Board logo

標題: 「 ASUS 主機板至尊十年霸」回帖專區 [打印本頁]

作者: carmen.leung    時間: 2014-6-20 15:19     標題: 「 ASUS 主機板至尊十年霸」回帖專區

「 ASUS 主機板至尊十年霸」活動,由即日起至 7 月 11 日期間, HKEPC 會員只需利用文字發表個人選用 ASUS 主機板的原因或者吸引之處(字數不限),並附上所持有 ASUS 主機板的照片(任何一款均可),然後以回帖形式上傳至「 ASUS 主機板至尊十年霸」活動專區內即可。

活動結束後, HKEPC 及 ASUS 會選出最具創意的作品(名額 4 名),得獎者將會獲得相應名次獎品。另外,首 50 名參與活動的會員,每人亦可免費獲贈 ASUS 送出之 ASUS Webstorage 50GB 網上儲存空間乙份,獎品豐富,萬勿錯過。

「 ASUS 主機板至尊十年霸」活動獎品 :
第一名 : ASUS MAXIMUS VII FORMULA 乙片
第二名 : ASUS Z97-Deluxe 乙片
第三名 : ASUSMAXIMUS VII Gene 乙片  
第四名 : ASUS Z97 Pro 乙片
首 50 名參與獎: ASUS Webstorage 50GB 網上儲存空間 乙份
作者: hirodo    時間: 2014-6-20 15:41

我揀左Asus Maximus VI Impact ITX


揀佢ge原因同吸引之處就係紅黑紅紅黑咁簡單, 配色夠型格
加上估你唔到ITX版都有得超頻同大玩gaming為主
又有wifi又有sound card, 配件又一D都唔會比少你喎
Z87 ITX版王!
作者: 541023    時間: 2014-6-20 15:55

提示: 作者被禁止或刪除 內容自動屏蔽
作者: polarhei    時間: 2014-6-20 16:14

我手上持有的底版,只是P5QL-PRO (不知有意還是無意, 但拍到.你要既, 就畀你睇我部份既能力). 我選擇ASUS的原因主要是穩定耐用. 5年之後出故障, 這個我接受.

上而只描述我自己的能力多過塊版既能力. 最多, 打機方面受到限制, 但其他用途則不是.

另外, 我查問過資深工程師關於有機溶劑的用途, 無意中也是用ASUS作示範. 雖然我不知道是最新或上代(MAXIMUS (7或6?) GENE, 因為用上i7-47XX系列). 但也是整體穩定, 3M香港都選擇ASUS作示範用(該滅火劑較水重最少百分之陸拾, 沸點四拾玖攝氏度), 如果唔係5年內的故障率較其他的低, 仲要能配合公司的主色-紅色,3M香港啲人唔會用咩?



在這樣的情況下, ASUS可能未必是最好的, 但她保護消費者的預算. 不管甚麼型號, 也是相若.
作者: ip2809    時間: 2014-6-20 16:19

我揀 ASUS MAXIMUS VI FORMULA
9.jpg
2014-6-20 16:15

原因
1.M6E在各方面都為追求極限效能所設計,不愧為ASUS最高階Z87產品
2.UEFI BIOS中選項非常豐富,提供更完整超頻功能或更多細部功能調整
3.Multi-GPU擁有最高支援AMD CrossFireX / 4-Way nVIDIA SLI的on Demand技術
4.特殊材質的ROG散熱模組,體積適中與高度不會太高,讓視覺感相當好
5.DDR3 2400的設定中有著超越其他Z87 MB的亮眼高頻寬數據
6.兩種模式的OC Panel超頻面板、mPCIe Combo II + Wi-Fi 802.11ac/藍芽 4.0

圖片附件: 9.jpg (2014-6-20 16:15, 126.28 KB) / 下載次數 89
https://www.hkepc.com/forum/attachment.php?aid=1687111&k=59adc965a32cfbe7cf4209b4bfe75b4a&t=1675603321&sid=aoSgKgw8tq9


作者: carmen.leung    時間: 2014-6-20 16:37

回覆 3# 541023

相片的限制只有一個,就系一定要系 ASUS 主機板!!
作者: kc8051    時間: 2014-6-20 16:40

我用ASUS SABERTOOTH Z97
2014062016285.jpg
2014-6-20 16:37

ASUS TUF Z97 系列仍承襲以往,採用高規格耐久的用料
我喜歡SABERTOOTH Z97是因為它外觀的部份 SABERTOOTH Z97 MARK 1 以及 GRYPHON Z97 ARMOR EDITION 採用全新的盔甲設計.
SABERTOOTH Z97 MARK 1 是屬於TUF Z97系列中最為高階,有搭載ARMOR盔甲以及強化背板.
4個記憶體插槽、8個SATA 6Gbps(包括2個SATA Express)、3個PCI-E x16插槽、3個PCI-E x1插槽.
後方的輸出入埠有4個USB2.0、Dust de-Fan除塵風扇、Clr CMOS按鍵、DisplayPort、HDMI、雙網路接口、4個USB3.0、光纖、5個音源輸出入.

圖片附件: 2014062016285.jpg (2014-6-20 16:37, 119.44 KB) / 下載次數 84
https://www.hkepc.com/forum/attachment.php?aid=1687113&k=c3f2a9761fccfc561c6a7e16addd14af&t=1675603321&sid=aoSgKgw8tq9


作者: LHF    時間: 2014-6-20 16:42

本帖最後由 LHF 於 2014-6-20 23:41 編輯

小弟用既就係‧登.登.登.登-出黎啦比卡超就係ASUS Commando~~小弟用呢塊板既原因?唉~係人都知呢塊板當年係最TOP 果塊遊戲板,根本就無人能及~~擁有『板皇』呢個最強既稱號!!

但係其實...我到底點解會揀佢?
其實~我揀佢既原因真係好簡單,就係因為佢個名 『夠曬型』~Commando~,鍾意玩RPG 同FPS 既我,點會唔比佢個名吸引到丫 ...不要說笑吧XD 仲要到左而家我都仲拎黎打機超頻,重要係一流   點算~我好似有少少鍾意左您

不過最方便既緊係Onboard Switch同LCD Poster啦~Onboard Switch係我既最愛~ C.P.R. 更加唔洗驚超頻果陣SET錯野
Commando


圖片附件: 334.jpg (2014-6-20 16:31, 70.51 KB) / 下載次數 75
https://www.hkepc.com/forum/attachment.php?aid=1687112&k=e67927a9ed847292ceef1056917adc71&t=1675603321&sid=aoSgKgw8tq9


作者: sfcgta123    時間: 2014-6-20 16:54

本帖最後由 sfcgta123 於 2014-6-20 16:57 編輯

我揀手頭上僅有既呢塊H87M-E

10464339_758729677510707_7391115699170084874_n.jpg
2014-6-20 16:43


1.雖然佢用Realtek LAN 同sound card,同埋佢系H87系列系列裏面最basic個款,但總體黎講佢有齊H87 chipset應有既功能,同埋USB 3.0 port 幾夠下
2.加上ASUS近排既BIOS仲有set CPU voltage 同Core Ratio 既功能,所以對我呢個想學下超頻既人黎講,好有幫助(利申: 有興趣買G3258試試)
3.雖然得一條PCIE X16,但系對我呢D無能力追求Crossfire/SLI 既一類人黎講,已經足夠
4.價格上算叫做ok 符合無咩budget既人既追求   
總結: 麻雀雖少 五臟俱全 價格合理 符合想要6x SATA3 但系無咩budget既人用
第一次用ASUS MB 就因為你呢塊H87M-E,令我以後都對其他牌子無咩興趣 希望你盡忠職守 用到我expect既8 年 發揮ASUS MB耐用既長處啦

圖片附件: 10464339_758729677510707_7391115699170084874_n.jpg (2014-6-20 16:43, 128.95 KB) / 下載次數 83
https://www.hkepc.com/forum/attachment.php?aid=1687116&k=12bd8283f56ec632f62cb285288ffc82&t=1675603321&sid=aoSgKgw8tq9


作者: ss310251    時間: 2014-6-20 17:31

本帖最後由 ss310251 於 2014-7-10 07:50 編輯

屋企大大話話都有幾塊ASUS板...諗左好耐講邊塊好...
就講我第一塊既ASUS板啦。

MAXIMUS IV EXTREME
當初睇到依塊板...「嘩! 極限中既極限喎,一定好勁! 」
加上又有燈,覺得超型。冇點留意過塊板功能上仲有咩過人之處,就儲錢買左落黎...(塊板唔型點用得落手!)
用落之後就開始停唔到...之後都開始用ASUS ROG的板。
真係不愧為「敗家之眼」!
dfgdfg.png
2014-6-21 04:31

ROG系列吸引我繼續用落去既地方,除左外觀代代都好型之外(你睇依家幾多板開始用配色~),
就係佢個BIOS做得好好,連我依個超頻新手都識得用佢超頻。(比我亂來都撞彩上到4.4GHz)

從此,ASUS依個名,就深深地刻在我的腦海。
           A                   S   S          U                 U          S    S
         A  A           S                     U                U      S
       A      A              S   S           U                U          S    S
     A  A A  A                      S      U               U                     S
   A               A                    S      U              U                      S
A                    A     S   S   S            U  U  U           S   S   S


依家仲有個軟件叫AI SUITE 3,超頻仲更加簡單,禁兩下就「起飛」啦~
入到windows又有ROG版既CPUZ配翻。

唯一可惜既係MAXIMUS IV EXTREME係E-ATX,機箱要好大...
不過近兩代都改善翻依個問題,EXTREME都只係ATX,普通ATX機箱都用得。唔裸跑都可以容易上機。

最近仲出左個叫Impact既ITX,真係咩大細既板既市場都比ASUS玩曬。(「你一個人玩曬啦!」)
好既地方係佢張ac WiFi 卡用mSATA,可以拆落黎裝上另一塊板用。
仲有就係D電感用「直插」既方法放,令塊板多左好多位放其他野,例如SATA頭..

「超頻?用華碩啦!上網?用華碩啦! 睇片?用華碩啦! 打機?用華碩啦! server?用華碩啦!

除左冇錢 ,真係諗唔到有咩理由唔再用ASUS ROG板。

圖片附件: dfgdfg.png (2014-6-21 04:31, 31.79 KB) / 下載次數 80
https://www.hkepc.com/forum/attachment.php?aid=1687307&k=775bf13d38a89b19caac78c3441481d0&t=1675603321&sid=aoSgKgw8tq9


作者: bcys    時間: 2014-6-20 18:05

本帖最後由 bcys 於 2014-6-25 06:38 編輯

R4E的那兩年  (ASUS RAMPAGE IV EXTREME)

當年買佢嘅原因:
當年財爺派6000, 18歲學生哥又溝唔到女 , 手頭鬆, 咁岩牙石又做6000蚊R4E連bf3版 +GTX580 嘅promotion, 見到個盒又幾型棍 .......結果咁就水魚上釣 ,幫牙石清左張貨尾GTX580. 由於當年唔多熟價, 比左6000先發現另外再買粒cpu貴到hi出泥 最後加加埋埋砌完唔見左2皮幾
砌完之後仲有段故, 不過唔講啦,收左掩口費  舊post有


砌完部機比epc ching嘅感覺:
米王  , 放毒 , 霸氣 , 土豪 ,

砌完部機比自己fd嘅感覺:
砌咁貴識得飛咩

每次開機嘅感覺:
每次禁start制開機果陣,聽到個水泵開始轉動嘅聲 , 就好似撻着架林寶咁, 好爽皮

打BF3/BF4嘅感覺:
用狙爆頭其實唔難(雖然同塊老母板冇直接關係)

實際上使用感覺:
塊R4E幾好, 超頻setting多, 最方便係個save profile, OC唔到就揀番上次個save.不過平時作打機用途多, 唔超都用唔盡,
成塊板好多插頭都用剩一半, pci-e用左2條, sata用左4條 , ram槽用左4條, 想點插點加野都得
用左兩年仲健在, 兩年都冇重裝洗機都咁順, 順到好似開住架林寶咁, 算係咁

如果未買之前有得再揀過:
我會揀ASUS Rampage IV Gene, 因為細張夠用又平d
R4E 係E-ATX, 一定要用大機箱 嘥位 其他Maximus系列仲平d, 粒u又平d.


不過用開R4E就會番唔到轉頭開住架林寶唔通仲想揸架前七咩



當年牙石promotion張poster

作者: p805061010    時間: 2014-6-20 19:47

小弟而家最勁果塊係P5Q3 Deluxe, 佢係當陣時P45 chips最powerful果塊黎, 佢有著ASUS EPU-6 Engine呢樣technology, 呢D technology真係好fit哂我既使用習慣, 而且佢有wifi, 我可以將部野放係間房度, 唔洗拉LAN線 ; 除咗呢樣, 佢有OC Profile, 可以俾我呢D新手試下超頻 ; 另外, 佢有dual BIOS, 一個BIOS死左既時侯, 另外一個BIOS可以recovery番corrupt左果個BIOS, 咁樣我唔洗驚超頻超衰左BIOS ;呢塊板既audio係用ASUS Crystal Sound, 可以俾我唔洗加sound card就做到好似sound card既效果 ;最後, 佢用16相供電同100%用日本固態電容, 呢D design可以使塊板更穩定同耐用
IMG-20140620.jpg
2014-6-20 19:22


另外, 我都有一塊G41, 都係同呢塊一樣用得咁開心 , 所以我十分鍾意ASUS, 係ASUS既fans黎

圖片附件: IMG-20140620.jpg (2014-6-20 19:22, 146.88 KB) / 下載次數 59
https://www.hkepc.com/forum/attachment.php?aid=1687149&k=911d84343bfedcb32328774e42010f59&t=1675603321&sid=aoSgKgw8tq9


作者: SEGA    時間: 2014-6-21 01:14

img1403281663939.jpg
2014-6-21 00:30


以上係我最愛既底板, ASUS CROSSHAIR V FORMULA, 佢見證住AMD 最輝煌既時代. ASUS CROSSHAIR V FORMULA 加上既AMD CPU 係超頻領域上帶比我地好多既樂趣. "ROG C5F " 係發燒玩家既象徵

ROG 提供精細既設定 將冇鎖外頻倍頻既AMD推至極致, "一鍵開核"既設定, 雙核變四核, 四核變六核, 一般玩家都得心應手. 講到記憶體超頻 DDR3 2133 輕鬆冇難度, 好玩之餘仲有一堆超頻既保護系統, 確保玩家超頻開心又放心
(例如: Component Overheat Protection EX, Voltiminder LED 同 ASUS CPU Parameter Recall)

C5F真係帶比我好多快樂既時光, 留下好多輝煌既成績, 高質素又有玩味既AMD 底板唔多, 發燒級既更加係少之有少, 如果你未玩過ASUS ROG 系列, 你又點可以話比人聽 玩過最好既硬件, 今日就帶ASUS ROG返屋企發開箱文啦!

圖片附件: img1403281663939.jpg (2014-6-21 00:30, 133.08 KB) / 下載次數 59
https://www.hkepc.com/forum/attachment.php?aid=1687272&k=596c3469c4cd20243380d470bbea4a9e&t=1675603321&sid=aoSgKgw8tq9


作者: tatgor    時間: 2014-6-21 01:24

P_20140430_184813.jpg
2014-6-21 01:15

P_20140430_190117.jpg
2014-6-21 01:14

P_20140430_190215.jpg
2014-6-21 01:14

P_20140430_190128.jpg
2014-6-21 01:14

P_20140430_190155.jpg
2014-6-21 01:14

P_20140430_190235.jpg
2014-6-21 01:14


我就揀左呢塊ASUS VANGUARD B85
入門TUF系新貴
但係我一D都唔覺佢貴~
雖則佢唔似同門師兄咁著晒甲, 但係佢用料夠足, 唔會比貴板差, 耐用度唔需要擔心
同埋有5年保, 夠長命(雖則我都唔預會用到
黑啡襯色跟返TUF系列, 沉實得黎又夠型
令唔好細板o既我都忍唔住出手買黎用.

圖片附件: P_20140430_190117.jpg (2014-6-21 01:14, 103.49 KB) / 下載次數 89
https://www.hkepc.com/forum/attachment.php?aid=1687276&k=19f728ea6e3bef46ef760fde8a12f9c8&t=1675603321&sid=aoSgKgw8tq9



圖片附件: P_20140430_190128.jpg (2014-6-21 01:14, 114.66 KB) / 下載次數 59
https://www.hkepc.com/forum/attachment.php?aid=1687277&k=1f93dda587a510df1dbab24fa29d2344&t=1675603321&sid=aoSgKgw8tq9



圖片附件: P_20140430_190155.jpg (2014-6-21 01:14, 108.71 KB) / 下載次數 76
https://www.hkepc.com/forum/attachment.php?aid=1687278&k=eb70a0faf41d86a23ff634c19f93f76d&t=1675603321&sid=aoSgKgw8tq9



圖片附件: P_20140430_190215.jpg (2014-6-21 01:14, 125.75 KB) / 下載次數 73
https://www.hkepc.com/forum/attachment.php?aid=1687279&k=cde4549e381ae31bd939ec9026580469&t=1675603321&sid=aoSgKgw8tq9



圖片附件: P_20140430_190235.jpg (2014-6-21 01:14, 131.66 KB) / 下載次數 57
https://www.hkepc.com/forum/attachment.php?aid=1687280&k=3e12a70e4b5c9b6b90929f81551dabeb&t=1675603321&sid=aoSgKgw8tq9



圖片附件: P_20140430_184813.jpg (2014-6-21 01:15, 136.09 KB) / 下載次數 79
https://www.hkepc.com/forum/attachment.php?aid=1687281&k=7dda7ab6131c2f952cedc36526de3b06&t=1675603321&sid=aoSgKgw8tq9


作者: danny9428    時間: 2014-6-21 02:00

本帖最後由 danny9428 於 2014-6-21 06:42 編輯

"保護地球、系統與您的安全!" (ASUS官方對P7H55-M的標注)

見到呢類簡介 唔使諗 一定就係主打性價比 Value Select既產品喇
話說之前某塊偽P55晶片組既底板(點解係偽P55? 因為果塊係一塊冇display既h55 chipset.... )
俾我手殘整到燒左
奈何1156既底板已經基本停產
又唔想哂左粒仲有心有力既i7 860
咁就搵左塊有4條dimm slot既ASUS p7h55-m matx lga 1156 board喇....

係呢個世界上 會拎粒i7配塊最初階既板 我諗我都算係第一個

咁塊板最低限度都有個vram heatsink...雖然就得一邊有
配合4+2相供電 其實上粒TDP 95w既cpu係冇問題既
所以塊板實際係support由celeron到xeon 4c8t/i7

不過放得粒i7落去 就預左唔係保護地球小先鋒
一於拎去超頻放電

i7好熱情...只不過係160x21已經燒到好熱
本身又冇玩過超頻 所以唔敢亂玩 (廢事又整死一塊1156板喇...好難搵返塊仲新淨令仔既板
懶人專用turboV 直接係windows改頻改電壓  (一restart又要重來 仲要唔可以一野爆bclk上去 塊板食唔起咁大刺激 會hang機/直接restart)

暫時唔超頻對我來講都夠用 olg 6~8開都冇問題
所以都係降返頻繼續保護地球同埋自己安全喇
作者: williamooi    時間: 2014-6-21 09:02

0.jpg
2014-6-21 08:58


ASUS MOBO - NEVER FAILED !

I am a Asus fan and is using as much products from Asus possible. For desktop, I still using a old but reliable ASUS P5K-E /WIFI-AP mobo, with HIGH BUILD QUALITY & 100% RELIABLE. Most of the components I have used in the past actually failed and I switch most of them to Asus, such as Asus Xonar Essence ST.

圖片附件: 0.jpg (2014-6-21 08:58, 68.21 KB) / 下載次數 61
https://www.hkepc.com/forum/attachment.php?aid=1687318&k=514d5b3ef3e14979eb2c33fb2f7f9f2e&t=1675603321&sid=aoSgKgw8tq9


作者: luckyman3388    時間: 2014-6-21 10:45

我就用呢塊M5A99X EVO
13-131-754-04.jpg
2014-6-21 10:42


用開ASUS都超過十年, so far so good

圖片附件: 13-131-754-04.jpg (2014-6-21 10:42, 66.3 KB) / 下載次數 62
https://www.hkepc.com/forum/attachment.php?aid=1687335&k=6a6eeabb6c8c660f986d3ad1575fdc21&t=1675603321&sid=aoSgKgw8tq9


作者: fatau    時間: 2014-6-21 11:48

耐用
抵用
靚仔
少問題
用料好
新手老手一樣用得開心放心

圖片附件: DSCF5617aa.jpg (2014-6-21 11:45, 163.9 KB) / 下載次數 51
https://www.hkepc.com/forum/attachment.php?aid=1687353&k=47a2f1d8762e13535ec0a3a9a1865f41&t=1675603321&sid=aoSgKgw8tq9


作者: pc990011    時間: 2014-6-21 13:27

我選用ASUS Z97-Deluxe因為WIFI BlueTooh模組以及雙 Intel 晶片的 RJ-45,額外SATA EXPRESS這幾點.
P_setting_fff_1_90_end_500.jpg
2014-6-21 13:27

ASUS比其他廠商保養做得更好.
最大原因係產品系統更新同相容性,產品質素冠絕同儕,加上BIOS設定齊全超頻功能強大.
廠商有遠見係同類產品推出只有基本功能Z97
只有ASUS在高階Z97加入一系列擴充功能如WIFI BlueTooh模組,額外SATA EXPRESS,雙 Intel 晶片的 RJ-45.
ASUS Z97 DELUXE [NFC&WLC]更提供,NFC EXPRESS 2,
Wireless Charger 無線充電,ThunderboltEX II / DUAL子卡.
IMG_20140621_132010.jpg
2014-6-21 13:27

IMG_20140621_132109.jpg
2014-6-21 13:27


圖片附件: IMG_20140621_132010.jpg (2014-6-21 13:27, 135.75 KB) / 下載次數 60
https://www.hkepc.com/forum/attachment.php?aid=1687367&k=a2ed39365f822119c8035267e5f69b41&t=1675603321&sid=aoSgKgw8tq9



圖片附件: IMG_20140621_132109.jpg (2014-6-21 13:27, 149.07 KB) / 下載次數 65
https://www.hkepc.com/forum/attachment.php?aid=1687368&k=379d6b209baf503e5e8e7c544dd69aaf&t=1675603321&sid=aoSgKgw8tq9



圖片附件: P_setting_fff_1_90_end_500.jpg (2014-6-21 13:27, 46.29 KB) / 下載次數 70
https://www.hkepc.com/forum/attachment.php?aid=1687369&k=75ec0109f1af5afdee9adf14502dccfe&t=1675603321&sid=aoSgKgw8tq9


作者: d7kkiller    時間: 2014-6-21 16:06

我用P5QL-E因為可以上L5420

作者: ss1    時間: 2014-6-21 17:38

本帖最後由 ss1 於 2014-6-24 14:03 編輯

我用緊ASUS MAXIMUS VI HERO,點解我會揀佢?首先既原因當然因為佢係ASUS啦,我由P4年代開始接觸電腦,用過既底版牌子都有唔少,始終只有ASUS比到我一種user-friendly同穩定既感覺,其次自從係Z87年代,一直都毒到我不得了既ROG系列開始出現一D比較平民化既選擇,令到平日零錢不多既我終於可以一嘗ROG既滋味。我用左M6H都有幾個月,佢所提供既功能十分實用,例如佢既SupremeFX配上SonicRadar能夠比我係打機既時候快速咁搵到敵人既位置,呢個係只有ASUS ROG先至有既實用功能。雖然M6H既用料不及其他ROG底版咁豪華,但我本身並非一個極限超頻玩家,M6H既用料已足夠我作出小超頻有餘,加上佢提供足夠既擴充,係一塊不可多得既底版。

至於係軟件方面,ASUS提供左AI Suite3,能夠可以針對唔同既參數作出微調。我之前想幫屋企粒CPU小超一下,順便想睇下粒CPU最低穩定電壓,呢套軟件除左可以幫我即時超頻之外,仲大大減少左我進出BIOS、以及因為超頻失敗而要Load default setting既時間,同時可以監控溫度同電壓,實在十分方便!

有人話 係番唔到轉頭,但其實,用ASUS又何嘗唔係番唔到轉頭
任何人問我砌機用咩底版好,我一定會答ASUS!


作者: bismarckhin    時間: 2014-6-21 17:55

本帖最後由 bismarckhin 於 2014-6-21 18:14 編輯

之前都買過好幾塊 ASUS 底版~  當中 P5KC 係我最愛~
因為真係用左好多年~ 又拆箱又換display card n 次~ 都冇壞冇任何問題~
所以因為咁一直都係用 ASUS 既底版~ 超有信心的~
同時P5KC support DDR2 同 DDR3~ 係要轉 RAM 果陣唔洗轉MB~ 所以真係用左超耐的~
而今次我choose 左最近買的~ Rampage IV black edition~
好鍾意lee 塊咁靚既MB 同埋onboard 正 sound card 都係我買lee 塊MB 既原因~

另外就係ASUS 既網站好user friendly 同埋介紹塊底版都係好詳盡~
係買底版之前好容易搵到一塊最適合自己的~

最後亦都係非常重要的~
好多特別野都可以係 asus 底版到搵到~ 經常有大驚喜~
e.g. 係n 年前見到個 q-connector~ 真係勁興奮~ 好貼心既設計~

底版in the case

2014-06-20 11.03.21.jpg
2014-6-21 17:45

^^^ 塊底版真係好靚仔~ SupremeFX d 紅線著果陣好正~

用另一個盒入其他線~ 超好的~

2014-06-21 17.43.12.jpg
2014-6-21 17:45

^^^ 用另一個盒入起 d accessories 真係感覺良好的~

靚靚底版

2014-06-21 17.43.07.jpg
2014-6-21 17:45


圖片附件: [底版in the case] 2014-06-20 11.03.21.jpg (2014-6-21 17:45, 125.49 KB) / 下載次數 70
https://www.hkepc.com/forum/attachment.php?aid=1687455&k=2321399adde5589f01911c671ecc4178&t=1675603321&sid=aoSgKgw8tq9



圖片附件: [靚靚底版] 2014-06-21 17.43.07.jpg (2014-6-21 17:45, 124.08 KB) / 下載次數 63
https://www.hkepc.com/forum/attachment.php?aid=1687456&k=d377d141e7e51bdc1d5bac4d339f26cf&t=1675603321&sid=aoSgKgw8tq9



圖片附件: [用另一個盒入其他線~ 超好的~] 2014-06-21 17.43.12.jpg (2014-6-21 17:45, 105.18 KB) / 下載次數 61
https://www.hkepc.com/forum/attachment.php?aid=1687457&k=4a64d998a072cb32392097ecd1781439&t=1675603321&sid=aoSgKgw8tq9


作者: 87874747    時間: 2014-6-21 19:08

本帖最後由 87874747 於 2014-6-21 19:12 編輯


小弟所用既asus底板係 SABERTOOTH-Z77,而我揀呢塊版既原因好簡單--耐用.
剩係睇塊版個樣已經睇到佢幾有誠意
呢塊版用既係軍規用料,再加上asus對於自己品質既要求,壞既機會已經大大降低
,除左耐用之外,呢塊版針對既用家,係一班真正買完有排都唔使再換既玩家.
呢塊版寫到明5年warranty,邊到搵?
而家cpu更新速度咁快,一個唔覺意就轉左socket數,
你一唔好彩壞左塊版,(一般都係2,3年warranty),
變相又要買過塊版同cpu
你可以話買番舊series既版,但值唔值係一個問題,我就覺得唔值啦
所以保5年,真係幾爽
最後,呢個更重要既係佢塊裝甲+1出1入風扇,除左防塵,仲有埋散熱
塊版既功能咁強大,價錢又公道,,邊有得輸?
作者: henrietta    時間: 2014-6-21 20:19

本帖最後由 henrietta 於 2014-7-11 21:08 編輯

***,生果只是雄霸了市場幾年,但華碩雄霸了市場超過十年,係乜原因?宜家就等我地黎一齊研究下啦!

點解用Z77 SABERTOOTH?因為一落腦場睇------啊......一睇佢骨格精奇,5年保用,係一塊耐操耐用的主板奇材!!最重要係......個名夠霸氣.......
一般人眼中我的底板名稱係:

在我眼中我的底板名稱係:

選用 ASUS 主機板的原因係乜?因為佢係華碩囉?咁HEA就想要塊板返屋企?當然唔係啦!!
以下就是接近三十個選用ASUS 主機板的因素:
原因1:歷史因素
華碩係老字號,由我老豆後生砌機果時已經用華碩,到我落腦場砌機時我老豆都不忘叫我話:板一定要用華碩,U一定要用煙條……老豆食鹽多過......下略.......我作為一個考順仔,唔會逆老豆意, 落到腦場睇中就會只同sales講:我要華碩ⅩⅩⅩ板!!!推介忌姦同漏油星?sorry, 我揀板只揀華碩。仲同我推介其它牌子主機板?黑店黎,走人!!因為華碩好用耐用實在太深入民心了!!買到返屋企如果唔係華碩的話點同我個老豆交代?你知我整左部新機我老豆一定會黎玩下。
原因2:外圍因素
我有班豬朋狗友,都愛玩電腦。吹水間一定會講起部腦(男人之家三五成群唔講波唔講腦唔講囡講乜?)。佢地聽到你用華碩板?佢地會話真識貨,有米仔!! 你話用漏油星?今日你死左bios未?定連機都開唔到?你話用忌姦?USB I/O未死咩?玩超頻冇lag機咩? 用化學星?小心電腦大爆炸呀,仲要比佢地睇你唔起!!由此可見,識揀的人,一定揀華碩(最敗家唔係我,我有個豬朋狗友用ASUS Rampage IV Black Edition,但佢人工仲少過我 )
原因3:價錢因素
嘩,做打手洗唔洗咁呀?華碩係貴過其它牌子少少喎!!咁又唔係咁計,假如隻漏油星炒一炒bios,上代理唔洗時間唔洗車費?我當你住係代理隔離,一來一回同公司請假去整板都冇左2日,oh......time is money!!我用果2日去下旅遊唔好?更何況華碩中高階板其實同其它牌子中高階都係相差無幾?
原因4:炫富因素
我向來不喜歡高調炫富,帶隻金撈出街?我怕連手都冇埋……但我喜歡低調地炫富,小學雞問我部機砌機用左幾錢?好平……總知我塊板都貴過你成部機咁啦......心中即時有一股莫名奇妙的快感我食左幾多日杯麵?食唔死就得啦!!
原因5:心理因素
我係一條忠心的華碩死忠,顯卡用華碩,MON用華碩,headset用華碩,netbook用華碩,USB 3.0 card用華碩(堅係真,唔係吹水),如果主機板唔用華碩,你想我成為豬朋狗友的笑柄嗎?所以人地砌機問我用乜板好,我會答佢:係男人就用華碩!!(咁女仔呢?)幫你砌又點話呀~
原因6:外觀因素
華碩D板有型得黎又實用,sabertooth件甲除左用黎睇,佢真係有通風效用,最正係佢可以防塵,香港潮濕的天氣令塵埃含有大量水份,粒塵一下唔該同你玩短路,有咩後果?又要係黃金唔見幾千咁…….sabertooth更加唔似得某某咁整個槍型heatsink係chipset上面,做乜鬼野呀?散熱好D?定會射野呀?仲會比班豬朋狗友話你中二病發......認真貼錢買難受,打機又唔見勁左?!!另外,如果你揾到一塊型過有型得過sabertooth,保養又耐過sabertooth的主機板,我係彌敦道祼跑又如何?
原因7:打機因素
Lan係其中一個主要因素, ASUS Tech forum度講過,INTEL Lan好過其它Lan,佔用資源少,傳送速度快,所以華碩一直用INTEL Lan,用殺手Lan?我可以講用INTEL Lan的我會I kill you later!!仲有華碩ROG的Sonic Radar II 仲可以係畫面顯示聲音方位來源,你未衝到出黎我已經知你係邊伏擊,你未開槍已經比我射到長望天際,用左佢就簡直可以話係合法開掛,人地都冇符!
原因8:人性化因素
華碩bios設計有圖又有字,用家一睇就好易明,好過好多其它板咁bios得一堆專用名詞,最衰係連字典都查唔到,google search又彈一大堆英文解說,睇完都唔明。大佬呀,返工已經夠煩,係屋企玩下超頻都要煩我,宜家我係老細定你係老細?
原因9:識做因素
華碩成日都搞D活動同活動比我地去參加聯宜,今年今年直頭包間K房比我地又食又玩又有禮物收,下年都仲想有得參加?禮物再正D?你要識做呢
原因10:用料因素
華碩D用料出名好,合金電感加黑金電容,淨係CPU供電用料已經嚇死你咁豪華!乜話?你以為唔超頻就唔洗用咁好ga料?NONONO,咁你就大錯特錯啦!!睇睇我公司部廠機,用料九流,仲成日用用下hang機死機,當你趕緊project或打緊千字文然後死機,我包保你會用馬沙飛踢狂打部機,然後一路爆粗一路死死地氣用3倍速再做過......部機仲變成紅色係因為我流緊血
原因11:老細因素
又關老細乜事?作為部門IT部顧問(身兼多職......),老細問我用乜板好,我一定話華碩,實冇衰!!推介化學星爆左佢間屋?聽日唔洗返工啦......再者,老細問你用乜板,你用華碩佢用化學星?佢一定覺得你同佢有仇.......之後工作?唔知點解實會多一兩樣,仲要度身訂造果隻 (我係公司外號叫華碩代言人 ......)
原因12:設計因素
你會見到,華碩設計好細心,例子1:好多華碩板設計到SATA位唔會比母艦級顯卡頂住用唔到,如果你有6個SATA位只用得2個,你話幾谷氣啦! 例子2: PCI-E位距離合理,唔會比母艦級顯卡又頂住太多糟位用唔到。例子3:屋企舊機冇咁多清朝野,如忌姦比條PCI糟你,有乜用得著?你比多條PCI-E糟比我好過啦!!FLOPPY位?除非你係立法會議員先有用......
原因13:細心因素
就用我最熟識的sabertooth為例,每一代都有改進。好似Z77 sabertooth電池位咁, 電池係塊甲下面,冇電要換要好麻煩,要先拆塊板出黎,再拆塊甲(咁先有軍用feel?)先換到電。Z87 sabertooth電池位不但移至甲外,更加加入強化背板,避免[斷背],風量控制閥更可自由開關方便水冷用家。而Z97 sabertooth則更上一層樓,加入dual lan,電感加上散熱片同I/O風扇可逆轉開機時除塵,差不多可以做server板。真係好少揾到有生產商咁體貼同細心。
原因14:自主因素
華碩D產品好多都會加入主見,不會見潮流就跟。好似華碩Z97主機板音效電容為例,佢地會在用家角度出發,用上傳統電容。傳統電容在耐用性上比不上固態電容,但用在音效區域上輸出聲音比固態電容好,而且音效區域比較低溫,對電容壽命影響較少。不像某些主板生產商只顧打著全固態電容旗號而怱視了用家實際使用及需要的因素。
原因15:更新因素
穩定的系統平台是電腦平台很重要的一環,不論是bios還是driver也對穩定性十分重要,但是電腦產品日新月異,再好的driver也敵不過時代的洪流。想要繼續穩定? 更新十分重要!! 華碩更新不但又快又穩定,而且更新支援夠長久,不會因出新平台就不更新舊產品。你睇下漏油星?炒driver炒bios係家常便飯!!再望望忌姦!!intel 1155?乜野黎.......所以程式更新團隊陣型同實力缺一不可,而華碩就2樣都做到!!
原因16:軟件因素
你買塊華碩板返屋企,一打開會見到塊板同配件(廢話…….),仲會見到隻光碟(唔係愛情動作片),裝好部機隊隻碟入去仲會自己裝, 隻碟除左有driver外,仲有一堆實用自家軟件,又用sabertooth為例, AI Suite II乜鬼野都有,我覺得最特別就係控制風扇速度。一把平靚正的Afan,一用AI Suite II 把Afan就會變成pwm風扇,要寧靜有寧靜,要風量有風量,咪話唔過癮。重可以用佢黎係window入面超頻同update bios,唔洗次次reset部機試超頻設定都方便唔少。仲可以改埋開機畫面,實行部機由我主場!!
原因17:選擇因素
華碩產品選擇多,由小巧細板至好超多功能大板(就好似由蘿莉至大媽都可選擇一樣……),一定有款適合你。要蘿莉身形但又打得?ROG GENE啦!要姐姐般的安心同保護?sabertooth啦! 姐姐般保護得黎又要夠玩味?formula啦!要妺妺般的身形又體貼? GRYPHON適合你!! 要國民級女友般的多樣選擇? Deluxe / Expert / PRO / Plus / A / C / K系列吧~要大媽(大媽??????)般的份量? extreme啦?BB都殺?放心!!華碩有Impact......想全部都加入後宮團?揾個米王啦!!
原因18:售後因素
華碩板係耐用,但係意外好難講。好似行雷閃電過後,lan好易比雷閃親死左就要上代理維修。華碩的代理近地鐵站,行十分鐘就到。上面地方大,有美女接待你而唔係A記肥仔玩你(試過啦,好難受 )。去到維修果度,即場整返當然好,仲會同你試清楚先走人。但要留醫幾日點算好?唔緊要,佢地會借塊板比你用幾日。手術成功但病人死左?你可以:1.要過塊新板。2.比多少少錢upgrade果塊。你咪話唔爽!!
原因19:贈品因素
買華碩板,有時會有贈品送。好似12年尾咁,買ROG板送ROG音效咭,真係抵到爛!!自用打機當然好,用唔著二手放返幾百都唔錯,變相千五蚊有找已有塊迷你頂級板,真係冇得輸。今年買ROG板又有電玩耳機送,真係為玩家而設的”玩家國度”,買得ROG的你都係用黎打機多掛。你覺得漏油星送A記ram抵?(仲要得果名額60個,為送ram而買買完又話送晒就好笑 )咪玩啦!! A記ram一向兼容差,再加上出名兼容ram能力差的漏油星......4條ram,開到機,當你贏,又如何!! 贈品?都要睇睇咩黎先得架……
原因20:信心因素
你買華碩板返屋企,從來好有信心部機唔會因超頻搞死bios而一睡不起,真係不幸發生了,有咩方法可以搞返醒佢?試下啺啺”睡公主”囉!!點解佢仲唔醒?因為你唔係皇子掛……唔係皇子有乜方法? 華碩已幫你諗定啦!!用隻有BIOS 的USB插佢,再按BIOS Flashback制, ”睡公主”就會又變成"活潑公主”了!!唔洗搞到要送入院(去代理)架!!你問我有冇試過?當然未試過,因為我的公主是用來啺的......連續工作4小時會休息1小時,每個月清理1次佢間屋(機箱)一次,太熱會開冷氣比佢,不定期加下配件咁......講到e度,我發現佢先係我主人咁......生活仲正過我......好啦,公主大人,11點夠鐘上床休息啦......聽晚6點半先叫醒你啦...... 我聽朝又要返工啦
原因21:音效因素
華碩板不斷優化音效,以ROG為例,不單加入SupermeFx減少電磁干擾,加大推力等你推到電玩耳機同減少失真,整條分隔線分開主板同音效部份減少干擾,最過癮係你玩乜game都可以選用返果種遊戲的音效。槍game音效激,車game音效勁,RPG音效爽,就好似may姐所謂:打槍game有槍game味咁
原因22:二手因素
近年煙條玩野,每2年轉一轉socket。有時心癢癢, 塊板未壞已換新,做後備機又冇地方放同用。好彩華碩板比較保值,玩2年都起碼有6成價值,又易二手放比人,對於換機都幫補左唔少,有新玩具時又有錢收返,仲可以環保,一舉多得。
原因23:配件因素
華碩板除左主機板好, 配件都係一絕!Sabertooth配件包括唔少塞,用黎塞住RAM,PCI,USB等等的插槽,除左好睇D外更可防塵同防氧化令到插槽用唔到。新一代deluxe仲過癮,比埋NFC+WLC你。NFC拍卡可以唔洗打密碼就登入到window,唔怕比人偷左過密碼偷睇資料。WLC仲型爆,放D有無線充電的手機上去就自動充電,既方便又唔怕火牛短路被電死。最重要係朋友黎到我屋企可以型下。
原因24:玩味因素
好似Extreme 個OC Panel 超頻控制面板咁玩味十足,可以即時睇到晒部機現時狀態,包括CPU溫度,倍頻,時脈,風扇速度,GPU電壓,錯誤code等等。最正係唔單止可以睇,仲可以攪!!加電壓加倍頻加風扇速度全部可以用一個Panel攪掂,仲可以外加風扇吹走LN2!平時又可以收係5.25吋光碟位,要用時先再取出,型格十足。
原因25:背板因素
你見我幅相用兩條柱頂住個HS同顯卡,冇計啦!2樣加埋成3 KG咁重,好怕塊版頂唔順佢地ga重量而損壞。所以我好鐘意新一代sabertooth同formula設計,加塊強化背板係塊版後面,而背板最少可以頂10 KG重量都唔怕,所以上3張matrix加上雙塔風冷都照樣OK無誤,唔洗再驚塊版”斷背”,重可以防止裝機時比塊版D焊接位拮親手指。
原因26:連動因素
用MATRIX HD 7970為例,有VGA Hotwire接囗可以同ROG主機板連接,連接完塊板之後,就可以免硬改顯卡的危險同麻煩,直接解放電壓限制,更可以在UEFI BIOS或AI Suite II改變電壓,進一步解放顯卡的超頻潛能。(用高達做比喻-合體後就會勁左......)你好難會揾到有第二間主機板廠有能力同信心可以整到類似的產品,因為改變電壓是有風險的,但只有華碩一家有這樣的信心和信念去相信自己產品是優秀的。
借用官網相去睇睇咩係VGA Hotwire:

原因27:人品因素
今代ROG板個lan有防雷裝置,真係好適合香港用。香港成日行雷閃電,一個果期人品唔好,一閃打中左你間大廈,電你唔死電瓜左個lan,要拆晒D野又要拿塊板去代理你咪話唔煩。唔通一打風落雨連機都唔開得?有左個防雷lan,你仲驚乜呀?八號風球唔通連網都唔上?成日咁長係屋企做乜好?因住唔知要返工
原因28:除錯因素
部機特然開唔到,你會做D乜?祈禱?打小人?如果得的話我想無啦啦一開機由7970變成295好過……正常人都會打開部機睇睇掛。部機咁多野,邊到出問題呀? 通常你會一件件拔起,再插返,又拔起,又插返.......好多時到最後先發現係條毫不起眼又比較少壞的ram作怪……有左MemOK!一按就知條ram有冇問題,省回不少時間,更減少了拔插時發生意外悲劇的機會…….開唔到機不妨先去按按



一句簡單總結:未用過華碩底板會終生抱憾,用其它牌子底板會抱憾終生


最後附上"建國"初期照一張:
IMG-20130729-WA0000.jpg
2014-7-1 22:23

我怕公主熱,整左3把12 cm Afan+1把8 cm風扇做抽入!我怕公主發燒,換左個TBE!我怕公主唔玩得,換左張7970!我怕公主話裝備太重,加左2條柱!我份粮,放左唔少係公主度......



吾皇萬歲!!

圖片附件: IMG-20130729-WA0000.jpg (2014-7-1 22:23, 111.76 KB) / 下載次數 72
https://www.hkepc.com/forum/attachment.php?aid=1691514&k=833b5820d95608f30a5fa066302065de&t=1675603321&sid=aoSgKgw8tq9


作者: secretman    時間: 2014-6-22 12:30

本人一直使用ASUS 主機板, 因為外型用料和界面都細心照顧到用家既需要, 即使有時難免有些小意外令主機板無法連作,ASUS 的售後服務也十分好, 把主機板送回ASUS 就沒再發生問題, 價格雖然未必及得其他牌子便宜, 但價格仍是合理的, 給人一種高級耐用和user-friendly的感覺

現役: ASUS P8H77-M Pro

作者: 20111029    時間: 2014-6-22 14:36


昨日,幫我砌機位工人行過黃金,聽到有個sales佬話有第二個牌子自稱"板皇",但唔係我。。。
哈哈,我當堂嚇一跳,然後得啖笑,係呢個年頭區然有另一個牌子敢自稱板皇,咁分明當我流既姐
拿我就叫Z87 PLUS,你砌機都要買埋機箱又扭又禁先用得,我采你都晒氣,直頭比埋startbutton你嚟玩裸跑,呢d就叫物有所值
呢到有塊★★板,只要我輕輕一捽,佢即刻變左塊死bios冇得入os既翻修板,你以為咁簡單?我都仲未發功咋,我發左功rma板rma死你都仲得呀
你話我講野冇里頭,我夠話你I/O死到冇得救咯
望咩呀,條氣唔順呀?發個輪嚟大家研究下,當然比我笑你用料唔夠我高,信心唔夠我好就唔在講嫁喇
啤咩呀,話得你唔岩呀?抄低我牌子大名係"ASUS",我重覆一次,係"ASUS",你唔轉會冇所謂,因為呢d係你既損失!
作者: amkogtc    時間: 2014-6-22 14:52

本帖最後由 amkogtc 於 2014-6-22 15:15 編輯

IMG_0948.JPG
2014-6-22 14:50

記得兩年前
曾經一個朋友問我砌機用咩主機板
年少氣盛而且做地盤並兩日沒睡過好覺的我眼中布滿紅血絲
憤怒地講:用ASUS啦
還隱約都記得當時朋友用很傻很天真的眼神望住我
然後好像被嚇到了。聲音中帶著不安的上下波動地講佐一句:點點點解?
我更加憤怒了!!!但我忍住怒火。
在人生職場中的錘煉使我學會了忍耐。
我極力從我的怒火中,像某地鐵公司一樣,擠出一點笑容出來。
然後我輕蔑地笑了一下 面對上市公司主席兼CEO的朋友霸氣地掉出了一句
小弟正是用ASUS的MAXIMUS IV GENE-Z
我知道講出了這一句,他的心只會更加不安。
為了消除他心中不安。我知道朋友心臟不好。面對朋友這種電腦白癡我不應該講太多。
你知唔知我點解用呢塊板?
朋友已經失去了語言能力了,只能給我白眼的表情。
我接著講下去
傳說中的神 藍球之神JORDAN邊對波鞋係MK仔中係最最最崇拜的?
Air JXXXXX XI Bred
著上去咩感覺 神一般的感覺咯 支撐地JORDAN每晚才有好表現
你以為JORDAN係邊個 英國 中東國家 還係香港某處?
一見鐘情最基本是咩?你的樣子如何,你的人生也如何!
紅黑色設計 只能說這是激動的色彩 就如心臟中流著的血液。猶如盤石地支撐著大地。
還要解釋更多的參數嗎?ASUS官網有啦 依家D年輕人就是浮燥,咩都要送到嘴邊。然後又要求擦埋PET PET。

後記
在白車前往醫院的途中,朋友講如果有咩事,你一定要好好幫我照顧他MOTHER板(他媽媽姓板)

圖片附件: IMG_0948.JPG (2014-6-22 14:50, 144.18 KB) / 下載次數 76
https://www.hkepc.com/forum/attachment.php?aid=1687752&k=74adc8a94040455ffdd737dbd8174164&t=1675603321&sid=aoSgKgw8tq9


作者: don7781    時間: 2014-6-23 11:17

只用過H87I-PLUS。

推薦嘅原因得一個,就係襟用!!
作者: necoalex    時間: 2014-6-23 12:27

這是已陪我渡過3年的Z77 SABERTOOTH
2012年初新推出的Z77 SABERTOOTH, 在HKEPC的報導下http://www.hkepc.com/7621 已經令我作好選擇, 當時一直思索買還是不買, 主要原因是IVY CPU仍未推出市場, 決定以I7-2600K暫時代替。當決定好了,購買底板時令我有些灰心, 在灣電/旺電的店鋪都說缺貨, 其他較普通的Z77 底板有許多, 即使ROG也有, 就是軍艦級的Z77 SABERTOOTH一直缺貨, 幸好最後在灣仔298商場內找到最後一塊 (DISPLAY), 由於當時ASUS推廣活動買底板送8GB RAM, 變相令我砌機錢慳返唔少

揀SABERTOOTH主要原因其實係以下三點
1. 主板用料
以前砌機雖然要用得過3年唔係D咩, 但好多時平價底板($500以下)爆電容/跳電掣燒底板呢D"意外"我都遇過, 所以砌呢部機我好想試下砌貴D, 揀D千幾蚊O既底板去嘗試, SABERTOOTH當時表明是TUF通過軍用標準提供超越平常的耐用性, 這點已令我有流口水
2. 主板散熱/防塵
以前底板南北橋會好熱, CPU位的熱風除了CPU HEAT SINK散熱扇吹走外, 沒有其他方法
但這塊SABERTOOTH的設計, 令我相當心動
雖然主板上蓋上一層熱敏護罩, 但原來是風道來的, 底板上設有兩個小型風扇, 為I/O帶來新鮮涼風, 與以往只有機箱風扇大範圍吹不同, 更加獨到
另一點是防塵, 不知是香港還是我家近海關係, 有兩塊底板曾經打柴原因是生鏽積鹽, 以及濕塵積在PCI槽內
當時買板送RAM, 只有2條4GB, 考慮是否買多2條4GB走4X4, 結果還是慳一點2X4就算了, 這時RAM DUST DEFENDER幫我將餘下的RAM槽插上, 直至換了4X8時才拔出來, 令RAM槽保持0塵狀態
我已比較勤力清塵, 約半年一年打開機箱為內籠清理, 以前很討厭塵積在晶片腳上, 現在已沒有這煩惱
3. AI SUITE
一個令我對OC不再陌生的好工具
以前要超頻, 甚麼都要在BIOS SET好, 而且一超底下, 要變回來就要再重新開機入BIOS設定, 但這套AI SUITE很方便。當中THERMAL RADAR更加令我欣喜若狂, 不用再上CPUZ下載HWMONITOR, 底板已直接有溫度感應, 而且更能調較風速, 每次OC前我都先把風速調整關閉=100%轉數全開, 電腦散熱效能進一步提升, 而且不用怕OC時風扇未能為零件散熱

由最初INTEL HEATSINK (呢張相先睇到Z77 SABERTOOTH)

更換成V4 GTX後 (好大舊散熱, CPU之此涼左10度)

有堅持的背板 (第一次上塔冷, 其實好怕底板會彎, 但呢塊板O既硬淨程度好高)

最微妙的散熱 (SET左關機10分鐘後先停, 令D晶片組關機後吹到涼晒, 唔使積熱, 壽命又長D)


最重要塊板係5年保養, 以當時1600蚊有找有塊板有8GB RAM仲要有5年保, 我唔揀Z77 SABERTOOTH仲對得住我個荷包!?
作者: vincentforever    時間: 2014-6-23 17:29

本帖最後由 vincentforever 於 2014-6-24 00:43 編輯

當年新手砌機,首選當然係 ASUS 板啦
一流嘅用料同新穎的散熱靜音設計,
令我揀咗塊 ASUS P5LD2 主機板!

依家睇返塊板嘅 spec 仲拍得住一般中階板多多聲
Audio 已經用 8ch Realtek ALC882, 有埋 SPDIF out
LAN 已經係 Gigabit Marvell 88E8053
4 個 SATAII, 仲 support 埋 RAID 10
底板用 solid-state cap

粒 Pentium 4 630 CPU 超到 3.6GHz
仲有2個月就行進入9年啦,從未死過機

可見 ASUS 主機板嘅設計非常有遠見,
而且用料上盛,超頻、長用絕對無問題!

一句講哂:華碩超頻,效能超群,對手即暈!

ASUS P5LD2

IMG_0196.jpg
2014-6-23 17:04


圖片附件: [ASUS P5LD2] IMG_0196.jpg (2014-6-23 17:04, 139.82 KB) / 下載次數 65
https://www.hkepc.com/forum/attachment.php?aid=1688121&k=43bcdd16f003cc24045a46db4e63946f&t=1675603321&sid=aoSgKgw8tq9


作者: AwabiHo    時間: 2014-6-23 21:44

穩定!!可靠!!!ASUS係我不二之選,ROG系列更是人生中最少也想擁有一塊的底板!!!
20140623_212744.jpg
2014-6-23 21:42


圖片附件: 20140623_212744.jpg (2014-6-23 21:42, 144.59 KB) / 下載次數 62
https://www.hkepc.com/forum/attachment.php?aid=1688209&k=aad1ac6090a1fcd4cb7adaaaf770b926&t=1675603321&sid=aoSgKgw8tq9


作者: 52008498    時間: 2014-6-23 22:14

廢話唔講咁多, 以下為結論:
用料靚, 5年保, 售後服務好!

PS:
普通用家應該比較少去搞BIOs, 但其實入面好多野SET,
內容好豐富, 介面方便又好用, 睇得出ASUS既用心。
正因為硬件軟件都用心去做, 我就係眾多主板中, 加入左ASUS既大家庭

圖片附件: 20140621_194301.jpg (2014-6-23 22:14, 116.86 KB) / 下載次數 57
https://www.hkepc.com/forum/attachment.php?aid=1688228&k=c0a073ec0a4fd32cc5b1901f375a82d5&t=1675603321&sid=aoSgKgw8tq9



圖片附件: 20140621_220232.jpg (2014-6-23 22:14, 149.22 KB) / 下載次數 53
https://www.hkepc.com/forum/attachment.php?aid=1688229&k=fa6966e860d6614918ae2e18e540e813&t=1675603321&sid=aoSgKgw8tq9



圖片附件: 20140621_234542.jpg (2014-6-23 22:14, 124.97 KB) / 下載次數 53
https://www.hkepc.com/forum/attachment.php?aid=1688230&k=3d1759cdac8bcaad8cde68b8f7bb00bc&t=1675603321&sid=aoSgKgw8tq9


作者: 戇男    時間: 2014-6-24 00:38


點解選華碩?有得選,梗係選最好,咁華碩就係最好嘛,唔選佢選邊個?
小弟第一部自己既砌機就係用華碩板,果陣仲係行P3,之後一路升級,雖然曾經用過其他牌子,但發覺無論質量,穩定同售後方面,只要華碩先畀到我信心。
如果要幫人砌機,一定會用華碩,起碼唔會出亂子嘛,唔通有得選好野都唔用咁笨咩
作者: hoholau    時間: 2014-6-24 01:10

asus p8z68 v.jpg
2014-6-24 00:49


用左ASUS 十幾年,唔係其他牌子唔好...
係唔夠ASUS 好...
用料上,保養上,總係比人頂先一步
人地用12相供電... ASUS 就已經用緊14相供電
人地用3年保養... ASUS 就5年保養
大公司,高品質
先可以有能耐和信心提供比對手領先的服務及承諾
有實力係唔需要刻意去褒獎...
ASUS就係一個好例子
不過太好品質,有時都唔係一件好事...
舊板無病無痛
想比個籍口自己去換新既ASUS主機板都無機會...
良心企業當之無愧。

圖片附件: asus p8z68 v.jpg (2014-6-24 00:49, 149.44 KB) / 下載次數 72
https://www.hkepc.com/forum/attachment.php?aid=1688284&k=9f8ecaf8f51e58ae904c2023c8946aa3&t=1675603321&sid=aoSgKgw8tq9


作者: johnliu    時間: 2014-6-24 02:12

提示: 作者被禁止或刪除 內容自動屏蔽
作者: godandghost1881    時間: 2014-6-24 11:21

本帖最後由 godandghost1881 於 2014-7-31 15:05 編輯

......
作者: chen_qi02    時間: 2014-6-24 18:32

本帖最後由 chen_qi02 於 2014-8-1 09:16 編輯

原來所謂的 '最有創意' 亦不過如此,再見
作者: franklmsk    時間: 2014-6-24 20:16

選用華碩底主要原因有以下幾個.
1. 耐用
幾年前買機選擇了M4A77TD Pro。 在長期使用情況下直到現在也沒有問題.是我會繼續選擇華碩主機板的主要原因之一。

2. 價格
另外,價格方面,華碩分別在高,中,低不同的級別主機板當中都有不少選擇,而且價錢亦相當吸引。

3. 外型設計
對於電腦智識豐富的用家,效能方面當然最重要,但對於我們這些普通用家而言,樣式設計卻成為選擇的主要因素之一。
華碩在這方面做得不錯,設計加上不同顏色配搭令一塊主機板像手工藝品一樣精緻吸引。

4. 小工具
最後,華碩提供不少免費小工具,例如ASUS-EZ-Flash2,ASUS EPU,Turbo Key 等軟件,在監控及效能提升方面提供更方便快捷的途徑。令用家在最短時間逹到最佳效果。而且簡單易用。必然之選~!
總結: 華碩,必然之選~!

M4A77TDPro

20140623_214838.jpg
2014-6-24 20:13


圖片附件: [M4A77TDPro] 20140623_214838.jpg (2014-6-24 20:13, 142.76 KB) / 下載次數 55
https://www.hkepc.com/forum/attachment.php?aid=1688593&k=cfd536cccbe4661016bd966531b1b9c7&t=1675603321&sid=aoSgKgw8tq9


作者: ifranky    時間: 2014-6-24 21:55

本帖最後由 ifranky 於 2014-6-24 22:51 編輯

選用 ASUS 主機板的主要原因莫過於"耐用"
由 P2B-F 到 M2NPV-VM 再到現役的M4A785TD-M EVO
全都健健康康從未出事
可能是個人問題
什麼 A必 , 忌家 , 2the咩事 , 咩即pro 等,用2年內必定升仙
爆cap的有,接觸不良的有,死因不明的亦有

上傳主機板照片
當然要來一塊最為經典的主板之一" P2B-F "
這古董級主板相信不少人也會記起
P1100869 .JPG
2014-6-24 21:52


圖片附件: P1100869 .JPG (2014-6-24 21:52, 140.35 KB) / 下載次數 71
https://www.hkepc.com/forum/attachment.php?aid=1688627&k=c67c6107745ee43874903779c56d5dfc&t=1675603321&sid=aoSgKgw8tq9



圖片附件: P1100869 .JPG (2014-6-24 21:53, 140.35 KB) / 下載次數 43
https://www.hkepc.com/forum/attachment.php?aid=1688628&k=ae17d4e20ae54f98f0434e9686261695&t=1675603321&sid=aoSgKgw8tq9


作者: stephenwhw    時間: 2014-6-24 23:20

P5Q SE.jpg
2014-6-24 23:18


由第一部自行組裝電腦開始,就一直選用ASUS主機板了,而我現正使用ASUS P5Q SE主機板,她雖然是屬於上兩三代以上的主機板,但是勝在質優耐用及高穩定性,儘管經歷了Windows XP,Windows Vista及Windows 7作業系統都仍然穩定運作及表現出色,用料優良擴充兼容性強,絕少出現硬件衝突不配合情況,加上ASUS會因應市場硬件需求而經常提供驅動程式更新支援,使用上令人開心又放心了,或許P5Q SE規格未必符合未來新一代作業系統嚴格要求,但在準備更換新一代ASUS主機板之前,以P5Q SE過去及現時出色穩定的表現,陪伴我渡過很多使用電腦工作及網上活動的快樂時光,絕對是一個出色可靠的拍檔啊!

好多謝ASUS設計出精良穩定的主機板,讓我在使用電腦的時光中充滿各樣樂趣及信心!

圖片附件: P5Q SE.jpg (2014-6-24 23:18, 137.22 KB) / 下載次數 72
https://www.hkepc.com/forum/attachment.php?aid=1688669&k=92efdf7f0fcda3b6e831574d41abbbf4&t=1675603321&sid=aoSgKgw8tq9


作者: heero710    時間: 2014-6-25 11:16


自用ROG系列主機板,Maximus V Formula在超頻方面的表現無庸置疑,可調校的選項相當豐富。
利用Fusion Thermo的散熱設計可裝水冷,水冷散熱裝置夠強,更可達成更好的超頻成果。
SupremeFX IV採用音效專用電容並搭配耳機擴大器,再加上具視覺效果的Red Line將實體PCB隔離以遮蔽EMI干擾,內建音效已是無敵。

識得簡,一定簡ASUS
作者: rlmfung    時間: 2014-6-25 23:52

我個人選用 ASUS 主機板的原因和吸引之處, 重中之重是品質,其次是技術。所以多年來買主機板ASUS都是首選, 雖然價位稍高,但都是VFM(value for money物有所值) 。

這塊主機板 MAXIMUS IV GENE-Z 已用兩年多,仍運行如常,未嗜down機。

Maximus IV Gene-Z

DSCN6167.JPG
2014-6-25 23:51


圖片附件: [Maximus IV Gene-Z] DSCN6167.JPG (2014-6-25 23:51, 101.21 KB) / 下載次數 69
https://www.hkepc.com/forum/attachment.php?aid=1689131&k=c7775f943f85cd03aebc337a0a8f163b&t=1675603321&sid=aoSgKgw8tq9


作者: maylym    時間: 2014-6-26 12:47

P5B-VM SE.jpg
2014-6-26 12:45


由於工作空間的限制,所以選用了ASUS P5B-VM SE主機板來組裝電腦,Micro-ATX配合小型機箱,既節省空間又可以發揮最高效能,主機板採用優質材料及零件製造,運作穩定及耐用,由Windows XP升級到Windows 7,經歷長時間運作考驗都表現出色及非常穩定,儘管P5B-VM SE是中小型主機板,但擴充性及兼容性卻絕不遜色,好輕易就可以完成硬件升級提升效能,因應市面各大品牌不斷推出新產品及軟硬體更新升級,ASUS亦會配合需求而不定時提供驅動程式更新及支援,所以絕少出現軟硬體衝突而影響電腦正常運作及效能,電腦及網絡生活上有ASUS P5B-VM SE相伴,用得開心放心又多樂趣,ASUS主機板絕對是電腦用戶的首選。

圖片附件: P5B-VM SE.jpg (2014-6-26 12:45, 104.05 KB) / 下載次數 67
https://www.hkepc.com/forum/attachment.php?aid=1689270&k=dc162a40d2802ab9c902aab015ba1313&t=1675603321&sid=aoSgKgw8tq9


作者: albertk    時間: 2014-6-27 01:30

本帖最後由 albertk 於 2014-6-29 05:26 編輯

ASUS主板有幾好?電腦達人都知道!
用料精選冇妥協,保障用家確週到!
技術開發唔留力,成果奉客都叫好!
型號選擇真齊全,初、中、高都照顧倒!
價錢合理好正路,將貨就價辦唔到!
網上支援又體貼,全方位都聯絡倒!
售後服務夠妥當,盡快幫你整番好!
砌機唔用ASUS板?早啲向上帝祈禱!
我用ASUS嘅理由,而家你地都知道!
0.JPG
2014-6-27 02:47

P8Z77-V LE

圖片附件: 0.JPG (2014-6-27 02:47, 74.03 KB) / 下載次數 85
https://www.hkepc.com/forum/attachment.php?aid=1689609&k=258189ce5b0b0404c0ccbaddb6c936c7&t=1675603321&sid=aoSgKgw8tq9


作者: globe88    時間: 2014-6-28 00:16

用ASUS-R4E-ROG

圖片附件: IMG1845.jpg (2014-6-28 00:11, 110.22 KB) / 下載次數 70
https://www.hkepc.com/forum/attachment.php?aid=1689959&k=746077dae19ac3304e17188c2e4b5ad2&t=1675603321&sid=aoSgKgw8tq9


作者: AhMingHK    時間: 2014-6-28 21:48

very durable
stable usage throughout years
best performancer

ASUS.JPG
2014-6-28 21:47


圖片附件: ASUS.JPG (2014-6-28 21:47, 199.69 KB) / 下載次數 72
https://www.hkepc.com/forum/attachment.php?aid=1690372&k=b70c44a9dda580f68a952bf48e737a16&t=1675603321&sid=aoSgKgw8tq9


作者: Yin92    時間: 2014-6-29 00:13


我揀Maximus VI Extreme

第一點:紅黑配色毒死唔少硬件發燒友
第二點:BIOS內有大量Preset令超頻變得更加簡單
第三點:附送OC Panel,增加超頻便利性
第四點:由購買至今經我Hardware Killer不斷摧殘至今仍然正常運作,品質真係非常之好
作者: ivanlkk    時間: 2014-6-29 01:02

本帖最後由 ivanlkk 於 2014-8-3 13:20 編輯

[DELETE THIS]
作者: small2_2    時間: 2014-6-29 10:57

本帖最後由 small2_2 於 2014-8-5 17:01 編輯

抱歉恕刪。

圖片附件: DSC_0451.jpg (2014-6-30 11:44, 130.98 KB) / 下載次數 76
https://www.hkepc.com/forum/attachment.php?aid=1690946&k=571f6c5afe98d86f8b2339e4587d732c&t=1675603321&sid=aoSgKgw8tq9


作者: dukej    時間: 2014-6-29 15:04

我選用P8H67-I DELUXE

2014-06-29 140505a.jpg
2014-6-29 14:56


多年來選用華碩既理由係因為華碩貨品製作認真,用料講究,技術上亦不斷提升改進,另外在此方面華碩更往往為消費者帶來最新最快既新製式產品,最後至於售後維修服務係點就唔知,因為未試過需要維修。所以華碩絕對係不二之選。 "Asus=Solid Choice"

圖片附件: 2014-06-29 140505a.jpg (2014-6-29 14:56, 134.87 KB) / 下載次數 65
https://www.hkepc.com/forum/attachment.php?aid=1690679&k=779ed5953381d4fca80bb919de5b627a&t=1675603321&sid=aoSgKgw8tq9


作者: koli    時間: 2014-7-1 22:49

小弟選用 ASUS 主機板因為,第一ASUS板個bios寫得好,清晰易明,第二官網介紹清晰,有比較功能方便了解唔同型號分別,第三銷量,咁多年都係頭三位,第四用料,質量好唔會偷工減料,連I/O板都比人多舊海棉,第五保養,除左ASUS重有邊間有五年保,第六外型,超大背板加裝甲冇得輸,I/O板重要系列標誌,第七配件,qi/nfc/oc panel滿足哂要求,第八軟件,自家專用好多,好似 AI Suite 3 ,怕你冇防毒送埋卡巴斯基,iso檔唔識用比埋 DAEMON Tools Pro,第九設計,多方面,ram單邊固定易裝易拆,冇機械鍵盤想用巨集有ketbot,第十活動多,epc x asus 體驗會都己經有好幾次,買asus野送野活動好似買mon減兩舊,送 game,手機防水等

作者: GN01843083    時間: 2014-7-2 13:09

主要買ASUS的原因係,
同size下永遠會係最多頭比我用(USB/SATA/PCI-E/PCIX1)
就算比其他品牌貴少少但唔洗再加錢買PCI的USB卡同SATA卡是一個優勢,
加上ASUS的線頭位比較有心思唔會因為用左張卡太長就頂住成排SATA頭,
基本想玩M.ATX同ITX我也睇左ASUS先。
ASUS的軟件(OC,etc)功能可以搵到代替,但硬件是冇法取代!

PS:期待今年出張X99 MTX ASUS來~
作者: hihi二段ff    時間: 2014-7-3 09:26

本帖最後由 hihi二段ff 於 2014-7-3 21:06 編輯

十年,十年代表左我好多野,包括我同奔騰,同ASus,
因為我選擇左ASus,先有機會參加依個活動,
依十年我最估不到,就係我居然玩奔騰同asus,
玩左十年,如果不是這個活動,我不會記得我十年前買左一塊asus底板,我第一塊台灣品牌底板,
當時asus還不是一線品牌,不過價錢算是相宜
,真叫人懷念478的美好,打算打開這個潘朵拉盒子,發現一些使用說明書,
教你切機書,
漢科當年只保一年,但跟本多餘,因為不㑹壞XDd,
又發現去漢科由34號玩到45號(笑)
又發現當年intel自尊心很強,p4貼紙也要加上協議書,
不單是十年讓我想起這東西,還有我手上的g3258譲我想起呢
買這塊時ASUS已經是一線鷹,不用多作介紹

配上E6300,是一代利器,
在2012年,我曾放棄奔騰,站上X79平台

很快,但超不超也沒有所謂..............
在今年,Intel於COMPUTEX Taipei 發佈不鎖倍頻的Pentium 20週年紀念版G3258處理器(別名Pentium K),這是一顆允許使用者超頻的 Pentium G3258 是 Intel 為慶祝 Pentium 這個品牌 20 週年而推出的產品,
我果斷放棄x79 I7平台,買了一張Z87

打算配上Pentium 3258再戰十年,希望我有生之年繼續買ASUS產品
最後送上自改潮文


我每買完一碟ASUS之後都會同我女朋友CPU講分手
因為我知道, 佢已經唔再SUPPORT我

佢唔知道我o係PENTIUM所經歷過既有幾多

佢問我食乜, 我真係唔想答佢
GIGABYE野?ASROCK野? 真係敷(膚)淺
究竟我仲可以繼續忍受自己既CPU將d生既底板放入口
每舊ASUS都經過紅紅烈火,百度高溫
係經過歷煉, 係經過漫長既試鍊
每一舊ASUS都有佢既歷史,佢既故事
其他牌子究竟有d乜? 根本就好似d白痴港女錦(咁), 一無所知, 戇鳩鳩, 生勾勾

我恨我既人生唔可以好似ASUS錦
搵到咁多好既伴侶, P4, E6300, I7 3930K, G 3258..各有特色
亦搵唔到咁多知音人,

有時侯, 我自己一個坐o係深水涉食ASUS
我覺得自己係孤獨, 我覺得呢個世界係冇人明白我
我叫左枝INTEL, 我望住杯入面黑色既 INTEL
我望唔透, 我望唔清究竟呢個世界仲有幾多超頻野我係掌握到
我好迷茫

我離開間深水涉, 我俾錢既時侯發覺有個阿伯食緊CPU
我望住佢, 佢望住我
我地互相點點頭
我好感動, 原來呢個世界仲有人係同我有相同既諗法
我忍住淚水
走出深水涉, 點起支煙,
頭都冇回就走返屋企
或者個阿伯會問, 點解我放棄呢一段咁難得既姻緣

我唔知道
o係呢一刻
我覺得我係一個ASUS之子
作者: bihari    時間: 2014-7-6 22:45

本帖最後由 bihari 於 2014-7-8 20:25 編輯

選用 ASUS 主機板的原因或者吸引之處? 五個字: 品質有保證

ASUS 主機板至尊十年霸? 問心個句: 何止十年咁少....

回想小弟1996年開始接觸電腦, 第一塊主板就係華碩ASUS, 當時都唔識呢個係咩品牌, 直至用過其他品牌既主機板之後(期間大大話話都要成十年八年), 才發現ASUS 是最好的....
長話短說, 呢18年當中, 間中都有某些品牌突然冒起, 但呢十幾年內最出名的, 只有ASUS同GIGABYTE, 2強鼎立:A牌G牌, 而呢兩個品牌的主機板小弟當然都有用過, 但係.....
都唔知係本人的問題定係咩喇, 小弟用親G牌都出事的(細節唔講啦).... 咁即係我都唔駛揀架喇, 所以我由當年開始(約07, 08年)無論自己嵌或幫朋友嵌, 都一定揀ASUS
就算有friend問我那塊主機板好用, 我秒答: 華碩!

一塊主機板最重要係乜? 冇鑊囉
ASUS主機板之所以如此出名, 絕對唔會好似某些品牌咁靠賣廣告得來的, QC一流就係佢既出名之處, 大家千祈唔好諗住ASUS板價錢貴人少少就唔揀佢, 係貴少少但換來的質素係絕對值回票價的
現今的主機板除了硬件要用料好, 軟件都好重要的, 而ASUS呢方面絕對不慳功夫, 軟件支援更新非常快, 還記得AI Suite3 初出時有少少缺點, 但好快就攪定了

小弟用過唔少ASUS主機板, 但相片就真係唔多喇, 最近就係呢塊: Z87 Deluxe
貪佢有10個SATA 同好多USB

05.jpg
2014-7-6 22:42


有圖有真相, 呢塊應該係1x年前(1998)我用的第二塊華碩主機板ASUS P5A (第一代Pentium果時  當時呢塊板同時支持Intel 及AMD ), 但得個盒(ASUS連個盒都好耐用 ), 塊主板已經唔知去左邊
001.jpg
2014-7-7 20:42

002.jpg
2014-7-7 20:42

003.jpg
2014-7-7 20:42



(本身真係對TUF系列好感興趣, 但TUF系列沒有那麼多的SATA同USB, 希望將來會有啦 )

圖片附件: 05.jpg (2014-7-6 22:42, 135.47 KB) / 下載次數 69
https://www.hkepc.com/forum/attachment.php?aid=1693328&k=be4e450fed14e4ce24be482efe3a612b&t=1675603321&sid=aoSgKgw8tq9



圖片附件: 001.jpg (2014-7-7 20:42, 72.96 KB) / 下載次數 68
https://www.hkepc.com/forum/attachment.php?aid=1693656&k=812db93dd0e207d84a8ea1c563f027c8&t=1675603321&sid=aoSgKgw8tq9



圖片附件: 002.jpg (2014-7-7 20:42, 70.17 KB) / 下載次數 67
https://www.hkepc.com/forum/attachment.php?aid=1693657&k=1ffe64374a8576f30765775dba6a3092&t=1675603321&sid=aoSgKgw8tq9



圖片附件: 003.jpg (2014-7-7 20:42, 70.41 KB) / 下載次數 82
https://www.hkepc.com/forum/attachment.php?aid=1693658&k=10deca78f06c572e62a43a893ed0ccee&t=1675603321&sid=aoSgKgw8tq9


作者: hihi二段ff    時間: 2014-7-7 23:28

本帖最後由 hihi二段ff 於 2014-7-10 15:14 編輯

del.....
作者: memento2012    時間: 2014-7-8 18:26     標題: 已解決, 請刪除

本帖最後由 memento2012 於 2014-8-12 14:01 編輯

已解決, 請刪除

圖片附件: mb - Copy.jpg (2014-7-8 18:27, 146.29 KB) / 下載次數 71
https://www.hkepc.com/forum/attachment.php?aid=1693950&k=489d9cefc1080cff735553764eee9ea4&t=1675603321&sid=aoSgKgw8tq9


作者: hihi二段ff    時間: 2014-7-8 18:37

本帖最後由 hihi二段ff 於 2014-7-10 15:13 編輯
講起呢個「ASUS 主機板至尊十年霸」活動, 華碩轉眼間已經連續第十年獲獎,
令我聯想起黎耀祥成日問大家「人 ...
memento2012 發表於 2014-7-8 18:26


del........
作者: hunag_wen_tao    時間: 2014-7-9 09:02

本帖最後由 hunag_wen_tao 於 2014-8-11 19:23 編輯

呵呵
作者: ramm    時間: 2014-7-9 17:40

呢塊板係我出黎做野之後儲錢買既底板,
有一日放假無聊行下腦場睇下有咩新野啦,
點知行行下俾我留意到呢塊板,深深吸引住我,
佢外型真係無得頂!成個裝甲車同盔甲咁樣~
俾我感覺好實在,好硬朗既FEEL
ASUS 既設計師真係天才,所有既FAN PIN 放晒係側邊,另到走線十分靚~~
所以從果日起我就儲錢買左人生最正既底板!!!ASUS SABERTOOTH Z97
日後只會買ASUS 板 , 因為用料正,BIOS 好friendly ,同埋有5年保!!! 真係超值

圖片附件: 11.jpg (2014-7-9 17:28, 75.98 KB) / 下載次數 64
https://www.hkepc.com/forum/attachment.php?aid=1694325&k=2cadee4d0f18536d05a018dc6603e928&t=1675603321&sid=aoSgKgw8tq9



圖片附件: 22.jpg (2014-7-9 17:28, 114.31 KB) / 下載次數 59
https://www.hkepc.com/forum/attachment.php?aid=1694326&k=6e6d51bfc84e70f96ca6df4b42574a67&t=1675603321&sid=aoSgKgw8tq9



圖片附件: 33.jpg (2014-7-9 17:28, 100.23 KB) / 下載次數 68
https://www.hkepc.com/forum/attachment.php?aid=1694327&k=105cb6756ccba5cd20ed6bae6904effe&t=1675603321&sid=aoSgKgw8tq9


作者: tytom2003    時間: 2014-7-9 22:42

我記得以前用的是ASUS  P5GD1-VM 主機板,我買這塊主機板的時候,是因為我當時是讀書的時候,由於不是很多錢,所以我就買了這一塊主機板,我認為這塊主機板非常適我那時用,當時候我用緊的電腦的主機板壞了,而我只需把CPU 、RAM和硬盤移到主機板上使用就得,這塊主機板有4條RAM槽,能夠方便我以後有零用錢的時候,能夠買RAM 加落去和這塊主機板有兩個IDE插槽,方便用家能夠使用舊的DVD-ROM和硬盤,而且這塊主機板有4個SATA的插頭,方便用家在日後使用SATA 插頭的硬盤和DVD-ROM 。還有這塊主機板有8聲道HD Audio方便我去聽音樂和睇電影都能夠享受高清音響效果。即使去過了很多年這件主機板都仍然能夠使用。我認為華碩的主機板是耐用和實用,所以吸引我選用華碩主機板的原因之一。
我認為華碩主機板有很多科技創新的技術,所以就吸引我選用,例如:ASUS MAXIMUS VII FORMULA加入了ROG Armor設計,能夠防止機箱內的塵引起靜電,以影響主機板上面的電子零件,這個設計同時能夠防止用家在機箱的水冷系統漏水時候,防止水滴落主機板以引致主機板壞掉。而且配合Crosschill雙混合散熱技術整合空冷與水冷的優點,令到系統整體熱傳導更有效率。
2. RAM 的容量越來越大,但是好多用家電腦未必用盡RAM的容量,如果不想浪費未用的容量,而現在有一個好方法,就是用ASUS的ROG RAMDisk技術,能夠將RAM容量用盡。大家用電腦打機很多時都試過一個情況,就是當大家用電腦打機過一段時間,電腦就會變慢,由於電腦的記憶體用盡,所以電腦就會用硬盤來作為虛擬記憶體記憶體(分頁檔),這樣就會令電腦變慢。而ASUS的RAMDISK技術能夠動態分配記憶體,把剩餘的RAM釋放回系統,令電腦變快。您甚至也能享受 SSD 硬碟防護所帶來的好處,例如記憶體讀寫過度容易耗損裝置壽命,此時 RAMDisk 就會減少讀寫次數!而且RAMDisk有接合功能當電腦關閉時,所有檔案會即自動儲存在硬碟的特定位置,等到再次開啟電源時,資料便會回到 RAM 儲存空間,方便用家的電腦能夠快速執行電腦上程式。
3. ASUS KeyBot功能能夠將用家的一個普通鍵盤變成多媒體電競鍵盤,這個功能能夠將用家鍵盤上功能鍵,設定為不同的功能。例如:我們需要登入windows我們需要輸入帳戶密碼,而我們只需要在keybot 的smartlogin裏輸入我們帳戶密碼,之後我只需要在登入windows時候,我們只需要按鍵盤上的功能鍵,就會代替你輸入密碼。而且我們能夠在keybot上設定顯示桌面在鍵盤上的功能鍵,方便我們只需要在鍵盤上按一下鍵盤上的鍵就能夠顯示桌面,非常方便。我記得讀書的時候,非常喜歡玩Metal Slug,但是用鍵盤玩這一個遊戲有一個問題,就是需要按鍵盤上不同地方的鍵,而這些鍵是沒有設定在一齊的,
令到我玩得不夠爽快,如果能夠用ASUS KEYBOT把鍵盤上的鍵改為功能鍵,這樣能夠讓我玩這遊戲時候,能夠更加盡興。而且如果用家想將系統效能提升,用家只需要按鍵盤的一個功能鍵,就能夠立即提升系統效能,真是非常方便。
4. ASUS主機板加入了(Go Turbo, Go Green)方案,就是ASUS在主機板上加了TPU和EPU晶片,當用家的電腦需要處理大量運算的時候,例如:Maya3D或3D MAX就可能會增加cpu負擔,以致電腦變慢。如果在ASUS主機板上開啟TPU晶片功能,就會自動偵測系統的CPU、記憶體等配備,將效能調至最佳狀態,而且方便又有效率。
當用家開啟電腦,甪家可能只是做一些文書工作或者上網,但是系統仍然會全開,令到電腦非常浪費電源,還會主機箱温度提高,以致主機板元件壽命縮短。而且現在大熱天時,屋企會開冷,但是開了電腦後會令屋企温度提高幾度,我認為電腦應該設有節能功能。而ASUS主機板就設有EPU晶片, 能夠為電腦系統提供智慧節能,即使當用家在做一些文書工作時,EPU晶片會為系統進行優化電力使用量,為系統提供節能,而且當系統閒置時更加會自動減少不必要的電力消耗,以提供電腦系統的電源管理最佳化,還可以減少風扇噪音以及延長元件的壽命。
5. 華碩主機板設有防突波保護,當行雷閃電的時候,而大廈的電壓有可能夠突然加大,以引致電腦主機板壞掉,而華碩主機板設有防突波保護,就能夠即時偵測電壓防止和提供主動防護,防止主機板和系統損壞。我記得有一次行雷閃電,令到我屋企的電壓突然增大,引致我的電腦壞掉,而且還有路由器都同樣壞掉,這件事令我在行雷閃電時用電腦要小心,但是如果電腦主機板有防突波保護,當突然電壓增大,就能夠防止電腦系統壞掉。
6. 隨著移動電子設備的普及,用戶手中的高性能移動設備越來越多,隨之而來的煩惱就是充電的問題了,可能很多用家會想到就是會買多一個電源拖板就能夠決解這個問題,但是有一個問題就是如果插得多充電火牛,會引致拖板負荷過重容易發生火警。現在有一個解決方法就是用華碩的主機板,因為華碩有一項獨家技術就是Ai Charger,這個技術能夠iPod、iPhone、iPad、EeePad、Kindle平板以及其他主流智能手機進行充電,而且比平均充電速度提高近3倍。即使其他的主機板即使能夠充電,但是不能夠支援EeePad、Kindle平板以及其他主流智能手機進行充電。還有用家安裝了Ai Charger 後,即使關了機,仍然能夠充電,真正做到關機後充電效果。
最後,我認為華碩技術的創新能夠為用家提供一個安全、穩定和方便的系統,這些技術創新正是吸引我選用華碩主機板的原因之一。
我認為華碩的保固服務能夠顧給用家需要,因為現在華碩在新一代Intel 9 系列主機板的保固服務方面全面升級,而全系列華碩主機板於保養期內意外因素造成的損壞,華碩將提供不限次數、免費檢查及完成維修保證。例如有一些用家插錯USB線、水冷系統漏水令到主機板損毀和當用超頻或者機箱温度太熱會令到主機板爆電容,只要在保固期內華碩都能夠提供維修保證。而如果主機板經檢查後無法修復,將原板退回給用家,務求為用家提供優質的服務及保障。而且我每一次去台灣的華碩的討論區問題或者發電郵問他們問題,他們都能夠快速回答你的問題。我認為他們有良好售後務服,所以吸引我購用華碩主機板。
我認為華碩主機板能夠帶我一種視覺和聽覺的享受,華碩新一代Maximus VII主機板配有SupremeFX音效卡,能夠媲美專用音效卡。而且主機板有Sonic SenseAmp功能即使用家帶了耳機都能夠享受高級音效。還有主機板有Sonic SoundStage硬體級音訊設定檔開關能夠令到用家玩什麼類型都能夠將音效設定為合適用家享受的音效。而Sonic Studio 是一項全新音訊校正套件採用一鍵式虛擬環繞音功能模擬 7.1 聲道,即使使用立體 2.0 聲道耳機也能呈現此套件提供五種更優異的音訊控制項,包括回音、低音增強、等化器、語音最佳化及智慧型音量,確保使用者能夠聆聽出色音質。配合這功能用家即使打機和睇電影都能夠享受高級音效效果。

而且華碩在新主機板採用Intel Gigabit Ethernet能夠減少CPU 工作負載,讓用家能夠加入享受玩戲時的樂趣。而且華碩主機板配用Lan Guard重新打造LAN連接埠能夠提升上網時的傳輸量,還有採用華碩的GameFirst III技術,當用玩遊戲能夠優先處理遊戲封包,使遊戲分配到更多頻寛,確保線上遊戲的有最佳品質,而且用家能夠用程式調校此技術去控制遊戲、媒體串流和檔案分享上網時的頻寛,能夠讓各個程式都能夠有最佳的頻寛。

我認為如果用家在深晚睇世界盃和其他足球聯賽,但是不想開電視睇比賽,騷擾屋企人睡覺,就能夠用華碩主機板電腦去睇比賽,因為華碩新主機板採用Intel Gigabit Ethernet、GameFirst III技術,能夠為用家提供精彩即時畫面,避免睇視頻時不能連線,不會錯失精彩入球畫面,而且同睇電視一樣。而且配合華碩主機板的SupremeFX音效卡,能夠讓用家睇比賽時都能夠享受到高級音效效果,就好似讓用家置身現場睇比賽一樣。

華碩主機板帶給用家一個值得可靠的電腦,例如華碩主機板有DRAM 過電流防護以提供1組可復式的保險絲保護連接埠與DRAM,防止過電流和短路損壞。而且華碩主機板有ESD防護防止靜電影響主機板上的零件,而且涵蓋的範圍還包括 PS2、USB、音訊及 LAN 連接埠以防止靜電電腦週邊設備運作。我記得很多時電腦不能夠開機或者電腦能夠開機,就是等到主機板完全沒有電,然後就能夠開機了。如果主機板有以上這兩項保護就能夠沒有這個情況發生,而且非常適合沒有維修電腦經驗的用家,這樣以後他們就會沒有不能開機的煩惱。還有華碩主機板使用了10K Black Metallic 電容去增加温度耐抗性和比一般電容的使用壽命提升5倍以上。我記得以前的電腦如果機箱温度太高,就會引致主機板爆電容,我記得有一次我的主機板爆電容,而我需要去換電容,雖然我成功換電容,但是過程非常難換電容。如果用了華碩主機板就不會發生爆電容,而且還提供了一個穩定和可靠的電腦系統。


最後我認選用 ASUS 主機板的原因或者吸引之處,我會用一個拉丁語字來形容:VIGET(繁榮),因為我認為華碩主機板有以下5個因素吸引我選用:

V (Value)價值:我認華碩主機板實用、耐用,而且是物超所值。

I (Innovation)革新: 華碩MAX VII FORMULA 主機板ROG Armor設計和華碩擁有
Ramdisk, KeyBot, TPU+EPU, 防突波保護,AI Charger獨家技術為用家提供一個安全、穩定和節能的電腦系統。

G (Good Service)好務服:華碩為Intel 9 系列主機板,提供全面保固服務方面和擁有良好的售後服務。

E (Enjoy) 享受:華碩在新一代ROG主機板有SupremeFX音效卡和Intel Gigabit Ethernet,令用家在享受聽覺和視覺,能夠為用家在聽覺和視覺提供最佳的享受。

T (Trustworthy)可靠:華碩主機板設有DRAM過電流防護和ESD防護防止靜電,而且主機板用上10K Black Metallic 電容,為用家提供一個安全和穩定的電腦系統。
[img]
ASUS.jpg
2014-7-9 22:42
[/img]

圖片附件: ASUS.jpg (2014-7-9 22:40, 41.87 KB) / 下載次數 50
https://www.hkepc.com/forum/attachment.php?aid=1694407&k=3732fcff2019126c6cb4af100eba8b7b&t=1675603321&sid=aoSgKgw8tq9



圖片附件: ASUS.jpg (2014-7-9 22:42, 41.87 KB) / 下載次數 52
https://www.hkepc.com/forum/attachment.php?aid=1694408&k=559ed1875dbd0810f058502e09e74661&t=1675603321&sid=aoSgKgw8tq9


作者: pc2366    時間: 2014-7-10 17:38

本帖最後由 pc2366 於 2014-7-10 17:40 編輯

asus板 d優質及曆史前面ching已講得七七八人都要講下先:

襟用,設計用料以人為本,針對不同客戶要求,高階產品線令diy友更愛不釋手


另外希望有以下改進以迎合更多(心急)人吧!

1.售後服務:在保養方面,自已試個件p5ke wifi 壞左(以用左年幾,要寄回臺灣修理,無記錯好似差不多20日)
                     
     建議:希望能縮短寄回臺灣修理時間

2.維修地點:要即時維修或換貨只能到官塘,
     
     建議:如黃金分店能提供換貨就good啦

3.能夠有套餐式硬件供應,由底板,顯示咭,顯示器,聲咭,NAS,dvd rw,機箱等等.
    以更優惠價格提供多種類型套餐給消費者.


DSC_0947-H800.jpg
2014-7-10 17:38



DSC_0948-H800.jpg
2014-7-10 17:38


圖片附件: DSC_0947-H800.jpg (2014-7-10 17:38, 80.61 KB) / 下載次數 74
https://www.hkepc.com/forum/attachment.php?aid=1694614&k=49d3200e1ee84fc46f32dfde1546a326&t=1675603321&sid=aoSgKgw8tq9



圖片附件: DSC_0948-H800.jpg (2014-7-10 17:38, 73.38 KB) / 下載次數 54
https://www.hkepc.com/forum/attachment.php?aid=1694615&k=594e78fa12bccec0e4a521f25f35fe51&t=1675603321&sid=aoSgKgw8tq9


作者: januslinhc    時間: 2014-7-10 23:07

本帖最後由 januslinhc 於 2014-7-10 23:37 編輯

我之選用 ASUS 主機板的原因基於以下幾方面

首先, 效能方面。TUF系列,也就是The Ultimate Force的縮寫
SABERTOOTH主打耐久、保護、散熱等等特色,同時將保固提升到五年
SABERTOOTH Z87,採用Intel Z87芯片組之ATX版本
正面可以看到Thermal Armor散熱裝甲
外觀多一層防塵罩可以提高保護性,以避免灰塵或是碰撞而縮短壽命

至於,外觀方面。SABERTOOTH Z87以黑色為主與灰色為輔的配色較為少見, 簡單而型格

最後,售後服務方面。ASUS 對於軟件更新的Frequence 幾高,例如當出新一GENERATION Z97時,
ASUS 都不時有新BIOS RELEASE, 由此可見, ASUS 對自己的客戶幾負責。此外, 我記得有一次因為
唔小心CPU OVERHEAT 導致燒了底板, 我心急地拎去維修部, ASUS 職員門都十分熱心咁為我打點一
切而沒有任何出錯。

總括而言, ASUS 給我一個好好的IMPRESSION, PRODUCT 質素好, 職員態度同 樣地十分好
故此, 吸引我願意繼續購買ASUS 的PRODUCT
hqdefault.jpg
2014-7-10 23:03

3333333.jpg
2014-7-10 23:09


圖片附件: hqdefault.jpg (2014-7-10 23:03, 19.14 KB) / 下載次數 53
https://www.hkepc.com/forum/attachment.php?aid=1694779&k=4e67ed077f903834a02b5eebb385493e&t=1675603321&sid=aoSgKgw8tq9



圖片附件: 3333333.jpg (2014-7-10 23:09, 59.31 KB) / 下載次數 51
https://www.hkepc.com/forum/attachment.php?aid=1694785&k=6509044f5215a9741b47aa076d896657&t=1675603321&sid=aoSgKgw8tq9


作者: hezekiah    時間: 2014-7-10 23:13

P8Z77-V PRO

037 [最大闊度 320 最大高度 240].jpg
2014-7-10 20:21
                             〈  華碩六字真言   〉                                                                                                                                                 1華碩嘅主機板 一向都勁又爆 係識貨都用佢 係識貨都用佢 2華碩嘅記憶體 讀寫都快到爆 最精明都用佢 最精明都用佢 3華碩嘅顯示咭 用料又無計較 係Game迷都用佢  係Game迷都用佢 ☆想入流用華碩 打比賽用華碩 用華碩致潮爆 用華碩致潮爆 想入流用華碩 打比賽用華碩 用華碩致潮爆 用華碩致潮爆 4華碩嘅耳筒機 仲可以震同爆 致In嘅都用佢 致In嘅都用佢 5華碩嘅顯示器 畫質最靚最爆 玩3D必用佢 玩3D必用佢 6華碩嘅聲效咭 一向都勁又爆 係Band友都用佢  係Band友都用佢 ☆想入流用華碩 打比賽用華碩 用華碩致潮爆 用華碩致潮爆 想入流用華碩 打比賽用華碩 用華碩致潮爆 用華碩致潮爆 。

圖片附件: [P8Z77-V PRO] 037 [最大闊度 320 最大高度 240].jpg (2014-7-10 20:21, 34.04 KB) / 下載次數 51
https://www.hkepc.com/forum/attachment.php?aid=1694656&k=4ec880b68760d334443cab47e91a821e&t=1675603321&sid=aoSgKgw8tq9


作者: pentt    時間: 2014-7-10 23:42

Photo Editor_220011ralllpllmwmqur77.jpg
2014-7-10 23:40


ASUS有三高, 四好, 五多

三高:
1. 相容性高,
2. 性價比高,
3. 做工技術高,

四好:
1. 穩定性好
2. 用料好
3. 超頻性能好
4. 售後服務好

五多:
1. 款式多, 入門, 中階, 高階, 超高階任你選
2. BIOS功能多又易用, 新手老手都適用
3. 配備多, WiFi, BT, NFC, SATA EXPRESS等等 方便電腦連接週邊
4. 配件多, 多條 SATA cable, CrossFire cable, SLI cable, 說明書, drivers / applications Disc等等 一應俱全, 唔駛週圍搵
5. 附加功能多, OC key, 水冷, SupremeFX, TRUEVOLT USB, MemOK!, ASUS Anti-Surge Protection,DRAM Overcurrent Protection - Short circuit damage prevention, Network iControl,ASUS FanXpert,AI Suite, GreenASUS 等等, 各方面提供多方面功能和性能

圖片附件: Photo Editor_220011ralllpllmwmqur77.jpg (2014-7-10 23:40, 146.26 KB) / 下載次數 47
https://www.hkepc.com/forum/attachment.php?aid=1694799&k=31bd25ea08a824823841c6d9e3f5299d&t=1675603321&sid=aoSgKgw8tq9


作者: comicsshk    時間: 2014-7-11 09:37

本帖最後由 comicsshk 於 2014-7-11 10:24 編輯

我會組裝電腦,也不常組裝電腦!組裝電腦的原因很簡單,每個使用電腦的人,都想親身組裝一部電腦出來使用。當你一手一腳地從散亂零件組裝到一部完整電腦,接駁電源,按開機鍵,並聽到開機時「嗶」的一聲時,其感覺猶如餓民鯨吞山珍海味後飽肚的滿足,實不足為外人道。然而組裝一部電腦後,如使用得宜的話,可用上好幾年,故組裝電腦的次數相對較少。近年,隨著智能電話、平板電腦的崛起和手提電腦性能漸迫桌上型電腦,動手組裝電腦的人數相繼減少,實乃非常可惜。故當朋友或自身需要組裝電腦時,都格外珍惜機會。

     說起組裝電腦,每個人都會根據自身使用經驗、朋輩口頭相傳或報刊雜誌報導而有不同的品牌喜好,然而自身的使用經驗卻尤其重要。例如我第一部電腦是使用AMD的CPU,累積了使用經驗後,隨後每一部自己組裝的電腦,我都不再選用其CPU而變成選用Intel的產品。無可否認,使用經驗的滿意程度決定了人隨後的選擇行為。然而與選擇CPU行為相反的,便是在主機板的選擇。猶記得自第一部電腦誤打誤撞地使用了華碩的主機板後,意想不到的便是隨後的每一部經自身組裝的電腦,都堅持選擇華碩的主機板。經驗會演變成行為,行為又慢慢地演變成習慣。選擇華碩的主機板,已變成我的習慣。
1.JPG
2014-7-11 09:26

以上是曾經使用過的華碩主機板

     今年,自己也組裝了一部電腦。在其它硬件如HDD、DISPLAY CARD等的決擇上,我都會花相當長的時間看他人的評測,然後才選擇該品牌。然而在主機板上,我仍一如以往地選用了華碩出品的主機板。先不論華碩在主機板產品方面擁有領軍的地位;也不論其產品的創新設計如Redline 音效獨立區域、CrossChill 複合式散熱器、板載微動開關等總是被其它品牌模仿追趕;單單只論其外觀設計、主機板上顏色的配合,都不是其它品牌可以比擬的。正所謂見微知著,一件產品的質素高低,往往在細微的地方反映出來的,觀看蘋果電話的成功便是例子之一。近年鐘情於ASUS TUF 系列,故今次選用了Z97 SABERTOOTH Z97 MARK II主機板。其原因有習慣的使然外,其長達5年的保養期也是一大因素讓我安心選用。正如一位賣雪糕的商人,如其產品沒有過人之處,也不會承諾他的雪糕能在室外5小時都不融化吧!只有對自身產品有絕對的信心,才會作出如此承諾。組裝電腦最怕遇到的,便是因硬件的質素而發生非人為因素的故障。穩定、耐用,便是每位電腦使用者最終追求的目標,在此目標下,其它如創新功能、技術等便變得次要了。也就是說,無論產品標榜有少項創新技術及功能,但卻缺少穩定、耐用的先決條件,最終也會被消費者唾棄的。而華碩主機版正正提供了穩定、耐用的特質予消費者,使他們安心選用。
2.JPG
2014-7-11 09:27

3.JPG
2014-7-11 09:27

4.JPG
2014-7-11 09:27

新組裝的電腦使用Z97 SABERTOOTH Z97 MARK II主機板

     軍規的用料、簡單易用的BIOS介面、應有盡有的配件……華碩主機板的優點多到不能盡錄。然而喜歡上一件產品的理由,往往很直觀,便是你對產品外貌樣色的滿意程度。每個品牌的主機板樣貌大同小異,然而顏色配搭上卻各盡不同,此處也正正反映了各品牌的用心及品質。Z97 SABERTOOTH Z97 MARK II主機板除了基本配色外,要難得是使用迷彩塗裝設計,有濃厚的 army 風格 ,配合其軍規的做工和用料口號,讓人一見難忘。正所謂產品的用心及質素,通常都是在細微處發掘的。標榜產品是軍規做工的雖還有其它品牌,但從產品的細微地方來看,華碩 Z97 SABERTOOTH Z97 MARK II主機板已展示了相當多的誠意,給人足夠的信心購買使用。

     正所謂「一樣米養百樣人」,有人追求主機板外觀上的喜好,有人卻喜歡其內涵用料。各人喜好不同,要盡量符合每個人的需求也更難,然而華碩主機板卻都一一做到。其產品既在外觀上花了相當多的心思,用料設計也落足心血。4個記憶體播槽、3個PCI-E x16插槽、3個PCI-E x1插槽、6個SATA 6Gbps、3個PCI-E x16插槽、3個PCI-E x1插槽、各4個USB2.0和USB3.0輸出埠、C lear CMOS按鍵、DisplayPort、HDMI、網路接口、5個音源輸出入等功能不作詳錄,單是其採用新版的軍現認證的電感、TUF晶體管與TUF 10K Ti電容,其耐溫散熱效能大大提升之餘,其壽命也隨之而增加,保證使用者在最苛刻的環境中也能發揮電腦最佳效能,可見用料之精良乃不可被其它品牌超越的。另外,電腦零件的靜電放電情況普遍,對電子部件的損毀也可大可少,增加電腦故障的不穩定性因素。華碩在這方面也設想周到,特設TUF靜電防護功能,有效保障電流完整接地,大大加強主機板的使用壽命。最後,華碩主機板的插槽佈局合理,例如3個PCI-E x16插槽的位置都有足夠距離供人購置多張顯示卡等進行SLI或crossfire配置之餘,也兼顧散熱的需求。總括來說,華碩主機板外觀內涵兼備,捨它其誰?

     以往,主機板的BIOS往往被人忽視,因普通用家要使用到BIOS的機會不多。然而BIOS卻是主機板的靈魂。單有精美外表及優良用料,卻沒有穩定易用的BIOS,就等於一個人只有軀殼卻沒有靈魂一樣,不能算得上完美。華碩主機板的BIOS一向簡潔易用,這次的 UEFI BIOS在以往的簡潔上更上層樓,透過圖像化設定,把操作介面變得更清楚明瞭,就算是初次接觸也很快上手。BIOS介面連即時的溫度圖表也提供,可見ASUS的用心。另特設三種設定:一般使用設定、超頻設定、節能設定,使用者可按需求一鍵即設。BIOS右下角的 Boot Menu可供使用者選用什麼方式開機,簡單快捷。就算你想超頻,也不用學習繁複的操作指令,其EZ Tuning Wizard能輔助使用者輕鬆設定超頻內容,你只需擔心的是來不及細看內裡的描述文字也就設定完成了。另外, BIOS的更新相當重要,隨著使用年份的增加及其它配件的添置,BIOS的更新能使電腦更能兼容新配件或新系統,延長電腦的使用壽命。而華碩在BIOS的更新上緊貼使用者的需要,盡顯其對售後的每一種主機板都力求做到盡善盡美。
5.JPG
2014-7-11 09:27

簡潔易用的BIOS

     組裝完電腦,能夠開機進入作業系統,便是人間一大樂事。然而當你在使用作業系統途中,如想對電腦設定有所調整或優化,華碩也提供多種優化軟件供你調校。例如Thermal Tuning軟件能夠針對使用的風扇做調校 ,務求自動幫你在散熱與效能之間找到接合點,使系統更有效地使用資源。
6.JPG
2014-7-11 09:27

詳細及方便的各項調校設定

    其它的配件,各種說明書及認證書、驅動光碟、 SLI 橋接器 、擋板、四條 SATA cable 以及 TUF inside 的貼紙 等,華碩都一一提供,務求為消費者提供最大的支援。最後,如無意外,華碩的主機板能讓你享受相當長時間的樂趣。然而「天有不測風雲,人有旦夕禍福」,如遇到主機板故障,消費者也可方便地攜板到華碩維修處進行檢測和維修,而且按需要提供借板應急、換板或加錢換取更新的主機板等服務,可謂在售前和售後都致力為消費者提供優質的使用體驗。
7.JPG
2014-7-11 09:28

各類配件應有盡有

所以說:「華碩品質,堅若磐石」!

立詩曰:
人世界知名久
果累累羽翼豐
牌效應耀初日
佳量美冠勁風
持理念心無異
海之深志亦同
峙香江數十載
中美玉立首功

註:「石中美玉」有二層含義,一是取「華碩」中「碩」的諧音,以「石」代「碩」,故可看作是「華碩」這個品牌。第二層含義再進一步,因華碩以主機板的「品質」喻為「磐石」,意即堅實牢固之意,然而「磐石」再硬,也終是石塊,價值有限,而「石中玉」既有石塊的堅硬,亦有美玉獨特的矜貴價值,故一方面既可說明華碩主機板的品質有「堅若磐石」之意,另一方面也突出其價值有如美玉一樣獨特矜貴。

8.JPG
2014-7-11 09:28


圖片附件: 1.JPG (2014-7-11 09:26, 148.62 KB) / 下載次數 69
https://www.hkepc.com/forum/attachment.php?aid=1694878&k=de40fced9e3cf7789a06b1b1e63d1f44&t=1675603321&sid=aoSgKgw8tq9



圖片附件: 2.JPG (2014-7-11 09:27, 88.24 KB) / 下載次數 55
https://www.hkepc.com/forum/attachment.php?aid=1694880&k=a8aaec3013b3825125758f659d724279&t=1675603321&sid=aoSgKgw8tq9



圖片附件: 3.JPG (2014-7-11 09:27, 83.54 KB) / 下載次數 65
https://www.hkepc.com/forum/attachment.php?aid=1694881&k=a8ecbfc199cef8ac65680587f7f77bf8&t=1675603321&sid=aoSgKgw8tq9



圖片附件: 4.JPG (2014-7-11 09:27, 87.42 KB) / 下載次數 48
https://www.hkepc.com/forum/attachment.php?aid=1694882&k=e203efa1d39556919cb922c0c2440fc4&t=1675603321&sid=aoSgKgw8tq9



圖片附件: 5.JPG (2014-7-11 09:27, 128.46 KB) / 下載次數 56
https://www.hkepc.com/forum/attachment.php?aid=1694883&k=33a002a1298102f609a203a31cb60d5c&t=1675603321&sid=aoSgKgw8tq9



圖片附件: 6.JPG (2014-7-11 09:27, 121.87 KB) / 下載次數 54
https://www.hkepc.com/forum/attachment.php?aid=1694884&k=dff82850c173d699de92e4141208a1c7&t=1675603321&sid=aoSgKgw8tq9



圖片附件: 7.JPG (2014-7-11 09:28, 86.86 KB) / 下載次數 60
https://www.hkepc.com/forum/attachment.php?aid=1694885&k=3868af68033c7e08b766eec9d503406f&t=1675603321&sid=aoSgKgw8tq9



圖片附件: 8.JPG (2014-7-11 09:28, 48.01 KB) / 下載次數 49
https://www.hkepc.com/forum/attachment.php?aid=1694886&k=b5bba830f0d3f4d97fa8d335538cab25&t=1675603321&sid=aoSgKgw8tq9


作者: rayad    時間: 2014-7-11 10:40

我選Asus Maximus VI Impact
因為尼塊係一塊ROG 既ITX



ASUS ROG Maximus VI Impact 用Z87晶片,用LGA1150
在ITX上塞了滿的靚靚用料,部份塞不落的,乾脆就直接採直立化設計,
如VRM模組(Impact Power )(直立式 8 + 2 相供電(係少見既設計))、
音效模組(SupremeFX Impact )、藍牙4.0/Wi-Fi 802.11ac無線模組(mPCIe Combo II)

規格的部份,M6I 有2個記憶體插槽,最高可支援16GB,時脈3000MHz以上(OC),
4個SATA 6Gbps、1個PCI-E x16插槽、19pin USB3.0。
另外板上仍有超頻專用配置,如快速開關、Q-Code、Clr CMOS、ROG Connect、Direct Key、MemOK!

IO的部份有S/PDIF、HDMI、DisplayPort、Q-Code LED、Clr CMOS、ROG Connect、Direct Key、MemOK!、4個USB2.0、4個USB3.0、eSATA、網路接口、3個音源輸出入。
作者: sophinic    時間: 2014-7-11 22:29

本帖最後由 sophinic 於 2014-7-11 23:09 編輯

十六載華碩情意結

唔係我誇, 玩左電腦成十幾年!
第一次DIY 就係由 P!!! 年代時使用華碩 Asus P2B-F.
仲有買埋第一代 nVidia TNT Asus V3400-TV
其實果時乜都唔識, 選用華碩都係佢口碑好,朋友又用緊, 無論雜誌,網上都有好好既評價!
話佢夠晒穩定, 用料充足, 超頻仲性能仲好好!
所以膽粗粗就信左 , 點知...一試就掂!
第一次DIY 有驚無險, 全因主機板說明書清晰易明
而且有朋友指導, 總算成功砌左第一部自己親手砌既電腦!
玩熟左之後, 仲開始成功將我粒 Celeron 300A 超上466Mhz...
真係好堅! 果然係華碩主板, 堅如磐石 !
後來我換 Pentium!!! 及第二塊板, 我都換左 P3B-F!
用過既華碩板又點止咁少丫, 不過講住咁多先啦...

(剛剛搵資料時, 竟然發現 Asus 既Support Page 網頁仲有 Driver 可以 download!
成十六年前既主機板都仲有 Support! 你都咪話唔堅! )
http://support.asus.com/QVL.aspx ... s=&hashedid=n/a

就係因為我既第一次俾左佢 ...我對華碩就有著一份情意結!

玩電腦經歷左十六七年, 中間當然有試過其他唔同牌子既主機板.
當中有唔少牌子都有 d 滿意品出現, 但亦中伏過唔少次 .
仲記得某次貪平, 買左某牌子既主機板(唔講乜野牌,廢事當打手啦...)
一買返去砌好部機, 就開唔到機...搞左我兩三日, 左試右試,
換RAM, 換牛, 又問人朋友借 CPU...最後發覺底板壞, 都算啦
咪過頭完咪拎去鋪換囉, 點知再換都係咁...
上網一 check, 完來 BIOS 有 Bug 用果粒 U 會電壓認錯所以開唔到機...
當我發現時, 已過晒頭七, 死死氣上代理換, 點知話要等 出新 BIOS 先解決到,
叫我加錢 Upgrade 做另一塊板...
果次激到我死! 從此都 ban 左果隻牌子! 不過天有眼! 果間公司都摺左唔再做主機板了!
時間證明劣質野自然會做唔住, 自然會消失於業界!!!

講左咁多咁長既故仔, 其實...
我都搵個反面教材來成機讚下華碩o者~

好了, 言歸正傳, 我現在所持有既ASUS 主機板係咩呢? 登登登登, 就係佢了!
M5A88-M.jpg
2014-7-11 22:26


我部機 config:
CPU: AMD X6 1100T
主板: Asus M5A88-M
Display: Asus HD 6450 Slient
DVD-ROM: Asus DRW-24B
Ram Cosair DDR3-1600 8GBx2
火牛: ANTEC CX500
SSD: Cosair 120GB
HD: WD 3TBx2

Asus.jpg
2014-7-11 22:35

其實除左主機板, 其他電腦周邊都要用埋 Asus 先配合到嫁~
正所謂: 用華碩, Cony 錫

年紀大了, 已經無左以前追硬件, 玩超頻既渴求, 果 d 乜野開核呀都唔玩了.
現在需求既係穩定, 耐用, 支援及保養方面就更注重.

穩定: 真係唔須要懷疑, 即使我用緊 li 塊平價既 M5A88-M 亦都相當穩定可靠.
我部電腦係24小時長開, 會用佢來長期 BT, 有時又會用手機 Remote 返屋企來用, 仲做埋 FTP,
大大話話都用左三年多, 係我用 MATX Case 密質質下, 咁耐以來, 真係一次都未 halt 過!

耐用: 以前一年左右就換一塊板, 好多時都會上 hkepc 買人地 d 二手板, 有時什至三手, 咁多手後,
Asus 板通常都好穩陣, 有時甚至買d 無晒廠保, 都未試過有問題.
不過近年都好少換板了, 而家用緊塊  M5A88-M上面果段都講過, 我部機都用左成三年, 一直長開, 耐用度就真係唔使再多講啦!

支援: 華碩一直支援都好好,  十六年前產品網上Support都仲搵到! 而我用緊既 M5A88-M BIOS 一直都有不停更新, 最後果次BIOS 更新去到成 13年 12尾.
仲有 Driver, 由 WinXP 至 Windows 8.1 都好齊放晒上網! 唔怕轉 OS 無 driver 用.

保養: li 個其實我真係唔係好知, 話就話佢有三年保. 但根本過晒三年保一次都無壞過! 又點知佢保養做成點呢!
不過我都有上過一次 Asus 以前係深水土步皇家維修部經驗, 果次都唔係維修, 係部 Asus  eeePC901 免費由 4000mAh 換粒 6600mAh 電咋陰公豬~

總結:    使用十六年華碩產品, 由第天到現在, 依然保持一灌擁有既產品質素, 穩定 同耐用, 俾到我百份百信心繼續支持購買. 日後無論主機板或者其他產品, 都會首選華碩!最後總結一句: 華碩產品質素高, ching元老都讚好!

圖片附件: M5A88-M.jpg (2014-7-11 22:26, 123.16 KB) / 下載次數 83
https://www.hkepc.com/forum/attachment.php?aid=1695105&k=2be06e36832044ac4a7afb5e3cd6a109&t=1675603321&sid=aoSgKgw8tq9



圖片附件: Asus.jpg (2014-7-11 22:35, 131.52 KB) / 下載次數 58
https://www.hkepc.com/forum/attachment.php?aid=1695106&k=109852de4763cef6b9159d69d27e8bb1&t=1675603321&sid=aoSgKgw8tq9


作者: wet6    時間: 2014-7-11 23:47

科技與電腦的發明,目的是方便我們在工作、管理、娛樂、遊戲等。
我本身用緊ASUS中階型號底板,但今次選擇了ASUS B85M-G參加活動,主要原因是我最近砌的一部電腦。

B85a

B85 a.jpg
2014-7-11 23:45

B85b

B85 b.jpg
2014-7-11 23:45

我認為選擇電腦底板和家庭電器一樣,在品牌,穩定、耐用、順暢、兼容、價格和售後服務方面都應該重要。
品牌方面,首先恭喜華碩連續十年榮獲至尊主機板的獎項,要連續得到此獎項十年,除了其產品有好質素外,歷史悠久也當然是重要因素,搜尋資料華碩電腦股份有限公司早在1989年創立,為全球最大的主機板製造商,亦即是今年華碩已踏入創業的第二十五年頭,希望華碩繼續她的里程,秉承其品牌命名的期許,包括中文的「華人之碩」,英文ASUS,靈感則來自希臘神話中的天馬「PEGASUS」,其象徵著聖潔、完美與純真的形象,代表著華碩永不懈怠、追求卓越的精神。
從前(PII,PIII,P4年代)自己或幫朋友砌機,我有用過不同品牌,但恰巧使用其他品牌日子用久少少,總是會出現一些毛病,但在我的經歷中,Asus的底板是出問題最少的一個(到現在都只是有一張P4板出過問題的)。所以其穩定性和耐用性都有着優秀的表現,亦因此從Core 2 年代開始,我砌機的每張底板都會選用Asus。
此次,我選這塊底板是我最近幫家人砌機選的型號,他的想法與我相似,都是希望砌一部可以穩定、耐用、暢順、價格相宜、零靜和低熱的電腦。因此,我便用$560幫買了這塊底板,以及G3220 CPU,128 GB SSD,4GB ram 來砌機,共銀2仟多元。家人使用此機一個多月,此PC從無hand機,該PC為他帶來前所未有的順暢和速度,真是物超所值。這便是我們的簡單要求。另一方面,除在底板品牌外,我極力ASUS推薦給朋友外,不同朋友對特定品牌的ram情有獨鍾,因此都買過不同的品牌,暫時都無試過撞機,這方面除了是科技的進步外,亦印證了Asus底板的良好兼容性。
最後,在售後服務方面,衆所周知,在香港,漢科電腦公司代理了華碩底板多年,她亦是一間歷史悠久的公司,記得年前朋友說購買了她們代理的另一品牌WiFi Router後,不懂使用而上去查詢後,相當滿意她們專業的服務。一間可靠有信譽的代理,亦能提升消費者信心。
今後,我希望科技與電腦的進步能做到開首提及的方便我們,追求穩定、耐用、暢順的目標,能做到我們用電腦,不是電腦用我們。不需要像一些差的廠牌要我們常作不必要的維修,更換或整頓,不計金錢,省回來的時間,最少都能讓我們與家人或朋友吃頓飯,不亦樂乎!這亦為環保盡一分力。
在此,順祝華碩繼續成為全球最大的主機板製造商!各腦友用腦愉快!

圖片附件: [B85a] B85 a.jpg (2014-7-11 23:45, 147.74 KB) / 下載次數 55
https://www.hkepc.com/forum/attachment.php?aid=1695178&k=512998e757e3ec0ef7d270536c2f59d3&t=1675603321&sid=aoSgKgw8tq9



圖片附件: [B85b] B85 b.jpg (2014-7-11 23:45, 142.42 KB) / 下載次數 74
https://www.hkepc.com/forum/attachment.php?aid=1695179&k=e2777c482625ab947ea90c2e8f25f012&t=1675603321&sid=aoSgKgw8tq9


作者: akao    時間: 2014-7-11 23:50

前後用過三塊華碩板, 第一塊果時我係新手乜都唔識 , 跟friend去腦場買, 果時腦場人山人海, 行過round都接到十幾張出機quotation, 佢話華碩好野黎, 信咗, 無介紹錯, 之後換機都係揀番華碩, 習慣咗bios版面和一眾軟件, 用落有感情啩, 宜家仲用緊P8Z68VLE, 雖然係平板, 用咗就快三年, 行得走得乜事都無, 贏到先換啦!


華碩用料夠出位
數位供電確係威
凹凸電感散熱快
穩定電流超頻易
BIOS介面選項多
一鍵超頻最啱我
硬件芯片超節能
電腦長開冇鑊氣
高低價位任君揀
芸芸品牌係最威

20140620_215040.jpg
2014-7-11 23:50


圖片附件: 20140620_215040.jpg (2014-7-11 23:50, 128.42 KB) / 下載次數 77
https://www.hkepc.com/forum/attachment.php?aid=1695180&k=05cc29ba986dba8f0e602cb39cb4a949&t=1675603321&sid=aoSgKgw8tq9


作者: Francisflip    時間: 2014-8-5 08:26

提示: 作者被禁止或刪除 內容自動屏蔽





歡迎光臨 電腦領域 HKEPC Hardware (https://www.hkepc.com/forum/) Powered by Discuz! 7.2