作者: 絕對好奇 時間: 2013-6-27 06:40 標題: 我嘅Dream Toy ：3D Printer之新手上路
本帖最後由 絕對好奇 於 2013-6-28 06:30 編輯
1.前言
小弟寫呢篇文嘅目的係想將呢度咁多個post整合埋一齊,
令到一啲對3D Printer有興趣嘅師兄更加容易明白.
我曾經都係一個無機嘅新手,所以由我以自身嘅角度去講,
應該可以更加容易了解明白!
-----------------------------------------------------------------
如果你個心重係十五十六唔知買咗機有事要維修唔知攪唔攪得掂,
可以直接跳去<簡單硬件維修篇>,睇下覺得難唔難評估下自己嘅能力先.
如果你己經下定決心要買機可以直接跳去<新手預備篇>.
如果你己經有機但唔係好知點操作部機可以直接跳去<硬件與軟件篇>
如果你己經有機但唔識tune機可以直接跳去<新手tune機篇>.
-----------------------------------------------------------------
如果各位睇哂呢度咁多個post,仍然覺得有少少瞎子摸象,
攪唔清楚3D Printer呢舊嘢究竟係乜嘢嚟,咁!我希望你睇完呢篇文之後,
會更加清楚明白,而因為3D Printer都有好多類型,本文只針對現時最流行嘅普通家用機而寫,
又因小弟自己都係新手,所以如果小弟有乜錯漏,希望其他師兄出手指正,
3D Printer呢舊嘢究竟係乜嘢嚟?其實佢嘅運作原理同普通Printer大致相同,
普通Printer你比個文字檔案佢,佢就會印出一篇文章出嚟.
3D Printer你比個3d檔案佢,佢就會印出一個模型實物出嚟.
其實就係咁簡單,但佢哋係有分別嘅,分別如下:
a.速度
係列印速度方面3D Printer係慢普通Printer好多嘅,
越要求個成品模型越精細尺寸越準確速度就越慢.
b.維修保養
由於家用機嘅3D Printer技術重未咁成熟,而又未有大公司出品零售,
係維修保養會要求個人有一定嘅DIY能力,更換零件同一般保養,
無普通Printer咁簡單方便,你現時甚至係香港買唔倒零件或膠料呢啲消耗品,
需要係國內或外國訂購.
c.網上購物經驗
由於好多零件同消耗品要係國內或外國訂購,咁意味住你需要有網上購物經驗,
你至少要有信用卡或淘X戶口,如果你兩樣都無就要好似我咁,走去試下開番個啦!
其實都好簡單唔難!
d.空間擺放
以我部機為例，一部可印225mm(長)x145mm(闊)x150mm(高)模型嘅3D Printer,
佢本身部機就有18吋(長)x15吋半(闊)x22吋(高),其中15吋半(闊)係包括機背嘅膠絲卷輪,
22吋(高)係包括電線同送絲膠喉嘅高度,比起普通Printer佔嘅空間為多.
e.噪音
係噪音方面,新一代嘅3D Printer己經做到比較寧靜只係比普通Printer稍為大聲一啲.
f.氣味
係印ABS膠時會有少少膠味,同如果行得太近同長時間睇佢印嘢,會有少少(姆)眼,
所以一定要注意空氣流通.
g.3D劃圖
使用3D Printer係需要一定嘅3D劃圖能力,除非你只下載網上嘅模型嚟印,
如果想印自己嘅創作,就一定要有劃圖能力,如果你未試過3D劃圖,
可以睇下呢個Offer師兄太座嘅考試圖,
再睇下gorto師兄嘅影片教學睇下自己學唔學倒,
http://www.youtube.com/watch?v=QSajmUWXFZ8&feature=youtu.be
呢啲嘢就要靠自己嘞,不過都唔算好難,只要一步一步跟住做,
睇多幾次個影片教學,我都係咁樣第一次就學識咗,而且youtube都有好多教學,
一般嚟講應該好快學識!
h.打印成本
3D Printer嘅打印成本比起普通Printer係平好多嘅,一卷1kg嘅ABS膠絲係120蚊人仔,
有啲店舖重會平啲,但真係有排印,而且唔會好似普通Printer嘅墨盒放得耐會乾哂,
或者有塞頭現象.
小弟曾經都同其他師兄一樣,好想擁有一部3D Printer,
但係呢樣嘢咁新對佢有啲又愛又怕,怕自己能力不足,
駕御唔倒呢個世間尤物,但係當我睇倒gorto師兄係一個post入面,
將佢嘅毒品全部曬冷嘅時侯,小弟即時諗都唔洗諗回咗以下呢篇文!
根據可靠诮息：勢戒慧笙早積針對以上最新型毒品已經提出警告，
此毒品毒性猛烈，毒性如下：
1.聞者心酸 (聞到人地有3D Pinter,個心就酸痛麻痺)
2.聽者流淚 (聽到人地有3D Pinter,就不自覺流出口水,鼻涕同眼淚)
3.觀者會產生嚴重幻覺 (睇到人地有3D Pinter,屋企突然間又睇到有一部)
綜合病徵如下
a.價值觀改變 (突然間覺得以前好有用嘅嘢變得好無用,要揼咗去,以便腾出空間)
b.空間變大 (突然間覺得間房變大,本来無位擺3D Pinter嘅,都突然間擺到)
c.時間變慢 (個腦突然間運行速度加快一倍,令到自已感覺一日有48小時)
b.突然間想變成馴獸師,去馴服一隻强大無比嘅非洲野狗
鄉講正苦亦對此提出呼籲,購買此類毒品必須經家庭財務大臣媽媽桑一郎同意,
及法官妻妻慘厠紙大人批准,在DR.Tiger醫生指導下方可服用,否測會有嚴重後遺症產生.
吸食毒品,遺害無窮,不可一不可再,要向毒品说不!
各位師兄如果睇完小弟呢篇回文,好似朱咪咪話齋,
如果你有一項或兩項以上嘅病徵出現,咁你已經中毒啦!
可以唔洗諗即刻買機解毒,點解我會咁講?
因為要駕御一部3D Printer唔係講你要有幾高嘅學歴或者知識!
而係講你對佢有幾大嘅熱情,就好似追女仔一樣,
如果個美女係絕色佳人,你對佢一見鍾情,
就算佢係火星人講火星話,你都會將你個小宇宙發揮到極限,
好快你就會學識講火星話,重有好多連自己都估唔倒嘅奇妙事情發生!
就好似我睇到人地有部3D Pinter,個床頭突然間又睇到有一部咁奇妙!
再加上日頭有同學會支援,夜晚有我呢隻僵屍係度,
真係唔洗驚喎!<騎!騎!我呢隻僵屍好nice嘅,唔會吸血架!>
我呢隻乜都唔識只係樣樣識少少嘅僵屍都攪得掂!
無理由師兄你正正常常會唔得架!你話係咪?
<完>
ps:希望各位師兄睇完對3D Printer會有進一步了解同明白.
圖片附件: 130218212018fb6c36924d6670.jpg (2013-6-27 06:35, 98.21 KB) / 下載次數 274https://www.hkepc.com/forum/attachment.php?aid=1549961&k=70a068d3f27742efa2fbc808c865e76c&t=1781472891&sid=1NGFlgZAeV
作者: 絕對好奇 時間: 2013-6-27 06:41
本帖最後由 絕對好奇 於 2013-7-1 10:25 編輯
2.新手預備篇
各位已經下定決心買機嘅巴打,可能心中都有個疑惑,
究竟買成品機定套件自己砌好呢?如果你係老江湖,
對呢樣嘢已經素有研究,又有DIY能力,個荷包又乾乾地,
無乜多餘嘅閒錢,咁可以去買件平平地嘅套件去砌,
不過我都建議你買番同呢度自已砌套件嘅師兄嘅相同型號,
起碼有乜事起上嚟都有人幫倒手,如果你買嘅套件型號,
同呢度啲師兄唔同,咁極有可能會發生愛莫能助呢種慘事,
到時半天吊唔知點收科!
如果師兄好似我咁,有些少DIY能力,但其他方面又唔係太識,
我建議師兄好似我咁,買成品機,咁樣雖然比較貴,
<我買嗰部機食埋套餐要港幣6000>,但係就少咗好多麻煩嘢,
個心會定好多,慳返唔少精神同時間,只要稍為睇下使用手冊,
再tune下機,就可以專心去構思自己嘅設計模型,煩少好多嘢,
好快就投入咗3D Pinter嘅世界,享受自己設計成品,
睇住佢點樣由無到有,好似睇住自已啲仔女出世一樣,
你話幾興奮呢!
不過你除咗有部機之餘,亦需要一啲工具輔助,
如上圖所示,呢堆係我嘅工具,有啲經常用有啲好少用,
經常用嘅包括有:
1.電子卡尺
量度一啲需要比較準確尺吋嘅物體.
2.唔知叫乜嘅工具(本身原本用嚟拆膠殼嘅工具)<可用螺絲批代替>
用嚟拆基板/支撐(Raft/Support).
3.扭耳鉗
用嚟夾走噴頭(Extruder)或heatbed上嘅多餘膠絲.
好少用嘅包括有:
4.電子水平尺<可用普通水平尺代替>
用嚟調校放置3D Printer嘅平台水平,通常便用一次就夠.
5.各種小手挫
係個成品印大咗小小或無法列印嘅形狀<需要用手挫挫出形狀>時使用.
6.金屬毛刷
用嚟擦走送絲齒輪上嘅膠粉.<送絲齒輪會因長期使用,積聚太多膠粉導致齒輪滑牙>
7.平扁形介刀
用嚟鏟走heatbed上嘅多餘膠絲<頑固型>或修飾成品邊位.
有咗以上工具,係操作時你就會更加得心應手嘞!
另外要提醒一下買咗機嘅師兄係收機時可能遇到嘅問題,
以我嘅情況為例:
a.運輸問題
我嘅機係由順豐托運,可以係網上追蹤,睇倒部機已經嚟咗香港重話己出倉運送,
點知轉頭又話地方偏遠,要擇日再出!諗住第二日應該送到嚟啦,點知第二日又係咁講,
真係由天堂跌咗落地獄,到咗下午近黃昏時份個手機突然嚮,話係順豐送貨,
問有無人係屋企收貨,好彩啱啱係屋企附近,嘭嘭聲趕返去迎接呢件人間極品,
所以有時都唔好盡信佢嘅網上資訊,諗到佢差唔多到就唔好行得離屋企太遠!
b.插蘇頭規格不合用
小弟因為買咗國產機,佢插蘇頭係扁形三角,
唔啱插香港插座,不個小第砌機多年有好多電腦電源線剩低,
可以替換使用,如果無電腦電源線嘅師兄可以去新高登買返條,
無記錯應該十幾蚊就有一條嘞.
c.噴頭模組安裝
剛收到部機見到個噴頭模組,可能包裝關係無安裝到,剩係用泡泡膠紙包住,
又揾唔倒安裝說明書,剩係見倒一包配件同一張SD卡,打去客服問比咗個網址我,
個網頁有安裝說明,事後先知原來啲安裝說明同軟件係哂SD卡入面,真係大烏龍!
接落嚟就到硬件與軟件篇同新手tune機篇,首先我要強調呢個係新手上路post,
所以只會對以下項目作出一啲簡單嘅介紹同描述,並唔會作出深入嘅探討同研究,
雖然呢個post係小弟開,其實都只不過係代替同學會嘅師兄寫架咋!
因為同學會或買咗機嘅師兄,已經完全沈醉係3D Printer嘅世界,小弟都係強忍住,
襯重未開始劃圖設計自己心愛嘅作品之前,完成呢個post! 前人種樹,後人乘涼!
因為小弟係新手,走過好多冤枉路,唔想各位未買機嘅師兄重滔小弟嘅覆徹,
呢個亦都係gorto師兄希望小弟做嘅嘢!但如果師兄有啲比較深入嘅問題想問,
小弟仍然歡迎,到時同學會嘅資深師兄會代小弟回答嘅!
<完>
圖片附件: DSCN0152.JPG (2013-6-29 06:39, 94.72 KB) / 下載次數 231https://www.hkepc.com/forum/attachment.php?aid=1550529&k=57b0454564cce375a210fe5fc8d064ce&t=1781472891&sid=1NGFlgZAeV
作者: 絕對好奇 時間: 2013-6-27 06:41
本帖最後由 絕對好奇 於 2013-7-4 07:09 編輯
3.硬件與軟件篇
硬件篇:
先講一下硬件部份3D Printer同普通Printer嘅分別,3D Printer係運作時,
有一個好熱嘅外露噴頭同heatbed,有小朋友嘅家庭呢點要注意同顧及安全!
從表面可見,有x，y，z三條軸,分別負責噴頭同heatbed嘅左右，前後，上下移動,
有幾個步進馬達,分別負責控制及提供動力比x，y，z軸同送絲齒輪，兩條同步帶，
內藏負責供電比步進馬達內置micro controller嘅Motherboard,
原則上幫佢加個SD模組,佢就可以脫離電腦獨立運作,獨自完成整個打印模型過程,
係呢點上面我係強烈建議係買機或砌機時幫佢加番個,因為實在太方便嘞!.
咁佢點樣獨位運作呢?佢有一個簡單嘅內置操作系統,有一個LED顯示同幾粒控制按鈕,
只要看圖識字,就可以完成好多基本操作,例如:
b.打印成品
b.調整平台水平<配合heatbed嘅螺絲調校>
c.入膠絲或退膠絲
d.蜂鳴器開關
e.一個輔助你開機設定嘅精靈程式
f.預熱噴頭同heatbed嘅溫度
等等不能盡錄........
噴頭 & heatbed
LED & 按鈕
SD模組 & 電子水平尺
軟件篇:
軟件部份有主程式ReplicatorG,負責產生gcode檔案嘅副程式Skeinforge兩部份,
ReplicatorG主要負責載入3d檔案,透過usb介面控制3D Printer嘅一般操作,
包括係硬件講嘅3D Printer內置操作系統大部份功能,佢亦會call Skeinforge副程式
透過Skeinforge產生gcode檔案或可供3D Printer操作系統嘅x3g檔案,以便離線打印,
透過Skeinforge亦可對3D Printer作出微調,<即tune機>,所產生嘅微調數據會寫入gcode檔案內,
以下會摸擬一次整個打印成品嘅過程:(以小弟為例)
1.用SketchUp 8劃番個3D摸型,用SketchUp嘅 STL plugins輸出STL檔案.
2.打開3D Printer電源,按下上面最右邊icon暫時斷開與電腦連接,<如連接電腦將不能進行產生 GCode檔案動作>
打開ReplicatorG程式,按下File->open->載入檔案.
3.按下右手邊move按鈕,再按上面center同put on platform按鈕,將模型置中及緊貼平台.
4.按下Generate GCode按鈕,call出GCode參數調校介面(一般調校一次或使用預設值已經可以).
5.調校完按下介面下面Generate GCode按鈕產生 GCode檔案.
6.按下上面右二icon與電腦連接,連接後再按下左上角File對下第一個icon按鈕進行打印
7.或按下右三icon按鈕將GCode檔案轉成3D Printer,內置操作系統嘅格式進行離線打印.
8.個人間極品係我面前跳咗三十幾分鍾圓步舞之後,打印完成!
呢舊係乜傢伙,唔話你聽,師兄自己估下先,遲啲會為佢開番個post!
<完>
ps:軟件篇:摸擬一次整個打印成品過程內容已修改.
圖片附件: 01.JPG (2013-7-2 01:55, 69.56 KB) / 下載次數 203https://www.hkepc.com/forum/attachment.php?aid=1551868&k=610aafb338d0205d3422532af20382d6&t=1781472891&sid=1NGFlgZAeV
圖片附件: heatbed.jpg (2013-7-2 01:55, 33.07 KB) / 下載次數 220https://www.hkepc.com/forum/attachment.php?aid=1551869&k=a6d2a902623205e4274cd39c0179c352&t=1781472891&sid=1NGFlgZAeV
圖片附件: LED.JPG (2013-7-2 01:57, 62.08 KB) / 下載次數 203https://www.hkepc.com/forum/attachment.php?aid=1551870&k=7e9abcd58fb32f63d8dd402a884f2156&t=1781472891&sid=1NGFlgZAeV
圖片附件: 按鈕.JPG (2013-7-2 01:57, 70.9 KB) / 下載次數 263https://www.hkepc.com/forum/attachment.php?aid=1551871&k=4e7552445264d07c595e9a9040f54754&t=1781472891&sid=1NGFlgZAeV
圖片附件: SD模組.JPG (2013-7-2 02:00, 81.49 KB) / 下載次數 204https://www.hkepc.com/forum/attachment.php?aid=1551872&k=2d525fd01e258304416faf003ffc46c9&t=1781472891&sid=1NGFlgZAeV
圖片附件: 電子水平尺.JPG (2013-7-2 02:00, 58.29 KB) / 下載次數 204https://www.hkepc.com/forum/attachment.php?aid=1551873&k=225c253c7dec421e4879fc2128acbeeb&t=1781472891&sid=1NGFlgZAeV
圖片附件: 00.jpg (2013-7-2 03:02, 36.77 KB) / 下載次數 239https://www.hkepc.com/forum/attachment.php?aid=1551886&k=568bb84527aa65470ed4519771cf64e8&t=1781472891&sid=1NGFlgZAeV
圖片附件: 01.jpg (2013-7-2 03:03, 91.38 KB) / 下載次數 235https://www.hkepc.com/forum/attachment.php?aid=1551887&k=48c9305bc400f27dbc4d771aba46b623&t=1781472891&sid=1NGFlgZAeV
圖片附件: 02.jpg (2013-7-2 03:07, 88.48 KB) / 下載次數 248https://www.hkepc.com/forum/attachment.php?aid=1551888&k=d235fcc69fda3800cc32033c87c9ea24&t=1781472891&sid=1NGFlgZAeV
圖片附件: 03.jpg (2013-7-2 03:07, 97.34 KB) / 下載次數 237https://www.hkepc.com/forum/attachment.php?aid=1551889&k=b768164e4abd8ba504d30001ee68116a&t=1781472891&sid=1NGFlgZAeV
圖片附件: 04.jpg (2013-7-2 03:08, 93.23 KB) / 下載次數 243https://www.hkepc.com/forum/attachment.php?aid=1551890&k=636a159a6f48597ca8a2b99f1e941549&t=1781472891&sid=1NGFlgZAeV
圖片附件: 05.jpg (2013-7-2 03:08, 88.13 KB) / 下載次數 242https://www.hkepc.com/forum/attachment.php?aid=1551891&k=84d3bfda0c5859e4775bbe7130896dbf&t=1781472891&sid=1NGFlgZAeV
圖片附件: 06.jpg (2013-7-2 03:08, 91.19 KB) / 下載次數 203https://www.hkepc.com/forum/attachment.php?aid=1551892&k=29da37a0be149e237e5be0849e6db587&t=1781472891&sid=1NGFlgZAeV
圖片附件: 成品.JPG (2013-7-2 03:08, 54.2 KB) / 下載次數 254https://www.hkepc.com/forum/attachment.php?aid=1551893&k=f3bd50bcc1cc0a1f3a37282f8cdc0fab&t=1781472891&sid=1NGFlgZAeV
作者: 絕對好奇 時間: 2013-6-27 06:41
本帖最後由 絕對好奇 於 2013-7-7 05:07 編輯
4.新手tune機篇
講到tune機篇小弟就有啲嬲嬲地,事緣雖然係買機之前,
小弟為咗做足tune機準備,爬返以前嘅post做一啲重點撮要,
但一直以嚟,小弟都攪唔清楚啲軟件嘅關係,即係我上篇所講嗰啲程式,
以為佢哋係獨立運作互不相干,而係舊post入面,有啲提供Skeinforge程式,
嘅下載連結,但係係我有機之後,想下載時個網址又瓜咗下載唔倒!
我部機有跟機漢化版ReplicatorG程式,但揾唔倒Skeinforge程式,
咁唯有暫時放棄tune機嘅念頭,用跟機漢化版ReplicatorG程式印住嘢先,
到我幾經嘗試搜尋終於都下載倒Skeinforge程式,但打開佢感覺有啲古怪,
無辦法跟住我啲tune機撮要去做,以為係自己天生愚昧,一時間未能掌握要點,
加上我係僵屍一名,夜媽媽同學會啲師兄都訓哂教,又唔想煩住佢哋,
於是自己試下攪下,下載咗啲測試模型,日日如是者,係咁攪,係咁印,攪咗一個星期,
終於忍唔住襯放假向同學會發出救求,同tune機達人ma_hty師兄,講咗我個情形,
點知講極都好似有啲雞同鴨講,傾唔埋欗,就係唔知點算之際,小弟係網上發現咗啲嘢!
終於謎底揭開,即時雨過天睛,一天都光曬!
原來我將啲注意力太過集中係Skeinforge程式,忽略咗ReplicatorG程式,就係我同ma_hty師兄傾緊嘅時侯,提到ReplicatorG程式,
於是一邊傾一邊上網搜尋,比我睇倒英文版嘅ReplicatorG程式同我嘅跟機漢化版有分別,
即刻明白其中關鍵要點,立即點擊下載安裝,再call出Skeinforge副程式,
跟返之前個tune機撮要,好快就將部機tune好嘞!
係tune機嘅過程係有步驟之分嘅.<當然最先就係將放置部機嘅平台先校好水平.>
1.調校噴頭同heatbed嘅水平同距離.
首先放一張A4紙係平台同噴頭之間,打開3D Pinter電源,利用右邊方向按鈕,
將部機嘅自帶操作系統調到Level Build Plate,(主頁->Utilities->Level Build Plate),
按下中間按鈕進入,會出現簡短英文教學,如下圖
繼續按下中間按鈕,headbed就會自動升起,噴頭亦會移至正前位置,
一邊調校heatbed底下前方左右螺絲頭,一邊將A4紙向不同方向拉動 ,
heatbed底下前後左右四粒調校螺絲頭
直至感覺拉動A4紙時, 有被噴頭壓住而又未至不能拖動為止,
之後再按下中間按鈕, 噴頭會移至headbed不同位置, 留意LED顯示,
繼續用呢個方法配合調校headbed底下螺絲頭, 完成調整整個調校過程.
噴頭會移至headbed不同位置,調校正確的基底(Raft) 形狀為略呈扁平狀.
2.調校Skeinforge副程式參數
<本來小弟想用多幾日將呢個項目寫好啲,但為免坐頭位嘅kayming師兄等得太耐忍唔住,
會係小弟屋企樓下伏擊我,
所以粗粗地........,希望睇唔明嘅師兄出聲,少弟會盡量回答,或歡迎同學會嘅師兄搶韁回答,以解小弟知識貧乏之困境!>
<修改此項參數嘅目的,為將0.5mm-thin-wall_aa模型牆身厚度,調校成與噴頭直徑相同>
注意:0.5mm-thin-wall_aa模型,只作為tune機使用嘅工具模型,與其檔案名0.5mm無關,莫因其名字而受誤導!
在進行修改參數之前,先確定部機嘅噴頭直徑及下載測試模型.
http://www.thingiverse.com/thing:52946
下載後先打印0.5mm-thin-wall_aa模型,量度牆身厚度以便得出數據,作之後修改參數之用.
<注:在進行修改任何參數之前,請用紙紀錄其預設數值,以供日後有需要時使用.>
打開ReplicatorG程式,點擊Gcode按鈕,再按Edit Slicing Profiles會出現選擇介面,
點選自己部機嘅型號,我嘅係Replicator 2 slicing defaults,再按Edit call出Skeinforge副程式,
確認以下選項選擇正確:
Profile Type:Extrusion
Profile Selection:ABS
Craft
1.Dimension
Filament Diameter(mm)=1.82 <量度膠絲平均直徑,1.82為預設值.>
截取一段大約一尺長膠絲,分別在膠絲的頭中尾三處用卡尺量度,得出平均直徑後再修改以上參數值.
2.Carve
a.Edge Width over Height(ratio)=1.3333333 <噴頭直徑/層厚 nozzle diameter/layer height>
如果你打算用0.3mm層厚進行打印,則以上參數值的計算方法計算為: (以我為例)
0.4(噴頭直徑)/0.3(層厚)=1.3333333,將此結果修改以上參數值.
b.Layer Height(mm)=0.3
由於打算用0.3mm層厚進行打印,所以將0.3填入以上參數值.
3.Fill <此項參數值對tune機結果無影響,只是順便提及>
Infill Solidity(ratio):0.1 <0.1=10%填充率,1=100%填充率>
4.Inset
a.Infill Width over Thickness(ratio):1.3333333 <噴頭直徑/層厚 nozzle diameter/layer height>
此項只需填上2a的參數值即可.
5.Speed
a.Feed Rate(mm/s):40<預設>
b.Flow Rate Setting(float):29 <Feed Rate(mm/s)數值/tune機前thin wall厚度*噴頭直徑>
此項為本文開始時提及,將tune機前打印嘅0.5mm-thin-wall_aa模型牆壁厚度數值,
用以與Feed Rate(mm/s)數值相除,再乘以噴頭直徑,以我為例之前模型牆壁嘅厚度數值=0.55mm,
所以算式為40/0.55*0.4=29,所以將29填上以上參數值.設定好以上參數後,再印thin wall量度,
太簿(小於0.4mm)要加大數值,太厚(大於0.4mm)要減小數值,反覆地將Flow Rate Setting(float)以加減1為限,
作出調整,直至thin wall維持0.4mm而thin wall牆身無己乜疏洞,即牆身厚度剛剛超過0.4mm之前的數值,
每次完成調整以上參數值後,記得要按最下右方<save all>按鈕儲存設定.
如果可打印出0.4mm(我嘅噴頭直徑)嘅0.5mm-thin-wall_aa模型牆壁厚,
再繼續打印之前下載嘅測試模型,裡面有test_plug同plug_test2,
如果可以將兩個模型合埋一齊,即tune機成功!
<呢個測試模型檔案及教學文章乃係tune機達人ma_hty師兄所寫,
因為小弟英文差,加上之前做咗ma_hty師兄,係以前啲post嘅tune機撮要,
所以尚未拜讀,各位英文好嘅師兄可以詳細閱讀,肯定比我寫嘅更清楚明白!>
圖中有S字模型,上下係不對稱只可配合字型結合,呢點要留意下.
呢度順便post用0.17mm同0.3mm層厚(Layer Height)嘅分別,
為使各位知道放大程度,post一張伍毫子嘅伍字放大圖.
0.17mm層厚
0.3mm層厚
0.17mm層厚
0.3mm層厚
0.17mm層厚
0.3mm層厚
如圖所見0.17mm比0.3mm層厚,係比較細緻,線條亦比較幼細,
但針無兩頭利,層厚越細打印時間越長,為免浪費時間,
要視乎自己對模型細緻度嘅要求,而作出適當調整!
ps:由於DaCongo師兄對本篇文章,已經作出詳細修正及說明,小弟不會修改,
前車可鑒,各位師兄可以睇下小弟呢個新手所犯嘅錯誤,對比DaCongo師兄嘅修正,
可以更加了解明白,一般如小弟嘅新手容易犯嘅錯誤!
<完>
圖片附件: 1.jpg (2013-7-4 06:59, 90.13 KB) / 下載次數 214https://www.hkepc.com/forum/attachment.php?aid=1552701&k=f2823ca3b3c53c10f2a8d37699b7ea3b&t=1781472891&sid=1NGFlgZAeV
圖片附件: 2.jpg (2013-7-4 07:00, 77.93 KB) / 下載次數 237https://www.hkepc.com/forum/attachment.php?aid=1552702&k=bc02997b53ab9166a707156d5bccdbb6&t=1781472891&sid=1NGFlgZAeV
圖片附件: 調較平台LED-紙--1.JPG (2013-7-4 07:01, 53.02 KB) / 下載次數 244https://www.hkepc.com/forum/attachment.php?aid=1552703&k=f719b07ef0632f0ab23ce5bc66825928&t=1781472891&sid=1NGFlgZAeV
圖片附件: LED-0.JPG (2013-7-4 07:01, 49.31 KB) / 下載次數 236https://www.hkepc.com/forum/attachment.php?aid=1552704&k=52e747b8c83e4e855937f71349549df5&t=1781472891&sid=1NGFlgZAeV
圖片附件: LED-1.JPG (2013-7-4 07:01, 54.26 KB) / 下載次數 252https://www.hkepc.com/forum/attachment.php?aid=1552705&k=bbc3461476fd50e22182837280cea575&t=1781472891&sid=1NGFlgZAeV
圖片附件: LED-2.JPG (2013-7-4 07:02, 49.85 KB) / 下載次數 236https://www.hkepc.com/forum/attachment.php?aid=1552706&k=71887cae18157dc552408cf824a3dabf&t=1781472891&sid=1NGFlgZAeV
圖片附件: LED-3.JPG (2013-7-4 07:02, 49.82 KB) / 下載次數 232https://www.hkepc.com/forum/attachment.php?aid=1552707&k=89ec52c6182f17044b208d45b588e1ab&t=1781472891&sid=1NGFlgZAeV
圖片附件: 螺絲頭.JPG (2013-7-6 06:16, 60.27 KB) / 下載次數 222https://www.hkepc.com/forum/attachment.php?aid=1553569&k=f263002585767a7c70e5c4ed75da0fc7&t=1781472891&sid=1NGFlgZAeV
圖片附件: 調較平台LED-紙-2.JPG (2013-7-6 06:20, 73.66 KB) / 下載次數 226https://www.hkepc.com/forum/attachment.php?aid=1553570&k=52c628e4f4c74ead9e53ad13f9dd5a02&t=1781472891&sid=1NGFlgZAeV
圖片附件: 基庇1.JPG (2013-7-6 06:26, 58.78 KB) / 下載次數 185https://www.hkepc.com/forum/attachment.php?aid=1553571&k=647648a550fe387b8b4a176d5cded5fb&t=1781472891&sid=1NGFlgZAeV
圖片附件: 基庇2.JPG (2013-7-6 06:26, 86.8 KB) / 下載次數 230https://www.hkepc.com/forum/attachment.php?aid=1553572&k=1d840779bf036b2e088565ed480c98fb&t=1781472891&sid=1NGFlgZAeV
圖片附件: 0.4mm牆壁厚.JPG (2013-7-7 03:06, 75.86 KB) / 下載次數 235https://www.hkepc.com/forum/attachment.php?aid=1553950&k=b9d31794ee8d4579496afa5ea3c7c6de&t=1781472891&sid=1NGFlgZAeV
圖片附件: 電子顯微鏡5毫.jpg (2013-7-7 03:12, 94.39 KB) / 下載次數 228https://www.hkepc.com/forum/attachment.php?aid=1553951&k=a02c7fa3357aefd88e7fe7af5a9527c1&t=1781472891&sid=1NGFlgZAeV
圖片附件: 0.17-b.jpg (2013-7-7 03:15, 78.32 KB) / 下載次數 228https://www.hkepc.com/forum/attachment.php?aid=1553955&k=2a9c04aaa8d235787609f2e4b6ea6313&t=1781472891&sid=1NGFlgZAeV
圖片附件: 0.3-b.jpg (2013-7-7 03:15, 80.21 KB) / 下載次數 220https://www.hkepc.com/forum/attachment.php?aid=1553956&k=cfdc1770adb0caca65b25fceaed1b7d9&t=1781472891&sid=1NGFlgZAeV
圖片附件: 0.17-s.jpg (2013-7-7 03:16, 135.09 KB) / 下載次數 181https://www.hkepc.com/forum/attachment.php?aid=1553957&k=2163fdc77cf74964df36f0e87551197a&t=1781472891&sid=1NGFlgZAeV
圖片附件: 0.3-s.jpg (2013-7-7 03:16, 138.76 KB) / 下載次數 0https://www.hkepc.com/forum/attachment.php?aid=1553958&k=64ed5d2a129a780766b64b47aa337433&t=1781472891&sid=1NGFlgZAeV
圖片附件: tune機模型1.JPG (2013-7-7 03:34, 76.57 KB) / 下載次數 221https://www.hkepc.com/forum/attachment.php?aid=1553959&k=3fa299ed64360090ffa0a1c31c7e361a&t=1781472891&sid=1NGFlgZAeV
圖片附件: tune機模型2.JPG (2013-7-7 03:34, 65.76 KB) / 下載次數 230https://www.hkepc.com/forum/attachment.php?aid=1553960&k=82a72bdd842ae89e9eacb454643abd33&t=1781472891&sid=1NGFlgZAeV
圖片附件: R.17.jpg (2013-7-7 04:05, 62.26 KB) / 下載次數 248https://www.hkepc.com/forum/attachment.php?aid=1553961&k=f61989f78b14b236d7171983fbf8e324&t=1781472891&sid=1NGFlgZAeV
圖片附件: R.3.jpg (2013-7-7 04:12, 61.29 KB) / 下載次數 216https://www.hkepc.com/forum/attachment.php?aid=1553965&k=6bb2074e56b725440bd55984fa8ca673&t=1781472891&sid=1NGFlgZAeV
作者: 絕對好奇 時間: 2013-6-27 06:41
本帖最後由 絕對好奇 於 2013-7-12 06:26 編輯
5.簡單硬件維修篇
輪到呢個維修篇,原來又係一單烏龍事件,事源有一日小弟打印test_plug模型,
因為個Gcode選項預設係印基底,諗住試下唔印,睇下佢乜嘢效果,點知就出事啦!
當等到噴頭同heatbed溫度夠熱,開始打印成品嘅時侯,突然聽到卡卡聲!
而個噴頭又出唔倒膠,唔知發生乜嘢事,以為噴頭塞咗,於是用力將啲膠絲,
壓落個噴頭度,壓得幾下又攪掂咗,但係覺得唔用基底個打印成品,會好痴個heatbed,
好難起底,之後就用返基底打印,一直相安無事,以為虛驚一場,但有一日,小弟想印一個,
自己劃比較大嘅成品,但想佢表面平滑啲唔想因為用咗基底,令到佢表面顯得粗糙,
點知事件重演,咁我梗係重施故技,諗住好快攪掂,點知攪極都唔得,以為未食飯唔夠力,
於是加倍施壓,就係呢個時侯,慘劇就發生咗啦!!
壓得幾嘢就聽到啲怪聲向下一望,見到heatbed上面嘅黃色kapton膠紙被噴頭刮到爛哂,
將啲膠紙清除哂之後重大獲,見到塊鋁板花哂呀!
買咗部機唔夠五日咁就比我同佢開齋,傷心之餘食咗口事後煙,突然諗起之前做撮要時啲師兄有講,
話個噴頭印得多會有膠粉聚積,令到送絲齒輪滑牙出唔倒膠,咁唯有拆散個噴頭清下啲膠粉嘞.
首先如果你係新手第一步就要拍照存底,以免拆散咗組裝唔番,咁就大獲啦!係拆每一樣組件之前,
都要拍照一張,同埋最好加番盞燈同埋一隻碟仔裝住啲零件,以免遺失嘞!
拆解步驟如下 (以我為例)
1.攞出套餐配件內附三條六角螺絲批頭
2.配合六角螺母大小選用六角螺絲批頭,先拆咗噴頭底部兩粒螺絲
3.將連接噴頭嘅膠絲剪斷
4.成個噴頭拆咗落嚟
5.將兩條有白色膠管嘅長螺絲鬆開
6.鬆開風扇與散熱片連接嘅兩粒螺絲
7.將頂蓋,風扇與散熱片除下
8.再將覆蓋住送絲齒輪面蓋個兩口螺絲鬆開,就會睇到送絲齒輪同側邊嘅滑輪
9.用金屬絲刷或硬毛刷將膠粉清除
10.清理後再按之前步驟,逆向裝返上去,在安裝回送絲齒輪面蓋嗰兩口螺絲時,
面蓋要稍為向送絲齒輪方向移近再上螺絲,確保佢哋之間嘅空隙唔會有虛位,
令到送絲齒輪可以緊咬住膠絲,唔會產生另類滑牙事件!
我裝返好哂之後再開機打印,諗住實掂過碌庶啦!點知情況依舊,當場坐咗係度,
仲抓甩咗一咋頭髮呀,陰公!
由於小弟係修理噴頭時幫佢加咗盞LED燈,再試重複列印出唔到膠個陣時,
好清楚睇倒個噴頭非常緊貼個heatbed,反復研究之下終於揾到原因,
原來係個程式有bug,一唔用基底(Raft)個heatbed就會升高咗少少,
令到噴頭非常緊貼個heatbed所以出唔倒膠,之前印細件模型個陣時,
之所以加壓膠絲一陣會無事,係因為壓一陣佢都已經印第二層,個heatbed降低咗,
所以又出倒膠,而印大型模型時,我壓到啲kapton膠紙爛哂,佢都未印第二層,
所以就賴哂嘢啦!,
不過有失亦有得,咁樣又令到小弟學識咗點樣清膠粉,過咗無耐又真係因為膠粉太多而出唔倒膠,呢次小弟卓卓聲話咁快就攪掂咗啦!
但係原來因為膠粉太多而出唔倒膠,個送絲齒輪滑牙係唔會有卡卡聲架,問你死未!
<完>
圖片附件: 花heatbed.JPG (2013-7-10 06:02, 52.53 KB) / 下載次數 219https://www.hkepc.com/forum/attachment.php?aid=1555243&k=84106aae45fb2fc549248cddf5936baf&t=1781472891&sid=1NGFlgZAeV
圖片附件: 照明.JPG (2013-7-10 06:02, 94.86 KB) / 下載次數 213https://www.hkepc.com/forum/attachment.php?aid=1555244&k=866d4d56a68d389d60e6dc65f32def58&t=1781472891&sid=1NGFlgZAeV
圖片附件: 配件.JPG (2013-7-10 06:03, 88.51 KB) / 下載次數 232https://www.hkepc.com/forum/attachment.php?aid=1555245&k=4c2edc4f828309405e25ff5212096f5c&t=1781472891&sid=1NGFlgZAeV
圖片附件: 六角.JPG (2013-7-10 06:03, 75.13 KB) / 下載次數 217https://www.hkepc.com/forum/attachment.php?aid=1555246&k=9a7bb09271335507f6b503578c339e8c&t=1781472891&sid=1NGFlgZAeV
圖片附件: 01.JPG (2013-7-10 06:04, 74.46 KB) / 下載次數 216https://www.hkepc.com/forum/attachment.php?aid=1555247&k=00199f0bd499ca3eb94009ccb7c84647&t=1781472891&sid=1NGFlgZAeV
圖片附件: 02.JPG (2013-7-10 06:04, 82.52 KB) / 下載次數 206https://www.hkepc.com/forum/attachment.php?aid=1555248&k=20cb873a3ee46f8312780fe868d3b9d4&t=1781472891&sid=1NGFlgZAeV
圖片附件: 04.JPG (2013-7-10 06:04, 76.67 KB) / 下載次數 252https://www.hkepc.com/forum/attachment.php?aid=1555249&k=91ce608ea9c5368cc3254746a463ba45&t=1781472891&sid=1NGFlgZAeV
圖片附件: 05.JPG (2013-7-10 06:05, 79.8 KB) / 下載次數 216https://www.hkepc.com/forum/attachment.php?aid=1555250&k=30d5e7e8df21e0c7d0a7cae7650e6ffc&t=1781472891&sid=1NGFlgZAeV
圖片附件: 06.JPG (2013-7-10 06:05, 73.21 KB) / 下載次數 252https://www.hkepc.com/forum/attachment.php?aid=1555251&k=e8ac40d81de400dca470007e8958422e&t=1781472891&sid=1NGFlgZAeV
圖片附件: 09.JPG (2013-7-10 06:06, 84.19 KB) / 下載次數 225https://www.hkepc.com/forum/attachment.php?aid=1555252&k=cbd420396f5c92c617712d4a8a1d5e42&t=1781472891&sid=1NGFlgZAeV
圖片附件: 10.JPG (2013-7-10 06:06, 71.39 KB) / 下載次數 238https://www.hkepc.com/forum/attachment.php?aid=1555253&k=427448778332f96b2b6dda015f340e4d&t=1781472891&sid=1NGFlgZAeV
圖片附件: 11.JPG (2013-7-10 06:06, 78.82 KB) / 下載次數 213https://www.hkepc.com/forum/attachment.php?aid=1555254&k=9fd7d1d9b2a43de4ac0eb90d455e353e&t=1781472891&sid=1NGFlgZAeV
圖片附件: 12.JPG (2013-7-10 06:06, 74.83 KB) / 下載次數 236https://www.hkepc.com/forum/attachment.php?aid=1555255&k=37eae772f2f0ec9565dd13616f562c87&t=1781472891&sid=1NGFlgZAeV
圖片附件: 14.JPG (2013-7-10 06:07, 79.46 KB) / 下載次數 205https://www.hkepc.com/forum/attachment.php?aid=1555256&k=04c7176a2d3a842e1911cc49396e7b66&t=1781472891&sid=1NGFlgZAeV
圖片附件: 15.JPG (2013-7-10 06:07, 64.46 KB) / 下載次數 245https://www.hkepc.com/forum/attachment.php?aid=1555257&k=d157865f7aa29f6f2efb75ba149d5177&t=1781472891&sid=1NGFlgZAeV
圖片附件: 16.JPG (2013-7-10 06:08, 75.77 KB) / 下載次數 202https://www.hkepc.com/forum/attachment.php?aid=1555258&k=f5174fed5eee2c31d2096ea690f30a93&t=1781472891&sid=1NGFlgZAeV
作者: 絕對好奇 時間: 2013-6-27 06:41
本帖最後由 絕對好奇 於 2013-7-24 04:44 編輯
6.新手注意篇
跟住會講下一啲小弟曾經遇到嘅問題同點樣解決!
a.The Sketchup file import & export file
Sketchup 係免費3D劃圖程式,最啱我呢啲無經驗嘅人使用,操作容易又有Youtube教學,
不過如果想列印成品就暫時未得,因為現時啲3D Pinter控制軟件,重未support佢嘅檔案格式,
只支援STL及其他檔案格式,所以如果要列印成品就要加STL Plugins比佢,但STL Plugins有個限制,
就係要你嘅Sketchup檔案名及所在目錄,一定要用英文名字,而所轉成嘅STL檔案名亦都一樣,
是但一樣出錯都會令程式失效,出唔倒檔案,就算出倒都印唔倒,而且就算用佢嘅import功能,
將STL檔案載入Sketchup程式時,所需條件亦同上述一樣,呢點要注意.
b.ReplicatorG 問題
ReplicatorG 程式如上文所述可以叫出 skeinforge程式後轉成 gcode檔案,就DaCongo師兄嘅建議,
先用duplicate功能, 自己改個新名, 然後改新建的profile,我建議duplicate多幾個,
例如用ABS膠,用0.17層厚+快速或慢速分別新建一個profile,0.3層厚又同樣咁整,如此類推.......
總之只要個profile名改得比較清楚,咁係不同需要下列印成品,只要選擇適當嘅profile就會方便好多.
c.ReplicatorG 可以多開
ReplicatorG 係可以多開,如果部電腦係多核心,咁就可以同時將幾個模型轉成gcode檔案,
慳返好多時間,不過要記住一點,係多開時只有一個ReplicatorG程式連接到3D Pinter及操作打印,
其他嘅ReplicatorG程式想連接就會顯示連接失敗,如果你有顯示連接失敗訊息出現,
就要先檢查有無唔覺意多開咗,如果有就先關閉多開咗嘅ReplicatorG程式,就會回復正常.
d.利用Gcode檔案連續打印
係列印成品時,只需在ReplicatorG載入預先轉成嘅Gcode檔案,已經可以直接打印,
由於初次打印成品時,需要等待噴頭及heatbed升溫,打印完成又要等佢凍返先可取出成品,
一來一回都嘥咗唔少時間,如果要連續打印多個成品,更加浪費電力,所以係連續打印多個成品時,
我建議預先將模型轉成Gcode檔案再配合係heatbed上面加多一塊玻璃片,
可以係打印成品完成時,把成品和玻璃片先移走等待冷卻,係噴頭及heatbed仍然保持溫度時,
再繼續列印下一個成品,咁樣就可以慳電,慳錢,慳時間嘞!
e.膠絲click住膠轆，卡卡聲
新開封嘅膠絲係非常飽滿,膠絲好容易跌出膠轆之外,做成click絲發出卡卡聲,或膠絲纏得太緊,
亦會產生同樣情況,所以最好係使用之前,用空膠轆重新整齊地,鬆鬆地咁再'喬'過一次,
而管住膠絲嘅鐵氟龍管,盡量保持在膠轆嘅中間及適當距離,就可以大幅改善無咁易click絲,
呢個係印大型成品又要因事外出時,非常重要!因為係列印途中發生click絲現象,當你返到屋企,
你只會見到個3D Pinter變咗一部綿花糖機,成部機都充滿由膠絲做成嘅綿花糖物體,
重有一件失敗嘅成品,淨係清理返部機都有排攪!點解我知,因為小弟已經瀨咗嘢啦!
f.撞到噴頭失步，卡卡聲
係部機列印時千祈唔好撞到部機,或係部機附近擺放雜物,因為有時部機會因模型嘅形狀,
大跳霹靂舞,到時震過貓王,啲雜物會震到跌咗落嚟,阻礙噴頭或heatbed上下,前進或後退,
做成失步會發出卡卡聲,由於部機唔識自動調節返,咁樣個成品註定失敗,可以熄機重來!
g.列印暫停
呢個功能非常失敗,千祈唔好用,佢會令到成品係暫停嘅地方,產生脆弱點,稍加用力即時斷開.
h.列印失敗
列印失敗有好多原因,除咗部機setting問題,原來都關劃圖事,小弟就試過因為劃得唔好,
有啲地方佢無印到,但睇返3D模型明明有劃,事後檢討應該係小弟劃圖時返執太多所做成,
係劃圖之前,盡量事先構思好劃圖步驟,冒求簡單明確,咁失敗率就會低好多.
i.打印填充率
小弟試過用10%同20%打印同一模型,用20%時發覺個列印時間,會隨著模型大小相差好遠,
重震得比較利害,同非常嘈吵,如無必要真係唔好用,除非個模型比較細先至好考慮使用.
j.加LED燈
我部機本身設計係無照明設備,有起事上嚟會睇唔清楚,好似我係維修篇所講,因為加咗LED燈,
先清楚睇倒個噴頭非常緊貼個heatbed,才會揾倒原因,所以最好加返盞LED燈比佢,以作照明.
k.列印時發現表面有粒粒問題
有陣時印印下會發覺有啲好細嘅粒粒係表面凸起咗,呢啲可能係膠絲有雜質或受潮產生氣泡,
如果唔係大凸出可以不理,但如果凸得利害,小弟會襯個噴頭走開時用火槍型打火機燒下佢,
再用扭耳鉗尾部扁平部份將佢壓平,一般情況下效果都唔錯,可以考慮使用.
l.解決印大型模型時,四邊角曉起問題
列印大型模型時,會有邊角翹起問題,之前小弟就曾經嘗試列印失敗,如下圖
參考了同學會及其他師兄建議小弟作出如下決定
1.加建紙皮屋,焗住佢
2.heatbed加溫至115度
3將速度調慢至Feed Rate(mm/s):60
4.自制香濃ABS膠水,搽咗落M3膠絲上面
結果非常有效,但係有效過頭,掹爛個成品都未掹到出嚟!
於是係模型著手,將底部內龍劃一個內陷2mm嘅長方形,
減小接觸面積,如下圖
成功解決咗曉起問題,但亦存在M3膠紙黐實咗模型底部問題,
但因做咗幾次實驗,啲膠絲用哂,近期有番膠絲同買咗玻璃片,於是再作嘗試,
小弟為咗解決M3膠紙黐底問題,作出如下改變:
a.將塊玻璃片磨沙再刻出菱形花紋
b.再係玻璃片上面搽上大慨70%濃度嘅ABS膠水
結果非常滿意而且起底非常容易
<完>
後語:小弟終於完成咗呢個post,由於係寫呢個post嘅時侯,已經預計佢會非常長篇,
恐怕各位師兄會睇到好悶,所以決定以故事形式,講述小弟由初次接觸到買咗機,
當中遇到嘅困難,誤解再加上烏龍,而又點樣過關斬將,一一將佢解決,藉著小弟嘅故事,
希望能夠幫助初次接觸3D Printer嘅師兄,更加清楚明白呢個新玩具,同佢適唔適合自己,
小弟在此亦多謝同學會,及其他師兄嘅意見同幫助,得以完成呢個post,多謝!多謝各位師兄!
ps: 3D Printer My Dream Toy, It Also Can Build Your Dream!
圖片附件: 01.綿花糖.JPG (2013-7-24 02:43, 85.25 KB) / 下載次數 273https://www.hkepc.com/forum/attachment.php?aid=1560049&k=5a56208548d094e75f89ef50367ea2b8&t=1781472891&sid=1NGFlgZAeV
圖片附件: 02.jpg (2013-7-24 04:13, 77.87 KB) / 下載次數 217https://www.hkepc.com/forum/attachment.php?aid=1560051&k=d2d0be1ce2edcbcc4e8447dc80ebbf71&t=1781472891&sid=1NGFlgZAeV
圖片附件: 03.環保紙皮屋.jpg (2013-7-24 04:13, 90.48 KB) / 下載次數 232https://www.hkepc.com/forum/attachment.php?aid=1560052&k=968c1f14828669004ebf415ed02b2b21&t=1781472891&sid=1NGFlgZAeV
圖片附件: 04.jpg (2013-7-24 04:13, 30.68 KB) / 下載次數 230https://www.hkepc.com/forum/attachment.php?aid=1560053&k=e08dc0312673dcab079190506d137c87&t=1781472891&sid=1NGFlgZAeV
圖片附件: 05.JPG (2013-7-24 04:16, 59.88 KB) / 下載次數 223https://www.hkepc.com/forum/attachment.php?aid=1560057&k=e1496c6de232aee39593b80c1ac026ac&t=1781472891&sid=1NGFlgZAeV
圖片附件: 06.JPG (2013-7-24 04:16, 56.2 KB) / 下載次數 198https://www.hkepc.com/forum/attachment.php?aid=1560058&k=124942195d5bba4c6c7c874b224cc6db&t=1781472891&sid=1NGFlgZAeV
圖片附件: 07.JPG (2013-7-24 04:16, 69.34 KB) / 下載次數 196https://www.hkepc.com/forum/attachment.php?aid=1560059&k=07c3f83601c7820bfede352c5a13bde0&t=1781472891&sid=1NGFlgZAeV
圖片附件: 08.JPG (2013-7-24 04:16, 58.99 KB) / 下載次數 187https://www.hkepc.com/forum/attachment.php?aid=1560060&k=55a9533f3d0ab56f43c83b01bd9fbb8e&t=1781472891&sid=1NGFlgZAeV
圖片附件: 09.JPG (2013-7-24 04:16, 46.66 KB) / 下載次數 204https://www.hkepc.com/forum/attachment.php?aid=1560061&k=6dea27e3d86bf88afc05872382ceeced&t=1781472891&sid=1NGFlgZAeV
作者: kayming 時間: 2013-6-27 08:46
師兄努力, 你比我積極好多, 我買左機咁耐, 都未正式TUNE 好部機
等睇TUNE 機編作者: 絕對好奇 時間: 2013-6-27 09:13
回復 7# kayming
多謝師兄鼓勵,我會努力寫好佢!
作者: gorto 時間: 2013-6-27 11:35
係咪你的第一次發新帖？恭喜恭喜，又破處！
作者: dtom 時間: 2013-6-27 12:30
係咪你的第一次發新帖？恭喜恭喜，又破處！
gorto 發表於 2013-6-27 11:35
都中級會員喇, 發過唔少啦
但教學編就唔知喇
Anyway 點都要比個
作者: Offer 時間: 2013-6-27 13:35
我又比人擺上枱
作者: gorto 時間: 2013-6-27 14:11
我又比人擺上枱
Offer 發表於 2013-6-27 13:35
你隻雀仔咁出名，留喺張枱上面唔好爬落嚟喇，好快又俾人改返上去咖啦。
爬上爬落好危險咖，保重！保重！
作者: mydownload 時間: 2013-6-27 16:30
花生已買
師兄加油
作者: 絕對好奇 時間: 2013-6-27 17:15
本帖最後由 絕對好奇 於 2013-6-27 17:39 編輯
回復 9# gorto
小弟唔係第一次發帖!因為係未買機之前個身太痕,
所以走咗去系統故障版區倒,幫下手救機以求減輕毒癮發作,
當時一邊救機一邊昅住你表演行為藝術!
ps:系統故障版區嗰度啲師兄真係唔錯!
作者: 絕對好奇 時間: 2013-6-27 17:30
回復 10# dtom
多謝師兄!師兄要射住小弟,幫手睇下我篇文有乜甩漏,
要即刻出手提醒,係同學會面前我都係班門弄斧咋!
我寫呢篇嘢都係同寫(勢戒慧笙阜積)嗰篇回文一樣,
講出自己嘅心底話同感受,係我未買機之前個心的確係有啲迷茫!
雖然睇哂咁多個post,但仍然對3D Printer呢舊嘢唔係咁了解,
加上比個漢化版冼咗獲金嘅,所以先有出呢篇文嘅意圖!
作者: 絕對好奇 時間: 2013-6-27 17:36
本帖最後由 絕對好奇 於 2013-6-27 17:46 編輯
回復 11# Offer
Offer師兄將就下啦!鬼叫你個模型實在太經典!
我都係靠學劃佢增加咗對自己嘅信心架!
ps:師兄嘅太座實在太有遠見!個模型題目實在出得恰到好處!
作者: 絕對好奇 時間: 2013-6-27 17:38
回復 13# mydownload
多謝!多謝!希望師兄睇完都可以比下意見!
作者: 他說 時間: 2013-6-27 19:39
可以寫個 PLA vs ABS 文章嘛
作者: gorto 時間: 2013-6-28 03:59
可以寫個 PLA vs ABS 文章嘛
他說 發表於 2013-6-27 19:39
呢一篇文係講新手上路， ABS vs PLA 似乎要另開 post 講，而且網上都好多人講過 ABS vs PLA 嘅嘢， google search 下都揾到唔少！
作者: 絕對好奇 時間: 2013-6-28 07:28
回復 18# 他說
師兄唔好意思,如果你有留意我嘅開箱文,小弟部機啱啱先至買咗一個禮拜,
而我部機嘅套餐只包一卷ABS膠無PLA膠,所以暫時做唔倒師兄嘅要求,
不過其實我自己都好想知佢哋係列印成品時個分別,我有名你睇,
我叫絕對好奇梗係樣樣都想試下,不過依家想專心寫好呢個POST先,
不過都歡迎師兄嚟度呢版,希望師兄可以多啲參與討論發表意見!
PS:post已有update!
作者: sampson5s 時間: 2013-6-28 14:17
膠有無味? 難聞, 返到有店可以睇 ?
作者: 絕對好奇 時間: 2013-6-28 15:58
回復 21# sampson5s
用ABS膠係有少少膠味,唔算太難聞,但如果擺放嘅空間係密封,
咁啲膠味會越嚟越大同難聞,一定要擺係空氣流通嘅地方.
後面嗰句睇唔明!
作者: gorto 時間: 2013-6-28 17:43
本帖最後由 gorto 於 2013-6-30 16:32 編輯
我估返其實係邊，邊度有店可以睇？
作者: sampson5s 時間: 2013-6-28 21:14
回復 23# gorto
謝謝, 我喺想咁講
作者: sampson5s 時間: 2013-6-28 21:16
回復 22# 絕對好奇
揮發性咁強, 應該對健康有害
作者: 絕對好奇 時間: 2013-6-29 02:52
回復 25# sampson5s
如果空氣流通應該無問題,係我未買機之前都驚佢好大浸味,
我部機放係床頭,間房開咗抽氣扇我就唔係好覺有味,
當然如果你孔埋去睇佢印嘢就一定聞到,時間耐咗重有小小<姆>眼,
所以做好空氣流通同係到佢印嘢嘅時侯唔好孔埋去就ok,
或者轉用PLA膠印,聽啲師兄講會無膠味重話有啲甜味,
至於詳細情形,呢樣要等啲玩過PLA膠嘅師兄嚟答啦!
至於係邊度有店可以睇?我諗香港應該無,
要上網睇或者GOOGLE下,如果唔介意國產貨,
就上淘寳網打3D Printer或三維打印機就揾到勒!
作者: 絕對好奇 時間: 2013-6-29 06:53
post 己update!
作者: oldmok 時間: 2013-6-29 08:10
多謝師兄share
我想問下其實衣家3D printer啲精細度會唔會因為唔同廠而有極大差異?
作者: Offer 時間: 2013-6-29 08:14
多謝師兄share
我想問下其實衣家3D printer啲精細度會唔會因為唔同廠而有極大差異? ...
oldmok 發表於 2013-6-29 08:10
民用DIY級的機係要睇你TUNE機能力有多少
作者: 絕對好奇 時間: 2013-6-29 16:25
回復 28# oldmok
多謝師兄捧場,家用嘅3D printer啲精細度會因設計同噴咀大小有唔同,
同係邊間廠出關係唔大,當然唔同廠佢地嘅準確同可靠性及售後服務就一定有分別,
重有Offer師兄所講,TUNE機都好重要,不過如果你期望佢可以印到手辦公仔咁精細,
暫時家用級嘅3D printer係做唔倒嘅,不過我諗可以將個size整大啲,
再用沙紙同筆地作後期加工,效果應該都唔錯.
作者: 絕對好奇 時間: 2013-7-1 03:33
本帖最後由 絕對好奇 於 2013-7-1 10:23 編輯
post己update!
作者: wah214 時間: 2013-7-1 23:58
回復 31# 絕對好奇
Thanks you for your post!! : )
作者: 絕對好奇 時間: 2013-7-2 03:37
post己update!
作者: 絕對好奇 時間: 2013-7-3 07:50
post己update
作者: gorto 時間: 2013-7-3 11:41
釣我地引
作者: 絕對好奇 時間: 2013-7-3 11:46
回復 35# gorto
睇我個奸笑嘅表情就知!
作者: 不明人士 時間: 2013-7-3 14:27
坐等 ching tune 機教學
作者: 絕對好奇 時間: 2013-7-3 17:08
回復 37# 不明人士
師兄買咗機未?定係當我呢個post係小說咁睇?
作者: 不明人士 時間: 2013-7-3 17:23
回復 不明人士
師兄買咗機未?定係當我呢個post係小說咁睇?
絕對好奇 發表於 2013-7-3 17:08
買左 joysmaker ，依家煩緊 tune 機，Z平台果啲已經較好，但軟件既 setting 就唔識搞，依家逐步試緊...
師兄你用 ReplicatorG ，我用 Cura ，我諗應該差唔多...
作者: 絕對好奇 時間: 2013-7-3 17:42
回復 39# 不明人士
咁等我今晚收工返嚟幫你check下我個tune機方法啱唔啱你,
或者等其它啲師兄講下佢地有乜分別, joysmaker 應該係felihea師兄嘅強項!
師兄唔好剩係自己玩,要出下post,等大家可以交流下,一齊玩!
ps:要開工,bye!
作者: 不明人士 時間: 2013-7-3 17:45
回復 不明人士
咁等我今晚收工返嚟幫你check下我個tune機方法啱唔啱你,
或者等其它啲師兄講下佢地有乜分 ...
絕對好奇 發表於 2013-7-3 17:42
我自己本身唔係理科人，只係識少少用 SKETCHUP 建模，部機都係同人夾，買果時已經砌好晒...
所有我都唔知點同人分享好，本身經驗又唔多，玩玩下咁，一直做CD-ROM，依家部機叫做印到少少野，所以上水吹下水，始終部機唔係100%係我，我都唔敢亂拆亂研究，廢事拆左改左整唔返
作者: 絕對好奇 時間: 2013-7-4 04:11
本帖最後由 絕對好奇 於 2013-7-4 04:12 編輯
回復 41# 不明人士
師兄唔洗驚!我又無叫你拆機
,你可以出post講下部機,幫你印過啲乜嘢成品,或者點樣利用佢修補或者解決家居問題,
好似有乜按扭制壞咗呀,由構思劃圖咁慢慢講,慢慢出文,
必要時好似我咁,賣下關子吊下人癮,不過唔好拖咁耐!
我都驚出街會比啲師兄追打架!
作者: 絕對好奇 時間: 2013-7-4 07:10
本帖最後由 絕對好奇 於 2013-7-4 07:26 編輯
post己update
ps1:軟件篇:摸擬一次整個打印成品過程內容已修改.
ps2:將會有玩具級嘅電子顯微鏡嘅對比圖!
作者: ka911007 時間: 2013-7-5 20:21
師兄有D問題想問下,如可用SketchUp輸出STL??
我試過DL過D plugins 不過EXPORT唔到STL??
作者: gorto 時間: 2013-7-5 20:45
sketchup 要 安裝 plugin 先可以 import/export stl format，你 google 下會揾到
作者: gorto 時間: 2013-7-5 20:45
sketchup 要 安裝 plugin 先可以 import/export stl format，你 google 下會揾到
作者: 絕對好奇 時間: 2013-7-6 06:01
本帖最後由 絕對好奇 於 2013-7-6 08:26 編輯
回復 44# ka911007
多謝gorto師兄代答!
我再補充一下,我是用su2stl plugins,比條link你,
http://rhin.crai.archi.fr/rld/plugin_details.php?id=429
用這個plugins我可以正常import同export stl檔,
但有一點要注意,import同export時,stl檔只可存取英文名字檔案及目錄,
不可有中文及特殊字符,可能你也遇到這情況,試下改檔案及目錄為英文名字,
當初我也被這問題困擾,最後憑經驗解決!希望可以幫倒師兄!
作者: 絕對好奇 時間: 2013-7-6 08:24
post己update
作者: DaCongo 時間: 2013-7-6 12:35
補充一些, 如有錯,請其他師兄指出
"2.調校Skeinforge副程式參數"
Skeinforge 不是副程式. 首先, ReplicatorG, Cura, 等程式是 frontend 軟件, 可以看成使用者介面, 用以連接電腦和 3d printer, 打開 stl file, 在打印範圍移動, 轉動 model, 叫出 skeinforge, sli3r 等 slicing program, 將 gcode 傳到 3d printer 等功能.
Skeinforge 是 slicing software, 用途是將 stl file "界"成一層層, 轉成移動路徑, 再集合打印速度, 溫度等資料, 然後轉成 gcode. Skeinforge 是用 python(一種電腦語言)寫成的"軟件", 是可以在獨立執行的.
gcode 是控制語言, 控制碼的一種. 在 3d printing 中, 他的功用是告訴 printer 控制硬件(如stepper, hotend, heatbed), 做到 xyz 軸的定位, 移動, 速度; hotend, heatbed, 的溫度; 出膠的方向, 長度等
明白了這三角關係後, 應該不會搞亂, 把 skeinforge 的設定當成 ReplictorG 的設定了.
"打開ReplicatorG程式,點擊Gcode按鈕,再按Edit Slicing Profiles會出現選擇介面,
點選自己部機嘅型號,我嘅係Replicator 2 slicing defaults,再按Edit call出Skeinforge副程式,"
這裡我建議先 duplicate, 自己改個新名, 然後改新建的profile, default 嗰個呢世都唔好改, 有事可以從頭再黎過.
"注意:0.5mm-thin-wall_aa模型,只作為tune機使用嘅工具模型,與其檔案名0.5mm無關,莫因其名字而受誤導!"
0.5mm 是有原因的. nozzle size 是 0.4mm, 0.5mm 是令到 skeinforge 一定劃到一行跟噴咀相同闊度, 又出唔到兩行的數值. 同樣道理, 如你的 nozzle size 唔係 0.4mm, 咁你就是重新考慮 thin-wall 的厚度. 詳情要問ma_hty兄.
"5.Speed
a.Feed Rate(mm/s):40<預設>
b.Flow Rate Setting(float):29"
這裡是最常調教的地方, 越早掌握, 越早tune好. Feed Rate(mm/s) 是指 xy軸移動的速度, 簡單來說就是打印速度. Flow Rate Setting(float) 是出膠的量. 在速度不變的情況下, thin-wall 太厚就減少出膠, 太薄就增加. 個人建議 Feed Rate 儘量加大, 然後先開始tune. 因為 tune 好以後如要改變打印速度, 需要按比例改這兩個數值. 若起始數值太細, 放大後可能有誤差要再 tune, 反以除細沒有這問題. 當然, 高速都要部機頂得順先得.
作者: 絕對好奇 時間: 2013-7-6 17:05
回復 49# DaCongo
多謝師兄詳細解析!
:希望其他師兄繼續補充.
作者: ka911007 時間: 2013-7-6 20:45
回復 47# 絕對好奇
都係唔得,不過多謝師兄!!
去到SAVE之後到唔見個STL檔出來!!
作者: zetaho2003 時間: 2013-7-7 01:39
http://fabmetheus.crsndoo.com/wiki/index.php/Skeinforge
我參考呢個網再試數值
作者: 絕對好奇 時間: 2013-7-7 02:42
回復 51# ka911007
如果唔能夠export stl檔,將會係3D Printer之路嘅一大障礙,
針對師兄嘅情況,小弟提出以下建議:
1.請使用SketchUp 8版本
2.暫時將所有plugins備份及移除,除咗預設嘅 plugins
3.只留下su2stl plugins
4.save file時選用Millimeter
5.將_.stl檔案直接save落c drive 主目錄
6.不要修改預設嘅_.stl檔案名
7.待save _.stl檔案成功後再修改成英文檔案名
8.把之前備份嘅所有plugins回復,除咗有相同功能嘅export stl檔嘅 plugins
希望師兄再試一次,預祝成功!
作者: 絕對好奇 時間: 2013-7-7 02:44
回復 52# zetaho2003
多謝師兄提供連結,有時間小弟會慢慢研究!
作者: 絕對好奇 時間: 2013-7-7 04:30
post已update
作者: ma_hty 時間: 2013-7-7 10:32
回復 55# 絕對好奇
為師兄鼓掌!作者: ka911007 時間: 2013-7-7 13:21
回復 ka911007
如果唔能夠export stl檔,將會係3D Printer之路嘅一大障礙,
針對師兄嘅情況,小弟提出以下 ...
絕對好奇 發表於 2013-7-7 02:42
ok啦!謝師兄
原來SAVE落c drive巳經ok啦!!
平時我用開SolidWorks的,有時先用SketchUp,想試下2邊可以用咩方法共用D檔!!
(ps:想買3D Printer,不過屋企無位放)
thx~~~
作者: 絕對好奇 時間: 2013-7-7 18:08
本帖最後由 絕對好奇 於 2013-7-7 18:09 編輯
回復 56# ma_hty
多謝師兄鼓勵,重要打鑼打鼓,攪到小弟即刻鬆毛鬆翼,如在天堂仙境!
不過如果無師兄嘅無私分享,就唔會有小弟呢篇新手tune機文,成功之日更是了了無期!
真正值得鼓掌嘅,應該係師兄你呢位tune機達人至啱!
ps:一講到鬆毛鬆翼我就諗起雀仔師兄,唔好意思,唔覺意又擺咗雀仔師兄上檯嘞!
作者: 絕對好奇 時間: 2013-7-7 18:15
回復 57# ka911007
睇嚟師兄中毒未深,無空間變大同價值觀改變嘅病徵,實屬可惜!
師兄係劃圖高手,唔知有無時間出番啲簡單教學post,
等小弟跟師兄學下嘢?
作者: ka911007 時間: 2013-7-7 22:22
本帖最後由 ka911007 於 2013-7-7 22:30 編輯
回復 ka911007
睇嚟師兄中毒未深,無空間變大同價值觀改變嘅病徵,實屬可惜!
師兄係劃圖高手,唔知有無時間 ...
絕對好奇 發表於 2013-7-7 18:15
唔好話我係劃圖高手(有時有D難度的圖，都劃唔到)，我指不過係以前學過劃圖同用過樹脂3d printer，成品係Lego用的盾牌!!
過幾日放相上呢，不過都成五年前的事!!
作者: 絕對好奇 時間: 2013-7-8 01:40
回復 60# ka911007
師兄你謙啫！個Lego用嘅盾牌都己經係五年前嘅事，
我學劃圖只有兩三個禮拜咋！重要有gorto師兄嘅私人影片教學，
先至劃到小小嘢，小弟非常期待睇睹師兄作品架！
雖然3d printer可以打印成品，但成品又需要創造力同劃圖技巧，
軟硬件都同樣重要，我諗好多想買機嘅師兄，都因為呢樣嘢而卻步，
雖然話youtube有教學，但始終係外國影片居多，有時都聽唔明佢講乜架！
作者: 絕對好奇 時間: 2013-7-8 04:45
post己update
作者: ka911007 時間: 2013-7-8 13:57
回復 61# 絕對好奇
成品
圖片附件: 20130708_135005.jpg (2013-7-8 13:57, 19.76 KB) / 下載次數 122https://www.hkepc.com/forum/attachment.php?aid=1554521&k=fb676a6cb51fbfcf5efb6909d21feb44&t=1781472891&sid=1NGFlgZAeV
圖片附件: police.JPG (2013-7-8 13:57, 146.65 KB) / 下載次數 147https://www.hkepc.com/forum/attachment.php?aid=1554522&k=7d233a39d47eff68669d75e3c3abee43&t=1781472891&sid=1NGFlgZAeV
作者: wuronz 時間: 2013-7-8 21:32
congrat Ching, enjoy the new toy
作者: 絕對好奇 時間: 2013-7-8 22:39
回復 63# ka911007
劃同印家好靚,尤其是盾牌好透明,上面啲字又夠清楚,
想問下師兄啲字點整上去?打中文得唔得?
作者: 絕對好奇 時間: 2013-7-10 06:35
post己update
作者: wsoft2002 時間: 2013-7-10 10:32
師兄真係有心有力，造福大衆！
小弟亦是閃X用家，一直有心無力，見到師兄之大作，終於按奈不住出來分享下。
平台校準
我初初都是用機內的校準功能校準，但是較極都不是很理想，較得一邊好，另一邊又變左，真係較到儍，後來用了以下方法，我自己就覺得比較易D校準。
先把熱床較低小小，近住把熱床加熱，再把白纸放上，再運行校準功能，當噴頭移到第一個校準位置時(應該是前方正中)把機關上，之後用手把嘖頭移到其中一粒較平台的螺絲附近進行校準，再以順時針或逆時針方向校準其它螺絲。校淮方法與平時一樣，都是移動下張纸，不過每次只較一粒螺絲。
今次寫住咁多先!
作者: bbsunny 時間: 2013-7-10 11:09
回復 絕對好奇
成品
ka911007 發表於 2013-7-8 13:57
可唔可以淨係影個公仔想睇清楚啲作者: 絕對好奇 時間: 2013-7-10 11:13
本帖最後由 絕對好奇 於 2013-7-10 11:16 編輯
回復 67# wsoft2002
難得師兄肯將知識分享!
師兄嘅方法小弟有時間會試下,為咗投桃報李,小弟特別為師兄預告改heatbed調教方法,
不過可能要犧牲小小kapton膠紙嘅原整性.
方法為:
1.先到下面條link下載工具,用100%填充率打印4粒齒輪,支架部份不用理會
http://www.thingiverse.com/thing:9094
2.鬆開後面電源接線及4口調節螺絲,將原本係下底嘅大螺絲頭,調到上面及鎖緊heatbed
3.再裝上彈弓,先對準後面兩粒,再對準前面兩粒,咁啲彈弓就比較容易裝上唔會走位
4.將剛拆出嚟嘅細六角螺絲母對準齒輪六角凹位,用鉗壓入
5.輕壓heatbed與木版,令螺絲尾端伸出更多空位
6.套上二片金屬介子,再用齒輪中間六角螺絲母對準鎖上,
7.先鎖上後邊兩粒,再鎖上前邊兩粒
8.接回後面電源接線,大功告成!
ps:包你用到流口水,無得彈!
圖片附件: DSCN0245.JPG (2013-7-10 11:08, 47.71 KB) / 下載次數 129https://www.hkepc.com/forum/attachment.php?aid=1555292&k=ae60f410a03fb194a5bc1679e523c554&t=1781472891&sid=1NGFlgZAeV
圖片附件: DSCN0246.JPG (2013-7-10 11:09, 44.67 KB) / 下載次數 176https://www.hkepc.com/forum/attachment.php?aid=1555293&k=989796f1be84c03c6a4599621ae5f930&t=1781472891&sid=1NGFlgZAeV
作者: 絕對好奇 時間: 2013-7-10 11:24
補先一下,用咗呢個改裝之後,可以係佢印緊基底時調校,
校到基底如我上文所講,見到扁平狀就ok嘞,
唔洗比個4粒大螺絲頭辣到傻,變咗雲南豬手!
作者: ka911007 時間: 2013-7-10 11:43
回復 68# bbsunny
無問題，不過E家係街，夜少少返屋企先放到!!!
定係想睇，件野的大頭?
作者: bbsunny 時間: 2013-7-10 12:20
回復 bbsunny
無問題，不過E家係街，夜少少返屋企先放到!!!
定係想睇，件野的大頭? ...
ka911007 發表於 2013-7-10 11:43
係好想睇下公仔拎個成品，我見到可以度身訂做咁拎個盾真係
你地好毒呀
作者: ka911007 時間: 2013-7-10 12:39
回復 72# bbsunny
其實我係做咗4個款式，分別有頭盔，美式警棍，圓盾同相中無的方盾!!
作者: dtom 時間: 2013-7-10 14:10
回復 絕對好奇
成品
ka911007 發表於 2013-7-8 13:57
個盾真係堅正 !咁細個都睇到中英文, 仲係半透明
點印到咁靚嫁, 同埋師兄用咩畫圖 export stl?
作者: gorto 時間: 2013-7-10 16:31
個盾真係堅正 !
咁細個都睇到中英文, 仲係半透明
點印到咁靚嫁, 同埋師 ...
dtom 發表於 2013-7-10 14:10
前文好似有提及係用 resin 3d printer 印嘅。Resin printer 精度同準度都比 FDM 好，只係打印大小同液體處理比較麻煩而已。
作者: ka911007 時間: 2013-7-10 18:18
係好想睇下公仔拎個成品，我見到可以度身訂做咁拎個盾真係
你地好毒呀 ...
bbsunny 發表於 2013-7-10 12:20
成品,唔係好毒姐
,因為都放左成五年,所以有D變黄!!!
圖片附件: IMG_8198.JPG (2013-7-10 18:15, 136.82 KB) / 下載次數 119https://www.hkepc.com/forum/attachment.php?aid=1555382&k=7e2e8a18b7d601a9eb86492a8425fd15&t=1781472891&sid=1NGFlgZAeV
圖片附件: IMG_8199.JPG (2013-7-10 18:15, 124.86 KB) / 下載次數 108https://www.hkepc.com/forum/attachment.php?aid=1555383&k=83be12d4598b08be72f9398bfee19ed4&t=1781472891&sid=1NGFlgZAeV
圖片附件: IMG_8200.JPG (2013-7-10 18:15, 128.59 KB) / 下載次數 120https://www.hkepc.com/forum/attachment.php?aid=1555384&k=307df0fb5f7897e2d6abc9d705ba0621&t=1781472891&sid=1NGFlgZAeV
作者: ka911007 時間: 2013-7-10 18:34
回復 74# dtom
回復 75# gorto
首先,用咩畫圖:SolidWorks
我果時係用學校的Objet eden260打印出來,如gorto師兄所講一樣,精度同準度比FDM好,一層大約16微米,分2種Resin,一種係工件,一種support,仲有成本好高,毎種好似大約千幾二千幾蚊!!
作者: ma_hty 時間: 2013-7-10 18:42
本帖最後由 ma_hty 於 2013-7-10 18:43 編輯
回復 77# ka911007
Objet eden260 啊, 真好呢. 如果有一天, 我有錢到 掉了一萬幾千在地, 也懶得俯身去執, 我一定要買一台玩玩. Objet 就係強呢!
作者: ka911007 時間: 2013-7-10 19:06
回復 78# ma_hty
掉了一萬幾千在地, 也懶得俯身去執
不如執返起去,買多幾SET Resin,幫人代print,再温多一千幾百萬換部Objet1000
作者: 絕對好奇 時間: 2013-7-11 07:02
本帖最後由 絕對好奇 於 2013-7-11 07:06 編輯
回復 67# wsoft2002
師兄今日試咗你個調較heatbed方法,
果然好用同有效率好多!give me more!
作者: bryannt 時間: 2013-7-11 09:56
回復 dtom
回復 gorto
首先,用咩畫圖:SolidWorks
我果時係用學校的Objet eden260打印出來,如gorto師 ...
ka911007 發表於 2013-7-10 18:34
VTC?
作者: ka911007 時間: 2013-7-11 15:03
本帖最後由 ka911007 於 2013-7-11 17:15 編輯
回復 81# bryannt
YES
你都係???
作者: ka911007 時間: 2013-7-11 17:14
本帖最後由 ka911007 於 2013-7-11 17:17 編輯
回復 ka911007
劃同印家好靚,尤其是盾牌好透明,上面啲字又夠清楚,
想問下師兄啲字點整上去?打中文 ...
絕對好奇 發表於 2013-7-8 22:39
唔記得回復你,真係打中文上去,不過係曲面上整係會做多幾歩(有D唔記得點做
)!!如果你有問題放上尼,睇下幫唔幫到你
作者: 絕對好奇 時間: 2013-7-11 17:34
回復 83# ka911007
得到師兄啟發已經攪掂
http://www.hkepc.com/forum/viewt ... &extra=page%3D1
又得到其他師兄幫忙,問題似乎已經解決,在列印中,
人多就係強,可以集思廣益,有問題就容易解決!
作者: bryannt 時間: 2013-7-11 17:36
回復 bryannt
YES
你都係???
ka911007 發表於 2013-7-11 15:03
No,
只係知道 VTC 以前買過咩機姐。
作者: ka911007 時間: 2013-7-11 17:46
No,
只係知道 VTC 以前買過咩機姐。
bryannt 發表於 2013-7-11 17:36
你係賣機?
以我所知,KB有一部eden260,一部Dimension Elite(好似係)幾年前入多部z650(好似係)
作者: bryannt 時間: 2013-7-11 17:51
本帖最後由 bryannt 於 2013-7-11 17:52 編輯
你係賣機?
以我所知,KB有一部eden260,一部Dimension Elite(好似係)幾年前入多部z650(好似係) ...
ka911007 發表於 2013-7-11 17:46
Zcorp 650?
應該都係同同一公司買。
ps: 我唔係賣機，但專業 3D printer 香港得果兩三個代理，要知的話唔太難。
Stratasys 買左 Objet 再買 Makerbot，
所以香港好有可能會有行貨版的 makerbot replicator 2 / makerbot replicator 2x
作者: 絕對好奇 時間: 2013-7-12 06:49
post已update
作者: 絕對好奇 時間: 2013-7-12 06:49
post已update
作者: ka911007 時間: 2013-7-12 17:07
好奇兄,手癢呀,畫左幅3D圖!!
圖片附件: 零件2.JPG (2013-7-12 17:07, 135.71 KB) / 下載次數 146https://www.hkepc.com/forum/attachment.php?aid=1556021&k=ba06b0cbd6d42e1ad7e84a4aff5340bf&t=1781472891&sid=1NGFlgZAeV
作者: 絕對好奇 時間: 2013-7-12 17:29
回復 90# ka911007
痕得滯可以出教學囉!
作者: 絕對好奇 時間: 2013-7-14 06:53
post已update
作者: 絕對好奇 時間: 2013-7-24 04:34
post 己 update!
作者: Offer 時間: 2013-7-24 10:19
呢個post對新手亦有相當幫助建議呢個post亦成為精華post
作者: 絕對好奇 時間: 2013-7-24 16:39
回復 94# Offer
多謝師兄抬舉,萬分感激!
多謝A Sir!
作者: Offer 時間: 2013-7-24 16:53
回復 Offer
多謝師兄抬舉,萬分感激!
多謝A Sir!
絕對好奇 發表於 2013-7-24 16:39
舉手之勞作為給樓主少少鼓勵
作者: Super169 時間: 2013-7-28 17:23
4.新手tune機篇
講到tune機篇小弟就有啲嬲嬲地,事緣雖然係買機之前,
小弟為咗做足tune機準備,爬返以前嘅po ...
絕對好奇 發表於 2013-6-27 06:41
ching, 我跟住你裝番 ReplicatorG, 再 duplicate Replicator 既 profile 開左個新既黎改, 改完都 SAVE 左, 再開 EDIT 都見到哂.
但係, 之後點樣叫佢用呢個 profile 去 gen gcode? 我發覺佢下面既 settings, 都唔係跟我個 profile 既. 係咪要好似右邊咁, uncheck 左 "Use Print-O-Matic (stepper extruders only)" - 印象中見過有 post 提呢樣野, 但我睇番你個圖係 check 左既, 所以想 confirm 番?
定係如果要用 profile, 唔係咁 gen 既?
圖片附件: 20130728-g.jpg (2013-7-28 17:23, 70.13 KB) / 下載次數 165https://www.hkepc.com/forum/attachment.php?aid=1561614&k=5ca091e3906d3ec2780fe01c815149c3&t=1781472891&sid=1NGFlgZAeV
作者: 絕對好奇 時間: 2013-7-28 17:29
回復 97# Super169
無錯！係要uncheck 左 "Use Print-O-Matic，
咁就可以用番自己個profile設定去gen gcode嘞！
作者: Super169 時間: 2013-7-28 17:39
本帖最後由 Super169 於 2013-7-28 17:42 編輯
仲有一個大問題...我用 replicatorG gen 出黎既 gcode file, 抄落 SD 唔可以 print? 我選了 build from SD, 之後佢只係 list x3g file, 唔肯 show gcode file, 係咪家陣既 rom, 只支援 x3g?
更正番: 傻左, 原來佢有另一個 option 出 x3g. 已攪掂準備打印.
作者: 絕對好奇 時間: 2013-7-28 17:45
回復 99# Super169
要先gen gcode 後才可出 x3g file！
部機只可用 x3g file打印。
ps：要開工，等其師兄幫你嘞，收工返嚟再跟進！bye！