作者: cleverandy 時間: 2013-8-17 00:15 標題: 黑夜明珠Ttesport MEKA G1全背光黑軸機械鍵盤開箱文
本帖最後由 cleverandy 於 2013-9-17 22:45 編輯
最近比論壇一班師兄毒左，第一次入手機械軸鍵盤，仲要順便入埋隻型鼠襯番。上次贏左隻Tt Shock耳機，感覺這品牌的質量同外型設計都唔錯，所以今次買的都是它的產品。以下落黎就先介紹一下隻鍵盤先：
先黎睇睇個包裝先，尼隻係Ttesport MEKA G1(拓荒者)黑軸全背光鍵盤。今次我帶埋之前係Tt 台灣的FB活動贏番來的Tt Dude一齊來開箱。
包裝上印有G1的一些特點，其中設有音頻插孔以及2x USB 插槽。
開箱先!原來入面還有一個介紹蓋罩。等我簡單介紹一下先，包括有多媒體功能鍵、5種發光區域設定和7段光度及呼吸燈模式調較等等。
終於亮相了~ 鍵盤由一個保護面具包住，不過已經被我揭開了，真身出現。盒內分開3格，上格就裝住線材，下格就裝住手托。
MEKA G1是一隻104 Key的機械軸鍵盤，而且全按部鍵104Key(PS/2界面下)都支援防鬼鍵，USB則支援6鍵同時按下不衝突。
採用的機械軸是德國Cherry MX黑軸，按鍵壽命達5000萬次，並且具全背光設計。黑軸壓力克數都幾重下，開頭都覺得有D唔慣，不過玩左一LOL日後，就開始覺得好爽，按鍵聲都好都清脆。而因為唔洗打到底就能觸發，所以玩AVA果類FPS遊戲，反應特別靈敏。
連Tt 仔的體重都唔夠踩下按鍵，就應該知道黑軸真係幾重，我諗新手玩機械軸，如果由紅軸入手先會易習慣好多。遲D睇下會唔會有機會買其他軸試下先。
這裏則可以看見到一些較長的按鍵都加有平衡桿，提供更優良的手感。另外亦可以見到我這個在香港買到的G1是配有倉頡及注音鍵碼，所以亦適合習慣睇中文鍵碼打字的朋友
我細佬對我隻鍵盤都無閒言
佢先剛剛學打字
鍵盤手托的表面順滑不啜手，中間仲有個幾型下的Ttesport Logo，好比鍵盤上面的Tt標誌來得酷。
而手托的底部亦設有軟膠腳，防止鍵盤移位。(漏拍，要再拍)
睇下鍵盤背上的標籤看，是台灣製造哦～
質量比起強國製的產品來得好多了！
MEKA G1如一般鍵盤般，設有支撐架。這個支撐架較上去好似有幾段位，但實際上我諗係全開與不開這2種高度調節。
另外鍵盤底部與手托一樣，各也有4個防滑軟膠墊。
鍵盤的F鍵區包含了多媒體的功能鍵，只要配合位於左下的Fn鍵便能使用。而這個Fn鍵的位置則取代了以往左面的Win鍵，這也是防止在打機中途誤按而彈出桌面的情況，不過就要習慣一下按右面的Win鍵了。
除左多媒體功能鍵外，這鍵盤另一個特點就係全背光，所以專設有2個控制背光燈的設定按鈕。左面的是設定鍵盤背光區域，右面的是調節亮度。鍵盤分為WASD區、↑←↓→區、2468區和全區域背光及關閉背光燈5個設定項目；而亮度就分為7個等級，以及呼吸燈模式。
係指示燈區方面，G1採用了紅色LED燈。不過我認為Tt對於這個地方的處理是做得不太好，若果從正上方直望的話，燈的亮度實在比較刺眼，如果在燈蓋上來一點磨沙處理就好多了。不過在實際使用情況下，都唔會被盞燈射親GE!
來到線材部份，在頭役的線都被厚厚的編織套包裹，保護十足！線長1.5米，長度充足。但係真係好似粗果頭，同埋比較厚淨同重D，不過唔係好似外國LAN PARTY甘拎出去用，這點都唔成阻礙，反而耐用度仲提升添～
等Tt仔拎D接頭比大家睇啦! 接頭包括有USB HUB，USB信號線和音訊接頭，全部接頭都經鍍金處理架，睇落高級D，又唔怕用耐左會氧化生銹。係這堆分線前，其實有個大磁環降低訊號雜訊。不過同佢隻shock耳機的音訊接頭的絕緣環都係無用紅綠區分，要人睇個標誌先得，係尼度Tt可以改善一下。
係上面線材部份見到有甘多接頭，就當然有個位置比你插啦。2個USB Hub插槽，以及有耳機和麥克風接口。
MEKA G1的側面，可見到按鍵有用到人體工學的孤型設計，而手托就順住鍵盤的曲線平滑落去。
MEKA G1的正面，人體工學設計的鍵盤在這角度下，看似梯階。
背光燈部份：
今日的陽光實在太猛了，我諗要轉個角度先
尼個位好少少了，其實番到屋企用，係好夠光的，我都只係用第一段亮度就夠曬光了。
隨左相之外，下面仲有段片比大家睇番背光燈亮度調較，不同區域背光，以及按鍵的敲打聲音
[youtube link]:http://youtu.be/K9Wt89FKNDQ
係最後都講講包裝入面附送的小包
都係一些保養證同多國語言說明書。
引用官網的規格：
[attach]1569076[/attach]
作者: cleverandy 時間: 2013-8-17 00:15
本帖最後由 cleverandy 於 2013-8-18 01:55 編輯
最後比D夜拍照你地睇下：
其實D紅燈光係反射到好光係個鍵盤底板度，不過部相機好難影到出黎
同隻THERON合照先
總結：
這隻Tt MEKA G1係小弟第一隻機械鍵盤，黑軸的爽快強勁的回彈感覺真係幾爽！唔知遲D會唔會試下其他軸的產品呢，毒已中
講番隻鍵盤先，整體上感覺良好，紅燈全背光又幾靚，不過係指示燈方便就有待改善一下了。千元級數的有齊USB同音訊接口位、全背光同多媒體功能鍵的黑軸鍵盤，都算抵玩
原來佢地這排同遲D電腦展好似做緊優惠，買MEKA G1送耳機，該先遲多個星期先買啦，買早左無優惠添
得閒就睇埋我另一篇Tt Theron冰雪白開箱文，去支持一下啦
：變色龍Tt THERON七彩閃魅滑鼠開箱文
作者: michaelyiu10 時間: 2013-8-17 00:41
Support開箱文,仲要係咁長盡,真係唔可以唔比like你呀ching!!!
作者: cleverandy 時間: 2013-8-17 00:44
Support開箱文,仲要係咁長盡,真係唔可以唔比like你呀ching!!!
michaelyiu10 發表於 2013-8-17 00:41
第一隻玩的機械軸喎，仲要係比尼度班
搞到我忍唔住手，當然要毒番佢地轉頭啦不過唔知我影的相夠唔夠功力毒到佢地呢
作者: cleverandy 時間: 2013-8-17 01:18
有個問題想問一問玩開機械鍵盤的C兄,你地有無D長鍵係會特別啜,我發現個BACKSPACE係特別的角度按下去係好啜同埋有C一聲
作者: kw223 時間: 2013-8-17 08:35
詳細介紹~~相又靚
作者: raisin 時間: 2013-8-17 11:59
有個問題想問一問玩開機械鍵盤的C兄,你地有無D長鍵係會特別啜,我發現個BACKSPACE係特別的角度按下去係好啜 ...
cleverandy 發表於 17-8-2013 01:18
師兄D相影得幾靚
比較長但又無平衡軸的鍵 (主要係backspace) 係會容易唔平衡... 但我係隻RACE上又唔係好覺有呢個問題
作者: cleverandy 時間: 2013-8-17 13:20
師兄D相影得幾靚
比較長但又無平衡軸的鍵 (主要係backspace) 係會容易唔平衡... 但我係隻RACE上 ...
raisin 發表於 2013-8-17 11:59
不過我果度係平衡的，但係好似同d野刮住甘
作者: cleverandy 時間: 2013-8-17 13:24
師兄D相影得幾靚
比較長但又無平衡軸的鍵 (主要係backspace) 係會容易唔平衡... 但我係隻RACE上 ...
raisin 發表於 2013-8-17 11:59
這都係多得朋友借左部靚單反比我拍，果部係eos 6d
作者: michaelyiu10 時間: 2013-8-17 13:33
d相好似科技網影得咁靚,景靚keyboard正,ching好有心
作者: hoho22 時間: 2013-8-18 11:45
十卜chng
作者: cleverandy 時間: 2013-8-18 23:55
十卜chng
hoho22 發表於 2013-8-18 11:45
d相好似科技網影得咁靚,景靚keyboard正,ching好有心
michaelyiu10 發表於 2013-8-17 13:33
多謝支持
其實有樣野想問，唔知係唔係鍵盤支援usb hub同 audio 插口，多左幾樣野比系統偵測，所以開機比我用普通鍵盤慢左5秒，但一拔番鍵盤就快番
作者: Chung1988 時間: 2013-8-19 01:40
黑keyboard 白mouse 黃headset下次開埋隻TT 藍機箱
作者: cleverandy 時間: 2013-8-19 01:46
黑keyboard 白mouse 黃headset
下次開埋隻TT 藍機箱
Chung1988 發表於 2013-8-19 01:40
果隻貴果頭,加上又大件,唔係太岩我用
作者: hgc31140 時間: 2013-8-20 00:51
d相好似科技網影得咁靚,景靚keyboard正,ching好有心
搞到我又想入手啦, 你得既