野只需五到六段火力調節就完全足夠, 比99段你要黎託咩? 而且成日旋來旋去, 個掣想唔易壞都難
另外就係顯示是水平方面的, 而且D字又細, 就算我縮到五呎高, 除非烏低身, 否則都好難睇到D字, 而且睇到時間黎又睇唔到溫度/火力, 顯示完全靠旋扭中間個位, 基本上好難睇, 只要遠小小或整緊其他野就睇唔清了
最後就係個矽質膠邊唔知要來做乜, 又易甩, 又接近鑊邊, 我都驚佢會熱溶左
總結來講現在大家常見電磁爐的樣子就係使用左十幾年而累積大家的使用習慣和改進後而固定下來的, 為什麼顯示要做得咁大, 時間和溫度/火力分開不同按扭控制, 自然是有它的原因
小米就阿茂整餅, 冇個樣整個樣, 標奇立異, 外表好似好cyber, 其實完全唔實用, 更加唔好講藍芽, 最好你一路煲湯, 一路煮餸, 一面拎部手機出黎睇下煲成點or調節時間或溫度, 貪好玩咩, 到時一時楂唔穩搞到部手機跌左落煲湯度  

---

作者: dcc2000    時間: 2018-7-18 03:17

其實電磁爐真係好難同明火爐具較勁，有冇師兄用過其它牌子所謂 "恒匀火" 嘅電磁爐？整體火力控制表現會否較小米呢款優勝？

---

作者: wyhui5124    時間: 2018-7-18 08:14




    冇用過恒勻火電磁爐,但睇介紹都係一定火數之下會變為開關式控制(有D寫400W,有D寫200W),咁只係俾舊式電磁好D(一般係1000W或以上先連續)。

唔計開關低火控制,其實電磁爐同煤氣係各有好處,所以依家我兩樣都會用。

---

作者: DGCNYO    時間: 2018-7-18 11:09

提示: 作者被禁止或刪除 內容自動屏蔽

---

作者: zoulo    時間: 2018-7-18 11:17

提示: 作者被禁止或刪除 內容自動屏蔽

---

作者: hofct    時間: 2018-7-18 11:50

回覆 26# josew

多謝分享，小米d 家電真係咁上下。
之前買過佢個電水壺，又係唔鬼掂。(睇強國人既評論就捧佢上天，自己用完全另一回事)

---

作者: tkt1307    時間: 2018-7-18 11:52




個電水壼又點唔惦法?

---

作者: josew    時間: 2018-7-18 12:12

本帖最後由 josew 於 2018-7-18 12:23 編輯

不同明火，係有佢不同明顯優勢，以前屋企用過燒柴，炭火，火水爐，打/噴氣火水爐，石油氣，反而好少用電熱類。以打/噴氣火水爐最猛火，但又最嘈。自己後期用煤氣為主，電磁爐只係輔助。

但係電磁爐有一好處，有定時功能，可以自動熄火，方便安全，
而且消費比起煤氣，可以低好多。

再加上參考左 無水煮食/無水烹調 方法之後，間接少用煤氣爐，甚至完全無用，但都要交 ＄19 最低基本月費，所以計劃唔用煤氣，轉晒用電磁爐。

無水煮食/無水烹調，少油少水方法，唔等於唔好食，不但可以原汁原味，對健康亦有好處，

Youtube 台灣有兩公婆推介，視頻比其他人多，亦較有系統，值得參考，
可以用 中，西，同混合煮法，做出各種傳統菜色。
關鍵字： 健康新煮流~有煮真好

不過開始時可能要習慣下，因講國語，多數有字幕，

---

作者: DGCNYO    時間: 2018-7-18 13:34

提示: 作者被禁止或刪除 內容自動屏蔽

---

作者: irhk    時間: 2018-7-18 15:28

本帖最後由 irhk 於 2018-7-18 15:32 編輯

我都買咗恒温電水壼，用咗約一星期，其實$199當普通電水壼咁用已經唔錯，多咗WiFi功能可以做一啲保溫設定當bonus，唯一係水壼外冇水位刻度睇。

另外，電磁爐之後都買咗，昨日收咗件未開箱，原先都以為溫度可以作高溫低溫細分，睇完師兄報告，都唔想開住了。

via my mobile device

---

作者: tkt1307    時間: 2018-7-18 15:50



有幾多人真係會用呢啲水煲當恆溫水壼用

---

作者: dcc2000    時間: 2018-7-18 16:30

既然講到小米隻電磁爐咁唔掂，有冇師兄諗住折讓出？

---

作者: peterma    時間: 2018-7-18 17:07



消費比起煤氣爐平就冇錯, 畢竟熱力唔會好似明火爐咁在旁邊走左去
至於定時功能, 我家姐前排換左個煤氣爐, 三爐頭, 一主兩副, 主爐一樣有得set時間自動熄火

---

作者: msko2003    時間: 2018-7-18 17:33

用咗雙頭電磁爐已有一段時間，電磁爐有一個優點是明火爐點都唔會比到，就係煮緊餸時我老闆可以開大風扇向住自己吹到"恆"都無問題！

跟住買埋洗碗碟機後，以前夏天時每星期只會煮一~兩日飯到現在每星期煮到四~五日飯，慳咗錢又健康咗！

---

作者: hofct    時間: 2018-7-18 17:46



d 問題有大有小...
最差就係無防乾燒保護，呢個功能日本城賣百零蚊既貨色都有啦，但佢無。
輕觸式按鍵+無防乾燒

其他例如壺身易髒難清潔，壺口會入塵，條銀邊勁辣手，手持反人體力學 之類 ....
我認為係最好的工業設計教材 (反面果隻)

---

作者: irhk    時間: 2018-7-18 18:03


相信唔多，我都唔係當恆溫水壼用，因我唔係一個人用，用app set 80度後，之後壼內重有足夠已煑熟水，按保溫會加熱返到80度，唔使上100度再降返。
睇個人使用習慣，我覺得$199可以收貨，只係壼外冇水位刻度睇較不便。佢另有一款冇恆溫功能的型號平啲。

via my mobile device

---

作者: digiman    時間: 2018-7-18 20:13

依家發覺全部用App控制、mon住啲所謂智能產品好多都係把鬼產品

---

作者: 珠海榮    時間: 2018-7-18 20:54



依樣最重要，重有就係唔洗赤膊煮野，比滾油彈中。

---

作者: josew    時間: 2018-7-18 21:39




    呢樣新既已經有好耐，以前商業機用多，可能係因為貴家用唔太流行，

不過，如果係我自己，仍然覺得有潛伏危險性，

以前曾經有意外新聞，唔記得物事，但左右幾間，上下兩層，都間接受害，

以前攪自動控制，最唔放心就係燃氣體，所以一定會加多幾層保險，最少自己良心安樂的，
比起電氣，機械，氣動，油壓等，出左情況，只會最多衰一層，兩層保險操施，
但係燃氣體，衰起來要補救已經好麻煩，有時仲會衝過晒預算既範圍，意料唔到。

---

作者: tkt1307    時間: 2018-7-18 23:29




冇防乾燒保護呢樣真係死得
咁都可以攞出街賣

---

作者: dcc2000    時間: 2018-7-19 01:31


冇防乾燒，唔係呀嘛？
呢個係必要嘅功能，而且亦唔係咩高科技，冇理由會冇，個spec寫到明有，師兄要攞隻水壼去海關投訴(舉報)喇。

[attach]2071034[/attach]
[attach]2071035[/attach]

---

作者: arziarzo    時間: 2018-7-19 01:40

無防燒乾？可能性好低。

有時要睇人地收你幾錢提供D咩比你，我用大陸即熱電水壺已經好多年，小米出現前，200人仔內電熱水壺用strix溫控已經係良心貨啦。

via HKEPC IR Pro 3.4.0 - Android(2.3.4)

---

作者: msko2003    時間: 2018-7-19 09:23




電磁爐比明火爐更快令嗰煲嗰鑊快啲熱快啲煮完餸，加上電磁加熱直接無嘜流失，所以廚房室溫會低好多好多，用過電磁爐的一定會知道！

---

作者: DGCNYO    時間: 2018-7-19 11:05

提示: 作者被禁止或刪除 內容自動屏蔽

---

作者: msko2003    時間: 2018-7-19 11:43



絕對正確！

---

作者: zoulo    時間: 2018-7-19 12:02

提示: 作者被禁止或刪除 內容自動屏蔽

---

作者: josew    時間: 2018-7-19 12:05

本帖最後由 josew 於 2018-7-19 12:07 編輯

機內風扇 主要吹風 power 管 IGBT 金屬散熱器，亦替內部散溫。

---

作者: msko2003    時間: 2018-7-19 12:10

回覆 63# josew

---

作者: hofct    時間: 2018-7-19 14:38

本帖最後由 hofct 於 2018-7-19 14:43 編輯



事發經過：

初購入，用了 PCCW Club point 加二百蚊左右。
由客廳改為插到廚房拖板度，跟住佢自己開始加熱! (當時無入水)
過左一陣我先發現乾燒，跟住即刻衝過去熄電制。
事後水壺仲用得既，但內胆就咁囉：
[attach]2071102[/attach]

你話無可能，咁大間公司出既水壺點會咁失敗，仲要自行加熱。
但更攪笑既都仲有:
[attach]2071103[/attach]

小米既產品介紹好多古惑好笑野，CHing 貼左官圖出黎左令我想講多d：
[attach]2071104[/attach]
"手摸防觸電" 咁革命性 ?即是以後飲水唔駛戴膠手套 ?正呀喂


[attach]2071093[/attach]

雙層壺身即係咩? 咪即係膠包鐵囉。注意啦，佢話係中空隔熱層。係中空呀，唔係真空。
嗱，我話大家知，實物層膠係好貼個內胆既，條銀邊係辣手既，關上壺蓋亦無cup 埋壺嘴既。咁你自己諗下佢個保溫效果啦。
水壺外部"僅有"40°C，真係弱點當強項。

HK 網站
[attach]2071105[/attach]

1% of what?

內地網站清楚d:
[attach]2071106[/attach]
唔同既喂?
好啦，不管正負1% , 定正負2°C，其實聽落都好勁啦係咪先? 2°C 誤差咁少wor，要求唔高，低溫慢煮都收貨啦 ...

結果呢? set 左60°C 保溫咁講，水溫跌 5-10°C 先重新加熱，之後加熱到 65-68°C 先識停。(煮食用電子溫度計測試)
曲街，又話正負2°C既 ? 攪錯，成支野凸晒出黎，誤差都離譜?

傻仔，人地話你聽感應器個 spec 之麻，無話個水壺 加熱/停止 靈敏度/精準度 跟得上喎 ~
呢招真係高，我就係比呢個feature fake 左。

即係呢，好似坊間果d 不知名既電磁爐咁，個Panel 寫住Made in France。查實係塊玻璃面板 Made in France 咋。
事後發現係大劣貨想投訴? 超，你事前無問清楚，抵X死啦你。

至於點解唔投訴? 我有時買錯野，鍾意留番喺屋企用，
當比自己一個警惕。200 蚊當學費其實很 okay。

---

作者: tkt1307    時間: 2018-7-19 15:45



升級完會自動煲一次都幾搞笑

---

作者: DGCNYO    時間: 2018-7-19 17:51

提示: 作者被禁止或刪除 內容自動屏蔽

---

作者: zoulo    時間: 2018-7-19 18:10

提示: 作者被禁止或刪除 內容自動屏蔽

---

作者: dcc2000    時間: 2018-7-19 21:38

小米第一隻AC router係giga LAN(雖然有好多鑊氣)，之後隻mini 先之係100M，其實好多國內低價牌子AC router都係咁嘅設計，果時大陸好多地區嘅住宅寬頻都係行緊10M 20M，router出街100M夠用有餘，佢哋主打又係國內市場，冇必要giga LAN，做價、售價又可以低d。隻mini賣舊幾水，諗都諗到會係咩級數。

小米d產品，論質素、功能唔會係最好，論價錢亦唔算係貴，但比起同類型、同價位嘅產品，整體質素算中上。只係有部份消費者，諗住畀民宿嘅價錢，有6星級酒店嘅享受同體驗啫！

---

作者: zoulo    時間: 2018-7-19 21:46

提示: 作者被禁止或刪除 內容自動屏蔽

---

作者: dcc2000    時間: 2018-7-19 22:21


我同屋企人都買咗兩隻mini，用嚟做AC extender(刷第三方firmware)

---

作者: 高登阿伯    時間: 2018-7-20 00:44



同WIN更新完要REBOOT一樣。

---

作者: zoulo    時間: 2018-7-20 00:54

提示: 作者被禁止或刪除 內容自動屏蔽

---

作者: Miipp    時間: 2018-7-20 16:20

618 個期拍左個米電, 講一講心得.

背景: 用左電磁爐 1x 年美的 cheap 爐, 一開始已唔老黎低功率要 PWM 運作.

候選: 各大牌子中高階的爐都可以做到雙頻低火連續火力. 分為兩派, 一派是米電圓外型的(異類), 另一是美的/狗陽/super/鈦古等長方薄身型

出閘: 原本最想拍是鈦古, 最底可以做到 100W 連續火力, 用日本面板. 最尾揀米電因為邊邊時個爐佔少 d 枱面空間, 方便放多 d 碗碟, 285 人到手價.

優點:
1) 425W 最底連續功率, 幾百 W 都做到非 PWM 非常好用. 煲水外其餘時間我唔太多用到 1000W 以上, 就算煮個麵/蒸下野時開下熄下都好唔老黎
2) 圓型佔少枱面面積
3) 售價比其它牌子平 dd

缺點:
1) 插 AC 電充電容無限流, 火花飛淺超勁, 啪啪聲
2) 開/關都要長按 2 秒, 超級唔 user friendly
3) 散熱風扇運作時頻率較高, 吵耳 (各牌子都開始採用 laptop 類渦輪散熱扇, 高轉速時聲較尖)
4) 面板中間個感溫 sensor 及圍邊硅膠圈不利清潔
5) 1~99 檔操作, 對 watt 數控制不夠直觀, 要時間適應. 分段過多, 分 10 檔度會更實用
6) 最細火力 1 檔對應 ~400W, 但可惜是以 PWM 運作, 呢一檔是劃蛇添足, 直接 cancel 會更好

拍之前已睇過米電 review 知佢的優/缺點, 結果亦如預期. 功率曲線尚算線性, 50-60 檔之間可見到是跳頻點.

2 檔輸入用電:
[attach]2071311[/attach]

99 檔最大輸入用電, 同個舊美的 2100W 爐一樣.
[attach]2071312[/attach]

輸入功率曲線
[attach]2071313[/attach]

---

作者: josew    時間: 2018-7-20 17:02

以 App 控制溫度功能, 應該要留心, 同注意睇火

用得溫度控制, 就無得調火數, 而且溫升好快,

所以如果唔係水, 稀既液體, 或傳熱快既材料,
好似加喱, 有膠質既湯, 厚既肉類等, 唔好偷懶, 唔好惗著用保溫方便, 就去一次過煮, 否則好易燶, (除左想煎扒快速煎封表面除外).

用返手動去教大細火力, 會安全的, 等到食材溫度去到咁上下, 之後先設定需要既保溫溫度, 同時間去繼續煮.

---

作者: sam_galaxy    時間: 2018-8-12 00:06

本帖最後由 sam_galaxy 於 2018-8-12 00:10 編輯

3月尾淘左個小米電磁爐，用左4個月，宜家開關打左柴
似開關微動壞左，按落去唔識彈返上黎，要用手掹返出黎，宜家要寄返上大陸check
睇TB 追評都有呢d問題出現

有冇師兄試過壞機整得返？

---

作者: herick    時間: 2018-8-19 15:09



這應該是屬於簡單的維修

---

作者: law_chiw    時間: 2018-8-31 15:36

我啱啱買左個，用app 控制65 度，35分鐘， 做左隻溫泉蛋好好食