作者: 二師兄 時間: 2019-1-15 18:50 標題: 想買 Oculus Rift 打PC機
係咪都係美森買? 買咩型號? 有隻go 係咪唔啱的?
作者: iovoi 時間: 2019-1-15 20:54
師兄連Rift同Go都未識分，建議做吓功課先。
5月出新機（Quest），所以價錢會一路跌，唔急！
作者: netmen 時間: 2019-1-16 01:33
師兄連Rift同Go都未識分，建議做吓功課先。
5月出新機（Quest），所以價錢會一路跌，唔急！ ...
iovoi 發表於 2019-1-15 20:54
好唔同架喎 , 一體機好似唔係可以直接用到PC果D
作者: iovoi 時間: 2019-1-16 17:37
回覆 3# netmen
對唔住，我口齒不清。我意思係現在Rift係咁減價係因為會出新機，要清舊貨。
Quest唔等於Rift，但一定大賣，到時會影響Rift嘅銷情。
五月發布會應該有第二代Rift嘅消息，所以價錢會一路跌，唔急在而家買，遲啲睇定啲都得。
作者: killercheung 時間: 2019-1-16 18:57
雖然 Oculus 背靠 Facebook, 但我好懷疑除左佢自己公司之外會有幾多廠同 Quest 出大作。 US$399 買部用陳年 mobile cpu 的 vr 一體機，隨時可能只有十隻八隻 大作可玩，一般消費者不如買 ps4 加 ps vr 好過
如果 Rift 唔係可以行非 Oculus Store 的 exe / Steam VR, 我相信呢度 d 機主一早掉左部機落街…
作者: netmen 時間: 2019-1-16 22:23
雖然 Oculus 背靠 Facebook, 但我好懷疑除左佢自己公司之外會有幾多廠同 Quest 出大作。 US$399 買部用陳 ...
killercheung 發表於 2019-1-16 18:57
我都覺得係 , 除非直接能行steam VR , 不然對主流VR市場的帶動力真的很難有信心 , 唯一贏的就只係解像度同輕便無線呢兩樣 , 賣399美金 ..... , 不如比多小小買三星部plus
via HKEPC Reader for Android
作者: helenchan 時間: 2019-1-17 10:09
oculus rift 2 個人冇乜期望，原創始人走鬼晒，可能同 Mark 分歧好大，依家成品段估都冇當年 oculus 之勇...
作者: 二師兄 時間: 2019-1-17 17:27
回覆 5# killercheung
依家D PC VR game, 多數support 邊隻多?
作者: killercheung 時間: 2019-1-17 18:43
回覆 8# 二師兄
你講 HTC Vive / Oculus?
如果有係 Steam 上架的通常兩家都有 support，只係極少數只支援 VIVE
但 Oculus 亦有幾隻獨家的大作，例如 Robocall / Lone Echo （但其實 VIVE 用戶好似都可以裝外掛玩倒 Oculus 專用 game 的）
上面提的 Oculus Quest 就係獨立運作的，不能玩 pc 的 vr game，所以如果 oculus 玩一兩年就唔同佢出 game 部機就會變垃圾
作者: a39g99 時間: 2019-1-17 19:33
oculus rift 2 個人冇乜期望，原創始人走鬼晒，可能同 Mark 分歧好大，依家成品段估都冇當年 oculus 之勇.. ...
helenchan 發表於 2019-1-17 10:09
Mark Zuckerberg似係想發展無束縛類型既vr (AR既最終版本)
無論Mark/管理層可能都認為隨時隨地玩到簡單畫面/小遊戲就夠
用商業角度來考慮...的確手機/一提式類既vr更易獲利,硬件軟件都係(但理想同現實係兩回事)
以目前流動式既機能，vr軟件既成熟度
銷量根本唔可能達到預到目標...可玩性完全唔及pc vr
走個班元老都係追求pc vr...硬核玩家
其中一個走好似就係開發rift2意見不合
Rift2所需要既野大家都明，但奈何產品係要顧及成本
pc vr只要解決到解像度問題(主要係顯示屏價格),同舒適度已經可以好大進步
(更大既fov同無線實際已經做到，但係全部所需既零件集合於一身，成本問題暫時解決吾到)
我覺得vr除左主機/pc都比較難有出路
玩過完整體驗vr既人根本唔會理會一體式類既vr
但vr一定唔會好似3D既下場...始終所帶來既體驗唔係3D可以比較
但目前想發大來有難度，受硬件局限
個人反而對ps vr有更大期望，遊戲開發廠先會更加明白到vr需要改進之處
假如下代主機真係足夠處理4k 60fps...咁vr方面就有更大可能性
只需要升級顯示屏就可以令人眼前一亮...(4k都解決到，面板相較之下容易得多啦
)不過ps vr玩無線應該無咩機會
(無線要匹配相關追蹤系統，我唔認為係獲利前sony會投放資源開發追蹤系統)
作者: 二師兄 時間: 2019-1-17 19:36
回覆 9# killercheung
睇片都有用吧?
作者: killercheung 時間: 2019-1-18 14:07
回覆 11# 二師兄
VR 眼鏡解像度以 Rift / Go / VIVE 計只有 1080 X 1200 X 2隻眼，但左右眼不少範圍係重疊，加埋佢影像範圍係你成隻眼，用佢睇片效果比用 sony 幾年前出的 3D 電影眼鏡 720p 仲要差… 真係只岩打機架咋
（用來做 virtual desktop 都係相同原理 ）
不過如果有朝一日解決倒像素 ／ FOV / 舒適度 ／ 問題，視覺上臨場感可以話同入戲院睇無異，可能到時戲院都有危機 :P
作者: killer699 時間: 2019-1-18 14:42
回覆 二師兄
VR 眼鏡解像度以 Rift / Go / VIVE 計只有 1080 X 1200 X 2隻眼，但左右眼不少範圍係重疊， ...
killercheung 發表於 2019-1-18 14:07
戲院一直都有危機
而且您一般都唔會一個人睇戲
作者: killercheung 時間: 2019-1-18 17:04
回覆 13# killer699
你唔知 d VR Player 可以同你個 friend 一齊係 VR 世界睇戲咩
作者: netmen 時間: 2019-1-21 13:08
本帖最後由 netmen 於 2019-1-21 13:09 編輯
戲院一直都有危機
而且您一般都唔會一個人睇戲
killer699 發表於 2019-1-18 14:42
用緊小派4K果陣 , 睇左6至8隻3D電影 , 雖然解像度以經好過其它VR , 但同直接睇高清MON仲有一DD差距 , 唯獨用VR睇3D電影個臨場感係直接睇MON同戲院都比唔到 , 直接立體又沒有因為眼鏡影響左色彩果下堅正 , 可惜一轉左oculus 之後解像度一DOWN 就唔想再用...... ( 相對代價就係打機正左好多 ) ,
所以 , 其實就算唔無線 , 淨係換4K面板就可以當新賣 ( VIVE PRO 2K就可以收這個價 , 4K不得了......)
作者: seeingdaily 時間: 2019-1-21 16:15
VR 有特定用途, 真要睇大電影就去戲院 或 mon 上
面睇, 用平面解像嚟作為討論基礎, 完全錯晒...
要用 Rift / Vive 睇片, 多會睇番 VR related 嘅片, 即係
360° / 360°+3D / 180° / 180°+3D / 部份 3D 嘅片,
即使係現今 VR 解像都已足以全殺.... 無可能係 mon
或 手機度攞到相同投入感....
VR 睇平面電影, 賣點係多人模式來作為社交 app, 主要
係傾偈 或 便擕使用 - Oculus GO, 外國人出 trip 解悶用....
VR 並唔係用嚟替代戲院...... 睇戲祗係 added value, 新品
時貪過癮玩吓就有.... 我間中多係睇 360° 片多, 無幾何睇成
套平面電影....
作者: netmen 時間: 2019-1-22 23:09
回復 16 #seeingdaily
其實只係依家的vR解像度未追到作為合適用途 , 例如你錯過左一套3D電影 , 而你又想去戲院睇返好難 , 但VR就可以比到接近的感覺你 ( 現在解像度仲未得..,,等8K係標準再高D有16K果陣啦 , 可能到時推直接入腦
) , 又例如一套舊電視動畫 , 你想感受下在影院睇的效果 , 屋企再大都係實現唔到果種現場感.....不過又係依家大多數唔理想 , 小派5K+應該ok , 但完全無性價比可言 , 買唔落手via HKEPC Reader for Android