標題: 聽到都想笑既撞車問題 [打印本頁]

---

作者: 奠老旗合    時間: 2015-6-11 08:23     標題: 聽到都想笑既撞車問題

本帖最後由 奠老旗合 於 2015-6-11 08:25 編輯

早幾日朋友打黎問

朋友車 右線岩火位 停車等轉燈中
對家女仕  左線 想CUT右 ,車頭小小閘住我朋友車頭白線(距離約一米半) 有打燈
雙方都係停車等燈狀態
轉燈開車  朋友直去 撞了對家車頭 (角位)
報警
對家大吵大鬧 話佢入了線 停車再開 一定係我朋友唔岩, 一定要告我朋友告到底

朋友受驚 打來求教
我只係叫佢俾口供,堅持自己係主路,(避重就輕一下) 其他野俾交通警判斷, 應該95%以上冇得輸

有冇其他意見!??

---

作者: ckkong97    時間: 2015-6-11 09:00



留意燈位前通常有七條密既虛線, 果啲叫危險警告線, 如果你朋友係裡面基本上對家輸左九成....
再加埋有可能左邊條A 柱阻下視線...  

---

作者: 奠老旗合    時間: 2015-6-11 09:22



所以俾口供真係好微妙， 識講就企響不敗之地

---

作者: 唔識電腦人    時間: 2015-6-11 10:01

堅持自己係主路
小弟新牌唔多明......我同個女人意見相同
可能我唔記得曬D交通規例
師兄可否解釋多少少, 點解撞到人 都會嬴 @@

---

作者: love19901109    時間: 2015-6-11 10:04

回覆 4# 唔識電腦人
即係閘人車俾人撞  咁無理由閘人果個岩...

---

作者: 唔識電腦人    時間: 2015-6-11 10:15

回覆 5# love19901109


    係咁嫁咩
被人閘就合法咁撞埋去, 咁仲得了..... 咁D紅VAN走一轉都閘人幾次 實比人撞到HIGHHIGH
佢閘你 你覺得佢唔岩, 你可以影低告佢
但你撞到佢, 就係你唔岩

除非雙白線爬頭 唔睇有冇車, 對面線撞埋去, 咁就

---

作者: backspace-hk    時間: 2015-6-11 10:18

本帖最後由 backspace-hk 於 2015-6-11 10:59 編輯

大家忍讓一讓咪好囉，而家又係熕到自己，claim錢又可能陏到保險同 NCB，真係雙輸。
如果對家係有錢人同你洗錢打官司，or 好似前排個黑社會 Benz 呀姐當街打你幾巴同嚇你，咪又係自己蝕。

---

作者: love19901109    時間: 2015-6-11 10:28

回覆 6# 唔識電腦人
以你咁講法行正線果個俾人閘 停唔到反而輸?  轉線前提係有足夠距離  一轉就撞咁樣係足夠?

---

作者: ryan_cheung    時間: 2015-6-11 10:33

其實如果閘人果個有 cam, 証明自己架車無郁, 而係人地車郁而撞到佢
佢可能會被告不小心駕駛 (燈位前唔可以轉線)
但賠錢可能係正線 (始終你郁車而引致撞車)
大家都一齊郁正線 win 90%

---

作者: 唔識電腦人    時間: 2015-6-11 10:43

停唔到---個人覺得你呢3個字已經輸左

警察問你: 對方CUT線前, 一早係你前面, 點解你停唔到? 如果個個係人都都照撞埋去?
你點答??
都係個句優先使用權唔等同合法撞埋去
佢唔岩你可以告佢, 夠證據咪寄張告票比佢, 但撞埋去就真係另一回事......真係好難解釋得到, 但唔係冇可能既~

---

作者: 唔識電腦人    時間: 2015-6-11 10:48



我都係咁諗
比人撞個個係食告票
但撞到人就賠幾千

---

作者: 奠老旗合    時間: 2015-6-11 10:54


你轉線 = 小路出大路一樣  要先讓主線車先行，cut 線被撞車頭及車身中段，cut線者輸七八成，撞車尾  cut 線者先有機會贏  係有機會咋，唔係必贏

---

作者: happy_gemini    時間: 2015-6-11 11:59

如果有車cam, 樓主朋友未必一定贏.
重點是當時是停車等轉燈, 車輛是由靜止到重新開動.

---

作者: 奠老旗合    時間: 2015-6-11 12:19




    重新開動 都係主線優先   除非CUT線者 大部分車身己入線喎

有打燈 未必要讓你 呢 D係必然架啦,就算同時起步,都係CUT線者蝕,因為責任響佢到,
佢要清楚安全先可CUT線  唔係咁咩

---

作者: happy_gemini    時間: 2015-6-11 12:35




    係，但若然對方當時未開車呢？
注意，當時雙方都已經停下車輛等轉燈，就算主線車不打算讓對方切入，亦沒理由刻意撞對方。
所以，有沒有車cam是重要關鍵，如對方能證明她當時是一部停定的車輛，你的朋友要有充分合理的解釋為何撞到對方。

---

作者: 唔識電腦人    時間: 2015-6-11 14:03

本帖最後由 唔識電腦人 於 2015-6-11 14:06 編輯

個人觀點:
其實只要後面司機有足夠既停車時間, 停車距離,
而你覺得自己主線, 有優先權唔停車, 而從後撞到前面, 咁已經係不小心駕駛
所有司機係有責任避免意外發生
所以你解釋唔到你點解停唔到車, 基本上已經走唔乜.
除非你係條公路度行緊80, 突然有部車行緊20係你5米前面CUT出黎, 咁樣就證明到你真係冇足夠停車時間距離去避免撞到前面. 但大前提都係要你冇超速

因為個問題係對方犯錯, 而你係有能力避免呢個意外, 但你冇咁做到, 所以你都係錯

---

作者: killer_queen    時間: 2015-6-11 14:43




    呢個態度好 ~~~ 雖然"九" 不過 真係好

---

作者: ckshum    時間: 2015-6-11 15:04

呢D case可唔可以講清楚D個情況？例如確實位置、1線轉1線定係2線轉2線、左線箭咀係直去定係直去加轉右等、撞車位置距離燈位有幾遠等。

不過樓主呢個情況，唔讓最好一早溜前食返佢個位，等佢知道你唔讓！

---

作者: killer_queen    時間: 2015-6-11 15:13




    俾人知 點"隊"佢 ! ? 家陣咪一樣 ~~~

---

作者: cheetah    時間: 2015-6-11 17:01




X 2 『入了線 停車再開』是關鍵：-

轉燈白線前，人地已經停下，扭去右人地條線，女司機先犯了不依交通標示行車，（應該仲係$450），甚或CD。

主線車不打算讓對方切入，可先鉢警告女司機，有效無效都好，後再電話舉報車牌，都入梗要交人 。

但就無任何理由要撞埋去。『轉燈開車  岩火位 就直去』，一問到有無盡力避免發生交通意外，點計？！

道路使用，撞車就個個（所有使用者）都輸，傷亡/賠償/法庭/時間/社會成本 etc etc，原則底線是 ”避免發生交通意外“，不是打機，更不是甚麼對家輸對家贏那麼狹隘的事情。

p.s. "不依交通標示行車"例每天不知幾多，ie 入錯右轉燈口，打個燈死死扭入翻左線。or 開車照直去但打左燈快車入翻左線 etc，咁又要撞車收場？!

---

作者: tim618    時間: 2015-6-11 19:47

保持足夠停車距離同時間好似係指同自己線既前車。如果我行中線，除咗同自己線既前車保持距離，仲要同左右兩線既前車保持距離，咪好難搞？

同埋cut線既車有責任喺唔影響隔離線後車車速(超速另計)既情況下先可以cut線。要搞到後車落brake你先cut到入去其實已經告得。

---

作者: ckshum    時間: 2015-6-12 10:31

其實如果cut埋來的唔係車，係一個阿婆咁點呢？我諗如果阿婆行左出馬路，企左係架車頭左邊角，然後轉綠燈開車，阿婆就比架車撞到，相信阿婆應該輸硬

---

作者: mcdull    時間: 2015-6-12 10:47

如果對家架車未郁. 你朋友係見到死車撞埋去, 你話邊個輸?

你個frd咁渣車, 邊抵幫丫. 由得佢受下教訓啦.

---

作者: mcdull    時間: 2015-6-12 10:50




cut 乜鬼線, 成單 case 唔關 cut 線事.
兩架車一早停晒啦.

---

作者: 用尸名    時間: 2015-6-12 11:12


正解, 你朋友見到對方架車, 人地打晒燈仲食左你位, 開車撞已經輸左啦

---

作者: mcdull    時間: 2015-6-12 11:16




都唔係食位問題.
佢之前cut線你報安公佢可能比人告, 但停左車撞埋去根本冇得拗.
如果有個呀毛衝紅燈放個細路係度. 又撞埋去話佢不守交通規則所以冇得輸?

---

作者: ntr1656    時間: 2015-6-12 11:27

提示: 作者被禁止或刪除 內容自動屏蔽

---

作者: 奠老旗合    時間: 2015-6-12 11:49




    即係話 你要cut 線 監粗閘住人地車頭就岩晒? 我讓硬你係咪!?  就好似出入商場玻璃門 我拉門你行先??      道德 駕駛態度 法理  請分開清算一下  pls   事出必有恩


點解我話單野聽到就想笑, 我一聽就知兩個都為啖氣, 一個老奉閘人車, 一個唔抵得頸真係撞過去,

作為佢朋友 我點都係要維護佢一下  錯唔錯 警方會有定論

---

作者: ckshum    時間: 2015-6-12 12:00



咁又未必係老奉既。燈位cut線，好多時係唔熟路行錯線，唔想兜圈咪趁未開車閘在你前面。其實，我都好憎呢D人，不過我唔會"隊"埋去

---

作者: 奠老旗合    時間: 2015-6-12 12:03




    所以我都笑我fd 做咩咁燥   日日都見唔少呢d人, 點估到你真係車埋去

---

作者: mcdull    時間: 2015-6-12 12:03




一早都話唔係對家啱晒. 但佢錯唔會導致出呢單意外.
呢單意外100%係你個frd錯晒.
對方果單, 另外開file 告佢.

---

作者: killer_queen    時間: 2015-6-12 16:02




    家陣樓主好似 道理 , 法則 , 人情  邊樣啱駛就攞邊樣嚟講 ! 實在好難傾架 . . . . 不如 . . . .  支持佢把啦

---

作者: da87    時間: 2015-6-12 16:27

簡單黎講就兩個都錯
一個過線, 一個冇避免意外發生

---

作者: killer_queen    時間: 2015-6-12 16:53

本帖最後由 killer_queen 於 2015-6-12 16:55 編輯



    問題係咪 見到人做錯 照隊就 啱哂之嘛 !! 反正後果都係 雙方自己受 ~~~ 真係無咩好拗

---

作者: bei6266    時間: 2015-6-12 19:54

讓下人使死咩.呢d咪讓下會死個d人囉.

---

作者: Mathk    時間: 2015-6-12 23:30

聽講依家興企硬等收錢

---

作者: killer_queen    時間: 2015-6-12 23:46




    家陣係 反問一句 : 點解我要讓先 ? 我冇俾牌費架 ?!

---

作者: fredrace    時間: 2015-6-13 07:41

車頭俾人哋閘住都睇唔出仲踩上去 , 邊個啱邊個唔啱都好 , 咁嘅揸車水準保險真係要買重啲

---

作者: fredrace    時間: 2015-6-13 07:51

呢啲情況就算贏晒都嘥時間 , 隨非撞人嗰位自己返保險公司工 , 返工順便理賠埋 , 而且賠晒俾住噴一幅好未？唔怕有鴛鴦色？
啱就唔理咁多撞上去呢啲喺強國好常見 , 而家喺香港都見到證明回歸後洗腦教育已經見成效

---

作者: bei6266    時間: 2015-6-13 09:08

回覆 37# killer_queen

攪到撞車報警幾咁麻煩.cut線呢d野家家有求嘅啫.唔使咁執著.師兄.

---

作者: killer_queen    時間: 2015-6-14 03:48




    人家要 "啱哂" 我冇計架喎

---

作者: cheetah    時間: 2015-6-14 12:48




其實，道路使用，從來不是兩個司機既事，實在是眾人之事，避免發生交通意外安全抵步應是唯一目的，一撞車就全部人都輸，平常在討論區見到很多對家輸對家贏等討論，並不健康。

道路使用並不是兩個司機搏弈，會有一個終於變贏，登上頒獎台，所以有必要睇下邊個啱邊個唔啱咁，文字層面上去估算司法結論，與其選擇撞車收場，然後交俾交通法醫頭痛一翻咁去”驗屍“，不如盡力減少“枉死”個案。

p.s. 賽車運動又作別論。

---

作者: killer_queen    時間: 2015-6-14 12:51




    說得對極 ! 她/他 就是不喜歡 . . . . 要攪一大輪 左等右等