標題: 平板換電問題 [打印本頁]

---

作者: C_Law    時間: 2024-7-26 01:29     標題: 平板換電問題

本帖最後由 C_Law 於 2024-7-26 01:41 編輯

部平板的電池漲到谷起部機個殼，要換電。

這 Post 20/21#：
https://www.hkepc.com/forum/redirect.php?goto=findpost&ptid=2667565&pid=42268938

粗略上逃佬睇下，這尺寸應合用：
[attach]2434060[/attach]

我部腦係用兩塊電串聯，原裝的兩塊電本身係無保護板，不過，部腦入面有塊 2 串保護板(sorry ，裝返部機後先發現影漏塊 2 串保護板的相)，兩塊電係先駁去塊 2 串保護板先至再去部腦。

問題係，逃佬所見的這類電好似已經有保護板，所以想問下：
可否將本身有保護板的新電照駁去原本塊 2 串保護板？
定一話要先拆走新電的保護板才可以駁去部腦本身的 2 串保護板？

部腦本身的 2 串保護板又不似逃佬所見的款式。逃佬的係 2 線駁去電器，但部腦的保護板係 4 線，當中 2 線係串聯後的電池，另外兩條線的兩端度到 4.7kΩ(or 47k  不記得了)，似係用來監察溫度的電阻，所以應該都要用返原本的保護板。

---

作者: ericyyhk    時間: 2024-7-26 08:07

再揾, 應該有好多無保護板既電賣... 求其個 size 放得落就得, 細啲都無問題...

---

作者: kwliu    時間: 2024-7-26 08:34

回覆 1# C_Law

我覺得可以照用, 如果心裏有條刺就short電池上保護板B- P-.

---

作者: C_Law    時間: 2024-7-26 16:26

本帖最後由 C_Law 於 2024-7-26 17:41 編輯

唔該兩位先！

昨晚因為太夜，只係好粗略上逃佬望望，有時間會再搵下有無不帶保護板的電。之但係，逃佬已有保護板的電出兩條電線，可以不拆保護板的話，諗住容易駁去部機本身的保護板。不過，睇返 1# 幅相，條線好似幾幼，都不知頂到幾大電流。因為照計數，原裝電 12.78Wh，3.85V，即係大約 3300mAh，用開扯到盡時，部機大約開到 2.5h，即係 1.33A，預多 20% 走盞，就有成 1.59A。睇埋下面原裝保護板駁去部腦的紅黑線，都分別用 3 條紅、3 條黑！

另外相問下，以下相中圍住電池邊的海棉，係逃佬應該用什麼名去搵？
諗住有虛位的話，都要攝返個虛位，逃開順手逃埋。

Oooops~~~昨晚鬼掩眼，原來係有影到部機本身的 2 串保護板。

[attach]2434148[/attach]

[attach]2434149[/attach]

相中紅黑線係兩塊電串聯後駁去部腦的供電/充電。黃藍線就應該係 NTC 電阻。

---

作者: alax    時間: 2024-7-26 17:02

>另外相問下，以下相中圍住電池邊的海棉，係逃佬應該用什麼名去搵？

泡綿
緩衝泡綿

via HKEPC Reader for Android

---

作者: C_Law    時間: 2024-7-26 17:41



Thanks~~~

---

作者: liyee    時間: 2024-7-26 17:58



睇下啱唔啱你？

【淘宝】限时每300减40 https://m.tb.cn/h.g8q5mipRUGXXVy9?tk=nF9N3XLycdf CZ3458 「单面海绵柔软自粘隔音汽车电子防尘缓冲玻璃门窗户缝隙防风密封条」
点击链接直接打开 或者 淘宝搜索直接打开

[attach]2434170[/attach]



[attach]2434171[/attach]

via HKEPC IR 5.1.14 - Android(5.1.2F)

---

作者: C_Law    時間: 2024-7-28 00:11



Thanks~~~~

---

作者: C_Law    時間: 2024-8-10 00:08

本帖最後由 C_Law 於 2024-8-10 00:33 編輯

買了兩塊無預先焊上保護板的電多日，不過今晚先至得閒整。

拆開部腦底蓋，拔走電池組去主底板抽電線插頭，駁 PD 火牛去 USB-C port，跟住試下開機。結果成功開到機，不過入到 Windows 後，右下角喇叭/WiFi 的一堆圖案就失去電池的圖案。應該正常，因為真係無電池。先可以暫時放心一半，大吉利是換不到電，起碼以後駁住 PD 火牛/尿袋都叫做仍然用得到部機。
[attach]2436575[/attach]

之後熄了部電腦開始搞電池組，將兩塊已發漲的舊電從二串保護板拆走。再跟返正負極將兩塊新電駁上去保護板。駁上去前，兩塊新電分別度到大約 3.8V，駁上去後，電池組的輸出電壓 7.6V，意料之內。

[attach]2436578[/attach]

[attach]2436576[/attach]

[attach]2436577[/attach]

跟手將電池組駁返上電腦主板，部電腦繼續駁住 PD 牛，嘗試開機，成功開得到，右下角出現返電池圖案，不過就出 Warning 話電池量好低，提醒要充電，而伸隻 Mouse 埋去右下角電池圖案，顯示係 0%。

之後熄了電腦，但繼續插住火牛，部腦有著到紅色充電 LED(同平時充電狀況一樣)。大約過了兩三分鐘，仍然插住火牛的試下再開機。成功開到，不過仍然出低電量 Warning，電池圖案仍然係 0%！？充得慢？我以往好小用電池用得好盡，不知用到 0% 開始充電要充幾耐先至到 1%。但概然都充了兩三分鐘，膽粗粗試下拔走火牛，部機無熄到，即係電池係有電維持部機開著。不過我都係試下，只係十零廿秒就插返火牛之後再熄機。

再兩三分鐘後插住火牛下開機(即係前後夾埋已駁住火牛 5 分鐘人上)，但電量都仍然係 0%？

會係什麼問題呢？

---

作者: C_Law    時間: 2024-8-10 01:08

距離 9# 個 Post 已接近一個鐘。

試下駁住火牛開機，入到 Windows 後竟然見到電池量有 91%！！
照計本來 0% ，無理由 60 分鐘後充到上 91%(印像中，平時由大約 50% 充到滿都要接近一個鐘)。

試下開住部機的拔走火牛，電池量立刻跌去 90%。我開 PotPlayer 以 2x 速度播 FHD 的 ts 檔(MagicTV 或 DVBViewer 錄出來)，只係播了 3 分鐘，電量已經由 90% 跌到落 78%！而且好奇怪，不是逐個 % 跌，係播一陣就跌 3%，一陣又 3%。

自從發現電池發漲後，我有專登留意過，以相同模式播片，大約 60~65 秒就跌 1%。我不記得新機時的實際數值，但大致上以相同模式播片，播到 2h15m~2h30m，電量先至低到部機自動 Sleep，估計大約 90~100 秒先至跌 1%。

但現在係 3分鐘 跌 13%，即係大約 14 秒就跌 1%！！？？

---

作者: alax    時間: 2024-8-10 02:51


純粹9估：
1. 電池虛標/或者放得太耐已經開始老化。試下循環多幾次睇下有冇改善（即用晒啲電再充滿）
2. 保護板有問題/電源管理芯片有問題

via HKEPC Reader for Android

---

作者: jwong852    時間: 2024-8-10 12:45

電量顯示不正常，可能係：
1. 平板內置的電量計不準，未知新電池容量。
2. 新電池化學結構未完全激活

先充滿電，用到低電量自動關機，重覆三次。
如使用時間仍然沒舊電池長，即是新電池垃圾電。



via HKEPC Reader for Android

---

作者: Ian_Seabourne    時間: 2024-8-10 15:19

平板都拆開咗，既然唔信佢嘅 %，又懷疑電池有問題，點解唔用萬用表度下電壓呢？
睇下是接近4.2Vx2? 還是已經跌到 3.XXVx2 ？

---

作者: C_Law    時間: 2024-8-10 16:44

唔該各位先！

昨晚試過一次，熄了機駁 PD 牛充電，充到滿就拔走火牛，開機入到 Windows 見到 100%，但開住 PotPlayer 以 2x 速度播片，電量跌得好快，半個鐘左右就跌到自動 Sleep。

今晚返屋企試下充放電幾個 Cycle 試下。

---

作者: C_Law    時間: 2024-8-10 16:56

回覆 13# Ian_Seabourne

其實昨晚係有度過電壓。駁上新電後，駁住火牛開機，兩塊電的電壓都一定係大約 4.xV(因為火牛充緊電)，充幾分鐘後，拔走火牛但繼續開住機去度，兩塊電就大約 3.8V，之後熄機再度，就升小小(0.0xV)。

熄機狀態下駁返火牛去充電，充到滿(部機的充電 LED 熄燈)，拔走火牛後度到每塊電有大約 4.3V。無駁火牛下開機，入到 Windows 見電量 100%，但下降得好快，幾分鐘就無 10%，去到  90% 時度下兩塊電，已經去到 4.0V 左右。中途無再度(這時候掛住睇法國對西班牙場波)，部機無駁火牛下播片半個鐘左右就自動 Sleep，這時候度下電池，每塊大約 3.7~3.8 左右。

今晚再玩過。

---

作者: C_Law    時間: 2024-8-10 17:07

另外講下，拆了電池後，暫時發現兩個小問題：

1. 開機比較慢。
以往按 Power 掣，三幾秒內見到 Dispaly 著，顯示下部機的牌子 Logo，跟住就開始 Boot 入 Windows(由按 Power 掣起計，大約 5 秒內)。但拆電後，按 Power 掣後要等 30 秒先至見到著 Display，但不是即時出現牌子 Logo，而係要再等多廿零秒先至出現，大約由按 Power 掣後要等大約 55 秒先至開始進入 Boot 入 Windows 的程序。

2. 失去系統時間
昨晚無裝電池也無駁火牛。今朝瞓醒開機睇下，雖然日子正確，但時間就係昨晚熄機後大約半個至一個鐘。

---

作者: Ian_Seabourne    時間: 2024-8-10 18:36



拆了電池後，有量過 USB 的電壓電流嗎？有 USB 電壓電流錶嗎？
看看不充電情況下，在用多少 W？

---

作者: kwliu    時間: 2024-8-10 19:53

本帖最後由 kwliu 於 2024-8-10 19:55 編輯

初頭以為係電量計出問題，但差滿可以短時間跌到去3.7-3.8V似係電池本身問題，一係將就用一係去另一間店淘過。
如果有18650電加電池座可以搭橋比試下。

---

作者: C_Law    時間: 2024-8-11 01:17

今晚好攰，無心機去搞，擇日再搞！



年紀開始大，長輩年紀就更大，開始多病痛，上周末先至陪一個入廠出廠，今晚又有一個要去睇醫生。

---

作者: C_Law    時間: 2024-8-11 01:20

本帖最後由 C_Law 於 2024-8-11 01:26 編輯


係就係有個 USB-C 錶頭，但廢廢地的。V 值或者可信，但個 A 值就危危乎，更離譜係，有時電流方向都錯！以前駁尿袋去電腦，有時見電流係由尿袋走去電腦，但有時會見電流由電腦走去尿袋，當時心諗可能電腦已滿電，相反個尿袋未滿，會掉轉頭走由電腦向尿袋充電。不過現在已拆走部機的電池組，電流一定係由 PD 牛走入電腦，但個錶頭都夠膽死間中顯示相反方向。

---

作者: vtrchan    時間: 2024-8-11 01:50



原廠舊電係3.85V，但你換落去果粒係3.7V，大家特性曲線都唔同，同埋3.7V鋰電full charge係4.2V, 而3.85V嘅電full charge係4.35V，似乎你換成3.7V電池唔係咁安全。另外，部機已經有保護板，我就會disable電池嘅保護板啦～

---

作者: kwliu    時間: 2024-8-11 08:02



佢係9樓講咗新電係無保護板。

---

作者: alax    時間: 2024-8-11 08:09

本帖最後由 alax 於 2024-8-11 08:24 編輯

如果你有果啲可以紀錄充電量既錶 可以駁一個來紀錄一下可以充/放到幾多電，睇下係咪電池唔得。或者用其他電池搭落去試（前提係用既電池電量測過係咪足）
又或者你有設備可以單測試果兩塊電池包充放電量都得

另外，如果主板漏電，一樣都會電量倒水咁

via HKEPC Reader for Android

---

作者: vtrchan    時間: 2024-8-11 15:52



係喎，但新電係幾多volt呢？

---

作者: kwliu    時間: 2024-8-11 16:11



如果係一樓幅圖就係3.7V, 電壓唔啱會影響壽命, 不過以佢情況似舊電本身有問題或虛報容量.

---

作者: C_Law    時間: 2024-8-11 16:12



Ooops~~~~睇漏眼，一心著眼於尺寸。

即係要買過兩塊 3.85V 的電。

---

作者: vtrchan    時間: 2024-8-11 16:45



你出post嘅時候，我去左日本都未番，所以都唔係好留意到你嘅post，唯有買過兩舊電再試下。試依D mobile device嘅充放電係有D麻煩，最近買咗依部機，以後就方便好多啦～
[attach]2436759[/attach]

---

作者: C_Law    時間: 2024-8-18 16:47

本帖最後由 C_Law 於 2024-8-18 16:57 編輯


應該真係 3.7V vs  3.85V 的問題，多謝提醒~~~~

逃過兩埋 3.85V 的返來，收貨時兩塊分別度到 3.887V 及 3.895V。兩塊都係本身不帶保護板。
[attach]2437988[/attach]

[attach]2437987[/attach]


因為都不肯定 Work 唔 Work，搭電線試住先，開機入到 Win11 後，右下角電量圖示顯示 50% 電量。之後駁上 PD 火牛繼續開住部機睇片(同之前一樣，都係 PotPlayer 以 2x 速度播 FHD 的 TS，下同)，一路睇一路留意電量，大約剛好 1 個鐘先至充到 100%，似樣啦，記憶中，原裝電未漲之前都係差不多。

拔走火牛，以相同模式繼續播片，邊睇邊留意電量，播了 1h56m 就跌到落 9%，第一次出低電量需要充電的提示，再繼續播，去到 2h 跌到落 6% 出第二次提示，我就無繼續用落去，Hibernate 部機駁返個 PD 火牛去充電。大約介乎 1h45m~2h 就充返滿，充電 LED 熄燈。以前好小用電用到出充電提示，我都不記得以前由單位 % 電量充到滿要幾耐，所以都無得比較。

記憶中，新機的時候，充滿電之後大約用到 2h15m~2h30m，如今得 2h，係就係小了一截，不過都可接受。我不駁火牛用的時候，大多係攤係床睇戲(以我慣常睇片的模式，2h 電量夠睇片長 4 個鐘的戲，夠有凸)，或者一條友出街食飯(半個鐘就食完啦)，有這個電量，我已經心滿意足！

成功在望啦！

不過要陪屋企人出去食飯，暫時無得搞，睇下今晚有無時間正式裝返好部機。

講開又講，當初用錯 3.7V 電，駁好線後試過充滿之後只用到半個鐘左右。當晚充返滿又即刻拔走火牛睇片，又係只用到半個鐘左右，心諗都打定輸數，充返滿電就成個電池組拆走。

之後的幾日只係駁火牛用部機，電池組就幾日都無掂過，有晚手痕又拆開部機駁返電池上去，都係相同的播片模式，竟然用到 1 個鐘多小小！？跟手充返滿又再試過，又係 1 個鐘多小小。心諗會不會拆走電池組再擺多幾日又可以用得更耐！？不過，幾日後再試，都仍然係 1 個鐘多小小。所以真係放棄，買過兩塊係 3.85V 的再試過。

---

作者: vtrchan    時間: 2024-8-18 21:22

回覆 28# C_Law

除咗容量，最擔心係安全問題，將3.7V電充到去4.35V用會好易漲，係會有D危險。
用非原廠電，有8～9成原本嘅容量，我覺得都算合理。

---

作者: C_Law    時間: 2024-8-20 00:04

本帖最後由 C_Law 於 2024-8-20 00:32 編輯

算係完成！

昨日中午以搭線方式試下，充到滿後拔走火牛，可以播片 2h (100% 跌到 6%)。之後食完晚飯正式組裝返成個電池組再裝入部機，但整完已太夜，只係簡單測試下部機可正常運作，無測試用電時間。
[attach]2438232[/attach]

今晚收工後正式試。雖然昨晚裝好部機後有充返滿，但今晚都即管先插火牛，睇到充電 LED 有著一陣，應該不到十秒就熄返，即係電池放了一晚都無自己走電。

之後駁住火牛 Boot 入 Windows，開 PotPlayer，一開始播片就拔走火牛，跟手計時同間中望下電量。結果今次比昨日測試再用多小小時間，2h10m 先至跌到落 6%，進一步貼近當初新機買返來的時間。
[attach]2438230[/attach]

之後  Hibernate 部機，駁火牛充電，大約 1h45m~1h50m 充返滿。

講返價錢，不計當初買錯的兩塊 3.7V 電。兩塊 3.85V 電連運費要￥64，另加一堆立雜嘢(耐高溫雙面膠紙、耐高溫金手指膠紙、圍邊用的耐高溫泡棉……)，連運費大約￥2x(其實只用了好小，可留返日後其他用途)，就當夾埋齊頭用了 ￥90。睇返逃佬紀錄，部機買入價大約 ￥1800，即係今次換電用了原機價的大約 5%，都算係值得整。(另加整返好部機的滿足感係無價)

暫時只係合返埋部機個背殼(靠機殼邊的膠扣)，不上背殼的螺絲，打算用多幾日再打返開睇睇入面的情況。

---

作者: vtrchan    時間: 2024-8-21 01:52



重新復活，恭喜晒！

---

作者: derekchan    時間: 2024-8-23 19:02

提示: 作者被禁止或刪除 內容自動屏蔽

---

作者: C_Law    時間: 2024-8-24 17:05

本帖最後由 C_Law 於 2024-8-24 17:18 編輯


純綷斷估：
1. 會不會部機的風扇積了太多塵，扇葉轉動時刮到出聲？

2. Switch mode power supply，顧名思義係透過不斷的開關動作去改變電壓。如果入面的線圈之類零件加固不足，不停開關時會產生震動因而產生聲音。未必係壞。我這個 Post  部電腦用開的 USB-C PD 牛都有聲，用了兩年。

1. & 2.不過，我無真係聽過你所指的聲音，可能係其他聲。

4. 現時的電子產品，所謂 Power off/Standby/Sleep 都不是完全斷電，用來監控電源的部份仍然係運作，只係這部份的耗電好好好好低，就算長期用電都不至於將電池耗盡。這線路除了偵測開關掣有無被按，當你按掣時，這線路會偵測當時部機的運作狀態，再決定究竟要幫你 Power on 或者 Sleep 部機。

---

作者: C_Law    時間: 2024-8-24 17:17

話時話，之前買錯的兩塊 3.7V 電，有無師兄有興趣要？
土瓜灣 MTR 站晚上免費自取。

兩塊電尺寸/規格如 1# 幅相。兩塊電本身無駁保護板，逃佬店出貨時係正負極焊了電線再包了金手指膠紙(9# 最尾幅相)。除此之外，都跟埋兩塊無焊上去的保護板。

BTW，究竟可否在這個版送出？定係要去交易廣場出 Post？

---

作者: derekchan    時間: 2024-8-25 16:58

提示: 作者被禁止或刪除 內容自動屏蔽

---

作者: C_Law    時間: 2024-8-31 17:31

換完電用了差不多兩個星期，日日都有用下(插進火牛用又有，不插火牛齊靠電池去用又有，邊用邊插住火牛充電又有，熄機先至充電都有)，昨晚再打開個殼望下，入面似乎一切正常，跟手合返埋個殼同上返機殼螺絲。今次真係真正完成。

昨晚再一次紀錄電池使用狀況，插住火牛充滿電後開機，入到 Ｗindows 就用之前相同的模式播片，拔走火牛開始計時，由得部機一直用到電池量跌到落 5% 自動 Hibernate，跟住 Wakeup 部機插返火牛充電邊繼續播片，一直充到滿為止。

放電時用到 2h25m 先至去到 5%，回復到新機買返來的時候一樣。同 30# 比較，當時放電條 Curve 只有前半段係 Linear，可能係剛換新電池上去，部機未認到兩塊電的特性，經過這兩個禮拜的使用，部機應該已認到電池的特性，如今條  Curve 放電和充電都好 Linear。
[attach]2440141[/attach]