作者: cleverandy 時間: 2013-8-18 01:32 標題: 變色龍Tt THERON七彩閃魅滑鼠開箱文
本帖最後由 cleverandy 於 2013-8-18 01:49 編輯
上一篇寫完新入手的機械鍵盤後，就順手寫埋一齊帶番屋企的新滑鼠。
黑夜明珠Ttesport MEKA G1全背光黑軸機械鍵盤開箱文
兩件新寵都係同屬Ttesport的。今次新的滑鼠係四百元價位的Tt Theron閃獵 冰雪白，同門師兄弟有月光黃、熾烈紅、軍武綠和黑色的版本。
(聽過另一種型一點的叫法：法拉里紅，保時捷黃，神密黑，皎潔白同迷彩綠)
先黎睇睇個樣先
Theron的特點包括有：功能鍵鎖（當然有埋功能鍵啦！）、戰鬥模式、128KB內置記憶體以及7隻可調的LED色彩。
包裝上亦設有可揭開的封面頁，比用家買之前試試手型同睇下個樣型唔型仔。而頁背亦標示了滑鼠的一些資訊，唔同的功能鍵、配套軟件同規格等等。
事不宜遲，打開佢睇下有咩先
除左滑鼠本體外，仲附有一個小小的收納袋，不過對於隻滑鼠來說，可以話係夠裝有凸之餘，仲可以放D其他野，如手指和原子筆等等。這方面比之前活動贏的Tt shock耳機附D收納袋的設計預得鬆動好多。
另外除左收納袋外，有一片驅動DVD仲有2張Ttesport LOGO貼紙，以及一些例牌的說明書同保養證。
睇埋個袋先睇隻鼠啦!個袋入面都分左3格，果2個細格可擺滑鼠的線材、法碼同埋自己D立雜野。
這個係滑鼠實際的收納情況。
THERON滑鼠登場！白滑的肌膚配合獨特的倫敦，有係好型好吸引。滑鼠鼠身是採用不平衡的設計，以一般右手用家而設計的。
係滑鼠的表面有8個按鍵，全部表面按鍵的功能都可以在所提供的驅動中調較。
來個側面照先！底部可見有個LED燈位。
再睇下背脊，有一個很大的Ttesport LOGO，這個LOGO連同旁邊的DPI段數指示燈和底部均設有LED燈效。
輪到鼠底了，見到的SENSOR是採用支援100 - 5600dpi的雷射引擎感應器，亦採用白色的鐵氟龍作鼠腳，供流暢地滑行。
另外亦有2個按鈕（profile：可更換已設定的設定檔、polling rate：可在125,500,1000MHz之間互調）和一個功能鍵鎖（將功能鍵的功能開啟和關閉）。
T13.JPG（要補拍）
THERON本身採用可調重設計，供用家調節滑鼠的重量，以適合不同的用家或不同遊戲情況的使用。
每個法碼重量為4.5G，總共5個，即最大可使滑鼠相差22.5G重量(只計算由法碼的重量調節)。
來到線材的部份，線身都以防纏繞編織套包裹，以提高耐用程度（由於手中的THERON是白色版本關係，所以線材的編織套亦改為白色），且在USB接頭部份也採用鍍金設計和防拉扯設計，亦附上Tt魔術貼索帶絡用家整理線材。
燈光效果部份：
睇黎個陽光光果頭，都係番屋企先影幾張～
這個LED燈光就係最吸引我的地方，配合埋隻MEKA G1，令我的房黑夜亦亮麗！
鼠頭照，燈光都係按鍵下的罅溢出。
側面燈效
LOGL燈效，這個部份可以設定要不要呼吸燈。
係台面的效果。
係滑鼠墊上的效果
這裏是DPI指示燈的示範
示範影片：
[youtube link] http://youtu.be/3hLkze8rYAw
作者: cleverandy 時間: 2013-8-18 01:32
本帖最後由 cleverandy 於 2013-9-21 01:24 編輯
驅動軟件部份：
其實滑鼠本身係即插即用的，而且內建128KB記憶體給予儲存設定檔，不過第一次用，當然要裝個驅動來教一教D設定啦！
軟件的主頁，軟件表面上係英文，其實內裏係中文。姐係點？係選單方面係中文寫，同果堆按鈕指住佢一會，就會顯示中文。
先來睇下燈光設定先！主要分為4個可調部份：滾輪、2側燈槽(同步)、底燈槽和LOGO部份。不過這些燈效設定只適用於一般模式，而戰鬥模式則是由滑鼠本身控制。
這裏是設定巨集鍵的地方，左面是錄他巨集的，右面可設定延遲時間、巨集名稱和加入預設巨集動作錄像等等。
戰鬥模式：這個戰鬥模式是由滑鼠按你按鍵速度而轉變顏色和特效，經我試驗後，每隻顏色都代表一種速度，不過當你去到該速度以上，亦要由下一級速度的顏色逐級變上去，而你用回平時瀏覽網頁等超慢點擊速度，滑鼠就會將所有燈轉為呼吸模式。我諗這戰鬥模式係玩LOL果類桌戲上最為明顯。
這個變色效果亦可參考上面我指的的示範影片。
這裏是滑鼠的各種速度設定頁面：每段DPI的靈敏度設定、雙擊速度、滾輪速度和指標速度等。
總結：
尼隻Tt THERON滑鼠個外觀設計係我心目中，係見過同認識的滑鼠中最靚的幾款,外型近乎完美！LED燈效方面亦是令此鼠的觀感大增的地方。不過外型雖然係好靚，但係個人體工學設計睇來就有點缺憾，對於我來說，手指尾部份的乘托不足夠，那個位無甘舒服，但係我試過幾種熱門的使用滑鼠拿法，點確係有一種幾知適的，就是三指在鼠面操作（中指按滾輪），這種就完全是感覺貼服，連右面的巨集鍵都方便易用好多。這滑鼠在造工方面依然係保持高品質，鼠身造工完滑平整，線材等小地方設計亦是另有用心加工。在這四百多元的級數絕對值得，比起其他牌子有差不多數目巨集鍵的滑鼠價錢是高一點，不過勝在有其他高階的設計，LED燈效和軟件配套不在話下，還具備以往在高階鼠才有的重量調教設計，採用支持5600DPI的鐳射SENSOR，絕對值得加多少少買這款THERON滑鼠。
作者: raisin 時間: 2013-8-18 10:52
400多元不算很貴, spec/功能也是OK (5600DPI其實很普遍了), 但外貌... 恕我不同意
作者: oo2oo299999 時間: 2013-8-19 03:42
白色原本不錯，但滑鼠長期接觸，打機時尤其易出汗，擔心容易變黃
作者: wonghoyat 時間: 2013-8-19 11:23
400多元不算很貴, spec/功能也是OK (5600DPI其實很普遍了), 但外貌... 恕我不同意 ...
raisin 發表於 2013-8-18 10:52
5600不是問題，問題是要係5600下仍然可以保持穩定（學你話齋，好多都有，但係穩定性不足，始終都係擺設）
作者: cleverandy 時間: 2013-8-19 12:56
白色原本不錯，但滑鼠長期接觸，打機時尤其易出汗，擔心容易變黃
oo2oo299999 發表於 2013-8-19 03:42
好多白色野都會甘，唔知尼隻有無特別保護呢？
不過鏡面好似比磨沙面無甘易黃
作者: cleverandy 時間: 2013-8-19 13:02
5600不是問題，問題是要係5600下仍然可以保持穩定（學你話齋，好多都有，但係穩定性不足，始終都係 ...
wonghoyat 發表於 2013-8-19 11:23
Theron 都出左隻Infrared紅外線版本，官網話個sensor係特別為穩定設計
其實我這隻也唔錯，特別係裝曬法碼重左後，都好穩