作者: Super169 時間: 2016-12-20 09:28 標題: 部 printer load 好難至 load 到紙, 有無得自己攪?
一部 laser 一部 InkJet, 都出現相同的問題, load 唔到紙. 唔知係咪天氣凍既關係, 最近變得嚴重左.
個情形有 d 似以前 D printer, 有得 set 紙既厚度, 紙既厚度 set 大左就會自己轉而唔 load 紙, 不斷轉個轆, 但係家陣部 printer, 搵唔到有呢樣野 set.
部 InkJet 要聽到佢 load 紙, 個紙格出聲時, 用手推張紙上去, 佢開始食實左就可以 load 到無事.
但部 laser 成個紙盒封死, 幫佢唔到, 只係聽到佢好努力去 load 紙, load 唔到可以自己 拉`出個紙盒再推番入去, 叫佢再試, 但成功率好低. 有時 十幾廿次至 load 到一次...不過, 只要肯叫佢不斷試, 總有一次得.
只係 load 唔到紙就換機又好浪費, 印野完全無問題.
有 d 懷疑入面個膠轆開始滑左(天氣凍個轆硬哂更嚴重?), 唔知有無得自己買黎換左佢.
唔知有有人遇過呢個問題, 有無方法可以自己攪掂?
作者: s84292 時間: 2016-12-20 10:53
打印機型號都冇,好難答到你
驅動程式係WINDOWS內置都另外下載裝? 正常冇理由冇得SET紙
如果兩部機都有問題,你有冇試過換第二隻A4紙係WORK?
作者: GEISS 時間: 2016-12-20 11:11
中國南方天氣容易令入紙橡膠轆硬化，只有換轆才能解決問題。
作者: TH30 時間: 2016-12-20 11:24
pick up roller 光頭吧
作者: Super169 時間: 2016-12-20 14:11
中國南方天氣容易令入紙橡膠轆硬化，只有換轆才能解決問題。
GEISS 發表於 2016-12-20 11:11
唔知 ching 有無試過換, 易唔易攪既?
作者: Super169 時間: 2016-12-20 14:21
打印機型號都冇,好難答到你
驅動程式係WINDOWS內置都另外下載裝? 正常冇理由冇得SET紙
如果兩部機都有問題, ...
s84292 發表於 2016-12-20 10:53
家陣唔記得乜野型號, 要番屋企睇.
一部係 HP 既 多功能 color laser (都買左幾年了), 一部係 Canon 既 InkJet (兩三年前 PCCW 送既).
好似唔覺有邊個 driver 可以 set 紙既厚度喎, ching 用緊乜野 driver 有咁既設定?
試過幾隻唔同既 A4 紙, 部 InkJet 就試得更多, 唔同牌子既相子, InkJet paper, 都有試過, 結果都係差唔多.
聽住佢不斷轉個轆, 但就唔一定上到. 所以感覺係個轆有問題, 食到紙就上到無事. 雖然都幾年前既機, 但用落都仲好好, 但係唔知有無得自己換左個轆佢.
作者: thankyouabc 時間: 2016-12-20 22:28
入紙個轆啲橡膠老化，淨係可以換左佢。
通常ALL IN ONE 都係好難換，貴PRINTER預左呢樣係消耗品，會設計成容易換。
去淘寶SEARCH 進紙輪 或者 搓紙輪。
作者: Super169 時間: 2016-12-21 02:15
入紙個轆啲橡膠老化，淨係可以換左佢。
通常ALL IN ONE 都係好難換，貴PRINTER預左呢樣係消耗品，會設計成 ...
thankyouabc 發表於 2016-12-20 22:28
唔該哂 ching, 等我研究下先. 我見十蚊八蚊就有, 成支連埋都係幾十蚊, 搵到合用既淘番黎試下先.
頭先去 google 搵下, 原來呢樣係好普通既死症, 仲有 D 維修公司出哂 post 專門修理上唔到紙.
阿Q D 去睇, 黎我玩左幾年至出事, 都算賺左了.
作者: p401hk 時間: 2016-12-29 13:19
入紙橡膠轆硬化上唔紙,可以去五金舖買支黃色萬能膠,用膠水 薄薄的 塗一片個膠轆邉。