標題: 【新手問題】arduino 開唔到燈 [打印本頁]

---

作者: 小鬼血    時間: 2021-7-1 11:05     標題: 【新手問題】arduino 開唔到燈

[attach]2270679[/attach]

我跟住書咁插

但點解個led燈唔著?
我係唔係做錯d咩?
希望各位師兄教下我
感謝萬分
[attach]2270680[/attach]

---

作者: stephenwong    時間: 2021-7-1 11:13

1）粒電阻連住 5V 隻腳有無插錯窿？
2）LED 有極性，不妨反轉粒 LED 插試試。
3）有 upload 個 blinking program 去 Arduino 嗎？ Arduino IDE 有無 error message 出？

---

作者: 小鬼血    時間: 2021-7-1 11:21



成功左啦多謝師兄
將粒led 反轉左就得

---

作者: 小鬼血    時間: 2021-7-1 11:26



請問師兄如果唔用電阻 粒led燈係咪唔會著燈?

如果唔用電阻，會唔會燒左粒led燈?
謝謝師兄

---

作者: Joe_Black    時間: 2021-7-1 11:49

提示: 作者被禁止或刪除 內容自動屏蔽

---

作者: stephenwong    時間: 2021-7-1 11:52



唔用電阻，會燒 LED 㗎！粒 LED 係 二極管，單方向導通，但一導通，電流會不受控制，直至過熱燒毀！紅色 LED 直駁 5V，唔使 1 秒就燒㗎啦。加粒串連電阻就係限制可以留入粒 LED 到嘅電流，通常一粒小 LED，就比 10mA 佢好啦！明冇？

---

作者: 小鬼血    時間: 2021-7-1 11:56




   



感謝兩位師兄的教導！

---

作者: stephenwong    時間: 2021-7-1 11:59



你個粒係 220 ohm 電阻呀？就當粒紅色 LED 係 2V, 3V 去咗粒電阻到， 3 / 220 = 14mA

咁就唔會燒 LED 囉！

---

作者: 小鬼血    時間: 2021-7-1 12:01



係呀師兄，我果粒係 220 ohm 電阻

---

作者: stephenwong    時間: 2021-7-1 12:08



仲有呀，粒 microcontroller source／sink current 有限制㗎，通常當最高 20mA 就無乜錯架喇！唔係，唔單止燒 LED，連粒 U 都燒埋！

---

作者: 小鬼血    時間: 2021-7-1 13:57




    感謝師兄教導

請問 7 係唔係唔可以改做其他字 例如 將 7 改做 pin_light
我試左將 3行個 7 都轉左  pin_light 發現唔得
但係本書話得既....請問師兄點解會咁?
attachimg]2270722[/attachimg]

---

作者: C_Law    時間: 2021-7-1 16:48



你有無一開頭定義 pin_light？

例如係 void setup() 之前加上：：
int pin_light = 7;

之後才可以用
pinMode(pin_light, OUTPUT);
digitalWrite(pin_light,HIGH);
...etc

---

作者: 天宮葉月    時間: 2021-7-1 17:05

aduino 有相當一部分digital腳係LED friendly,係可免除加220ohm 電阻。詳情睇 Spec

via HKEPC IR Pro 3.6.1 - Android(3.3.1)

---

作者: stephenwong    時間: 2021-7-1 17:26



個 7 係 digital pin 7 （PD7），如果你唔想寫 7，就係第一行前加一行：
const int pin_light = 7;
以下就用 pin_light 代替 7 啦！

睇下以下張圖：
[attach]2270751[/attach]

---

作者: 小鬼血    時間: 2021-7-1 17:51






   
感謝兩位師兄，我明白啦

---

作者: hon829    時間: 2021-7-1 18:54

用#define較可取



#define pin_light 7


void setup() {
pinMode(pin_light, OUTPUT);
...
}

void loop() {
...
}

---

作者: 小鬼血    時間: 2021-7-1 19:56



感謝師兄，請問師兄用#define優點係咩
因為我google 左都唔係好明

---

作者: 小鬼血    時間: 2021-7-1 20:03



   


    幾位師兄，我同另一個朋友講 我最近接觸arduino
佢話佢之前買左 好多配件，不過無點研究過，而家比曬我
請問有咩方法 可以知道 每一個 配件有咩用 同埋案例?
感謝各位師兄
[attach]2270776[/attach]

---

作者: hon829    時間: 2021-7-1 20:12




編程碼好多殊途同歸方式, 或許概念有點不盡相同, 看多啲用多啲自然會有點意會
https://www.includehelp.com/cpp- ... nst-and-define.aspx

---

作者: hon829    時間: 2021-7-1 20:16



-問物主;
-睇書;
-谷歌;
-youtube;
-淘網商店;
...

---

作者: raymondchan338    時間: 2021-7-1 21:27


如果係一盒套件果D，會有埋一隻CD。裏面有好多example。


via HKEPC Reader for Android

---

作者: stephenwong    時間: 2021-7-1 22:38



其實來來去去咪又係個幾十件嘢，如果塊板仔上面有個號碼，例如 H001 之類，上網搵下個號碼+Arduino 字樣，實搵到料架喇！

如果無號碼，就搵下粒 IC 號碼，又係加 Arduino 字樣，絕大部分都會搵到架啦！

---

作者: kambo_tong    時間: 2021-7-2 03:03



正解！https://www.arduino.cc/reference ... al-io/digitalwrite/

不過，加電阻一定有保障，亦唔會學壞手，一個唔覺意直駁5V或3.3V就......
*宜家啲LED唔一定會爆，閃一下啫！

---

作者: stephenwong    時間: 2021-7-2 10:41



唔係囉，人哋大大隻字寫明最多 source/sink 40mA，否則，輕者燒 pin，重則燒 microcontroller。

https://www.arduino.cc/en/Tutorial/Foundations/DigitalPins

---

作者: stephenwong    時間: 2021-7-2 10:51

本帖最後由 stephenwong 於 2021-7-2 10:53 編輯


#define pin_light 7

同

const int pin_light = 7;

效果一樣，#define 呢，就係 preprocessor 時，以字換字。const int pin_light = 7; 呢，就係 compile stage 話俾個 compiler 知，有一常數，int 類型，數值係 7。Gen 出來啲 code 應該一樣嘅，無用多到 memory。但係，如果要 debug，#define <string> 會可能唔見咗，但係 const int 會見得返個 variable 名。好細分別嚟啫，可以不理！

---

作者: porkchopforever    時間: 2021-7-2 11:56

東邪+北丐一齊教郭靖

後生仔會消化唔黎

---

作者: stephenwong    時間: 2021-7-2 12:20



我諗都係！嚇怕佢，等佢怕咗呢度，自己去 Google 好啲！

---

作者: 小鬼血    時間: 2021-7-2 19:38

感謝各位師兄，我再了解下先，感謝各位師兄