標題: [開箱] 紅白黃 AV 線→RF 天線轉換器 [打印本頁]

---

作者: C_Law    時間: 2020-1-11 02:26     標題: 紅白黃 AV 線→RF 天線轉換器

本帖最後由 C_Law 於 2020-1-11 03:45 編輯

話說一直以來，屋企客廳的高清電視機頂盒、有線電視、DVD 機都係經紅白黃 AV 線駁去部 VHS 錄影機，錄影機的 RF-Out 經同軸天線駁入房，係房用電腦 Analogue TV Card/VHS 錄影機接收返廳部 VHS 錄影機的 RF 頻道，就可以係房都睇/錄得到廳的影音設備。

不過客廳的 VHS 錄影機係聖誕前死 Tuner，輸出不到自己的 RF 頻道，為了將廳的影音設備 AV-Out 傳送入房，結果淘了這個：TVLINK调制器同轴电缆高清闭路电视链接调制器RF射频传音视频遥控

成套 ￥90(大陸段免運費)，去到集運倉顯示的重量係 0.360kg。

來貨包裝不錯，一個四四正正的新紙盒，並非用舊紙皮摺個盒：
[attach]2170688[/attach]

打開盒：
[attach]2170689[/attach]

雖然入面無再用泡泡袋，但都尚算穩陣，各主要組件都獨立膠袋包裝：
[attach]2170713[/attach]

轉換器主機正面，由左至右：一對 Ch+/- 掣，選擇輸出頻道；兩位紅色七劃 LED 顯示輸出頻道號碼；紅白黃 AV 線輸入。機殼頂(相中左邊白字之上)有粒藍色 LED 作為 Power 燈。
[attach]2170690[/attach]

轉換器主機背面，由左至右：RF-Out；RF-In；額外紅外線遙控接收器輸入(我無買)；紅外線遙控輸出(駁 IR Led)；4 位 DIP switch 用來設定音頻的調頻頻率、NTSC/PAL、紅外線遙控的 38/58kHz(機殼底印有設定方法，就算日後遺失說明書都識得 Set )；USB-B 插座用作取電(DC 5V)。
[attach]2170691[/attach]

遠端 RF 接收及 IR 遙控接收器，本應係主機 RF-Out 經入牆同軸天線入到房之後，先駁這個接收器再駁電視/電腦 TV Card，它可以係房接收紅外線遙控訊號，再傳返去主機，由主機發射返紅外線遙控訊號去主機附近的影音設備。但我無用到，房的電腦 TV Card/錄影機直接駁去同軸天線，因為我本身已整了一個用手機行 WiFi 轉發遙控訊號的發射器放係廳，無需要靠它收發紅外線。
[attach]2170692[/attach]

IR LED，駁係主機，再貼去受控電器的遙控接收口附近，作用是將房接收到的遙控訊號由這 IR LED 再發射出去。但我無用到。
[attach]2170693[/attach]

幾個天線插頭，由左至右：RF乸/F公轉插、RF 公頭 x2、F 公頭。
[attach]2170694[/attach]

除此之外，還有一個 5V/1A 兩扁腳的 USB 火牛，及一條 1m USB A-B 線。無影到相。

駁電測試。用 USB 火牛供電，齋駁電源，未駁天線及紅白黃線，電流係 0.08A。相中機殼頂左邊白字上有粒藍色 LED 作為 Power on 顯示燈。
[attach]2170695[/attach]

駁埋天線及紅白黃線後實際使用時的電流是 0.11A。
[attach]2170732[/attach]

以下是我屋企原本的天線接駁方法。
[attach]2170714[/attach]

天線入到房，係電腦用 DVBViewer 開數碼 TV Card 睇免費數碼電視，以下是四組免費頻道原本的的訊號強度。
[attach]2170702[/attach]

基本上，81+96+99、82~85、31~33 等三組頻道都收得好穩定。但 76~77 一向收得差，現在天氣乾燥尚算係收得穩定，不過落過大雨的話，就會有幾日收不到，我估原因係本來 76~77 台的訊號已經好弱，而入房的入牆同軸天線經過一幅會滲水的牆，可能係落大雨後幅牆入面濕，影響到原本已經好弱的 76~77 台訊號變得更差。

以下是這個 AV to RF 轉換器的官方接駁方法(網站原圖)
[attach]2170715[/attach]

我跟官方接駁方法，拆走客廳的 VHS 錄影機，換上這個 AV to RF 轉換器，結果出現我不想見到的情況 ，原本的數碼電視天線訊號穿過轉換器後被大幅減弱。
[attach]2170699[/attach]

81+96+99 勉強算是睇得到，但間中都窒下窒下。其餘所有台的訊號都減弱到收不到！

正當失望之際，忽然醒起 N 年前係一個 DIY 的 Newsgroup 見人講過，一開二的天線分插係可以掉轉駁當 Mixer 用，令兩條指向不同發射站的魚骨天線訊號二合為一駁去電視機。剛好手頭上有這個 RF 頭的一開二天線分插，於是又試下。
[attach]2170704[/attach]

新的接駁方法。
[attach]2170703[/attach]

以這接駁方法，房電腦用 DVBViewer 收到的訊號強度。
[attach]2170716[/attach]

76~77 仍然收不到(但我可接受，反正好小睇，就算要睇，用有線 FanHUB 都睇得到)。

至於其它台，雖然訊號係減弱了，但強度足以穩定接收，已滿足到我的要求。

而這個接駁方法都有個好處，就係不用這轉換器的時候，就算拔除它的電源都不會影響到原本的天線訊號入房，如果用官方的接駁方法，一旦無電，轉換器的 RF-Out 後就完全無所有台的訊號。以下係以我的接駁方法，拔走電源後在房收到的訊號強度，大致上係同有駁電時一樣。
[attach]2170701[/attach]

最後，終於講到實際輸出畫面。我將客廳高清數碼電視機頂盒用黃白紅線駁去這轉換器，經同軸天線入到房後，用房的電腦 Analogue TV Card(Philips saa7134 chipset)開 PotPlayer 收這個轉換器的輸出訊號(下)，同時又係同一部電腦開 DVBViewer 用數碼 TV Card 收同一個台(上)。兩個 S/W 的 Window 都開到同一尺寸做畫面比較。
[attach]2170717[/attach]

轉換器輸出的畫面，左右兩邊各有小許黑邊，以前用客廳的 VHS 錄影機係無這兩條黑邊，不過黑邊不算闊，都可接受。至於畫質，當然及不上用數碼 TV Card 接收到的畫面，但感覺上係靚過以前經客廳 VHS 錄影機發出的畫面。

以下同樣係客廳高清數碼電視機頂高盒經這轉換器後入房，用 PotPlayer 開 Analogue TV Card 接收到的原始尺寸畫面(1024x576)。
(Click 圖可睇返原來 1024x576 尺寸)
[attach]2170696[/attach]

左右黑邊分別闊 14 和 12 Pixels，兩條黑邊夾埋大約佔畫面闊度的 2.54%。

同時係房的電腦用數碼 TV Card 將同一個台錄影做 TS 檔，再用 PotPlayer 以同一尺寸播放這 TS 檔的大約相同位置畫面。
(Click 圖可睇返原來 1024x576 尺寸)
[attach]2170700[/attach]

最後一個測試係有線 FanHUB 個 EPG。有線 FanHUB 本身設計係預人用 Full HD 的電視機去睇，用 Analogue 電視 576 線解像度去睇，當中的細字根本係細到好矇。不過都勉強夠清晰去估到當中的細字。
(Click 圖可睇返原來 1024x576 尺寸)
[attach]2170741[/attach]

總括來講，跟官方辦法接駁就死得 。但以我的接駁方法，暫時用了一個禮拜，除了係房收不到 76~77 台之外，效果算係滿意。

不過都重有一樣未測試，就係不知這轉換器的訊號會否走返出去公共天線！ 但手頭上已無額外的天線分插，有的話，我會嘗試在有線 FanHUB 的 RF-In 前加分插，再將電視機天線駁去這分插的其中一個 RF-Out 睇下會否收到這轉換器的訊號。不過我已經是在有線 FanHUB 之後才 Mix 入這轉換器的訊號，照計被有線個盒隔一隔，暫時靠估，應該不會走到出去公共天線掛。

---

作者: C_Law    時間: 2020-1-11 02:31

本帖最後由 C_Law 於 2020-1-22 00:48 編輯

同場加映：[中伏]4 入 1 出紅白黃 AV 線遙控選擇器

以前廳的錄影機有兩組 AV-In，可以分別駁高清數碼機頂盒同有線 FanHUB，但新買的轉換器得一組紅白黃 AV 輸入，於是想搵個可遙控的多入一出選擇器。結果以 ￥30 淘了這個(重要另加 ￥6 大陸段運費)。

[attach]2170735[/attach]

粗略講下中伏之處，它的遙控器上有 5 粒掣，一粒是 Power On/Off(其實即係 Standby，所謂 Off 的時候仍然用緊電)，另外 4 粒分別用來選擇 4 個 AV-In。但假設目前已經係 AV-1，再按 1 號掣的話，會等如 Off 了個選擇器，輸出畫面變黑，也無聲！另外 3 個選擇掣亦都一樣會 Off 了個選擇器。其實遙控器上已有 Power 掣，根本無需要另外的 4 個掣去 Power Off 部機，這設計簡直係多餘兼夾阻礙使用。而機身上亦有 4 個掣，這 4 個掣亦都一樣會 Off 了個選擇器。

不過，更嚴重的中伏係，假設目前選擇了 AV-1(有線電視)，其餘的 AV-2(DVD) 到 AV-4 輸入端的 Audio 左右訊號都會被 Short 落 Gnd，怎會有白痴設計將一個來源訊號 Shrot 落 Gnd 。

原本打算廳的機頂盒之類的 AV 線先用一分二線，分別入廳的電視機和這選擇器，想話房和廳分別睇不同設備。但結果係如果我想經這選擇器係房睇有線，係廳的電視睇 DVD 就會無聲。

目前唯有暫時用返個機械式的手動選擇器，想係房轉睇另一個設備就要行出廳去轉。等有時間先至慢慢研究這個垃圾遙控選擇器有無解救辦法。

更新2020-01-22
已解決非選擇中的 Audio source 被 Short 落 Ground 的問題。詳請可睇以下個 Post：
https://www.hkepc.com/forum/viewthread.php?fid=19&tid=2541511

---

作者: Joe_Black    時間: 2020-1-11 11:03

提示: 作者被禁止或刪除 內容自動屏蔽

---

作者: C-Leung    時間: 2020-1-11 15:27

本帖最後由 C-Leung 於 2020-1-11 15:40 編輯

估唔到呢隻野會drop dtv signal
會唔會因為冇駁ir果part，令rf out帶電影響接收？唔係真係諗唔到點解

Btw，師兄公天一開三，再一開三呢個做法其實都drop咗最少十幾db，房收得差都正常

不過條天線係入有線電視嘅system，照計開電視條channel signal唔會咁差架 好古怪

唔加放大器的話，直接用一開六splitter replace晒2隻一開三，等d signal平均分配，唔知會唔會好d

---

作者: Joe_Black    時間: 2020-1-11 16:33

提示: 作者被禁止或刪除 內容自動屏蔽

---

作者: C_Law    時間: 2020-1-11 17:54

本帖最後由 C_Law 於 2020-1-11 17:55 編輯

其實屋企的天線接駁方法係多年來加下一件加下又多一件的累積下來。最初只是好簡單的公共天線→客廳錄影機→客廳電視機。不過我屋企係好矮的舊樓，四圍被起碼再高多十幾廿層的新樓包圍，成為坐井觀天的格局，原本天台的魚骨天線根本收不到好的電視訊號。後來駁到有線電視的公共天線入樓(仍然係 Analogue 電視年代)，開始收到似樣的電視畫面，先至係錄影機後面加分線器駁埋入房。

後來有線寬頻都駁到入樓，雖然當年有線寬頻的評價好差，但係舊樓用寬頻的選擇有限，不用有線就只可以用天價的 PCCW 8M，而有線寬頻聲稱有 50M 共享，心諗就算當實際用起來得兩折，都快過 PCCW，當然改用價錢平一截的有線寬頻(安裝後實際用起來一般都超過 30M，當年上網感覺真係由地獄變天堂)，不過用有線寬頻一定要係公共天線入屋位加分線器入有線個 Modem，所以又要多一層分線器。而入屋位的一開三係裝有線寬頻個師父帶來。

如果要減小入房的損失，可以將入屋位的一開三改為一開二，將高清電視機頂盒的 RF-In/Out 串埋去有線 FanHUB 之後。另一方面，客廳電視機不用內置 Tuner，完全靠高清電視機頂盒收台，可以不駁天線去客廳電視機，入房前的一開三又可以改為一開二，有機會可以加返強小小入到房的訊號，不過因為串埋高清電視機頂盒入去，當中又會有點損失，最終可能打個和。

另一個可行方法係將入房前的一開三改為有源一開二或三的天線放大器。不過，暫時我覺得係可以收貨，就用住先。或者等雨季來臨，如果訊號轉差到房入面接收有問題的話，先至諗放大器。

---

作者: C_Law    時間: 2020-1-11 18:10



雖然我無打算用它的 IR 部份，但都有試過係房駁埋這個接收器，不過結果係多隻香爐多隻鬼，係房電腦數碼 TV Card 收到的訊號會更差，拿拿臨拆走！

---

作者: C-Leung    時間: 2020-1-11 18:28

回復 7 #C_Law

估唔到差到咁

---

作者: nganshiu    時間: 2020-1-13 00:58

myTV super 電視機頂盒, 用network得唔得?
要求1xMB/s

---

作者: murderfreaker    時間: 2020-1-13 01:54

本帖最後由 murderfreaker 於 2020-1-13 02:03 編輯

我廿年前已經嫌RF畫質差, 一早就用色差, 之後HDMI用咗十幾年, 估唔到今時今日仲有人用.............

你千祈唔好移去有線個盒前面, 其他人會被你干擾.

如果有心要入房睇有線, 我會諗HDMI<>光纖都唔會咁樣搞.
你唔求4K, 根本HDMI<>光纖百幾蚊已經搞得掂, 光纖可以好幼, 駛唔駛咁樣搞???????

---

作者: C_Law    時間: 2020-1-13 05:36



其實我夜晚睇電視，多數係一邊用電腦做其他事一邊係電腦 Mon 開個細細地的 Window 去睇電視，實際係聽電視多過睇電視，有時甚至 Minimize 個電視 Window 齋聽聲，所以對畫質無要求。真係開 Full screen 睇電視的時間也許還不到 1%。

而另一個用途係因為屋企老人家不太識用電子影音產品，老人家要睇，而我又正在係房工作，就遙控外面的影音產品(懶到出汁的我費事行出廳)，不過雖然可以遙控，但例如開 File list 揀 File 去播，都要睇得到個畫面先至揀得到，所以就需要將廳的影音產品畫面傳入房，睇住去遙控。

---

作者: cli    時間: 2020-1-13 10:09



師兄提供訊息好有用！
可否講下邊處買到有關部件？
另想請教是否可利用內網提供服務？(即好似網台咁)

---

作者: murderfreaker    時間: 2020-1-13 11:40


梗係偉大嘅淘寶

SC頭單芯線100米都係40蚊.....一對百四蚊，夠你帶一個1080P/60 screen

如果你要Ethernet，你用第件行啦。

---

作者: YES_MAN    時間: 2020-1-13 12:02

用天線傳輸的有線寬頻,
近二十年前用過,
當年係512K,
10M共享,
現在係咪仍然一樣?

---

作者: murderfreaker    時間: 2020-1-13 15:51


依家升咗DOCSIS 3.0, 可以一次過bonding 4個6MHz，又多咗頻又升級調製，快過以前好多。

但依家樽頸唔響樓度

---

作者: C_Law    時間: 2020-1-13 16:18



我現在用緊行天線入屋的有線寬頻 Plan 係 200M 共享。

---

作者: C_Law    時間: 2020-1-13 16:29



我無買 myTVsuper 盒，不過係房用電腦 Web browser 經 WiFi 算係睇得到，只係間中停一停彈個圈出來轉轉轉。

其實我房入面的電腦有數碼電視的 TV Card/USB 手指，又有天線入房，無需要靠 myTVsuper 去睇免費電視。反而，正如我在 11# 所講，我係需要係房睇住出面廳的影音設備畫面去操作。

---

作者: nganshiu    時間: 2020-1-15 02:37




    曾幾何時用過HDMI >network cable >HDMI, 效果已經不錯.
HDMI over Ethernet (LAN) extender with IR remote control and Local HDMI output port
https://www.youtube.com/watch?v=4QSN35ES8gE

現在HDMI<>光纖真係仲勁

---

作者: murderfreaker    時間: 2020-1-15 23:04


光纖幼，仲容易藏線。而且線仲平。

同埋用Network cable有啲盒會壓縮，畫質同延遲都唔多理想。

---

作者: little_keung    時間: 2020-1-16 16:20

樓主趕住用, 所以用一件換一件式解決問題可以理解.

不過我又希望樓主睇到, 紅白黃已經係幾代之前O既制式, 得閒要諗升級O架喇.

---

作者: C_Law    時間: 2020-1-16 17:18



簡簡單單的一換一係原因之一。更重要係用返原本已經有的同軸天線入房。屋企有「閹尖」老人家，額外再拉明線入房實話「篤眼篤鼻」。

想 Upgrade 的話，恐怕要等屋企再大裝修時先至有得諗。

---

作者: wc104    時間: 2020-1-16 20:17

DIY 截拳道

---

作者: little_keung    時間: 2020-1-17 14:43




    除非條線係封死, 一定有方法可以掘返條舊線出嚟, 再由原有O既管道穿條新線.

---

作者: C_Law    時間: 2020-1-17 15:20



以前舊樓裝修係無用喉，所有電線經牆邊走，批盪抆平係牆腳線上！