作者: javacomhk 時間: 2022-4-12 10:46 標題: 如何製作 Intel MacBook Pro/Air (配備 T2) 的 Ubuntu USB Bootable 手指
本帖最後由 javacomhk 於 2022-4-16 17:32 編輯
舊款嘅 Intel MacBook/Air/Pro 硬件用 Linux 是沒有太大問題，但比較新的 Intel Mac 配備 Apple T2 保安晶片的 MacBook Air/Pro (2018 年至 2020 年)，就一開始 Linux 設定時個 butterfly 鍵 keyboard 同 touchpad 就已經用唔到，就算用新嘅 Ubuntu 21.10 嘅 kernel 5.17 都唔得，如果要用 external keyboard 同 mouse 去安裝就好麻煩及好多問題，因為除咗 keyboard，touchpad 外，藍芽同 wifi 個 kernel 都係唔支持。
但係其實已經有人製作咗個 patched 好嘅 Ubuntu 20.04 嘅 ISO 方便安裝落去配備 Apple T2 保安晶片的 MacBook Air/Pro，另外亦提供了 driver links 及佢 patch 嘅方法比你響其他 Linux distribution 度安裝。
https://github.com/marcosfad/mbp-ubuntu/
部配備 Apple T2 保安晶片的 MacBook Air/pro 係要 Disable Secure Boot (關閉安全開機)，及 Set allowed boot media(允許開機媒體)先用到 USB bootable 手指。用開機安全性工具程式改動設定嘅方法如下 https://support.apple.com/HT208330
由於 MacBook Pro/Air 系列係焊死 SSD，不能拆，要裝 USB Bootable 手指就要靠其他PC機(要拆 Harddisk 或SSD) 由一隻 source USB 手指安裝 Ubuntu 落另一隻 target USB手指。
第一隻 source 嘅 USB 手指可以是較細嘅例如 8GB，下載此 livecd.zip 後解壓攞到個 ISO 檔案 後用 Rufus 及選用 DD mode 去寫 (注意這個 iso 檔案在 ventoy 係 boot 唔到)，而 target USB 手指可以是較大的例如 128GB，由於 MacBook 已經係用 Thunderbolt/USBC port，所以隻 target USB 手指最好選擇買個隻 SanDisk 雙頭 USBC/USBA 3.2 手指就最方便。 在其他 PC 機製作好隻 USB Bootable Ubuntu手指後，最好用其他 Linux 機 resize 個 USB 手指嘅主要 ext4 partition，及預留多個 fat32 或者 exfat partition 例如 10GB 方便與其他電腦系統作交換資料。因為在 Linux 下，macOS 個 APFS partition 預設係讀寫唔到，而且最近的 macOS Monterey 仲會 encrypt 咗個 Internal SSD (所以現在嘅 Mac 機新系統下要裝 Linux 落個 Internal SSD 又多個難題)。
如果有興趣試用 Ubuntu 又唔想自己去製作安裝用 USB 手指的話，可以下載這個安裝好的 ubuntu-mbp128G-20.04.img.zip (2.64GB) 磁盤映像文件，下載後不用解壓，然後 Mac 用戶可直接使用 balenaEtcher 寫在 128GB 的 USB 手指上。這個磁盤映像文件 的 username 及 password 都是 ubuntu。
裝完 USB 手指之後及將部 MacBook 開機安全性設定改動後就可以插住 USB 手指，按著 Option key 開機就可以選擇 USB 手指嘅 EFI Boot 便可以 boot 起部機運行 Ubuntu，個 butterfly 鍵 keyboard，touchpad，audio，web cam (例如 zoom meeting ok，但係個 mic 唔得) 同藍芽都應該已經用到。如果 wifi 唔得，就要 login 進入系統後開 terminal 打指令
- sudo dpkg -i /usr/src/iso-firmware.deb
- #修改 /etc/NetworkManager/NetworkManager.conf 如下
- [main]
- plugins=ifupdown,keyfile
- [ifupdown]
- managed=false
- [device]
- wifi.scan-rand-mac-address=no
- #修改 /etc/NetworkManager/conf.d/wifi_backend.conf 加上 # 去停止使用 iwd 如下
- #[device]
- #wifi.backend=iwd
[attach]2315706[/attach]
- # 重啟 NetworkManager
- sudo systemctl restart NetworkManager
- sudo modprobe brcmfmac
- # 重啟 Macbook 插上 USB 手指，接著 Option 鍵再 Boot 起 Ubuntu-mbp 系统
如果要裝 language pack，就要 connect 到 network 後開 terminal 打指令
- sudo apt-get update
- sudo apt-get install language-pack-[cod] language-pack-gnome-[cod] language-pack-[cod]-base language-pack-gnome-[cod]-base
- #例如 繁體中文的 [cod] 是 zh-hant，簡體中文的 [cod] 是 zh-hans
- sudo apt-get install language-pack-zh-hant
Ubuntu 在 Mac 鍵盤上的快捷鍵參考
移動當前窗口左側右側
command + 方向鍵 (e.g. left or right)
切換桌面
control + option + 方向鍵 (e.g. up or down)
將當前窗口移動到桌面 command + shift + page up / page down
command + shift + fn + 方向鍵 (e.g. up or down)
顯示所有桌面
command
切換窗口
command + tab