標題: P記一拖三變頻分體機重生篇 [打印本頁]

---

作者: dcc2000    時間: 3 天前 14:37     標題: P記一拖三變頻分體機重生篇

本帖最後由 dcc2000 於 2026-6-14 16:16 編輯

4月尾屋企人嗰部P記一拖三分體機有一晚無啦啦突然死亡, 3部掛機嘅TIMER燈長閃, 試咗熄大制斷電、撳遙控或掛機嘅reset制, 重開機後故障依舊。
用遙控check error code 為 F90, 室外機嘅自檢LED亦顯示為F90, 指PFC電路故障, 原因可以係室外機主板甚至Compressor壞。

當年裝修時, 因有雪種喉入咗傢俬及假天花, 要重新拉喉, 家具好難無損, 或多或少都要執手尾, 用返舊喉又唔太理想, 原本打算嚟緊一、兩年會大裝修, 若依家裝新機, 到時又要就位或移機, 所以傾向寧愿維修。

[attach]2529807[/attach]
[attach]2529808[/attach]
[attach]2529809[/attach]
[attach]2529810[/attach]

---

作者: dcc2000    時間: 3 天前 14:37

本帖最後由 dcc2000 於 2026-6-14 14:41 編輯

揾P記代理信X, 檢查費980, 仲要等一、兩星期, 之後轉折揾到位師傅, 佢話信X仍有零件可提供, 報到大概維修價格, 換主板、濾波板、壓縮機、維修人工等等各項價格, 屋企人最終搭咗棚, 師傅拆開檢查後有講過部機比較舊(用咗13年), 要維修當然可以, 報咗個總維修價, 但值唔值得整就自行考慮。

最終, 當然(省卻千字), 無奈之下要選擇換機, 因位置所限, 只能裝返一拖三, 機 + 裝工, 預計至少兩萬七、八。

[attach]2529812[/attach]
[attach]2529813[/attach]

---

作者: dcc2000    時間: 3 天前 14:38

本帖最後由 dcc2000 於 2026-6-15 02:05 編輯

其實部機一直正正常常用緊, 個死亡跡象似係電路(電子零件)問題, 雖然師傅有講過壓縮機三組線圈阻值低於官方spec, 可能導至主板損壞。

喺揀新機其間, 部舊機反正擺喺度等報廢, 為何唔做吓科研？

首先search吓淘佬有無主板, 完全一樣嘅就預咗冇喇, 外觀相當近似嘅(一拖四)型號就有, 但PCB及螺絲位置亦有分別, 賣家話用唔到。

[attach]2529815[/attach]

---

作者: dcc2000    時間: 3 天前 14:38

本帖最後由 dcc2000 於 2026-6-15 02:43 編輯

喺外國揾到拆機主板, 運費仲貴過三塊板, 總計要成兩千幾蚊。

都係拆開睇吓先, 安裝嘅位置確係刁鑽, 感謝之前嘅師傅將最難拆嘅螺絲擰鬆咗。

部機嘅狀況, 銅管表面當然有氧化, 畢竟十幾年機, 同時發現當年師傅並無搣開底盤去水口鐵片(出水口喺風扇摩打支架與散熱器(冷凝器)之間位置), 及做去水(淨冷機好多師傅唔做), 因高低壓銅管嘅倒汗水會被旁邊膠冚導入鋅鐵底盤, 若冇開去水口, 即係養水喺底盤, 導至生銹係必然, 情況類似冇做去水嘅窗口機。

[attach]2529816[/attach]
[attach]2529915[/attach]


先檢查壓縮機, U-V-W 3組線圈阻值均為0.9Ω, 未知是否符合官方規格, 絕緣錶500V檔, U-V-W 3組對地(約790MΩ)無短路, 有冇內傷就唔知了。
檢查幾粒sensor阻值, 基本符合官方規格。

[attach]2529817[/attach]
[attach]2529818[/attach]
[attach]2529819[/attach]


若要將整個模块(主板及濾波板)拆下都幾大工程, 要甩晒旁邊主供電、及3部掛機嘅電源線, 唯有偷雞只拆機頂主板, 主板與黑色膠框有封膠, 拆走6粒螺絲後, 用cutter界開主板與膠框位置嘅封膠, 取出主板。

[attach]2529820[/attach]
[attach]2529821[/attach]
[attach]2529822[/attach]
[attach]2529824[/attach]
[attach]2529823[/attach]

---

作者: dcc2000    時間: 3 天前 14:39

本帖最後由 dcc2000 於 2026-6-14 19:15 編輯

主板零件冇明顯燒毀痕跡, 初步檢查發現PFC電路嘅IGBT管燒毀(E、C短路), 而兩隻橋式整流器, 及IPM模块(推壓縮機)均正常, 若壓縮機有問題, IPM通常會燒埋, 鬆5粒螺絲拆下散熱器就見到以上4個零件, 導熱膏似乎都乾硬化了。
拆下GT30J122 IGBT, 確定E、C短路, 再測其它位置電路有無異常, 特別係6粒連接IPM模块嘅680Ω電阻, 及IGBT嘅電路(Zener、三極管、光耦、電阻、電容)。

[attach]2529839[/attach]
[attach]2529840[/attach]
[attach]2529841[/attach]
[attach]2529843[/attach]


部機仍能出到error code, 理論上CPU控制電路, 及低壓供電係正常, 更換IGBT後, 及重新塗上導熱膏, 裝好散熱器, 封返螺絲位, 接220V測試, 因為冇接主要組件, 所以只能check到最基本嘅低壓供電是否正常。

[attach]2529844[/attach]
[attach]2529845[/attach]
[attach]2529846[/attach]

---

作者: dcc2000    時間: 3 天前 15:03

本帖最後由 dcc2000 於 2026-6-15 02:21 編輯

部機反正都係等報廢, 搏一搏, 單車變摩托, 將主板裝回, 接好所有插頭, 開大制, 按遙控開機, 壓縮機及風扇正常啟動, 室外機嘅自檢LED亦顯示正常, 室內掛機亦可用遙控清除F90 error code。

[attach]2529850[/attach]


熄大制, 主板噴返保護漆, 等幾個鐘乾固後再開機, 一切正常。

[attach]2529851[/attach]


飽歷十多年日晒雨淋嘅豬腸喉早已老化開裂, 劏幾條豬腸喉暫時紮住頂檔, 試吓長Run兩三日部機有冇問題。
電線並非4芯線, 係3芯線 + 1, 之前裝機師傅嘅手工及專業, 自行評價。

[attach]2529852[/attach]
[attach]2529853[/attach]
[attach]2529854[/attach]
[attach]2529855[/attach]

---

作者: dcc2000    時間: 3 天前 15:28

本帖最後由 dcc2000 於 2026-6-15 02:29 編輯

Run咗幾日冇問題, 淘埋其它材料, 開口自粘豬腸喉, PVC紮帶, 鋁箔膠紙, EVA膠水, 索帶, 喉馬等進行修補。

[attach]2529860[/attach]


洗機, 拆舊豬腸喉, 整理電源線, 裝不銹鋼去水盤, 套上新豬腸喉, 每條喉接駁位用膠水及鋁箔膠紙封好, 先包一層PVC紮帶, 之後連埋電線一齊再包一層, 再油SIKA防水油(係其它地方用剩的), DIY級別, 手工麻麻, 部機捱到幾耐得幾耐, 嚮應環保。

[attach]2529861[/attach]
[attach]2529863[/attach]
[attach]2529872[/attach]
[attach]2529862[/attach]
[attach]2529864[/attach]
[attach]2529873[/attach]
[attach]2529865[/attach]
[attach]2529866[/attach]
[attach]2529867[/attach]
[attach]2529868[/attach]
[attach]2529870[/attach]


順便買咗隻玩具。

[attach]2529869[/attach]


淘豬腸喉時然發現呢種室外機 “隔塵網”, 用咗一星期已見積塵, 若室外機位置手可觸及, 可以試試, 畢竟一般用家要洗室外機比較困難(排走污水), 所以好多人選擇落大雨時洗室外機, 尤佢流落街。

[attach]2529877[/attach]
[attach]2529878[/attach]
[attach]2529879[/attach]

---

作者: dcc2000    時間: 3 天前 15:33

本帖最後由 dcc2000 於 2026-6-15 02:32 編輯

順手整埋兩隻黑屏遙控(換偏光底膜)
更換時要試角度, 我呢張銀面白底需要左轉45°

[attach]2529880[/attach]
[attach]2529881[/attach]
[attach]2529883[/attach]
[attach]2529882[/attach]
[attach]2529884[/attach]
[attach]2529885[/attach]
[attach]2529889[/attach]
[attach]2529886[/attach]
[attach]2529888[/attach]

---

作者: ricoyoki    時間: 3 天前 16:16

無功底做唔到, 佩服.

---

作者: 1qwer    時間: 3 天前 17:16

多謝師兄分享。

---

作者: tomchen    時間: 3 天前 17:16

擒棚出去搞，配服

---

作者: Miipp    時間: 3 天前 18:10

松下 d 電子板係易壞 d

我以前部 r410a 變頻幾年就壞室內機底板，洗左千幾蚊。十零年機齡時再壞就無再整直接換機

至於佢個碳膜搖控係好易壞 (唔計偏光片老化) ，我個幾年就壞左，逃佬個陸版鍋仔片版搖控，用到換機都無壞

---

作者: dcc2000    時間: 3 天前 18:55

本帖最後由 dcc2000 於 2026-6-15 04:11 編輯

部室外機用咗13年先至壞, 算唔錯了, 若果當年嘅所謂師傅, 喺安裝時有做埋去水, 部機嘅鋅鐵底盤理論上唔會生銹咁嚴重, 依家散熱器(冷凝器)最底嗰排鋁鰭片都銹爛了。

維修過幾部P記變頻分體室內機, 試過供電IC燒毀, 低壓供電MLCC電容短路, 導至電源供電保護著唔到機, 亦試過係面板嗰粒reset制有2xxΩ電阻(好多牌子嘅室內機都出現過相同問題), 導至無啦啦自動開關機。而舊款定頻機壞風扇或壓縮機電容, 就經常見。

[attach]2529890[/attach]

---

作者: vtrchan    時間: 3 天前 22:55

本帖最後由 vtrchan 於 2026-6-14 23:24 編輯

依D一拖幾嘅機最怕就係壞室外機，一壞就全屋無冷氣，師兄會唔會在新裝修時考慮分番開佢哋？

---

作者: TH30    時間: 3 天前 23:17

本帖最後由 TH30 於 2026-6-14 23:27 編輯

咁「睇唔開」要裝一拖幾，甚至換機都換返一拖幾的，好可能是本身環境限制或不可抗力因素。同意一拖(死)幾，個壞機風險太大

PS. 俾讚樓主，好詳細的分享。可以同行家爭飯食

---

作者: ken2004    時間: 3 天前 23:28

好勁 !  要俾一百個讚

呢個遙控賣兩舊幾好個去腸，俾金8王漏汁蝕爛銅皮整唔到硬食

---

作者: Miipp    時間: 3 天前 23:41



識逃就唔使硬食

國行係用鍋仔片，好過行貨多多聲 (無論手感同壽命)


[attach]2529909[/attach]

---

作者: dcc2000    時間: 3 天前 23:58


正有此打算, 但始終位置所限, 到時應該會裝兩部, 一拖一 + 一拖二。
冇冷氣嗰兩星期, 屋企人相當困擾, 就算買新機, 都唔係三、兩日可以搞妥。
結論, 一拖x分體機慳位確係優點, 好耐之前試做過對比, 較獨立兩、三部分體機稍稍慳電, 不過缺點亦相當明顯, 外機有事就。。。

---

作者: dcc2000    時間: 前天 00:00

本帖最後由 dcc2000 於 2026-6-15 04:03 編輯

當時有同屋企人商量過, 揾師傅維修, 棚錢俾(輸)硬, 上嚟嗰位師傅之前都有提過, 舊機位置若只係拆機及重新裝機, 不一定要搭棚, 可以慳返棚錢, 不過屋主已預算短期內會大裝修, 整到就暫時用住先, 亦預咗萬零蚊維修費。

只係壞咗一粒零件, 足以產生一筆近三萬蚊嘅新消費, 大多數人可能會選擇換新機, 又可促進經濟, 其實一套仍可使用嘅大型家電, 係咪應該就咁淘汰, 都幾矛盾。

---

作者: shingzhk    時間: 前天 00:01

比個讚師兄, 能人所不能

其實廠家做得detect error code, 已經有條件對應地方個module換
未去到#1呢種高手, 一般中手只要配到module成塊換可以救返好多機
印象中歐盟已經有法例要求廠家要有維修件出售, 耐何香港....

---

作者: dcc2000    時間: 前天 00:13

電器產品, 香港依家基本上已冇真正嘅 “維修”, 只係做裝拆工, 換組件、換模塊而已, 追求高效, 但過咗保養期呢, 維修費用會直接/間接引導你買新機。

---

作者: hkils2001    時間: 前天 00:15

樓主真勁, 不過自己整始終有風險, 此舉實屬藝高人膽大, 若有事故輕則死機, 重則觸電致命, 短路引起火災云云, 在此都係幫樓主帶帶頭盔, 電器出問題維修需由持牌專業人士處理

---

作者: aazz    時間: 前天 00:44



人兄
政府什麼時候發過牌;
比維修電器的人;
電線固定電力裝置就有;

---

作者: kanduki    時間: 前天 08:04



覺得將自己檢查同維修嘅時間開工數計埋落去
個總成本對啲打份工去租/供樓嘅人又唔係咁易接受

最慘就係啲舊電器整好一樣無幾耐又到第二樣出故障跪低
然後個客又屈個師傅整壞部機

---

作者: ken2004    時間: 前天 13:11



多謝資料，識淘老馬

---

作者: Miipp    時間: 前天 13:20


   
呢 d 帖實有呢類正義超人入來講肺話

---

作者: PowerShot    時間: 前天 16:57

點解唔開去水口既?  等部機自己蒸發嗎?

---

作者: kanduki    時間: 前天 17:39




淨冷機開得使唔使要造埋去水喉？
同埋風扇部分抽氣會俾個窿分薄咗
導致散熱core少咗啲氣流...

---

作者: kanduki    時間: 前天 17:42




話時話而家買部R32機
會跟張紙仔俾裝機佬簽擔保
要知道裝呢啲機嘅消防條件

---

作者: dcc2000    時間: 前天 18:02


咁要問P記點解會用咁嘅設計喇！可能係所謂 “計劃性報廢” 啦！
底盤用鋅鐵本身就容易生銹, 個去水窿設計, 好似電制鐵底盒喉位咁, 要自行搣開塊掩, 裝新機時師傅冇搣, 冇做去水, 最初都可以從條罅慢慢滲出嚟, 但實際上底盤已係養緊水, 耐咗鐵皮生銹, 連條罅都封埋, 養水更多, 生銹面積當然越嚟越大！
冷暖分體機大多數已開好個窿, 原廠有埋去水配件。

[attach]2529964[/attach]
[attach]2529963[/attach]

---

作者: dcc2000    時間: 前天 18:10


唔做去水咪生銹囉！

部室外機入面密封嘅咩？週圍都有窿窿罅罅喎！

咁冷暖機呢, 一定有個窿喎, 制冷時會唔會分薄咗啲氣流？

---

作者: dcc2000    時間: 前天 19:21

排水口位置當然會滴水, 做唔做埋去水喉, 就睇部機安裝位置喇, 部機對下位置都係師兄私人擁有或有控制權嘅地方, 咁就隨意囉, 唔係嘅話, 會滴落街嘅, 負責任嘅就做埋, 其實裝唔裝去水喉都係隨意, 冇人投訴或舉報咪當冇事囉！反正好多人都係咁有意或無意地做緊。

---

作者: kanduki    時間: 前天 20:27

睇你啲雪種喉咁返包法
我仲以會有完美主義者話做乜唔粗管幼管分開包呢！



咁冷暖機駁咗去水喉
個風阻會大啲

一啲機個去水窿造向散熱core出面嘅就無影響
不過咁做嘅機個窿通常都唔會封

部外機成三匹
仲要抬向個左右頂三邊都伸唔到手咁滯嘅位
我唔知當時單工程預幾多時間去完成同仲得唔得閑再做完美啲

---

作者: 六代火龍    時間: 前天 21:14

本帖最後由 六代火龍 於 2026-6-15 21:17 編輯

類似東張報道手法差不多 不食人間煙火似的

---

作者: PowerShot    時間: 昨天 01:26

因為明天我安分體, 人生第一次屋企安分體, 買左三菱電機1.5P 淨冷, 睇下洗唔洗問師傅有無去水.

---

作者: dcc2000    時間: 昨天 01:44

本帖最後由 dcc2000 於 2026-6-16 05:20 編輯

一般家用分體機, 所謂高低壓雪種銅喉, 運行時嘅温度, 有人做過實測, 兩條喉嘅温度其實只係相差幾度,
我覺得唔係必須要行孖豬腸。若係VRV機種, 兩條喉相差幾十度, 就必須分開喇！
況且, 呢壇嘢只係做修修補補, 又唔係裝新機, 部舊機又唔知捱到幾耐, 上手師傅點做, 就跟返佢囉, 唔通要換埋4芯電線咩！
“專業師傅” 就唔會咁樣搞喇！

[attach]2530003[/attach]


雖然有個別淨冷機型, 去水窿開喺銅喉附近, 但大多數淨冷或冷暖機, 個窿都係開喺Coil與風扇之間嘅底盤位置。
各大廠家唔知個窿對空氣流量有影响？點解唔改良設計？

[attach]2530011[/attach]
[attach]2530012[/attach]
[attach]2530006[/attach]
[attach]2530007[/attach]


一個開喺機底, 直徑大約2cm嘅窿, 對空氣流量有幾大影响, 真係要師兄多多指教！

裝機師傅冇可能唔知道銅喉倒汗水會流入底盤, 雨水亦有機會撇入機內, 明明有個去水窿, 為何冇搣走嗰塊鐵片？
為個客着想, 底盤儲水對散熱好啲？快啲生銹換機促進本土經濟？

[attach]2530008[/attach]
[attach]2530014[/attach]
[attach]2530009[/attach]


其實裝部室外機時, 正係全爆裝修, 當時只有呢個L型鋁架, 連旁邊及下面嘅鋁窗都未裝, 會唔夠作業空間？

[attach]2530010[/attach]


見師兄嘅回覆, 字裏行間似乎比較 “體諒” 某方, 係 “業內人士”？

---

作者: dcc2000    時間: 昨天 02:02


總之都係嗰句, 底盤養水, 結果必然。

---

作者: markmak33    時間: 昨天 07:20

無功底做唔到, 佩服, 多謝師兄分享。

---

作者: kanduki    時間: 昨天 08:15

回覆 36# dcc2000


部機default封住個窿
應該預個機會裝向啲無去水喉甚至唔俾滴水嘅位置
況且個窿唔開部機都用咗十幾年先俾你發現到問題
當時裝機果個如果無同樣經驗就唔會多手開埋然後又會唔會引起其他問題

就後造幅窗門都包到部分體機咁盡無預到而家俾閣下返手維修
當時做設計甚至客戶本身可以都將事情諗得太理想

---

作者: chpyeung    時間: 昨天 17:03

回覆 2# dcc2000


    請問咁即係最後不用換新機可繼續用舊機? 只係搭棚, 檢查費和自己整機零件錢? Total 多少呢?

---

作者: doggiestyle    時間: 昨天 18:19




比如四粒螺絲淨係上兩粒
快得一秒得一秒

---

作者: dcc2000    時間: 昨天 21:01


整返, 暫時仍然正常。最貴當然係個棚, 好似係大概$3500左右。
棚, + 上門檢查費, + 幾次睇位費(之前打算換新機), 加埋當佢$4500。
燒咗嗰粒IGBT 10蚊兩粒, 其它用作修修補補化裝嘅材料及工具, 大概$6~700。
Total 約$5200。

---

作者: dcc2000    時間: 昨天 21:17


按某位疑似業內人士嘅邏輯, 四粒螺絲嘅設計實在係太理想了, 師傅憑經驗上兩粒就可以, 又唔係用唔到, 上多仲可能會出問題, 邊個叫你多事去睇上咗幾多粒, 係你嘅問題, 到期壞咗換新就可以啦！

---

作者: doggiestyle    時間: 昨天 21:49




感覺上越知名既大公司既底線比較高
無名小店既底線就有咁低得咁低

不過裝冷氣基本上冇知名度呢樣野
結果就大部份人都冇底線了

---

作者: kwliu    時間: 8 小時前



靚仔時攞部紅白機比人整，返屋企拆開發覺pcb一粒螺絲都無上，再攞返舖比佢補返螺絲，睇嚟我當年係多餘兼質疑師傅專業。

---

作者: kwliu    時間: 8 小時前



前排屋企整木樓梯，梯邊同牆身條罅要補石屎，刁鑽位師傅只係係底攝膠袋上面填石屎，後尾過唔到自己果關，挑走膠袋用盡方法由底向上續忽補石屎，有啲要求DIY反而會做但好難要求街外人。