標題: [開箱] 新色登場! Tt Shock 烈火黃魅力開箱 [打印本頁]

---

作者: cleverandy    時間: 2013-7-3 22:49     標題: 新色登場! Tt Shock 烈火黃魅力開箱

本帖最後由 cleverandy 於 2013-7-4 14:23 編輯

腦場最近出現了一批的新的Tt耳機，不過今次就唔係新型號，而係係新顏色登場。我講緊果款Tt耳機就係Shock。而我有幸在PC遊戲部落格Valor Gears與代理廠商Basco合辦的活動中贏到一隻，甘我就選了Shock的黃色版本(Sunfire yellow烈火黃)。事不宜遲，比大家睇下我的戰利品先！


耳機本體：

這隻就是本次開箱的主角Tt Shock SunFire Yellow，照我話其實可以叫佢做大黃蜂，唔單只係因為佢用黃黑配搭，仲有…… 賣個關子先！睇番張貼紙就知保固方面係由Basco Technology代理負責，提供2年優質保養。


包裝背面標示了一些不同部件的說明和特性，有機身、麥克風和線控等等，這裡不多說了，一會逐個介紹。


包裝側面標示了全部主要的規格


開箱文梗係要開箱啦！等我叫朋友幫下手先~


大黃蜂現身！其實我係尼刻好似見到支咪身好似長左絨毛甘，咩來架？


Shock配備40mm大型喇叭驅動單體，帶來立體聲音效。音效特質將會在稍後的測試部份詳解。另外單體的接位有輕微的角度調整，帶上後，會自動擺到最貼合你的面型。


大黃蜂配的線控也是以黃色打造，線控背面有個夾方便夾在衣袋上，而音量控制是齒輪式，用輕力便可調較音量。另外由線控後計，線材有3米長，即使要拉到機箱後亦不用擔心唔夠長。並設有一個小小的防干擾磁環及附送一條理線魔術貼帶。線控盒以至全機的線材接駁位都採用了防拉扯設計。


耳咪使用時可以降下來，不用時可以推上去。耳咪中段為橡膠物料，使其可大幅度彎曲、扭動，且內有軟鐵以記憶位置，使咪有幾貼服就幾貼服。


由上圖可見，麥克風是採用雙向性設計的，而且支援了抗噪功能，過濾雜音，配合埋貼服的耳咪，這樣能準確地接收用家的對話，並避免接收到大量環境噪音。


耳罩為絨毛材質，比起一般的皮革材質更柔軟、吸汗。加上用上可折式設計，方便用家拆下來清潔和更換耳罩。而且耳罩的大小都十分足夠包住整個耳朵，我有個小貼士，適當地調較耳帶可使耳朵更舒服。




耳機的設計很貼心，在鉸位上刻有大大隻「L」和「R」，一眼就睇得出耳機的左右方向，唔洗慢慢揾。


再黎睇下個頂戴先，外皮為蛋白質皮革，而內層就以海綿填充，以減低頭部的壓逼感。這個我就覺得…… 係總結時先講


而至於碩戴的外側就標示了Ttesports的大大商標。講番整個耳機的外型方面，有一半面積是採用鋼琴鏡面處理，其餘的就是霧面的，有鮮明的對比。


叫得佢做大黃蜂，當然識得變型啦！看完以上的動畫演示，就可見到接疊變型的效果。當然鉸位的折疊幅度不單只有這麼少，兩面的單體其一可以折到頂體的位置，而另一個就疊到上面。


這個伸縮頭帶2邊可調整的段數各為10段，理應適合大部份頭型。且每段都有卡榫，不用再靠感覺來平衡兩邊的長度。另外這個伸縮頭帶的內部為金屬彈片，既耐用又型格。

接著就來看一看產品的附件：

在裝機機的黑色盤後，收藏了這樣一盒東西。


原來有一個大大的收納袋，將耳機完全折疊後，便可原隻收好。袋上有索帶的設計，可以把袋袋封好，除此還可放有其他小物件，這個配套可見廠商十分貼心，在用家的角度出發。


再來睇下盒入面有什麼東東先~


盒中原來有產品介紹書、產品保固說明和單子各一本


最後來幅合照先，黑色襯黃色真係好夾，仲有個紅色的Tt Logo~

---

作者: cleverandy    時間: 2013-7-3 22:50

本帖最後由 cleverandy 於 2013-7-5 20:05 編輯

Shock 耳機簡介
Shock前後推出共7款顏色設計的款式
包括最新推出的以時尚鮮艷顏色主打的：烈火黃、海軍藍、酷閃橘、熾焰紅
以及原有的經典顏色的：軍武綠、光亮白、鑽石黑

耳機規格：
．驅動單元：40mm
．響應頻率：20 - 20K Hz
．阻抗     ：32 Ω
．最大輸入：100mW
．靈敏度  ：114 dB ± 3dB(1KHz)
．線材長度：3m
．接頭     ：3.5mm x2

麥克風規格：
．響應頻率：100 Hz - 100 KHz
．收音方式：雙指向性
．靈敏度：-38 dB


用後感總結：
音質
這隻耳機的音域主要在低音和中音出色，比我之前用開我Steelseries Siberia v2在低音的表現來得震撼很多，用在打機上的表現是比較良好，聽腳步聲、炮聲和類似LOL的立體中低音音效上是十分強，音場表現深度亦幾好。

不過係聽音樂方面，則各有長短。與舊耳機相比，人聲是來得比較清晰，更貼近耳邊，而我的舊耳機就柔和一點。不過正因如此，會聽得比較多氣息和歌手細微的瑕疵，好不好就要看你的口味了。不過這樣也有另一好處，就如聽遊戲比賽的評述或遊戲通訊時，人聲的對話特別清楚（大前題是背後不要播重低音音樂！） XD

另外高音方面就是明顯較遜色，而低音的歌聲，音樂就表示得幾好，來得渾厚。與舊耳機相比，音樂聲是來得比較靈敏，對於琴聲、結他聲等等樂器，音色來得比較突出。但因此，在低音音樂配唱歌時，有機會樂音有一點掩蓋歌聲。

設計舒適度
優：
絨毛材質的耳罩設計確係幾舒服，不會頂耳，又不易使耳悶焗、出汗。
伸縮頭帶的設計令耳機對唔同頭型的用家都能戴得舒服，耳罩亦能伸到包住全個耳朵。注：我用的是每邊各5段。
線控有個夾子，夾在衣角後，就能避免線材係打機時，纒住手和其他物件。

缺：
不過頂戴的軟墊雖話可減低頭部壓逼的不適，不過在我試驗這個耳機打機、聽歌時，太約一個半小時後也會感到頂頭的壓力。
另一點就是機身不夠輕身，長時間戴著較快使頸部疲勞，不宜作過長時間連續使用，侍隔一段長時間除低鬆一鬆就無事了。

耳咪
這個地方可說是整個耳機最完美的地方。耳機收音能力比較好，即使咪不太貼嘴也能收得到。不過採用雙指向性的關係，所以咪的兩邊都會聽得清楚，這也可以把旁朋友的說話錄進去。因此，耳咪也加持了抗噪功能，環境的雜音也能過濾得到。另外，耳咪身中部採用了軟膠設計，點屈點扭都唔怕，正好能調到嘴前。下面會有我的試咪測試~

耳咪收音測試：
[youtube link]http://youtu.be/H5HbWI_3_vY

可改善地方：
重量方面可盡量減輕，因為重量加埋頭上的壓逼，戴得耐就要除低鬆一下個頭。在伸縮耳帶那裡的膠條上，可刻有數子作刻度，雖然耳帶內有段數調較，但係若果有刻度在外就更方便知道長度，不用記住調整的格數。另外收納袋方面，袋身可加闊，因為袋的闊度確實是僅僅足夠塞入完全折疊狀態的耳機，若要把耳機收到袋中也需要一段時間，加闊後便可更便利地把耳機收好。


總結：
其實以這個價位的電競耳機來說，中、低音表現是十分出色，因此特別適合玩家作打機耳機之選。惟此耳機在高音方面，明顯較遜色，所以對女聲歌曲的表現平平，高音部份有機會被音樂掩蓋。不過另一方就是此耳機對人聲與樂聲特別靈敏，通訊對話和一般人聲的音質、音樂中的樂器聲音更為突出。在人聲方面，配合其收音表現優良的耳咪，非常合適作電子競技時與隊友通話或收聽各種賽事的評述。因此這隻Shock作為一隻電競耳機，確實是玩家的平價之選。最後多謝大家收睇我的開箱文。

以往文章：

野外露出系列 - ASUS RT-N12E
野外露出! SteelSeries siberia v2(炫彩紅)開箱文
TRIM功能強化 ADATA FW 5.0.7a (附有韌體更新教學)
[開箱測試]ADATA HE720 超薄外置HDDAsrock Z77 OC Formula 不專業的開箱文(多圖)
[開箱測試]ADATA S511 120G(13/9更新實測)
[開箱測試]ADATA S102 PRO 32GB

---

作者: raisin    時間: 2013-7-3 23:54



將圖縮到150KB以下, upload上hkepc好方便...

anyway 恭喜師兄中獎

---

作者: cleverandy    時間: 2013-7-4 00:00


多謝,但我發現將D大圖縮細,再用PS來壓,D圖仲差過係FB入面...

---

作者: cleverandy    時間: 2013-7-4 14:24

開箱文整理完成，請大家欣賞
耳咪測試將後補

---

作者: raisin    時間: 2013-7-4 14:30



戴得唔舒都幾大問題...

---

作者: cleverandy    時間: 2013-7-4 14:39


若果只說是耳朵方面就係幾舒服,
但係個重量和長時間戴後,頭頂依然出現壓逼感確係一大問題

---

作者: Chung1988    時間: 2013-7-4 16:37

隻黃色又幾觧wo

---

作者: lion97    時間: 2013-7-4 17:32

公園開箱夠特別   

下次我去公廁....   

---

作者: cleverandy    時間: 2013-7-4 17:40


多謝支持,也期待你的公廁開箱

---

作者: cleverandy    時間: 2013-7-4 17:42


之前我行落黃金睇仲未見到新色系列,本身喜歡黃色,但怕隻色會淡,不過係我拎到手之後,也覺得隻色好鮮艷,夠曬酷沒有選錯色了

---

作者: deelck    時間: 2013-7-4 18:41

支持樓主戶外+詳盡開箱

---

作者: akao    時間: 2013-7-4 22:32

你寫得好有心機, 不過耳罩略細, 呢類耳機戴得耐都幾焗...

---

作者: cleverandy    時間: 2013-7-4 22:47


多謝支持~


多謝支持
其實個耳罩黑色部份後,是還有空位的,放耳的地方除了黃色可見部份外,黑色棉圈後也可容納到整個耳朵
加上棉質比皮革通氣,無甘焗,我SS果隻用皮革的,即使空間大D,但好快就好熱

---

作者: arshum    時間: 2013-7-5 00:09

恭喜 ching 中獎
多謝你詳盡又多圖既開箱文

---

作者: cleverandy    時間: 2013-7-5 20:08

耳咪收音測試已補上


多謝支持

---

作者: a8877465    時間: 2013-7-5 22:18

想問下師兄知唔知保養係一年定二年?

---

作者: cleverandy    時間: 2013-7-5 22:52


由Basco Technology代理提供 2年保養

---

作者: raisin    時間: 2013-7-6 03:06



話說師兄今次唔用 "野外露出" 做標題既?

---

作者: 天下無雙    時間: 2013-7-6 12:34

都係一句
TT呢個牌子已經成為永不購買牌子
想知點解大家上網搵搵新聞啦
KEYWORD:
TT 台灣 西門事件

---

作者: cleverandy    時間: 2013-7-6 23:36

本帖最後由 cleverandy 於 2013-7-6 23:37 編輯

我見係度d C兄對尼個標題無咩反應 XD

---

作者: Chung1988    時間: 2013-7-7 18:49




    野外真軍測試

---

作者: cleverandy    時間: 2013-7-7 22:35


到時貨不對版,大家要我找數怎算
係唔係又抽左KBB水呢

---

作者: t246810782    時間: 2013-7-8 01:47

睇落去都幾好,幾有型,
唯一一個POINT我唔LIKE係分開左支咪,
我周圍放,好易唔見
另外分開左,夏天唔著衫打機真係唔方便

---

作者: ktgrd2142    時間: 2013-7-8 12:12

用上黃色都幾特別~

---

作者: cleverandy    時間: 2013-7-8 13:58


你所說的"分開左支咪"是…？
支咪係連住耳機，不能分拆的

---

作者: cleverandy    時間: 2013-7-8 14:00


係丫，今次四隻新色都幾鮮豔活潑，而黃色加鏡面，確實幾型，幾似跑車 ^^

---

作者: oldmok    時間: 2013-7-8 17:42

我用緊舊版個隻, 其實真係頗重同焗...

---

作者: cleverandy    時間: 2013-7-8 18:15


你那隻係舊色定其他舊版本?
重就真係算重,但焗就真係唔覺

---

作者: t246810782    時間: 2013-7-8 20:04

回復 26# cleverandy
原來個個係線控,我睇錯左,以為係SIBERIA V1個種

---

作者: oldmok    時間: 2013-7-8 22:25



紅色個隻
可能關我用皮個款padding事卦...

---

作者: cleverandy    時間: 2013-7-8 22:34


你果隻係shock  one,比這個版本高級的,但係用皮革做皮,所以會焗

---

作者: oldmok    時間: 2013-7-8 22:51



認錯左添