作者: kingman418 時間: 2017-3-21 15:06 標題: 有冇師兄自己去驗車?
5 月到期想試下自己渣去
有冇分享?
作者: mo9394 時間: 2017-3-21 15:08
無惡意, 純講笑
有冇師兄自己去廁所
想試下自己去
有冇分享?
去驗車衰左唔會俾人拉, 最多咪蝕五百幾, 去試下喇
作者: pure_water 時間: 2017-3-21 15:36
本帖最後由 pure_water 於 2017-3-24 08:48 編輯
5 月到期想試下自己渣去
有冇分享?
kingman418 發表於 2017-3-21 15:06
我去八方(荃灣)，好易book架啦現在，有得睇下電視和免費咖啡飲，等半個小時到就ok (平日)。可以信用卡付款。
先自己check下啲燈有冇壞，有冇定期換下油和消耗品等，內外都盡量做到原廠出車時壯態(所有後加的東西都最好先拆走)。
例如:
有冇裝大芒機 (非原裝)? 需要拆走或拆fuse
有冇黑玻璃，玻璃有冇其他後加的野全部拆走
點煙器有冇插其他電器，全部拆走
驗車是驗車的安全性對自己或其他道路使用者是否有危險，所以車身是否有不穩固的車身或配件會掉下或碎裂等都是考慮之內。
不過做漏或做錯都不需擔心:
如果驗車失敗，有甚麼重驗程序和收費 ？
如遇到檢驗未能通過，車主將會收到修理通知令，內有列明驗車時發現的問題。車主需於十四天之內安排重驗，收費為港幣$
ps: 定期有做保養的話，驗車應該問題不大。
作者: rockie577 時間: 2017-3-21 15:52
前2年去鴨利洲仁俘一TAKE PASS
今年驗屍咁驗，最後衰左尾燈＋PS pump 有油漬， 即日去車房攪＄３００再重驗＄１８０
共一千
作者: kingman418 時間: 2017-3-21 17:44
頂巴PASS 唔PASS?
THANKS.
作者: chanzilla 時間: 2017-3-21 17:57
正經答你：
有。一向自已驗。
via HKEPC Reader for Android
作者: jeffery26hk 時間: 2017-3-21 21:37
pass!
頂巴PASS 唔PASS?
THANKS.
kingman418 發表於 2017-3-21 05:44 PM
作者: joe3288 時間: 2017-3-21 21:51
我反而唔明行得正企得正點解唔自己揸去驗？
有的人揸架Noah 都要搵人驗？真是唔明？勁改？⋯
作者: siacelestar 時間: 2017-3-21 23:11
都係自己驗
作者: kingman418 時間: 2017-3-22 09:04
THANKS ALL
決定搵個星期6 去驗~
車係COROLLA 121 原裝
之前渣110 CAM 蓋油尖老化溜油所以比車房驗~
作者: gary1200 時間: 2017-3-22 18:42
我反而唔明行得正企得正點解唔自己揸去驗？
有的人揸架Noah 都要搵人驗？真是唔明？勁改？⋯ ...
joe3288 發表於 2017-3-21 21:51
D人有錢怕煩，無時間
via HKEPC Ionic Reader v1.6.0 - Android
作者: Satomi 時間: 2017-3-22 19:48
我通常驗之前都順便去相熟車房做個定期保養, 換下油之類, 佢地就幫手睇睇有無大問題, 之後自己拎去驗囉
作者: mclarenfung 時間: 2017-3-22 21:00
加左價LA 唔係165
nze121 咁大年份真係無野整,,?
作者: chanzilla 時間: 2017-3-22 21:08
加左價LA 唔係165
nze121 咁大年份真係無野整,,?
mclarenfung 發表於 2017-3-22 21:00
肥了才整要整的，都多數平過你比$車房包驗。
via HKEPC Reader for Android
作者: wheno 時間: 2017-3-22 22:12
THANKS ALL
決定搵個星期6 去驗~
車係COROLLA 121 原裝
之前渣110 CAM 蓋油尖老化溜油所以比車房驗~ ...
kingman418 發表於 2017-3-22 09:04
師兄，我都係121， 2005 年車，我由2011 年第一次驗車已經自己楂去屋企附近驗車中心驗，通常驗前去油站抽偈油，佢會幫手睇下有無大問題，年年定期換油及其他消耗，我架車除左大面板（gps) ，其他全原裝，六年來都一take pass
作者: axg 時間: 2017-3-22 23:43
THANKS ALL
決定搵個星期6 去驗~
車係COROLLA 121 原裝
之前渣110 CAM 蓋油尖老化溜油所以比車房驗~ ...
kingman418 發表於 2017-3-22 09:04
師兄，我都係揸121，05年車，我前年接手都係自己揸去驗，全原裝做好保養好難肥，耐唔耐睇吓有無漏油水、積高架車睇睇啲膠有無裂，例如偈等膠、杯士、所有塵冚！
作者: ruri1234 時間: 2017-3-23 00:12
我都係自己去驗
如果有時間.........自己去最好
唔係好明點解要搵車房驗??
我個fd搵車房驗又唔係平之餘仲唔包過到
定係我個fd俾人搵笨??
作者: HenryxHenry 時間: 2017-3-23 10:08
去車房驗其實主要都係安全同經驗, 車有好多零件, 定期做保養都需要, 唔係話用到個零件壞, 要拖車, 用用下冷氣壞熱到成車人傻, 又或者出哂Fault CODE...之後先去換. 一般人都唔會好識車自己真係會唔知唔識..
用車都係買時間買方便, 如果中途拖一拖冇得用, 損失更大.
作者: jeffery26hk 時間: 2017-3-23 10:20
Hope these 2 could help
運輸署 - 車輛檢驗 - 汽車保養小貼士
雖然你睇落無料到，但好多都係佢驗車項目，參考下
http://www.td.gov.hk/filemanager/tc/content_1178/maintenance.pdf
改動或改裝車輛該做與不該做
好多都係驗車項目
http://www.td.gov.hk/filemanager/tc/content_1178/dondont.pdf
指定車輛測試中心名單
http://www.td.gov.hk/filemanager/tc/content_1178/cartesting.pdf
作者: jeffery26hk 時間: 2017-3-23 10:21
慳得就慳：了解驗車驗乜唔怕俾人呃
http://hk.apple.nextmedia.com/supplement/car/art/20051023/5332908
1.和尚頭：前驅車頭轆要轉向，又要有動力，而驅動軸連接位就係和尚頭，要檢查其實好容易，只要升高個前輪，用手搖個車輪有無鬆或虛位就知道。
2.Ball Joint塵：一個好似彈弓咁膠，防止沙塵走入和尚頭，呢個塵唔可以破裂。
3.引擎座膠：即係引擎座避震軟膠，一般有三個，部份車有四個，避震膠唔可以破爛或出現裂痕。
4.制動系統：睇睇制動分泵有否漏油，而煞車手掣不能太鬆。
5.車：車最少要有1mm紋，左右紋要對稱。
6.車身：車身包括車底，都唔可以有生位。
7.漏油：引擎、冷卻系統和制動系統唔可以有漏油或漏水。
作者: mo9394 時間: 2017-3-23 12:24
本帖最後由 mo9394 於 2017-3-23 12:25 編輯
去車房驗其實主要都係安全同經驗, 車有好多零件, 定期做保養都需要, 唔係話用到個零件壞, 要拖車, 用用下冷 ...
HenryxHenry 發表於 2017-3-23 10:08
唔知你講的野同政府要求的驗車有乜關係
如果你認為車房所謂的代驗, 會做到以上的檢查同維修程度, 你可能俾人呃左.
作者: HenryxHenry 時間: 2017-3-23 14:31
回覆 21# mo9394
驗車當然睇返標準, 自己熟車跟到足當然冇問題啦.
如果只係一般用家角度, 我就唔建議驗車就過得就過, 到架車有事先去車房整, 私家車如果要驗車都已經係六年以上, 計埋里數的話, 大多數車都有零件或膠邊老化開始夠期要換, 驗車年年都驗, 一年去車房一次, 一次過大整換下野其實唔係好過份.
即係我同大家唔熟車既師兄講既意見, 大師傅當然不用理會.
作者: 乂雲影乂 時間: 2017-3-23 15:18
我由兩年前P牌有車開始就自己拎去驗
兩次都一次Pass
但成功非僥倖 驗前當然要做好準備功夫~
例如要睇番要驗既地方究竟有冇問題 (e.g. 我見到車牌後裂痕所以換左、前車主裝既日行燈要蚊左佢)，當然唔係全部自己可以睇到但大部分都可以
咁樣做除左可以慳錢之外 我覺得最重要喺係個過程中對汽車既部件/維修熟悉好多~對新手黎講係唔錯既體驗
而且我見到隔離D車就算唔合格都好 個師傅會帶埋個車主去講部車有咩問題 咁樣又可以更了解自己部車有咩注意
via HKEPC Ionic Reader v1.6.0 - Android
作者: gary1200 時間: 2017-3-23 16:09
之前個fd部ML320剎車燈長著，驗車個到都係叫佢去攪返，佢即日攪掂連補驗個錢都唔駛比
利申:佢早2年比相熟車房攪次次都成5000蚊落樓
via HKEPC Ionic Reader v1.6.0 - Android
作者: mo9394 時間: 2017-3-23 17:07
本帖最後由 mo9394 於 2017-3-23 17:21 編輯
回覆 mo9394
驗車當然睇返標準, 自己熟車跟到足當然冇問題啦.
如果只係一般用家角度, 我就唔建議驗車就 ...
HenryxHenry 發表於 2017-3-23 14:31
唔係話唔駛定期保養架車, 而係唔駛俾車房代驗/包驗.
其實整車, 例如換油換tire, 係年中 (牌費起計當做年頭) 整, 整好, 無問題, 用番兩三個月先去驗.
驗車安排在年尾, 自己去驗可以, 唔駛搵人代驗. 驗車前唔駛特別去搞.
自己拎去驗唔會係驗得過就唔整, 而係光明正大, 唔駛人出古惑. 早幾年驗車中心俾人捉貪污, 話車房D 人同驗車中心出古惑, 車房人去就易PASS, 普通人撞入去就難PASS (因為平均計要有一定肥佬的%, 所以生口面的會嚴D), 所以市面流傳自己拎架車去驗好易肥.
通常係D 鬼鬼地的車, 有野過唔到關, 先搵車房代驗, 車房會幫你換走部份零件, 驗完又安番上去, 令你唔駛真係買新零件就過到驗車. 你搵人代驗, 人地唔會幫你部車驗身, 而係睇你有乜唔過關, 幫你搵野換一換, 見你滴油幫你抹乾油漬呢D 鬼鼠野.
而唔係等驗車先怕過唔到關走去整, 因為你同車房講部車要驗車, 佢地就只會做驗車要求. 而部份野新換上去, 有D 甩漏, 換油新換過等等, 好多電子記錄的未run 順, 反而大左機會過唔到驗車 (你可能都聽過高轉行熱部車去驗, 驗廢氣可能由唔PASS 變PASS).
作者: jukeqq2002 時間: 2017-3-23 18:08
本帖最後由 jukeqq2002 於 2017-3-23 18:10 編輯
我有改車
都照上森記驗車
坐底15分鐘 合格走得
成套包圍
短彈弓
響喉
但LED 一定唔得~
我自己換番曬先上去
作者: chanzilla 時間: 2017-3-23 20:39
本帖最後由 chanzilla 於 2017-3-23 21:21 編輯
我有改車
都照上森記驗車
坐底15分鐘 合格走得
成套包圍
短彈弓
響喉
但LED 一定唔得~
我自己換番曬先上 ...
jukeqq2002 發表於 2017-3-23 18:08
但
LED 暖黃牌照燈 或
LED 正白4300k示寬燈(Clearance Lamp) 或
LED 正白4300k霧燈是否都唔得？
雖然我一向換回全原裝才驗車，但都想知。
via HKEPC Reader for Android
作者: worldcat 時間: 2017-3-24 10:48
換LED High Beam Low Beam 我知一定唔得，
但
LED 暖黃牌照燈 或
LED 正白4300k示寬燈(Clearance Lamp) ...
chanzilla 發表於 2017-3-23 20:39
多數車都唔得，因為用led九成燈影會向上，一埋燈尺多數會超標。
就算唔超標，只要驗車員係合理範圍望向車燈(乜燈都係)，佢都可以肥你。
驗車除咗標準數據，或多或少都有主觀問題。正如，dvd車機理論上唔過得，但實際上宜家好多都無捉，除非一開車就自動播片就神仙難救。
作者: tomming 時間: 2017-3-24 13:55
我都係俾車房驗, 因為以為佢哋專業D, 會好啲...
點知係月頭車房幫我驗車pass咗, 竟然唔夠一個星期架車就出事 (車頭震, 死火).
雖然唔係大問題, 但原來驗車都係睇表面嘢/基本嘢, 車房都係照住驗車要求整.
咁既話, 真係自己拎去驗好過 (當然要有時間先得).
作者: mo9394 時間: 2017-3-24 17:21
本帖最後由 mo9394 於 2017-3-24 17:22 編輯
我都係俾車房驗, 因為以為佢哋專業D, 會好啲...
點知係月頭車房幫我驗車pass咗, 竟然唔夠一個星期架車就出 ...
tomming 發表於 2017-3-24 13:55
大部份人搵車房都想平整, 未到期, 用得, 明知可能就壞, 佢都可能叫你用住先, 因為先兆呢D 可能捱兩三年都未真正出事.
少少舊就叫客換, 報六七千, 但客可能覺得貴, 去隔離車房再格價, 隔離CF 話唔急整, 收一千搞掂, 分分鐘個客周圍唱某某車房獅子開大口, 湯客之類. 唔係brake 之類同安全有關, 最多提下你留意有無惡化, 唔會少少問題都同你整到新一樣.
你講明就驗車, 叫佢幫手跟跟, 當然係跟到合格就算.
作者: chanzilla 時間: 2017-3-24 17:46
多數車都唔得，因為用led九成燈影會向上，一埋燈尺多數會超標。
就算唔超標，只要驗車員係合理範圍望向車 ...
worldcat 發表於 2017-3-24 10:48
謝謝指教
via HKEPC Reader for Android
作者: chanzilla 時間: 2017-3-24 19:01
本帖最後由 chanzilla 於 2017-3-25 20:58 編輯
驗車標準好低，平時如有跟手冊做足大部份preventive maintenance 的應該唔會肥驗車。
但當驗車是處理汽車維修保養就唔多合理。
via HKEPC Reader for Android
作者: gary1200 時間: 2017-3-25 20:53
我都係俾車房驗, 因為以為佢哋專業D, 會好啲...
點知係月頭車房幫我驗車pass咗, 竟然唔夠一個星期架車就出 ...
tomming 發表於 2017-3-24 13:55
正常不過，你過到排氣，佢理得你個車頭要過地震啦，如果佢另外幫你check野換野都係要另外收費，條數都係照計，所以我都係鍾意自己拎去，節省幾舊去比人工車房人工仲好
次次去驗前就book最早個個時間，驗完順便揸返工比停車場費算via HKEPC Ionic Reader v1.6.0 - Android
作者: chanzilla 時間: 2017-3-25 21:03
好多車房都只是檢查下基本野、洗三元、洗天風、抹下車底就去驗，過到骨就最少淨賺你千幾。幾好搵。
過唔到或甚驗之前已開單叫你加錢整這整那，唔順便劏你已是良心車房。
via HKEPC Reader for Android
作者: tomming 時間: 2017-3-25 23:23
大部份人搵車房都想平整, 未到期, 用得, 明知可能就壞, 佢都可能叫你用住先, 因為先兆呢D 可能捱兩三年都 ...
mo9394 發表於 2017-3-24 17:21
都明白有啲嘢話壞就壞, 話死就死 (人都係咁), 冇得好講.
至於你講果種情況, 我就寧願車房單聲有乜可能就壞, 等我有心理準備.
作者: nganshiu 時間: 2017-3-26 02:14
好多車房都只是檢查下基本野、洗三元、洗天風、抹下車底就去驗，過到骨就最少淨賺你千幾。幾好搵。
過唔到 ...
chanzilla 發表於 2017-3-25 21:03
咁車主手冊都會叫你定期換某D野, 未壞都建議換的.
作者: gary1200 時間: 2017-3-26 16:34
好多車房都只是檢查下基本野、洗三元、洗天風、抹下車底就去驗，過到骨就最少淨賺你千幾。幾好搵。
過唔到 ...
chanzilla 發表於 2017-3-25 21:03
有好多只係幫你去驗，壞d咩，洗d咩，換d咩都另計
換油洗天風等等都係另外收
via HKEPC Ionic Reader v1.6.0 - Android
作者: tamama120 時間: 2017-3-26 19:41
自己驗都要睇下間野係咪殺人王，
我試過係元朗皇冠驗，條友真係驗屍咁驗!!!!!
睇完又返轉過又睇，係咁係車底 how,
好似捉到有bonus咁!!!
作者: chanzilla 時間: 2017-3-26 21:03
揀驗車中心都是重點。
via HKEPC Reader for Android
作者: explorer_2 時間: 2017-3-26 21:17
一向自已驗。
作者: ny911 時間: 2017-3-27 22:45
我今年都係搵人驗，順手換埋灰玻璃，諗番上年租玻璃有小小白痴！
作者: Mandom 時間: 2017-3-28 01:48
5 月到期想試下自己渣去
有冇分享?
kingman418 發表於 2017-3-21 15:06
今日自己渣咗去驗車，等咗廿分鐘左右，竟然架17年錢七都可以無問題pass咗～
via HKEPC Ionic Reader v1.6.0 - iPhone
作者: ailss_2013 時間: 2017-3-28 07:20
提示: 作者被禁止或刪除 內容自動屏蔽
作者: jukeqq2002 時間: 2017-3-28 18:08
我驗左幾次
LED 一定唔得
不嬲細燈、大燈、高燈
尾燈同埋左右指示燈
最細粒既左右指示燈
都唔得
唔係咩顏色既問題
係「LED」就唔得，
唔信可以自己去試
有人pass 到係僥倖，係睇漏眼
霧燈多數無問題
因為驗車不會打開霧燈
但長火 / 匙火 的霧燈則不能
非原裝的所有日行燈也不能
作者: chanzilla 時間: 2017-3-28 21:14
我驗左幾次
LED 一定唔得
不嬲細燈、大燈、高燈
尾燈同埋左右指示燈
最細粒既左右指示燈
都唔得
唔係咩顏 ...
jukeqq2002 發表於 2017-3-28 18:08
謝謝，那我下次驗車真是好大工程，接近全部燈要換回原廠才去驗。不過好快手就換到。
via HKEPC Reader for Android
作者: mo9394 時間: 2017-3-29 09:32
我驗左幾次
LED 一定唔得
不嬲細燈、大燈、高燈
尾燈同埋左右指示燈
最細粒既左右指示燈
都唔得
唔係咩顏 ...
jukeqq2002 發表於 2017-3-28 18:08
人地睇number, 只係幾個standard 過到, 自己買通常唔合standard
作者: mo9394 時間: 2017-3-29 09:33
本帖最後由 mo9394 於 2017-3-29 09:40 編輯
謝謝，那我下次驗車真是好大工程，接近全部燈要換回原廠才去驗。不過好快手就換到。
via HKEPC Reader f ...
chanzilla 發表於 2017-3-28 21:14
老實講, 不如諗下自己架車安唔安全, D 燈有無影響到其他人
作者: chanzilla 時間: 2017-3-29 10:15
老實講, 不如諗下自己架車安唔安全, D 燈有無影響到其他人
mo9394 發表於 2017-3-29 09:33
謝謝提點，我換那些不是超亮的，色亦跟足法例要求，只是由filament 換成led。我都不喜歡影響到對頭車。
via HKEPC Reader for Android
作者: kckong99 時間: 2017-3-29 11:11
琴日我架17 年車 (sunny N16) 都過到, 乜都唔使整.
作者: kingman418 時間: 2017-3-29 17:24
都幾多師兄渣121 WO
我尾期2004~
作者: nganshiu 時間: 2017-3-31 02:37
我今年都係搵人驗，順手換埋灰玻璃，諗番上年租玻璃有小小白痴！
ny911 發表於 2017-3-27 22:45
why?
作者: siacelestar 時間: 2017-4-1 08:06
法例冇話過用LED唔得，如果唔得咁成街巴士，新車全部死曬啦~
法例要求係燈要有生產國認證(例如歐洲要有e-mark)，同埋如果後面燈就係左右一set加埋要過7W power。
除車頭大燈外我全換LED去邊間都pass。
作者: chanzilla 時間: 2017-4-1 12:00
法例冇話過用LED唔得，如果唔得咁成街巴士，新車全部死曬啦~
法例要求係燈要有生產國認證(例如歐洲要有e-m ...
siacelestar 發表於 2017-4-1 08:06
謝謝資訊！
D emark 有些要拆下來看膽身才見到，驗車時佢真是咁得閒走去拆來睇？
via HKEPC Reader for Android
作者: worldcat 時間: 2017-4-1 13:59
本帖最後由 worldcat 於 2017-4-1 14:00 編輯
法例冇話過用LED唔得，如果唔得咁成街巴士，新車全部死曬啦~
法例要求係燈要有生產國認證(例如歐洲要有e-m ...
siacelestar 發表於 2017-4-1 08:06
原裝燈杯係俾Led用當然可以用反led. 掉轉換同光度嘅鎢絲燈，好易過熱燒燈插。
正如自己換Hid,有幾多架可以pass驗車？但唔通原廠hid都驗唔到？
光膽過唔過到，主要係睇燈影同電源駁線，鎢絲轉led唔係絕對唔得，但只係多數唔得。車主有時間咪揸去博下law，唔得先換都係好簡單。
作者: chanzilla 時間: 2017-4-1 18:59
咁燈佢多數比你即場搞掂，唔比番驗都只是180. 唔太煩。
via HKEPC Reader for Android
作者: siacelestar 時間: 2017-4-2 02:56
如果改既係大燈/高燈就當然接近冇可能過到因為燈影問題。運輸處都出左份野內容都係講燈影，而唔係話唔俾改，你揾到原廠HID燈組就唔怕過唔到。
作者: chanzilla 時間: 2017-4-2 06:38
本帖最後由 chanzilla 於 2017-4-2 06:40 編輯
如果改既係大燈/高燈就當然接近冇可能過到因為燈影問題。運輸處都出左份野內容都係講燈影，而唔係話唔俾改 ...
siacelestar 發表於 2017-4-2 02:56
那我又想請教大家，原廠是HID Low Beam, 原燈膽出廠是色溫4300k. 如只換膽但換成5500k 正白光，燈膽本身有EU 的E mark, 那又是否合例呢？運吉處寫的是黃或白，和要符合燈影要求，但這樣轉換色溫又算不算改裝呢？
D HID low beam 齋膽貴到High High 咁，換這些又真是要想過度過。
via HKEPC Reader for Android
作者: siacelestar 時間: 2017-4-2 16:24
呢度就開始小小主觀，只要唔偏藍基本上冇問題。(幾個驗車場都係咁同我講)
作者: kaspar1101 時間: 2017-4-2 16:52
我去開土瓜灣十三街，比人搞先千幾，無謂煩嘛
作者: nganshiu 時間: 2017-4-2 17:40
本帖最後由 nganshiu 於 2017-4-2 17:46 編輯
那我又想請教大家，原廠是HID Low Beam, 原燈膽出廠是色溫4300k. 如只換膽但換成5500k 正白光，燈膽本身 ...
chanzilla 發表於 2017-4-2 06:38
原廠應該有寫明幾火什麼膽的, 非原廠既設計就是改裝!
顏色也要合香港法例, 但年檢唔會捉咁嚴.
所以換正白色應該不是改裝（除非車廠寫明幾多ｋ）,
5500k 正白光 在大雨/大霧環境下會不會穿透力不足?
作者: simonlau1987 時間: 2017-4-8 22:22
大燈HID換左5500K都PASS
想問倒後鏡下面果個照地燈 (開門先著果個)換做LED得唔得呢? 平時關上門行車唔會著
同埋車入面換LED好似都係可以PASS? 上次驗未換LED燈泡
作者: siacelestar 時間: 2017-4-8 22:56
呢啲唔理你因為唔屬法例要求
作者: kingman418 時間: 2017-4-9 07:59
UPDATE 返
尋日去左元朗森x美
30mins 左右
1 take pass！！
之後再買d 料（＄430 火咀，偈油，波箱油）去車房換人工＄350
作者: chanzilla 時間: 2017-4-9 08:20
UPDATE 返
尋日去左元朗森x美
30mins 左右
1 take pass！！
之後再買d 料（＄430 火咀，偈油，波箱油）去車 ...
kingman418 發表於 2017-4-9 07:59
好平，算老實！
via HKEPC Reader for Android
作者: citibatter 時間: 2017-4-11 17:52
剛剛十五分鐘前驗完, 有兩樣嘢值得留意...
1. 黑卡紙大法係work嘅
2. 車頭大燈轉咗白光燈亦都可通過
via HKEPC Reader for Android
作者: 天之皇者 時間: 2017-4-13 08:02
九龍區個表入面有冇邊間易book d?
作者: ckitc_kit 時間: 2017-4-13 09:27
九龍區個表入面有冇邊間易book d?
天之皇者 發表於 2017-4-13 08:02
可以上網CHECK 邊間有空位驗車!!! 其實我覺得間間都易BOOK...
作者: mo9394 時間: 2017-4-13 09:32
九龍區個表入面有冇邊間易book d?
天之皇者 發表於 2017-4-13 08:02
打個電話問都BOOK 埋TIM 喇
作者: heaisne 時間: 2017-4-13 11:29
本帖最後由 heaisne 於 2017-4-13 11:31 編輯
上年年尾試下自己拎去驗1次就PASS,由於第一次自己去驗連插住點煙器上既藍芽usb,車CAM等乜都無甩,拎車時先發現車CAM無反應原來被甩開,但藍芽仍駁住,我心想D師傅驗車時應該驚被點相所以佢地都會整甩D車CAM先做野.
作者: pure_water 時間: 2017-4-13 12:20
可以上網CHECK 邊間有空位驗車!!! 其實我覺得間間都易BOOK...
ckitc_kit 發表於 2017-4-13 09:27
網上查閱各指定車輛測試中心年檢預約情況
https://www.gov.hk/tc/residents/transport/vehicle/enqbkstatus.htm
作者: imching 時間: 2017-4-13 18:04
回覆 65# citibatter
咩係.... 黑卡紙大法???
作者: chanzilla 時間: 2017-4-13 20:12
回覆 citibatter
咩係.... 黑卡紙大法???
imching 發表於 2017-4-13 18:04
我想信是講好多師兄驗車時用黑色卡紙遮住大面版車機。
我自己就通常拔fuse.
via HKEPC Reader for Android
作者: chanzilla 時間: 2017-4-13 20:15
本帖最後由 chanzilla 於 2017-4-13 20:51 編輯
又想多口請教有裝後加日行燈(沒有E mark)的師兄，驗車時怎處理?
方法1. 拆走燈
方法2. 拔掉接線或fuse 另佢唔著，燈唔拆
方法3. 方法2 再加黑卡紙大法遮住D燈
via HKEPC Reader for Android
作者: citibatter 時間: 2017-4-13 20:45
本帖最後由 citibatter 於 2017-4-13 20:48 編輯
我想信是講好多師兄驗車時用黑色卡紙遮住大面版車機。
我自己就通常拔fuse.
via HKEPC Reader for Andr ...
chanzilla 發表於 2017-4-13 20:12
我本來都想掹fuse，但係掹咗fuse後連錶板燈都冇埋!
所以呢一招喺我㗎車行唔通...
via HKEPC Reader for Android
作者: citibatter 時間: 2017-4-13 20:46
回覆 citibatter
咩係.... 黑卡紙大法???
imching 發表於 2017-4-13 18:04
即係用黑卡紙遮住個大面板個screen
via HKEPC Reader for Android
作者: chanzilla 時間: 2017-4-13 21:01
我本來都想掹fuse，但係掹咗fuse後連錶板燈都冇埋!
所以呢一招喺我㗎車行唔通...
vi ...
citibatter 發表於 2017-4-13 20:45
咁樣設計真是dislike. 好慳唔慳，一fuse 多用。Audio 獨立fuse 會方便好多。
via HKEPC Reader for Android
作者: AST 時間: 2023-4-21 17:22
只係年檢, 改到七彩都驗到啦, 如果底擔零件無受損, 只需要換返原廠摧化去驗就得
作者: yauyu 時間: 2023-4-21 19:44
本帖最後由 yauyu 於 2023-4-21 19:47 編輯
剛剛十五分鐘前驗完, 有兩樣嘢值得留意...
1. 黑卡紙大法係work嘅
2. 車頭大燈轉咗白光燈亦都可通過
via ...
citibatter 發表於 2017-4-11 17:52
車機可能係人地好人比你過姐
因為驗車員有權叫你移除黑卡紙比佢試下車機有冇播片功能.
另外驗車最緊要係
頭燈就睇色溫同燈影
所有燈要著得到
改裝件唔可以超過車身
有玻璃紙要有信同有足夠透光度
廢氣同迫力合格
正常黎講車底野唔太欄其實佢都廢事肥你。
via HKEPC Reader for Android
作者: siacelestar 時間: 2023-4-27 13:22
本帖最後由 siacelestar 於 2023-4-27 13:24 編輯
車機可能係人地好人比你過姐
因為驗車員有權叫你移除黑卡紙比佢試下車機有冇播片功能.
另外驗車最緊要係 ...
yauyu 發表於 2023-4-21 19:44
關於車機運輸處驗車組出左通告俾驗車中心
如果係刻意搵野遮住會唔驗，因為見到刻意隱瞞
（如果拆fuse唔著就理唔到你，因為不能操作當係裝飾品咁計）
另外迫力廢氣呢兩樣有電腦記錄無得呃，其他野除非好明顯或者嚴重就睇驗車員自己尺度。
via HKEPC Reader for Android
作者: ny911 時間: 2023-4-28 16:17
之前我自己揸去驗都係拆fuse
via HKEPC Reader for Android
作者: blkbd5 時間: 2023-4-28 17:42
之前我自己揸去驗都係拆fuse
ny911 發表於 2023-4-28 16:17
依個系最正路方法，開唔到唔理你！