標題: 長者遺失Hello大卡 [打印本頁]

---

作者: diofit905    時間: 2020-10-20 00:06     標題: 長者遺失Hello大卡

本帖最後由 diofit905 於 2020-10-20 00:08 編輯

幫個年齡好大的親戚轉台去Hello，一入咗張sim卡就掉咗張大卡。因為佢記性差，成日喺街賴低嘢，怕唔見咗個電話，連號碼都冇埋。請問現階段可否拎住細卡去CSL，俾錢補領大卡？謝謝！

---

作者: 貧果    時間: 2020-10-20 00:11

本帖最後由 貧果 於 2020-10-20 00:22 編輯

CSL 無大卡, 更加唔會比你補卡

---

作者: c14101    時間: 2020-10-20 00:33

幫長者（仲要唔醒的）轉去儲值卡，就好心你幫到低 keep 住張大卡同定期增值啦

via HKEPC Reader for Android

---

作者: diofit905    時間: 2020-10-20 00:41




    多謝您，我係打算幫佢定期增值，點知未到轉台日，佢已經心急到自己放咗張sim入個電話，仲當張大卡係垃圾掉埋...

---

作者: 莊神弄鬼    時間: 2020-10-20 01:18

去警署報失拎張報失紙...
可以去返HELLO MNP嗰6間鋪頭補SIM

---

作者: hltai    時間: 2020-10-20 01:18

https://www.hkcsl.com/tc/general-tc-of-the-prepaid-sim-card/
4.3 - 4.5 去差館報失, 拎張報失紙去CSL門市俾$40補領sim卡

via HKEPC Reader for Android

---

作者: diofit905    時間: 2020-10-20 01:29




    謝謝，但『4.5 根據第4.3條的要求，儲值卡報失後，客戶可以攜同其卡主證明書，前往CSL指定的CSL客戶服務中心，申請更換儲值卡。』

請問卡主證明書係咪大卡？即係有報失紙，仍然需要大卡先可以補領細卡？

---

作者: diofit905    時間: 2020-10-20 01:30




    謝謝，請問如果有報失紙就可以補領細卡，係咪現階段毋須要報失住，萬一真係唔見埋細卡先再搞手續？

---

作者: 剋星    時間: 2020-10-20 08:08

咁不如直接話張SIM壞..比錢換SIM.. 細卡都仲係度

---

作者: NeTZoO    時間: 2020-10-20 08:42

張卡仲用到去csl 舖，話張卡有時no sim,
比錢換得唔得呀

---

作者: ze123    時間: 2020-10-20 08:45




    完全係你責任，無咗個寶貴號碼後果嚴重.

---

作者: FT907    時間: 2020-10-20 08:45




    咪係!   班長者乜叉都唔識, 你俾得佢玩儲值卡, 就要預左做 full maintenance, 包括 keep 返個大卡套及定期增值, 有乜事遺失電話你就要同佢負責搞.

---

作者: FT907    時間: 2020-10-20 08:51




    卡主證明書是大卡套.冇大卡套,有報失紙都冇得搞!  
若冇大卡套都比你補領, 咁若我知你用 hello, 又知你 tel no. 咪隨便可去報失, 之後補領, 咪可搶左你個 number?

---

作者: FT907    時間: 2020-10-20 08:54




    細卡都仲係度, 都未必俾你換卡, 假設我執到你個電話, 之後走去 CLS 話卡壞, 佢換張新卡給我, 咁我咪搶了你個tel number? 所以, 基本上只會認大卡套不認人

---

作者: tatata    時間: 2020-10-20 09:27

唔使咁擔心，直接入去舖頭搞。
上次我3G換4G卡，途徑銅鑼灣CSL，無帶大卡直接入去都換到卡。
試吓無妨！

---

作者: 剋星    時間: 2020-10-20 09:54




    佢地唔諗咁多.
我拎細卡都直情MNP到

---

作者: raymondchan338    時間: 2020-10-20 10:24

本帖最後由 raymondchan338 於 2020-10-20 10:25 編輯

唔得，我試過。一樣要報失紙。

via HKEPC Reader for Android

---

作者: NeTZoO    時間: 2020-10-20 11:11



張卡用緊,時有時無 網絡的話都要去報失咁攪鬼?

客 - 我無唔見喎,係張卡壞壞地

---

作者: NeTZoO    時間: 2020-10-20 11:12



所以中移補卡/換細卡會keep你ID copy

---

作者: aaaaabhk    時間: 2020-10-20 11:14

我試過細卡都mnp到wo!

---

作者: NeTZoO    時間: 2020-10-20 11:16



轉台日 即係未開始用張sim,你囉住張轉台合約幫sales 幫手啦

其實點解唔直接先搵sales至上黎問?

---

作者: FT907    時間: 2020-10-20 11:22



咁做法...係CLS 唔跟程序做野啫, 若有客投訴電話 number 比人搶左, 佢一定要負全責!! (點解個卡主証明書在我手, 你會亂發新卡俾人??)

---

作者: FT907    時間: 2020-10-20 11:24



咁你咪拎埋大卡套去, 証明你是卡主囉 . 換卡根本不用什麼報失紙!!

---

作者: youhello507    時間: 2020-10-20 11:28

拎住張細卡，mnp 去其他，再轉返去 hello

幾煩下，但好過冇咗個no

via HKEPC IR Pro 3.6.1 - iOS(3.0.0)

---

作者: topwai~威威    時間: 2020-10-20 11:28


細卡度仲有得救

via HKEPC Reader for Android

---

作者: FT907    時間: 2020-10-20 11:34

再講下報失紙點用/ 乜情況下要報失紙
以下情況是講緊正式依程序做 (上面有人話, 只用細卡都可換卡/補領, 是絕對不是"正式程序")

情況1 : 遺失手机(遺失細卡),  去報案拿報失紙, 之後 憑報失紙 +大卡套去補領.
情況2 : 卡壞/3G卡換4G卡,  直接去 CLS , 憑大卡套 +細卡, 要求換卡(要否付款, 視乎情況)

---

作者: FT907    時間: 2020-10-20 11:41


咁你MNP  port 入去CLS, 佢梗係不會埋.
但現在是涉及 CLS 內部問題, 若有客投訴個大卡套在手但個 number無端端 被人搶走, 你估會點??)

---

作者: FT907    時間: 2020-10-20 11:44




    若其它電訊公司只睇細卡都肯做MNP, (但這肯定不是正式程序), 這方法是可行的

---

作者: dr.slump    時間: 2020-10-20 12:07


可以的，程序係咁。報假案係刑事。責任不在CLS。

via HKEPC Reader for Android

---

作者: diofit905    時間: 2020-10-20 12:39




    請問師兄，如果係咁，係咪現階段報失都冇好處，萬一真係唔見埋細卡，先再去報失要求補領？

---

作者: dr.slump    時間: 2020-10-20 13:59


係。但程序既野，可以隨時改。

via HKEPC Reader for Android

---

作者: ze123    時間: 2020-10-20 14:05


大細卡都無，點補領？

---

作者: dr.slump    時間: 2020-10-20 14:10


去驚處攞張報失紙就得

via HKEPC Reader for Android

---

作者: aok    時間: 2020-10-20 14:10

先影低卡背後一串數字，主卡套上都係呢一組數字，唔見sim卡後再報案，睇下CSL會唔會酌情處理，始終報假案係刑事。

---

作者: raymondchan338    時間: 2020-10-20 14:29


係，我果次直情detect唔到張咭。CLS話總之無大咭就要報失紙。

via HKEPC Reader for Android

---

作者: klch0214    時間: 2020-10-20 14:30

個人意見：
1.先去CLS睇下可唔可以成功換SIM，唔得既問多幾間，睇下佢肯唔肯同你做。
2.都係唔得既就唯有將個號碼MNP去其他卡，睇下邊間肯接受你淨係得細卡，之後再MNP返Hello。
3.我認為應該盡快去做，萬一細卡都唔見埋就仲煩！

---

作者: FT907    時間: 2020-10-20 14:45

本帖最後由 FT907 於 2020-10-20 16:02 編輯


點可能責任不在CLS??
  你去報失細sim 卡又如何? 這也不能証明你是卡主!  差館張報失紙絕對不是法定文件証明你是卡主!
你去 差館問下張報失紙有乜法律效力??
CLS 向沒有出示"卡主証明書"的人補發新卡, 冇verify 當事人是否卡主,  責任不在CLS度? 咁在邊個度呀??

---

作者: NeTZoO    時間: 2020-10-20 14:50

本帖最後由 NeTZoO 於 2020-10-20 15:00 編輯


其實你都未開台隨時取消MNP都得

另外如果你連細卡都無,你有咩理據話你用緊先?個台令願唔理你好過啦

---

作者: rx78_nt-1    時間: 2020-10-20 14:54

  任何一間電訊理論上要你有大咭先同你轉咭

有人得唔代表係合法同合理老奉

我老媽就係要平轉電話咭
佢係2G年代大咭某電訊死都唔同佢換
咪要報失仲要上佢客戶中心整

所以同老人家上電話咭
一定要keep好大咭
如果唔係一定會煩

有人幫外母換做電話咭
佢外母唔叉睇sms
到期唔理
結果無左個number 嘈交到拆天

---

作者: FT907    時間: 2020-10-20 15:54




   咪係! 任何一間電訊理論上要你有大咭先同你轉咭,有人得唔代表係合法同合理老奉(根本是 sales 懶或不依正式程序做!
一向卡主証明書就是個大卡套, 你去報失細sim 卡又如何? 這也不能証明你是卡主!
電訊公司可渣正黎做, 冇大卡套就冇得補領, 完全合法兼合理!

---

作者: klch0214    時間: 2020-10-20 16:39


你係講得冇錯既，但未免太唔人性化，就算你將大卡保管好，都唔排除有一日會唔見，意外就係意料之外，理論上大卡唔見咗仲有細卡，留低身份證簽份文件，或者去埋警署報失，如果電訊商都唔肯做補領，我覺得係唔合理既。

---

作者: FT907    時間: 2020-10-20 17:09




    人性化還人性化, 規矩還規矩.
3台仲寫到明不設補卡忝呀. 咁你又鬧佢唔人性化咩?

食得咸魚要抵得渴,玩得儲值卡就一定要做好保護措施. 個大卡套我就收了在防火夾萬內(我成屋人都用儲值卡的), 拍埋照save 了在notebook 個 HDD度, upload 上埋 cloud, 若真是咁大意外 連防火夾萬都冇埋, 而電訉商又不接納d相片, 咁我都冇符.

---

作者: klch0214    時間: 2020-10-20 17:21


規距係睇合唔合理既，規距係死人係生既，3台寫明不設補卡，點解我唔可以鬧佢唔人性化？
當然最穩陣就係上台，用儲值卡平咗就好自然有啲服務冇咗，睇你點取捨。
但唔見咗細卡可以拎大卡做證明做補領，點解唔見大卡唔可以拎細卡做補領呢？

---

作者: FT907    時間: 2020-10-20 17:36




    咁人地規矩係咁嘛, 有人渣支槍逼你用儲值卡咩?當然你可以鬧佢唔人性化, 但人地依規矩唔補俾你, 你冇左個 number, 你又可以點呢? 去佢門口示威?? 所以都是果句:食得咸魚要抵得渴,玩得儲值卡就一定要做好保護措施. 一係就上台.

點解唔見大卡唔可以拎細卡做補領呢？--->上文已講左了, 若有人拾到你遺失的電話.拿你細卡做補領...........(下刪幾百字)

---

作者: sojoke    時間: 2020-10-20 17:42



你首先要做嘅，就係影低細卡背後號碼，呢張相好好收藏，分幾個copy更好，以備將來不時之需。至於大卡套，你問清楚老人家係咪真係掉咗，係真都唔驚得咁多，垃圾唔會有人得閒搵出嚟去mnp，因為有卡都要有電話號碼先做到。

咁情況，其實除非張細卡唔見咗，否則會相安無事直到張卡壞。問題因此而嚟，壞卡唔見大卡點補法，或者之後想跳去其他台都一樣，到時無大卡可唔可以mnp？答案視乎當時情況！依家其實真係唔見卡，都有一定程序做，主要保障持號碼人。咁依家補唔補好，建議問舖/打熱線可唔可以補過張，咁佢哋有收錢換卡/補卡嘅，問清楚手續就唔驚以後問題，記得以後保管好大卡套。

---

作者: aok    時間: 2020-10-20 18:21

本帖最後由 aok 於 2020-10-20 18:25 編輯

我搵翻張hello轉台紙，紙上有寫遺失卡主註明書一覽。

圖片附件: 12.jpg (2020-10-20 18:23, 69.79 KB) / 下載次數 60
https://www.hkepc.com/forum/attachment.php?aid=2225736&k=a46a180990bcc66c2c9289ce51187c01&t=1781403174&sid=57X61CoNgQ

---

作者: how_do_i_know_a    時間: 2020-10-20 21:51


弊啦弊啦！連轉台嘅規矩都咁人性化，你叫規矩還規矩情何以堪！

---

作者: syeung    時間: 2020-10-21 01:59

幾年前是但一間smt既門市都可以做到用細卡mnp去儲值卡($48).

---

作者: FT907    時間: 2020-10-21 09:13



什麼情何以堪? 成個 logic 你都錯哂!
    佢寫得響度可以咁做, 呢d咪叫規矩囉, (這不是人性化, 咪誤導!)
什至乎, 若佢寫到阿豬阿狗行埋去, 指下鼻哥就可補領, 呢d都叫規矩!

---

作者: klch0214    時間: 2020-10-21 11:24


當然，補唔補畀你個台有最終決定權，佢唔補我都吹佢唔帳，只能怪自己唔小心，如果大細卡齊失，台唔肯補畀客都係合情理，但如果唔見細卡可以用大卡補，點解唔見大卡唔可以用細卡補？
其實重點係，樓主唔見咗大卡已經係事實，樓主自知有錯，但上得嚟出post係為咗聽大家意見睇下有咩解決辦法，你不斷重複冇咗大卡就唔可以補領，到底有咩意義？

---

作者: klch0214    時間: 2020-10-21 11:30


事實上好多台都容許只用細卡都可以轉台/補領，係需要簽份文件或者去警署報失先可以，絕對唔係你講咁樣阿豬阿狗行埋去，指下鼻哥就可以補領。
當你不斷話人唔岩規矩，之後人地搵到出嚟證明規矩唔係咁，你都可以話人logic錯，唔知你想點。

---

作者: raymondchan338    時間: 2020-10-21 13:38


幾頁前我已經講咗官方答案係報案紙代替大咭。我亦親身試過。係呢位版友死拗。

via HKEPC Reader for Android

---

作者: FT907    時間: 2020-10-21 14:07

本帖最後由 FT907 於 2020-10-21 14:11 編輯



    但如果唔見細卡可以用大卡補，點解唔見大卡唔可以用細卡補？<----上面答了你N 次啦!你又唔去睇, 又不斷咁問, 你想點??? 睇返#13,#14 帖啦.

人地搵到出嚟證明個規矩通過正式程序可以補卡, 我咪話呢d咪係 規矩囉!
若個規矩通過正式程序可以補卡(即是細卡+登記個人資料), 我建議樓主立刻去搞.

之後我話"什至乎"( 知唔知乜野叫"什至乎"?)  阿豬阿狗行埋去，指下鼻哥就可以補領...我是用這例子表達 規矩是公司定立. 若果公司定立了阿豬阿狗行埋去，指下鼻哥就可以補領 呢條咁荒謬的規矩, 你都只能跟隨!   明白未?

---

作者: diofit905    時間: 2020-10-21 14:08

感激各位寶貴意見，今次真係上了寶貴一課，我已向客服詳述問題及預約去分店處理，有結果後會向各位匯報

---

作者: monkey_lulu    時間: 2020-10-21 14:14

報失紙, 然后去旺角門巿， 50大洋補領！

---

作者: FT907    時間: 2020-10-21 14:16




    官方答案? 還是職員偷雞咁做先? 最好搞清是前者還是後者.
若是後者, 他日又有版友唔見了大卡, 拿細卡+報失紙去補被拒, 又問點解人得我唔得,  又會惹來一番爭拗!

---

作者: raymondchan338    時間: 2020-10-21 15:14


幾時加咗價?唔係40個大洋咩?

via HKEPC Reader for Android

---

作者: klch0214    時間: 2020-10-21 15:32


我都建議你由頭睇返所有回覆啦，一開始就已經有人提出過用細卡可以補卡，但你就不斷質疑咁樣係唔岩規矩，我自己就冇特登搵CLS查過佢規矩係點，只係覺得如果唔見咗大卡，手持細卡+報失紙理應可以補卡。
其實你想要咩證據？人地都話問過CLS係得，你話唔得又有咩證據？
所有規矩都有原因，但唔代表規矩不合理都要遵守，定規矩既本身係人，如果規矩不合理，點解唔可以提出質疑？

---

作者: klch0214    時間: 2020-10-21 15:40


職員返緊工就係代表公司，職員都咁答仲唔係官方答案？
唔理呢個係咪官方答案，跟據你既講法規矩無論幾唔合理都要遵守，睇返使用條款CLS有最終決定權，職員話畀換咪畀換，唔畀換咪唔畀換囉，職員既決定就係規矩，就算他日你唔見細卡拎大卡去補卡佢唔畀你換，你都唔好爭取啊！食得感魚抵得喝，用得儲值卡就預咗，冇人逼你用嫁！

---

作者: FT907    時間: 2020-10-21 16:34

本帖最後由 FT907 於 2020-10-21 16:39 編輯


睇返#39 師兄點講

   " 任何一間電訊理論上要你有大咭先同你轉咭

有人得唔代表係合法同合理老奉"

你今次換到, 不代表次次都得!

結論係要依規矩做, 規矩話細 sim + 申報 +ID card copy 就可補領, 咁咪得囉.
若CLS 唔俾 補領, 你可拎份條款(if you have)出黎炸佢型.

---

作者: klch0214    時間: 2020-10-21 16:51


你睇返晒咁多個回覆，請問有邊個話唔見大卡CLS老奉要補卡畀個客啊？
至於合法唔代表合理，合理唔代表合法，我係質疑緊你既講法，點解規矩不合理都一定要跟？
CLS有權隨時改條款，如果佢話條款改咗你就要跟嫁啦，點解你可以咋佢形？你唔係話無論規矩幾荒謬都要跟嫁咩？

---

作者: NeTZoO    時間: 2020-10-22 08:55

其實睇番2樓，樓主未正式轉台，佢仲可以做好多野，包括 停止轉台 來保留 號碼在舊台，
另外 佢手上仲有張轉台紙，因為未正常轉台，原sim 未正式啟動，換卡應該唔復習，不過大前題sales 要幫佢做同埋有卡比佢換

---

作者: FT907    時間: 2020-10-22 09:49




    係呀, CLS有權隨時改條款，無論規矩幾咁荒謬都要跟嫁!你覺得不合理可以唔用! 或同佢打官司囉!  周不時信用卡的條款都可隨時改, 寄封信比你就算, 幾時有咨詢過你咩?

我話可以炸佢型, 係指若跟足條款要求都不換比你. 你咪炸佢型囉! 你咪誤導!

---

作者: youhello507    時間: 2020-10-22 12:29

我轉過去中移，csl 都只係俾過細卡佢睇

via HKEPC IR Pro 3.6.1 - iOS(3.0.0)

---

作者: klch0214    時間: 2020-10-22 13:56


我幾時有誤導你？跟足條款CLS都係有最終決定權喎！
你自己都講咗重點囉，覺得不合理可以唔用，可以咋佢形嘛！
總之你就岩哂啦！其他人都係誤會你意思，你係唔會錯既！
明明就係你態度差，係都要話人唔岩，而家又改口！

---

作者: ze123    時間: 2020-10-22 14:06



依家兒戲好多，好求其.

---

作者: youhello507    時間: 2020-10-22 14:32

回覆 66# ze123

其實有條例, 話一定要大卡咩?

---

作者: FT907    時間: 2020-10-22 14:41




    態度差得過你? 唔明又死撐!
我已經講得好清楚. CLS有權隨時改條款，你要換卡, CLS 有權叫你依足現有條款才換俾你! 咁有乜問題先? (至於有冇得走盞, 就視乎情況, 肯酌情換俾你又另一回事)   你若有任何不滿/ 覺得不合理, 可以咋佢形, 問佢做乜改條款前唔咨詢過你, 你可以去消委會投訴, 又可以唔用佢, mnp去別處, 又或同佢打官司囉!

---

作者: diofit905    時間: 2020-10-22 16:02

報告返俾咁多位師兄聽，今日我帶埋老人家去門市，對身份證及影印副本，簽署卡主聲明，再補$40，就順利換到卡了。

今次真係自己唔小心，竟然會掉咗張卡，所以絕對願意補錢換卡。當初最擔心係俾錢都解決唔到，冇咗大卡證明唔到號碼持有人身份。

小弟十分感激咁多位師兄寶貴意見，幫助小弟解決一大難題，亦多謝CSL熱線及分店職員積極協助長者處理換卡。

---

作者: ze123    時間: 2020-10-22 16:18



唔使大卡，網上填表都得.

---

作者: 返工搭巴士    時間: 2020-10-22 19:46

轉去lucky sim 再轉
有細sim果19個ICCID就得

via HKEPC Reader for Android

---

作者: FT907    時間: 2020-10-22 22:57




    若果係咁簽份聲明+身份證及影印副本就得, (不是"核對"身份證, 因CLS從不知原有卡主是誰)
咁個大卡套. (卡主証明書)咪形同虛設?
當然我不會質疑CLS d規矩,........ 但總有點奇怪.......若事後有人拿出個大卡套, 又自稱是卡主, 咁點証明誰是真正卡主??

---

作者: PKHRY    時間: 2020-10-22 23:42


大卡套主人。但呢啲極端情況到時要行政機關處理。

via HKEPC IR Extreme 4.2.3 - Android(4.2.0)

---

作者: NeTZoO    時間: 2020-10-23 08:33



以樓主個case, 台未轉，sim 未啟動，張大卡仲未係卡主卡

---

作者: youhello507    時間: 2020-10-23 08:43


幾乎冇可能，簽咗份遺失聲明，有法律效力，去違法拎個電話no. 又冇咩 jetso, 諗唔到邊個做

邊個係真主人，好多珠絲馬積嘅，到時交俾執法機構處理囉

via HKEPC IR Pro 3.6.1 - iOS(3.0.0)

---

作者: klch0214    時間: 2020-10-23 10:51


我唔明？由始至終都係你唔明其他人既意思，死都要話人錯啊！
你快啲轉台唔好再用CLS啦，冇咗大卡都可以被人補領到，好危險嫁！

---

作者: 蛋牛治    時間: 2020-10-23 11:19



呢條友wingwing地
我認得佢個跳海icon
佢當初知道hello時如獲至寶
但hello難mnp
佢猛咁話唔明，$38都係錢，點解唔做佢生意  
同佢解釋左好多次張單太細，佢都係唔好明
我之後就叫佢做$38大爺

---

作者: ze123    時間: 2020-10-23 11:21

事實就係依家大卡係可有可無,好多係上網或者whatsapp 就可以辦理MNP.

---

作者: ze123    時間: 2020-10-23 11:23

回覆 72# FT907


   

事實的確係好兒戲.

---

作者: PKHRY    時間: 2020-10-23 12:58


佢唔係 wing wing 哋嗰種師兄。
佢只係 mindset 同普通人唔同，你睇佢屋企嗰個老人家固執又學唔識智能手機就知佢家族文化，不過佢都算係孝順嗰隻。

講返正題，遺失唔遺失大細卡都未喺重點，而且千祈唔好將自己既 ICCID 號碼公開。

via HKEPC IR Extreme 4.2.3 - Android(4.2.0)

---

作者: NeTZoO    時間: 2020-10-23 13:15



keep大卡其實係一個姿態黎者
sim卡張晶片在細卡內,如果張細卡未死,用到打到出街本身已經可以confirm係卡主,
只係有時張sim殘到連ICCID都睇唔到/睇唔哂至要你show大卡,叫你keep好佢~

---

作者: klch0214    時間: 2020-10-23 13:52


正解，儲值卡係認卡唔認人，只係好多時細卡睇唔清ICCID或者唔見細卡，佢容許你用大卡證明自己係卡主，如果大細卡都唔見就total loss，人地唔補畀你你都冇晒符，所以就算唔見大卡都應該盡快去補返，唔係細卡都唔見咗就大件事。

---

作者: 蛋牛治    時間: 2020-10-23 14:06



mindset唔同係邊方面唔同/點唔同先？
有D人係高過其他人，有D人係低過
比$38就當自己係大爺，應讓係後者？

---

作者: 蛋牛治    時間: 2020-10-23 14:08



或者咁講，大咭係一個方法
但唔代表佢係唯一一種方法

---

作者: 鴨仔    時間: 2020-10-24 21:51




    唔好臨渴掘井

---

作者: FT907    時間: 2020-10-28 17:11




    我執到你個電話, 拆咗張sim卡出嚟, 入落我電話度, 打得出打得入, 咁是否證明我係卡主呢?
若你咁啱又唔見咗個大卡套, 你憑乜嘢證明你係卡主?

---

作者: FT907    時間: 2020-10-28 17:13




    一單還一單, 唔好用呢單嘢嚟講我,
而家同你講緊個大卡套度細sim card 補領嘅關係.  同我m 唔 mnp到hello卡係兩回事

---

作者: FT907    時間: 2020-10-28 17:20




    mindset 同普通人有乜唔同? 我只係理性討論. 正如我上面講.我執到你電話. 拆咗張sim卡出嚟入落自己電話度,打得出打得入.  咁啱你又唔見咗個大卡套, 請問你點証明你是卡主?

---

作者: PKHRY    時間: 2020-10-28 17:36


其他人咪同你講咗，報失紙。
至於證明問題，呢啲係你、電訊商、甚至係執法機關嘅事。要證明個號碼係你其實唔止係得卡主證明書一種，只係卡主證明書係最直接最方便嘅途徑。

如果你想學多啲嘢，你可以學下乜嘢叫做物權法。

隨地掉垃圾，舊垃圾又冇寫我名，即係個垃圾唔屬於我，對嗎？
地下有舊垃圾，我好心執起佢，畀人見到，咁嗰嚿垃圾係咪屬於我？

via HKEPC IR Extreme 4.2.3 - Android(4.2.0)

---

作者: 蛋牛治    時間: 2020-10-28 17:48



所以我咪話佢個精神狀態怪怪地
唔值得為佢打咁大段浪費時間

---

作者: NeTZoO    時間: 2020-10-28 18:30

本帖最後由 NeTZoO 於 2020-10-28 18:43 編輯


你有機會轉到台架，咁點呢？
你想拗咩呢？
卡主，2樣都無 又真係証明唔到個喎，咁又點呢？

馬會都可以報失彩票，你又估佢用咩理據比人報失？
有D野唔係為拗而拗

---

作者: FT907    時間: 2020-10-29 08:33




    不是有機會轉到台, 而係你會冇左個電話 number

---

作者: FT907    時間: 2020-10-29 08:36




   你除了一味評擊我, 對個帖的討論有乜正面貢獻? 回去吃你的蛋牛治吧!

---

作者: FT907    時間: 2020-10-29 08:42




    我對你上面一大堆理論不感興趣, 我只對實際狀況有興趣,
請正面回應, 若你不能出示大卡套, 但有報失紙, 而對方拾到你電話, 用你 sim 卡, 對方有冇可能拿去 MNP, 引致你冇左個電話number? 請正面回應! Yes or No?

---

作者: NeTZoO    時間: 2020-10-29 09:44

本帖最後由 NeTZoO 於 2020-10-29 09:55 編輯


如果你執左個人地個電話,而又主動地現身去轉台,咁同做笨賊有乜分別

到時無話無野好做 ,有申報機制個台實有辨法hold起你個no.去查,你地到時互相証明,做賊 實比人捉到
你新用no. 係咪用開一check 就知,大家比証據既者,到時你咪搵律師解下話囉

其實唔係有人講左自由鳥唔駛比大細卡資料都轉到台,你估隻爛雀又點解咁老定比你轉到?

---

作者: youhello507    時間: 2020-10-29 12:28


正解，根本冇咩人會咁on9

via HKEPC IR Pro 3.6.1 - iOS(3.0.0)

---

作者: tcks    時間: 2020-10-29 12:47

轉去萬能卡，佢哋唔洗大卡，一定要細卡。
咁又點解釋？

---

作者: PKHRY    時間: 2020-10-29 13:14


解釋係吃蕉中心佢哋冇執正嚟做。

但如果佢哋執正嚟做，有啲街坊會唔開心，尤其係嗰啲想「代屋企人攞佢哋身份證副本或者細卡」去做攜號轉台既街坊。

低調啲

via HKEPC IR Extreme 4.2.3 - Android(4.2.0)

---

作者: PKHRY    時間: 2020-10-29 13:27


若事主不能出示大卡套，但手上有報失紙，而敵人拾到事主電話並「即時」非法地利用事主手機裡面既 sim 卡去做 MNP 攜號轉台，敵方係有可能成功取得事主電話號碼既控制權，引致事主冇左個電話號碼。

事情並不複雜。

既然師姐你對理論不感興趣，咁我就唔再繼續吹水落去了。

一、遺失手機，事主應該即時要做乜嘢補救措施？
二、遺失信用卡，事主應該要即時做乜嘢補救措施？
三、有報失紙，但手機號碼比敵人 MNP 攞咗控制權，事主應該要點做先至可以補救？
四、有大卡，但手機號碼無端端比敵人 MNP 攞咗控制權，事主應該要點做先至可以補救？

通常啲老坑，對一大堆理論不感興趣，又唔肯去學，只係一心想要答案

via HKEPC IR Extreme 4.2.3 - Android(4.2.0)

---

作者: 蛋牛治    時間: 2020-10-29 14:02



因為我知同個比$38就當自己係大爺的X講道理係浪費時間

我食蛋牛治，你咪學你自己個icon跳海囉