作者: diy-apprentice 時間: 2016-7-2 13:14 標題: USB3.0外置盒點解成日斷線？
有興趣的就來講一下你遭遇到的問題和hardware config。
作者: davidsui 時間: 2016-7-2 13:45
提示: 作者被禁止或刪除 內容自動屏蔽
作者: computer1975 時間: 2016-7-2 14:16
之前 orico 同冷氣机 插自同一個拖板,
開關空調都好似會jump 一jump,
後來orico 郁左,
插埋入 UPS (去左 ...
davidsui 發表於 2016-7-2 13:45
我有個Orico孖dock，有斷線復聯再斷線。
佢D產品品質同山寨貨差不多、其它CHING話火牛好雞。親見經歷Orico USB 3 power hub跟的火牛, 除輸出DC 5V還會出AC 230V，電到手都麻。
作者: diy-apprentice 時間: 2016-7-2 16:08
我有個Orico孖dock，有斷線復聯再斷線。
佢D產品品質同山寨貨差不多、其它CHING話火牛好雞。親見經歷Ori ...
computer1975 發表於 2016-7-2 14:16
我可以話你知，所有.switching power supply都有類似的問題，並不是個別品牌的問題！我先前在另一帖早就講過，早在97年，我買一部Panasonic的Laptop時就發現這個問題，當時佢係少數有全不鏽鋼頂蓋的型號，每次一摸個蓋，就有手震的感覺，當時我就用他筆去試一下，結果就著燈，之後我就翻箱倒籠咁去試手上所有的電子牛 結果係隻隻都有同樣情況，包括Toshiba，Winnote，iLufa，甚至IBM，HP, .NEC 等，全部中晒，當時佢地仲用緊2腳電源線添！
今時今日，HP等的Laptop早就改埋用3腳電源線，只不過係把漏電的外殼落左地，但低壓端仍然係有能力把他筆著燈的情況出現，而就這情況，我曾在網上找左好耐和好多資料，但結果顯示此乃其天性，輕微的漏電情況係一定存在的，就算去到醫療級的電源，也一樣有輕微漏電，只不過係漏少D，但不是沒有！唔信可以自己去搵下。
我亦曾為此問題，考慮過用番傳統的繞線火牛，是否可以杜絕這問題？不過，而家在市面買得到的繞線火牛，就算在華輝等買到的，回來測試後，都係一樣有輕微漏電的情況出現，因為而家廠家都不再嚴格執行這個絕緣程度的要求。
所以，你話Orico的火牛有輕微漏電，呢點我絕對同意，不過，其他品牌的也是一樣，只係你發唔發覺而已，唔信又可以自己做下測試，花十零廿蚊，去買一枝他筆回家，逐隻火牛試下佢，睇下有幾多隻會著燈，有幾多隻完全無著燈，我就親自試左N咁多次了！
作者: diy-apprentice 時間: 2016-7-2 16:17
之前 orico 同冷氣机 插自同一個拖板,
開關空調都好似會jump 一jump,
後來orico 郁左,
插埋入 UPS (去左 ...
davidsui 發表於 2016-7-2 13:45
呢個情況唔難理解，因為冷氣機係屬於高耗電的電器，尤其是係壓縮機起動時的電流可以比負載電流大幾倍，驟間引起的電壓降，足以把對電壓變動非常敏感的裝置做成干擾，所以把它們分開在不同的電源供電，係基本的要求。
作者: diy-apprentice 時間: 2016-7-2 16:21
至於斷線的問題，其實大家應該較詳盡的講一下，例如接駁的USb3.0是甚麼底板，或是用甚麼晶片，只係得一組USB3.0接駁，定係多過一組，係同時接入去一個晶片，定係接去不同的晶片。通常底板只有兩個USB3.0，假如只係一組就點接都得啦，但假如係兩組，但又無再加卡，咁就即係兩組都接晒落去同一個晶片內，係咪咁樣呢？定係有其他更多的組合？
作者: davidsui 時間: 2016-7-2 16:34
提示: 作者被禁止或刪除 內容自動屏蔽
作者: diy-apprentice 時間: 2016-7-2 16:36
之前在香港買 orico 2 bay dock,
隻牛同在香港買 unitek 2 bay dock,
一樣的牛.
講話unitek 牛好d 的 ...
davidsui 發表於 2016-7-2 16:34
其實隻牛值得幾多錢，假如佢件貨係好的，只係隻牛問題，掉左佢自己再買過隻都得啦，要幾靚有幾靚，洗乜咁頭痕！
作者: diy-apprentice 時間: 2016-7-2 17:54
我就講下我過往遇到的斷線問題啦，好在而家基本上經己解決左。
最早期我係用MSI-890GX-M65的底板，這板係用NEC的晶片做USB3.0，按常理用得日本晶片，又係Gaming series，應該都唔會點雞啦，但事實就係斷到我驚，當時用緊的外置盒經已有幾隻，包括5隻Magic-Pro的MP-M3 USB3.0，亦有連牌子名都無的早期產品，型號WLX-393U3，WLX-876U3各一隻，Hornettek X2-Rack HD3211URC，Hornettek Enterprize 4X HT-3402U3
http://www.cdsonline.com.hk/Prod ... 3402U3/HT3402U3.htm
http://www.cdsonline.com.hk/Prod ... X2-RACK/X2-RACK.htm
http://www.ncix.com/detail/magic ... -3-5in-ae-56847.htm
https://tw.msi.com/Motherboard/890GXMG65.html#hero-overview
https://www.amazon.com/Favirtue- ... osure/dp/B00FF220LK
http://www.newegg.com/Product/Product.aspx?Item=9SIA34P2BN3256
作者: diy-apprentice 時間: 2016-7-2 18:03
除此之外，我仲有兩部機頂盒，早期只係得3200D，到今年年初再買多一部3300D，機頂盒每日接駁USB3.0的外置盒來錄電視節目，在3200D年代，試過連接WLX兩部外置盒，都有斷線問題，後來接Magic Pro 的M3，情況有所改善，但斷線的情況仍然係間唔中就有一次，但可以接受，平均一個月有一至兩次開機話搵唔到HDD。
當第一個HDD錄完的節目我就會Cut埋廣告，跟住就會搬去第二個M3的外置盒，但這裡就間唔中出現問題，例如開了外置盒就搵唔到，又或者搵到了，搬緊過去，但可以搬到一半就唔見左，之後機頂盒就以為搬完熄埋機，假如唔再double check，將舊的檔案刪埋，咁就無左一部份檔案！呢個伏我就中左唔少了，最初都唔知點解，後來才知道係搬的過程出問題。
作者: diy-apprentice 時間: 2016-7-2 18:20
之後，輪到把cut左廣告的檔案再整理和搬去其他HDD，接駁的方式，可以係一組USB 3.0的外置盒，直接抄入機內SATA的HDD，也可以是兩組外置盒，一出一入接晒USB3.0咁搬，但無論係邊種情況，都係抄得幾十GB或百幾GB後就斷線，當時係用緊XP 32bit 的OS來操作，最初懷疑係咪外置盒唔夠電，但結果係就算我駁隻12V 5A的落去一個HDD，都一樣係咁斷，仲有就係我唔係得一部機，我係有5部同一底板的機，都一樣有同樣情況！咁你地話點解！
為了徹底解決這問題，我又再了Magic Pro的V74 USB3.0卡回來，最初用落好似OK，於是再買多幾張回來，前後一共有4張，但好景不常，再用多一段時間之後，仍然係繼續斷線！
到左呢度，基本上我係完全絕望和放棄USB3.0，情況就同多年前USB2.0的時候一樣，當年唔好講話外置盒，甚至係不同的盒配不同容量的HDD，都有完全不同的結果出現，直到後期USB2.0才穩定下來，而當年我亦一次過把舊有的USB2.0全部掉晒，再買過最新的回來，才解決了USB2.0的問題！
其實當年連1394這個port的情況也是一樣咁差！話說我當年買左一部Toshiba的Laptop，佢就有這個port，但在XP之下係搵唔到我個外置盒，但同一部機裝個2000落去，就馬上正常認到了，問過Toshiba，佢地都無晒符！
自此之後，我就改用e-Sata來取代USB3.0，所以後期買的外置盒，全部都一定要有e-Sata，而我亦以佢為主打，如是者用左幾年，e-Sata俾我的信心係很滿意的，用左咁耐，電腦接駁從未出現過斷線問題，唯一問題係一轉左Windows 7，雙Bay或4 bay的外置盒就只能認到一隻HDD，用番XP就無問題！但可惜機頂盒就無e-Sata port，所以仍然要忍受間唔中斷線或搵唔到HDD的問題！
作者: diy-apprentice 時間: 2016-7-2 18:51
本帖最後由 diy-apprentice 於 2016-7-3 10:55 編輯
直到此刻，無論係用NEC晶片的USB3.0，定係Magic Pro的V74(VIA晶片)USB3.0卡，就算接駁Hornettek的兩隻外置盒，一樣斷線，其他舊的就更加唔洗講，咁問題到底係邊度！就算890GX-M65這主板先後夠鐘收工，我開始轉買970A晶片的底板，MSI和ASUS的各兩件，MSI的係然係NEC晶片，華碩的就用Asmedia的晶片，情況也依然一樣，繼續斷線，咁點算好，問題仲未解決！
https://www.asus.com/hk/Motherboards/M5A97_LE_R20/
https://tw.msi.com/Motherboard/970A-G43.html#hero-overview
直到幾個月前，買左3張ASUS的USB3.1的卡回來，就開始搵到問題了！此卡要用較長的PCIe槽，係佢唔方便的地方，但試用過之後，竟然可以完整地抄晒2TB的資料過去另一隻外置盒，完全無斷線過，這情況在幾個月前我經已在另一帖提及過！除了Magic-pro 的Mp-M3外置盒未試過接駁落去之外，其餘的全部都可以完成，非常開心的發現！
https://www.asus.com/Motherboard-Accessories/USB_31_TYPEA_CARD/
而Magic Pro的V74卡完全唔掂，並不單是這個情況，更甚的係我用另一個USB2.0的外置盒，接一個Fujitsu的2.5" HDD，只係600mA的耗電量，直接插入USB2.0都可以推得郁，但插入V74竟然唔夠電推唔郁！所以我早就對佢起疑心，但耐何其他的USb3.0晶片也一樣有問題，所以我只能說，佢最衰可能係得20分，NEC和華碩的係40分，但都係一樣肥佬，而USB3.1就100分！
作者: Once 時間: 2016-7-2 18:52
買過一隻舊款Orico 會睡死
作者: diy-apprentice 時間: 2016-7-2 19:02
咁岩其中一件MSI的970A，前面的USB3.0又開始有問題，連手指都detect唔到，於是我又去搵替代方案，結果在Orico搵到一張USb3.0的卡，後面有5個port，仲可以接前置USB3.0，於是就去買一張回來試下玩，竟然再有另一個驚喜，就係佢一樣可以做晒2TB的資料抄過去，而佢仲方便，只係佔用普通的PCIe X1就可以了，唔洗搵長的PCIe來插，又可以做埋前置的USB3.0，真係好極了！
作者: diy-apprentice 時間: 2016-7-2 23:04
既然發覺原來執到寶，於是再來一次，走去佢間專賣店，再買多四個HDD Docking，兩個只係得USB3.0，另外兩個有埋USB3.0再加埋e-Sata
https://hk.f1.page.auctions.yaho ... 41573614?u=orico_hk
換左落去機頂盒，試用左兩個多月了，效果非常滿意，從未出現過話detect唔到HDD，下一步就可以再試埋用機頂盒搬檔案過去會否搬到一半又斷線，假如再無這情況出現，機頂盒的問題就正式可以完結。
至於電腦抄檔案的問題，亦有進一步發現，原先Magic Pro的V74卡，係有一些問題，不過好奇怪就係配合埋這幾個新買的Orico docking，竟然可以正常操作，抄足1TB資料來回幾次都無問題，唔通真係雞野互相可以協調到！
多了這張Orico的USB3.0卡之後，另一個發現就係，假如有兩組外置盒要互相對抄，兩組一齊接埋去同一張卡係好易會斷線的，原因不明，這也解釋了為何就算NEC和Asmedia的晶片，假如配埋Hornettek的外置盒，也一樣無面俾！相反，假如係一組接底板built-in的USB3.0，另一組接Orico的USB3.0卡，就非常穩定，就算用番那些WLX的無牌雞野，竟然也可以順利對抄1TB的資料多次無問題！
相信至今，問題經己明確，主要係兩組外置盒最好分開接兩個不同的晶片，可能咁樣會減低其工作的負載量，而Magic Pro的V74卡，亦不宜再作正常使用，而我保當佢的原因只得一個，就係佢可以裝在薄機箱內，假如一定要裝薄機箱，就可以用佢作不時之需，叫做好過無。
作者: diy-apprentice 時間: 2016-7-3 10:13
Magic Pro這張V74卡係用VIA上代的晶片，其實在EPC論壇裡，和其他外國論壇，早就有人有同樣的難題出現，只係一直無法解決，而Orico的新卡，係用VIA新一代的晶片，表現明顯好好多。
同時，最近我又開始組裝了另一部測試機，轉用Windows 10，最新的結果顯示 Magic-pro的外置盒MP-M3也有不穩定的情況，放兩隻1TB的HDD入去兩個M3內互相對抄，資料的轉輸率係急速跳動，經常會出現由約100MB/Sec跌至40MB/Sec，甚至輕微下破埋添，這也解釋了點解機頂盒會間唔中搬檔案時會斷線，在正常錄影的低負載情況，可能尚可以容忍，但當大量資料要抄寫和搬動時，馬上就現形！所以，下一步要退役換走的，就係這些MP-M3外置盒了！
所以，對於我來說，能找到穩定地工作的Docking是我的目的，至於其他的火牛問題，我覺得只係次要，大不了就掉左佢原裝的牛，自己買過隻，反正支出有限，而家我發覺Orico這隻臥式的Docking係相當好用和理想，裝拆HDD方便，又可以直接外露散熱，有需要可以自己外加風扇吹住來散，又可以換隻2.5"的HDD落去更慳電和降低發熱量，而最重要係穩定無投訴，機頂盒和電腦都可以兼容，轉輸速度又足夠等(甚至比Hornettek的兩個外置盒更快)，再次證明，晶片真係一代好過一代。
至於呢度又有好多人話鴨記買到的平價火牛唔夠班，叫人唔好用，唔好買，呢點我就不予置評，一切都係睇你願意花幾多錢，而貴價的是否一定好？呢點係未經證實，可以係，亦可能唔係，要等真係用過的人來報導至知。不過，我就有另一個拆衷的方法，就係買更高規格輸出的火牛。早前我就曾買過一隻回來，發覺佢個輸出電容的電壓就真係去到盡，例如輸出24V，佢個電容耐壓值就真係得24V，以此邏輯去諗，咁HDD的12V火牛，會否又係用12V耐壓值的電容？既然係咁，就索性豪俾佢啦，買可以調較電壓的火牛回來，要求用12V，就買可以調到15V，甚至係18V的回來，佢點偷極個輸出電容起碼都要有15V和18V啦！HDD只係要1.5A左右就足夠，買夠個2.5A，甚至3A或以上的回來，就肯定點偷都夠電啦！以上的規格，隨手都可以在鴨記買到，又平又方便，點都易個去搵隻名牌牛，又貴又難買吧！
作者: masseffect 時間: 2016-7-3 11:40
我可以話你知，所有.switching power supply都有類似的問題，並不是個別品牌的問題！我先前在另一帖早就 ...
diy-apprentice 發表於 2016-7-2 16:08
其實我唔明，啲三腳個水線就係為左俾金屬殼嘅電器接地用...
但佢又唔接地
我用過嘅sony notebook同orico usb 盒都有呢個題
作者: diy-apprentice 時間: 2016-7-3 12:12
其實我唔明，啲三腳個水線就係為左俾金屬殼嘅電器接地用...
但佢又唔接地
我用過嘅sony notebook同orico ...
masseffect 發表於 2016-7-3 11:40
根本所有電子牛都有同樣的問題，並不是個別品牌的問題。我夠膽講得出，就因為我真係親自度過，所以我夠膽挑戰，任你地自己買支他筆在家裡隨便度，都有同樣的發現！就算當日我在公司兼任IT Manager時，連公司的電腦，Laptop等我都親自度過，大大話話都有幾十部，肯定超過95%實中，真正搵唔到著他筆的，真係100隻只得1-2隻！
至於所謂落地的問題，只係俾機殼落地，但電子線路有否落埋地，就係另一回事，個別有D雙重迴路絕緣的產品，根本無地可接添！
至於落左地係咪就代表無事，其實唔係，只係以另一個形式存在，假如你屋企同一時間有太多電子牛，佢地又有漏電和落晒地，結果會點？就係成日屋企會跳漏電掣！
假如你屋企成日無厘頭咁跳漏電掣，幾乎可以肯定，係這些電子牛作怪！
作者: fxng 時間: 2016-7-3 12:52
試過windows 8問題，抄緊嘢都會sleep，update後解決。
亦試過usb頭氧化而接觸不良
作者: trustme133 時間: 2016-7-4 15:40
Orico,我有隻2.5吋usb3.0 box.
真係成日斷,仲係係海鮮舫買.
已經証實係usb位問題,應該係做工差.
比雜牌山寨更差又貴人咁多.
垃圾.