標題: 新手超頻參考分享(超新星入門救星—Intel LGA775 篇) [打印本頁]

---

作者: helenchan    時間: 2009-8-15 16:53     標題: 新手超頻參考分享(超新星入門救星—Intel LGA775 篇)

寫在前之無聊序(有為人士請無視之)
首先，我一定要強調，本人都係一件新仔……你可以話我無聊搵野做，亦可以估我想出風頭獻醜丟架，但我作為一件新仔，深明新仔無從入手，求助無門，尤其係分分鐘仲未知自己想要咩、做緊D咩之苦況。我希望可以寫一篇可讀性高、實用兼親民既非技術性心得分享，幫下同為新人既入門初學者。就當係前人種樹、後人乘涼，積返D陰德………
由於我都係新人，以下內容我無辦法確保 100% 正確。如有錯漏，請高手們指點更正。

入門最 basic—你超黎做咩先？
拿唔係廢話黎架！唔好拿拿林同我 skip 左佢……皆因好多新仔查實連超黎做咩都唔知，仲以為有 so 執咁好，人去我又去……超頻大抵可以分兩種原因：

1.        實用派： 以唔增加額外開銷下，盡力超頻以提升效能。相對於玩樂派，由於budget 所限，超既幅度唔會多，唔駛講咩超 4G 果味喇。但係咁勝在實而不華，唔會無端端駛一大筆錢換下呢樣整下果樣。依家好多新人都當實用派冇到，因為佢地唔明自己查實想要乜，見人地 4G 我又要 4G……

2.        玩樂派： 並非以實際利益最大化為目標，而係以一種尋開心、玩玩具既方式挑戰自己、挑戰極限。玩具，當然要敗家燒銀紙啦！玩 4G 甚至高於 4G，代價就係要買2倍普通貨品價錢以上既 hardware，兼且 1000 以上既散熱設備(保證只會有多，唔會洗少)。

超頻前，請新手們先諗諗，自己係邊一派，定好方向至行動，唔好行咁多冤枉路，跟住以後至發覺自己戇居………

你真係適合超頻？really？
以下有3類人唔適合超頻，凡中 point 者我勸你及早放棄，無謂浪費時間：
1.        唔鍾意睇字刨文，最怕坐定定煲 post 者
2.        愛飯來張口，唔願接受挑戰者
3.        經受唔到挫折，超完 boot 唔起機會有心理陰影者

你仲肯睇埋落黎，Good！歡迎加入超頻新人行列。以上者，貌似係超頻科 U 者……

心態、EQ、AQ，缺一不可！
超頻係漫長而又成效唔明顯既艱辛歷程。所謂萬事起頭難，作為過來人，有3點誠心忠告：
1.        切忌眼高手低，未學行先學走。唔好見人地 4G，我唔得牙，咁 3.6G 點都要得啦！………你連個概念都未搞得掂，唔好一開始就整野挫敗過自己……
2.        新仔學野，態度應虛心。唔好當正自己係大爺，人地老馮要幫你、答你。如果冇人 re 你，你第一時間應該 check 下你個 post，問題清唔清楚，問得誠唔誠懇。要記住，人地答你係人情，唔答你係道理。
仲有，人地教你野，切忌懶醒駁咀，話人地亂講。都係果句，反省左自己先啦
3.        初初超頻容易成日搞鑊粥，唔知點算好。我建議初學者最好首先做好 backup，個心定好多(不過通常都唔需要用到個 backup)。
另外，唔好諗住一個禮拜就搞掂有機用咁順灘。通常處男/女第一次梗係多阻滯，超開既人 so easy，就新仔好鬼黑，衰好多自己唔知既野。你最好有心理準備，隨時1個月消耗戰。


鍾意 skip 以上既就隨便啦，不過你第日比人串唔好話「我有睇過啊陳個 post」喎


準備篇：
兄弟！同我納架生！
工欲善其事，必先利其器。響你要準備一隻腳差入黎之前，請先 open browser，進入 google(你話「我要貓科類」，都得，隨你)，並鍵入以下文字尋找工具：
1.        穩定性測試工具：
CPU: orthos/prime95/intel burn test/LinX/OCCT
RAM: memtest(win)/memtest 86+(DOS)
VGA: atitool/furmark
2.        溫度監測工具：
Everest/core temp/
3.        狀態檢視工具：
cpuid/gpuid

學生哥，好咪書羅！咪剩係掛住個 clock
請煲好你既 manual。冇錯，你可能好多都睇唔明，但係你一定要堅持認真睇晒佢，最少你一定要熟知你塊板有幾多項同超頻有關既 setting，setting 名大概係咩。至於果D setting 有咩用，下面我會嘗試簡單指出。
唔好忘記，超頻落 BIOS 係最方便既。如果連 manual 都未睇好，甚至有 BIOS 恐懼症，咁你都好難成功超到頻………

[ 本帖最後由 helenchan 於 2009-8-19 12:09 編輯 ]

---

作者: helenchan    時間: 2009-8-15 16:53

求知篇：
睇怕我呢個 post 唯一有價值既就得呢個………我會以 Asus、Gigabyte、MSI 主流 P45 板既 setting 做個例子，嘗試說明各項目響超頻時既用途。由於係新手 post，所以有部分我認為唔適合新手既，比較複雜既項目我會 skip 左冇講。至於佢本身有咩用架？呢個………我唔夠功力三言兩語解釋，而且呢個已經超出左「新手」範圍，有興趣既可以 google 一下，鬼佬有好多相關既技術性文章。不過佢地解釋一個 term 既 post 仲長過我呢度加埋………

(提示1： 並非所有板都有齊以下選項，有D板會多D，有D又會唔見左 D。需要留意返 manual 同 BIOS 核對)
(提示2： Giga 某部分板有部分超頻項目需要入 BIOS 後禁 Ctrl+F1 至出現)

FSB Frequency/CPU Host Frequency/CPU FSB Frequency
項目： CPU 外頻
建議數值： 越多越好………不過唔建議一開始定過高。可以先從超 10% 作起點，再慢慢逐 500MHz 提高
關聯數值： 冇
備註： 冇

Ratio CMOS setting/CPU clock ratio
項目： CPU 倍頻
建議數值： 一般黎講新手可以暫時唔改動。當想嘗試 CPU 外頻極限時，就可以將倍頻數值降低，以確認會唔會撞 FSB wall
關聯數值： 冇
備註： 有時需要關左個 EIST 至可以 set 到呢個項目

DRAM frequency/Memory frequency/FSB/DRAM ratio
項目： RAM 頻率
建議數值： 先假設各位看官都用緊最少 800 既 ram，冇人用 667 先啦………新手初試超頻，宜按步就班，先齋試超 CPU 一樣，ram 唔好超住。為左達到呢個目的，咁就需要除頻，即係將 CPU:RAM 比率定響 1:1 ，或者甚至降 ram 頻率，以撇除 ram 對超頻穩定度既影響。
你可以響呢個選項度見到例如 XX:XX，或者直接一個 frequency 顯示出黎。目標係 set 低佢個 frequency，最好低於 800，大過亦要揀個最小值。試左 CPU 穩定喇，至慢慢上調 ram frequency。
關聯數值： CPU 外頻。當外頻變動，呢個數亦按規律變動
備註： 查實 ram 仲有 CL 值等既延遲值可以 set，不過我 skip。有興趣既不妨 google 查看。

PCIE frequency
項目： PCI-E 頻率
建議數值： 要視乎你用緊咩 display card(假設你只用一張………) 。高階 display card 有時會影響超頻表現。如果你用緊貴價卡，可能需要調高頻率。呢個數 standard 100，建議幅度響 100~105 之間，太高有可能會燒卡，而且過高亦無助超頻。
備註： MSI P45 板冇呢個選項，佢個客服解釋話係晶片組本身限制喎……

Advanced control
項目： 基本上有四項：
CPU clock drive/CPU amplitude control
PCIE clock drive/PCIE amplitude control
CPU CLK skew/CPU clock skew
MCH CLK skew/MCH clock skew
建議數值：好視乎個別 U同板既體質。一般黎講，PCIE果項除非你超 display card，否則可以不理。CPU amplitude control較大比較好，可以試 900同 1000，CPU CLK skew同 MCH CLK skew可以試由 100~400之間既幅度。
關聯數值：冇。不過有個同樣道理既項目，DRAM CLK reference，我就唔再重複講多次喇。
備註：上述其實新手可能用唔著……不過為滿足 4G人，就放埋落黎提下。上述數值對於超頻表現影響較細，而且需要好有心機逐個逐個撞黎試，要求耐性。我覺得新手都係 auto比較好。當你想再上一層樓，或者超好後想降低D電壓時，至考慮改下佢。

CPU voltage
項目：電壓……係人都知啦，仲講！
建議數值：呢個要長篇大論喇。首先，一講電壓，成日就見人地話縮肛，咁究竟縮肛係乜黎呢？縮肛最最最~~~~簡單黎講，就係粒U被電到電子遊離，搞到粒U體質變差左。以前某某電壓就上到，家陣要再比高D，甚至狂電都上唔返。
拿唔好驚住！首先，呢個情況響 Intel 45nm制程U較易發生，65nm U冇咁易發生既；又，兩者既默認電壓值唔同。Q9550上1.55V比較危，但係 Q6600就唔係咁怕。
幅度黎講，我建議初試超頻 65nm U唔多於 1.6V，45nm U唔多於 1.45V，基本上都唔需要太擔心。如果擔心既話，超好左之後可以試下降壓，45nm降到落 1.4V就非常夠。咩話？你仲係驚？得！你唔超咁多咪得羅………魚與熊掌自己揀
關聯數值： CPU GTL reference
備註：我個人建議初初超果陣可以一口氣上高D都唔怕，等你超好之後至再慢慢試降落黎。咁比較容易入手DD。

CPU PLL voltage
項目：我都唔知中文叫咩……
建議數值：一般由standard 1.5~1.55對新手黎講已經足夠。玩到 1.6開始小心縮肛，而且呢個數過高反而會令超頻穩定度轉差
關聯數值： CPU voltage
備註：留意呢個數有可能會隨 CPU voltage變動(asus板) ，最好自己手動 set 1.5，唔好比佢 auto

FSB termination voltage/CPU termination/VTT FSB voltage
項目：一般都叫慣 vtt
建議數值：default 1.1~1.36，太高小心縮肛。
關聯數值： MCH GTL reference
備註：呢個數比較容易搞，建議新手勇於嘗試下呢個

DRAM voltage
項目： ram電壓羅………
建議數值： default 1.8/1.9~2.2V，太高留意溫度頂唔頂得住
關聯數值： DRAM reference voltage
備註：有時唔一定狂比電就得。如果響超 ram時真係上唔到，咁可能要較大個 CL值……題外話………

NB voltage/MCH voltage
項目：北橋電壓
建議數值： default 1.1~1.45V，同樣小心溫度過高。
關聯數值：冇
備註：當4核上較高外頻時較容易需要到加佢，不過齋加佢通常又唔多夠，仲要睇埋其他野

SB voltage
項目：南橋電壓
建議數值： 1.1~1.3V，通常因為南橋舊散熱器唔多掂，加太多驚熱爆，然後返黎噴我咁就唔好啦………
關聯數值：冇
備註：都係果句，睇住唔好加太狼呀，而且呢項加得狼對超頻都唔係太有作用

CPU GTL reference
項目：又唔知叫咩喇……
建議數值：留意，常見既 reference都唔係一個可以 set死既絕對值(部分板會以 +XXmV表示)，而係一個伴隨 VTT 升降既相對值。暫時我都比唔到一個 range比大家參考，實情係……我都亂撞
關聯數值： VTT voltage
備註：我建議可以按隔2至3格為一組，慢慢逐組逐組試，試到某組較好後，至細分慢慢響果組入面試，咁會容易撞DD

NB/MCH GTL reference
項目：同上，唔知叫咩……
建議數值：呢個好睇塊板個紋波控制做得好唔好。一般以 vtt 60~70% range(即係 vtt 現在數值 x 60~70%)，紋波低既板個數越細越好，紋波大既就要越大越好。
關聯數值： VTT voltage
備註：以上既 range並非絕對，有時仲要睇埋 U既體質。所以……撞啦！60~70%唔得既話，繼續撞 range外既。

其他項目
Load-line calibration
宣稱可以 fine tune CPU vdrop既功能。一般情況下，超頻後 full load時，會發覺電壓係咁跌，有時甚至跌到死機。本來 vdrop係粒 U自我保護既功能，等佢唔好成日受突如其來既大電流刺激。呢個野可以大幅減輕跌 voltage情況，不過唔係寫包單一定穩定左同好超左。最好 enable/disable都試晒佢

CPU/PCIE spread spectrum
減少 EMI干擾既功能。EMI會干擾塊板各樣 chipset運作，尤其是 sound chip/sound card特別受影響。平時唔超果時，呢個功能 enable，就可以減低 EMI。不過佢好影響超頻表現。你超頻一定冇得傾，要 disable佢。


其他遲D諗到再補充

[ 本帖最後由 helenchan 於 2009-8-16 10:37 編輯 ]

---

作者: helenchan    時間: 2009-8-15 16:54

實戰心得篇
首先，你要妥善咁分好左，自己係實用派定玩樂派先，因為兩派需要注意既野都有唔少唔同。以下我分開兩派分享自己既小小心得

實用派
由於配備既局限，超頻應以唔大幅提高整體溫度既條件下嘗試，而要做到咁，最好就係先試默認電壓下超頻。我建議：
a.        超頻 10%，跟住行 10次 IBT，留意係咪穩定同溫度能否接受。如果唔穩定或者溫度過高，我自己就建議放棄……因為少於 10%超頻對效能影響好細，響有限條件下，只係羅唔到 bonus部分姐，唔係大問題。
b.        如果得左，跟住試下加多 3%，同上行 10次 IBT同留意溫度。如果你咁都得埋，你真係好運既姐
c.        通常都就快到默電極限，可以逐2%繼續試。如果唔得，就要掉頭降 1%試，直至搵到較佳值
d.        即使你唔加電壓，但係單單提升頻率已經會令 CPU溫度提升唔少。小心注意溫度。我個人唔建議實用派新手響呢個階段加電，因為加電並且升頻對於所提升既溫度十分可觀。實用派但求知足，羅到個 bonus就ok啦！

當最終搵到 CPU 較佳值之後，就要開始反覆測試階段。先整多劑 IBT 20次，穩喇，再黎火山/prime 95/occt行佢3個鐘，都穩喇，咁至開始試超 ram。

由於 ram相對地冇咁熱，我覺得加少少電都 ok既，少於 2.0V。量力而為啦！
a.        超少少，盡量返去不少於 800既水平，先用 memtest86/memtest 86+響 DOS下試穩定。100% pass之後，再入 memtest響 win test多次，100% past之後，初步 ok
b.        試超下一級，重複上述測試。如果失敗左，就放棄唔好試。
c.        如果你想再超一下 ram……不過新手我基本上唔建議……，可以嘗試有限度地降 CL值
d.        重覆並搵到較佳值後，memtest 300% pass，初步測試通過

當然，咁並唔擔保到部機真係穩定。作為最終測試階段，時間當然要用多唔少。首先 memtest最好不少於 500% pass，然後火山等是旦一隻行不少於5個鐘，可以既話 6~8個鐘更好。如果都過到，算係測試完畢。不過！唔好忘記，所有測試軟件都並非 100%準確，你日後使用時如果遇到唔穩定，可能需要降外頻並再執行大型程式測試。


玩樂派
我諗唔係咁多人真係可以不惜工本，燒錢玩玩具掛，總有個上限。你要先幫自己定一個 budget出黎，睇睇自己負擔得起幾銀買散熱。有關呢個題目請過散熱區討論………溫度對超頻既影響唔細，呢方面一定要度好，尤其是唔好以為簡簡單單買個 CPU散熱器就乜都掂………
先計好自己手上分錢買得幾多野，同咩質數既野先，要心中有數，搞清楚呢個級數大概散熱表現頂唔頂到自己想超既幅度，尤其是 4G人…………

好喇，上埋機影埋靚仔相喇，開工！我會建議：
a.        先加個 CPU電上去高水平，個水平視乎你個散熱系統而定。一開波都係咁話超 10% 玩下佢穩唔穩先。一路燒 10次 IBT一路 check溫度。如果唔穩既話……恭喜你，閣下抽中雷U，某程度上都可以話運氣唔錯
b.        慢慢試，逐 5%加上去。應該唔洗幾耐就 boot唔記架喇……
c.        呢個時候試加 NB電，再慢慢試(當然唔好唔記得 check溫度)
d.        好快又唔得喇。呢云同我加 vtt
e.        又唔得喎，暫時加 SB電去住 1.15先，如果你有張正 VGA既話就順手升埋個 PCI-E frequency上住 105先。得就得，唔得就………
f.        終於，平凡既日子唔再平淡。你要開始試個 MB GTL喇。呢個我肯定你有排試，仲要唔係幾想試添！拿，家陣個技術阻力位就響呢度架喇，如果突破到既話升幅會唔細。比D恆心毅力出黎！玩野梗係要 pro至似樣架啦！可以參考下我個 range慢慢試………
g.        貌似跟住都係有錢人至有既下一步，因為正常黎計部機個發熱量都幾勁，你冬天都可以靠佢。OK！有米，仲想挑機？到你慢慢玩個 advanced control果堆野喇！錢多身痕，就梗係要玩大佢啦嘛
h.        最後，有左佢，仲邊洗搞咩禁毒呀！一日 48小時都唔夠你試野喎！撞個 CPU GTL reference佢！4個選項，每個變化都有住微妙關係，慢慢試………

睇怕試到 h你都就快 give up喇。同上，整多劑 IBT 20次，穩喇，再黎火山/prime 95/occt行佢3個鐘，都穩喇，你唔記得仲有 ram未超喎！

RAM同樣要睇你套散熱系統有幾勁。一般黎講 2.05V頂得到掛！拿！睇溫度呀！
a.        如果你已經唔少於 800既話，梗係即刻加一級試試先啦！同樣行 memtest 86再 memtest佢
b.        你實質無幾多級比得你試，而且好快頂住。響呢個時候，你既宏大工程又黎喇！事關你要試 DRAM CLK skew，試完再黎 reference………
c.        又題外話，CL值亦可以變………

同上，我又 copy一次。咁並唔擔保到部機真係穩定。作為最終測試階段，時間當然要用多唔少。首先 memtest最好不少於 500% pass，然後火山等是旦一隻行不少於5個鐘，可以既話 6~8個鐘更好。如果都過到，算係測試完畢。
不過呢，我想話你唔記得玩試返降壓羅………請根據上面 a~h順序嘗試降壓。降壓一般逐格逐格降會比較好。降完後，唔好唔記得再做多次最終 test呀！



補充篇
點樣用燒機工具？

燒機工具查實好多，我就暫時抽出其中兩隻比大家參考下，分別係 orthos同 memtest(本來想講下 IBT v2.3，不過我執行唔到，有 error………另，唔好叫我上圖，懶)

Orthos
首先，如果你係4核U既話，需要開2個 orthos，然後響工作管理員→處理程序→right click orthos.exe→設定相關性→其中一個選 CPU 0、CPU 1，取消 CPU 2、CPU 3，另一個選 CPU 2、CPU 3，取消 CPU 0、CPU 1

準備好之後，Test 果項常用既有「small FFTs-stress CPU」、「Large, in-place FFTs-stress some RAM」、「Blend-stress CPU and RAM」呢3個。呢3個各有唔同既難度，冇話邊個一定勁過邊個，如果你有時間既話當然最好都試晒佢啦！但係作為初步測試，我會建議用「Large, in-place FFTs-stress some RAM」或者「Blend-stress CPU and RAM」呢兩個是旦一個。Priority set 「9」，基本上就 OK。

記住，orthos 基本盤係 run 2粒鐘，少過2粒鐘既不足以判斷穩定狀況。當作最終測試時，建議最少 run 5粒鐘，當然越多越好啦。

memtest
測試 RAM 穩定性既工具——memtest 有2款，1款 for DOS 1款 for WIN。DOS 版(memtest86+)主要用 CD/floppy 執行，先將 bootable ISO/binary 寫入 CD/floppy，然後入 BIOS 選 1st boot device/1st boot priority 做 CD/floppy，以 CD/floppy boot 機就可以執行，非常簡單方便快捷。

WIN版(memtest) 可能你響用果陣，個 memtest 會彈句野出黎，話受 OS 限制，唔比你一野開爆 ram 黎 test。不過你可以開好多個 memtest 黎行，測試能力同你齋開1個一樣。比如你有2GB RAM，咁你可以開3個 memtest(留返D比系統本身……) 行 512，如果你裝左 64bit OS 又有 4GB RAM，咁你可以開7個 memtest 行 512MB。

初步測試建議最少 100% pass，當然多少少 200% 更好啦。最終測試時最少建議 300% pass，不過梗係你有時間既話，越多越好。

[ 本帖最後由 helenchan 於 2009-12-31 21:42 編輯 ]

---

作者: helenchan    時間: 2009-8-15 16:54

響發問之前………
1. 請提供 full config 以方便有效交流
2. 如果問及超頻設置等內容，請詳列你依家既所有各項項目既設定數值
3. 請先閱畢本文，真係唔明至再發問

FAQ 篇

Q： 有冇人教下我點超呀？
A： 有，我。不過你唔適合超頻，原因請睇「你真係適合超頻？really？」。

Q：我超唔上 XXGHz，點算？
A： 1. CPU 體質問題； 2. 配置如底板問題； 3. 閣下技術問題。常見以第3點可能為大。請參考上述求知篇同實戰篇，並多作嘗試。記住，大幅超頻要求錢、知識、耐性、運氣，缺一不可。

Q： 幾時有 AMD/i7/i5/i3 篇？
A： 等我有錢玩埋果D先啦下………



陸續更新中，歡迎各位提意見，或者呀………插我幾刀………

[ 本帖最後由 helenchan 於 2009-8-19 11:58 編輯 ]

---

作者: helenchan    時間: 2009-8-15 16:54

本帖最後由 helenchan 於 2010-4-4 23:56 編輯

特別鳴謝：
糾正錯誤既插刀名單
sunderstan   #17
LKNim
http://www.hkepc.com/forum/viewt ... ;page=3#pid22242863


跟餐奉送

simplekk 大既正斗教學轉 post：
775篇
http://www.hkepc.com/forum/viewt ... ghlight=%2Bsimplekk
AMD篇
http://www.hkepc.com/forum/viewt ... ghlight=%2Bsimplekk

新仔陳既過往心得分享：
http://www.hkepc.com/forum/viewthread.php?tid=1176641
http://www.hkepc.com/forum/viewthread.php?tid=1241019



另一火牛新手入門篇：
http://www.hkepc.com/forum/viewt ... &extra=page%3D1

---

作者: xERIC    時間: 2009-8-15 18:10

提示: 作者被禁止或刪除 內容自動屏蔽

---

作者: ckah    時間: 2009-8-15 18:21

十卜十卜..好有幫助

---

作者: helenchan    時間: 2009-8-15 18:30     標題: 回覆 6# 的帖子

唔好比咁大壓力我啦！我都係新仔黎~~咋！

---

作者: HanaJetso    時間: 2009-8-15 18:31     標題: 回覆 4# 的帖子

真係好有心, 頂頂頂

---

作者: panda-z    時間: 2009-8-15 18:34

師兄好有心機寫, 新手請耐心閱讀.  
最好一邊超頻, 一邊對比內文, 睇下自己是否做得正確.

---

作者: xERIC    時間: 2009-8-15 18:44

提示: 作者被禁止或刪除 內容自動屏蔽

---

作者: saltimbranco    時間: 2009-8-15 18:44

超級正

---

作者: helenchan    時間: 2009-8-15 18:59


我……我係識果少少扮代表，拋書包果隻。好似 CL 咁，我真係唔多熟。一方面，我覺得新仔真係唔岩一開頭就玩，另一方面自己識得唔多，廢事講錯野腦點人………

另，查實好多野都係由膽粗粗唔怕死撞起，邊個個勇字大隻D邊個就走得快D，我只不過係個唔怕死既新仔姐

---

作者: 賓尼._.    時間: 2009-8-15 19:00

提示: 作者被禁止或刪除 內容自動屏蔽

---

作者: OnlinePlayer    時間: 2009-8-15 19:41

咁好o既野admin應該頂置啦

---

作者: yeungcy    時間: 2009-8-15 19:42

very good for overclock newbaby likes me!!
thx!!!

---

作者: sunderstan    時間: 2009-8-15 19:43

以我所知CPU GTL vRef都係跟VTT行既...
詳細資料請參考狂少website

[ 本帖最後由 sunderstan 於 2009-8-15 19:45 編輯 ]

---

作者: xERIC    時間: 2009-8-15 20:08

提示: 作者被禁止或刪除 內容自動屏蔽

---

作者: sunderstan    時間: 2009-8-15 20:12



無錯
不過如果VTT唔係大改基本上GTL搵到sweet spot要再改都唔會花好多時間

[ 本帖最後由 sunderstan 於 2009-8-15 20:12 編輯 ]

---

作者: ckah    時間: 2009-8-15 20:23

你地d vtt gtl 睇左都唔明!!
但係真係可以學到好多野..!!thx!!

---

作者: 奔走人    時間: 2009-8-15 20:23

簡直係我既救星,請受小弟一拜
要罝頂兼加亮

---

作者: helenchan    時間: 2009-8-15 20:37


呢個我真係唔明，可唔可以幫手解解佢？我一陣上去搵資料充實下自己先
想問其實係咪即係當改 vtt ，而非 cpu 電時，cpu gtl ref 會跟隨改變？經你提醒返，我都記得個鬼佬係話 cpu gtl ref 同 vtt 相關。呢刀插得靚，等我度下開個特別鳴謝位先~~~

[ 本帖最後由 helenchan 於 2009-8-15 20:38 編輯 ]

---

作者: sunderstan    時間: 2009-8-15 20:40



唔需要啦, 我都係幫得就幫下
至於點解 我無深究到...
反正粒粒CPU都唔同, 換左另一粒超, 唔單只CPU GTL vRef, 就連NB GTL 都要重新玩過

---

作者: helenchan    時間: 2009-8-15 20:41

查實我基本上睇唔明個鬼佬 up 緊乜，因為我完全唔識電子………不過我記得佢個圖 support 左你岩

http://www.thetechrepository.com/showthread.php?t=87

---

作者: helenchan    時間: 2009-8-15 20:45     標題: 回覆 23# 的帖子

咩唔駛啊！集思廣益牙嘛！我覺得呢個好重要架

---

作者: sunderstan    時間: 2009-8-15 20:47

如果講進階設定
DRAM仲會有 DRAM VTT Voltage, NB DDR vRef / Channel A vRef 等等
DRAM, 仲會有Command Skew, Clock Skew, Control Skew
CPU Skew方面基本剩係同MCH Clock Skew有關
簡單黎講係將訊號Delay, 以Picosecond做單位 以達致訊號一致 (有錯請插)
通常係高FSB時會出現訊號不同步問題, 將某樣野delay可以增加FSB超頻能力
注意微調clock skew唔會對CPU電壓有影響 唔好徙心機諗住咁樣就可以低電D
DRAM Skew比較複雜, 係底板入面由北橋晶片到每條dimm既距離都唔同
所以同樣有機會出現不同步問題
至於DRAM vRef方面就隻隻顆粒都唔同...又係要trial and error
TIPS: 一般P45想達致600FSB for dual core 500FSB for quad, CPU Clock Skew係一定要微調, delay 100~200PS不等 (相對MCH Skew, 如果你MCH Skew係SET Delay 100PS既話, CPU Skew就要set高過100, 通常MCH Delay多過CPU Skew會有反效果 唔信可以試下)
除左知setting之外仲要知病徵
死機都可以有好多種方法, 而唔同既情況發生可以俾到提示係究竟死邊範
例如: 自動Reboot, 藍畫面, HardLock, 直接熄機, 出Error 等等

[ 本帖最後由 sunderstan 於 2009-8-15 20:54 編輯 ]

---

作者: ckah    時間: 2009-8-15 20:55


暈左
我見我塊執板都有得set!

---

作者: aR_man    時間: 2009-8-15 21:06

好有心機呢@@

---

作者: 奔走人    時間: 2009-8-15 21:41

如果有埋X48教學篇就好,我見塊X48用電個MIN都比P45高....

---

作者: ventra    時間: 2009-8-15 22:02

very nice, thank you

---

作者: helenchan    時間: 2009-8-16 10:44


都話要積陰德羅
查實仲有個「深層次原因」，有緣遲D再講………


新手如果唔止要知點起步，仲想知果D究竟係乜東東既話，咁就真係要 google 喇，事關果D野並不簡單，需要到詳細同複雜既解說。

---

作者: danny2244    時間: 2009-8-16 10:46



師兄造福人群

---

作者: helenchan    時間: 2009-8-16 10:51


DFI 就係正~~~ 我果幾塊板基本上都冇得 set，係得 cha A ref 咋……
至於死機模式方面，呢個真係鄭重希望你做個補充，事關 google 都好難搵到集中同清楚既解說，我自己又未夠班講………  查實我都係成日段估亂黎，唔理有冇估錯都照衝照撞果隻

---

作者: helenchan    時間: 2009-8-16 10:52     標題: 回覆 29# 的帖子

如果有人送我一塊 rampage extreme ，咁我會補充架

---

作者: sunderstan    時間: 2009-8-16 11:28



我記得外國有賣open box既都係$150US~~

---

作者: ckah    時間: 2009-8-16 16:59

Ratio CMOS setting/CPU clock ratio
項目： CPU 倍頻
建議數值： 一般黎講新手可以暫時唔改動。當想嘗試 CPU 外頻極限時，就可以將倍頻數值降低，以確認會唔會撞 FSB wall
關聯數值： 冇
備註： 有時需要關左個 EIST 至可以 set 到呢個項目

點確認會唔會撞fsb wall?

---

作者: helenchan    時間: 2009-8-16 20:06


依家要儲錢買新機箱，再入 i5 玩，要體驗下 Lucid 既魔力 X48……等人送算喇


先將倍頻降落黎，純粹測試高外頻下穩唔穩。如果某個程度既外頻，即使將倍頻降到好低，但仍然死都唔穩，上唔到去既話，就知道撞左 FSB wall 喇。

---

作者: ckah    時間: 2009-8-16 20:24


謝謝你..我岩岩搵到最高fsb325mhz..倍頻x10..1.24v..但係上番倍頻就上唔到喇..+到電壓1.3xxv都唔得!!請教!!
重有想問問我個biso..有咩要disabled?圖下

e5200
biostar tp45ph
a-data ddr2 800mhz x2

[ 本帖最後由 ckah 於 2009-8-16 20:30 編輯 ]

圖片附件: IMG_0539.jpg (2009-8-16 20:28, 133.8 KB) / 下載次數 245
https://www.hkepc.com/forum/attachment.php?aid=928203&k=920b821df1a05a2cc16db3117c1f4fa3&t=1781368562&sid=15l77CwC688



圖片附件: cpu-z2.JPG (2009-8-16 20:30, 79.42 KB) / 下載次數 238
https://www.hkepc.com/forum/attachment.php?aid=928207&k=ba907b197393741da9e8436437269d60&t=1781368562&sid=15l77CwC688

---

作者: helenchan    時間: 2009-8-16 23:19

想問你既既各項詳細設置係？

另，基本上你只需要 disable C1E 同 C-state，其他可以唔駛搞佢。不過呢兩個對超頻既影響，通常心理大過實際作用，跑極限另計………

[ 本帖最後由 helenchan 於 2009-8-16 23:33 編輯 ]

---

作者: yingfai08    時間: 2009-8-16 23:50

X100


做得好!!!

---

作者: ckah    時間: 2009-8-17 01:19     標題: 回覆 39# 的帖子

咁tm function又係咩料

---

作者: gilbert_escort    時間: 2009-8-17 01:25

多謝晒你呀,LGA775救星!

---

作者: 黑色喜劇    時間: 2009-8-17 01:58

造福人群

當初買MB果陣貪平左兩百  買左P43版
冇買P45版

依家oc 20%長行冇問題 外頻400  q9550 @3.4G 1.2V
oc 30%已經唔穩定  外頻424   3.6G 1.3V
oc 43% 4G失敗

[ 本帖最後由 黑色喜劇 於 2009-8-17 02:00 編輯 ]

---

作者: tkpst2000222    時間: 2009-8-17 02:04

提示: 作者被禁止或刪除 內容自動屏蔽

---

作者: helenchan    時間: 2009-8-17 13:45


查實你應該上 google 搵料，而且呢個真係好容易就可以搵到………

今次就幫下你啦。TM function 其實係 intel U 既過熱保護功能。當粒 U 過熱時，呢個功能會強制大幅降低粒 U 既頻率黎降溫，保護粒 U 。順便提下 AMD U 係冇類似功能既。

---

作者: sunderstan    時間: 2009-8-17 13:49



AMD既CPU好似都一樣有DTS 有TJ Max 所以過熱時應該都會有Throttling既情況出現...

---

作者: helenchan    時間: 2009-8-17 14:00

我見老外 show 左段測試片出黎，I/A 各自行大型 game，然後中途抽起舊散熱器，觀察佢地既變化。結果 I 狂跌 fps，但係 A 冇乜大反應。

不過果段片並非以最新 U，即 i7/AM3 黎試，我都唔知 AM3 係咪已經加入左呢個功能………

---

作者: sunderstan    時間: 2009-8-17 14:02



你講果段應該係AMD K7同P4果時段片黎...
拎起個HS AMD粒U會出煙, 核心溫度爆升到300度
果個年代既AMD CPU仲未有IHS...

---

作者: helenchan    時間: 2009-8-17 15:24

原來係咁………我 out 得濟……… 睇返人地講K8已經加入了 overheat protection 功能，不過仲未搵到叫咩名……

---

作者: lrctsang    時間: 2009-8-18 00:45

小弟記得在年半前第一次超頻,helenchan兄都有在這裡提點小弟的雖然小弟到現在都不是什麼高手及和其他c兄看齊 ......但起碼對超頻都有著一定的認識 如今helenchan兄出此文,的確幫助不少初學超頻的兄弟們

---

作者: kwokhokay    時間: 2009-8-18 10:29

#1
3.        狀態檢視工具：
Cupid/gpuid
係咪打錯左cpuid做cupid?

---

作者: helenchan    時間: 2009-8-18 13:36


唔洗客氣。查實新手真係幾慘(我都覺得自己其實都幾慘下架 )，無從入手又求助無門，好似我呢挺冇 fd 既(吹水既就多，一講到要教路呢D麻煩野，佢地就即刻好多野做唔得閒架喇)就更煩。

自己當年都試過上網搵料，奈何初入門果陣，直頭衰到連要 search 咩都未知……家下提供個心得大家參考，起碼幫到大家聯想到，google 條 search bar 入D咩落去好


係喎，真係打錯字……… 改返先

---

作者: 奔走人    時間: 2009-8-18 13:41

樓主,各位師兄,師姐,我又黎打搞各位,小弟終於搵到個自己喜歡既位置,想係呢度落D功夫,雖然塊板好方便,可以AUTO....AUTO...落去,但係我真係有心想學你地咁PRO,SET番D數值,請問各位可以指導下我麻,另外想問,RAM用1:1好定而家2:3好呢  
cpu pll voltage已手動改回1.51,上面張圖係AUTO既
現在祗係安全地入OS,希望各位肯出手,指導後再學燒機 (貪心)

[ 本帖最後由 奔走人 於 2009-8-18 15:41 編輯 ]

---

作者: helenchan    時間: 2009-8-18 16:49

其實你可以先按住我既實戰篇既建議步驟試下先，試到真係有唔明既地方至再問。你依家問，老實講我都係 copy 一次實戰篇比你咋

---

作者: 奔走人    時間: 2009-8-18 17:10     標題: 回覆 54# 的帖子

哦,我去嘗試下

---

作者: wanch    時間: 2009-8-18 17:28

我都係用msi p45 platinum,之前壞左塊板見平左咁多換既,我想問下bios到個個DRAM NB setting咩來?入面有drive setting 1,2,3,4
睇完本manual都冇講
同埋唔知點解我bios set幾多fsb,入到win睇,用cpu-z都係+左2 eg:bios 400 win 402
bios 1.6

[ 本帖最後由 wanch 於 2009-8-18 17:32 編輯 ]

---

作者: helenchan    時間: 2009-8-18 17:45

你所講既 DRAM NB setting 係由 bios 1.5 開始至加上去既，針對 ram 超頻既 setting。佢地聲稱會好超左喎，不過我左試右試左一輪，發覺係仲衰過以前羅。如果你想知進一步既資料，唯一方法係直接問台灣 MSI 客服，不過個客服尤如垃圾一樣，你問同唔問基本上都冇乜分別………我自己就懶得問喇………

至於你講既 +2，屬正常現象。好多板都會有類似情形，至於原因……我都唔知點解……有部分人會提議唔好用整數，比如 400 就特登改為 399/401，不過我試過響 MSI P45 platinum 呢個方法唔 work。不過，查實呢個影響唔算好大，可以唔洗特別搞佢。

---

作者: wanch    時間: 2009-8-18 17:49     標題: 回覆 57# 的帖子

唔該晒
仲等我set左以為會好超d
見到佢寫strengthen ram oc
好彩係正常現象,仲以為bios有bug

---

作者: joeman    時間: 2009-8-18 21:53

好野,支持你

---

作者: core2quad    時間: 2009-8-18 22:24

支持好post

---

作者: yuyin4056    時間: 2009-8-19 10:54

我想問問...
我用梗粒E7200...小試上3.16G@1.2V
暫時用左一個月都冇事...SP2004行半個鐘冇問題...
但係就好多野都冇set...只係set左FSB,DRAM frequency,PCIE frequency,CPU voltage...
咁有冇需要set番其他野?

---

作者: helenchan    時間: 2009-8-19 13:42

SP2004 半個鐘根本唔夠，時間太短………

至於你話需唔需要再 set 其他野，咁就要視乎：
1. 依家個超頻幅度你滿意未？滿意既話梗係唔洗 set……
2. 你願唔願刨文&接受挑戰？唔願既話……貌似我話要，你都做唔到……

始終超頻呢家野，走唔甩一定係撞、試，冇 standard formula。旁人只可以做建議、提點，但係落手做既仍然係你，最終得益同成功感都係你既。你想挑戰自我既，當然要 set 啦！

---

作者: 星仔o    時間: 2009-8-19 22:37

開緊燒機工具果陣
可唔可以做其他野?

---

作者: ckah    時間: 2009-8-19 22:51     標題: 回覆 62# 的帖子

http://www.hkepc.com/forum/viewt ... page%3D1&page=5
帥兄可以卑d意見我嗎?

---

作者: helenchan    時間: 2009-8-20 11:57


理論上可以，但係我唔建議。一黎，部機你預左除時死，你做野容易增加 file damage，二黎……你做野都窒到爆啦………


ok另，我一D都唔帥

[ 本帖最後由 helenchan 於 2009-8-20 11:57 編輯 ]

---

作者: jingome    時間: 2009-8-22 22:11

very good articals

---

作者: Midas    時間: 2009-8-30 03:35

頂一下！

---

作者: faiman_3722    時間: 2009-9-4 15:40

小弟用緊q9550
小超400x8.5 其他auto
火山1個鐘冇開冷氣52度會唔會太高??
同賣我DRAM:FSB 係10:6==
點可以好似c兄咁1:1..

---

作者: helenchan    時間: 2009-9-6 09:55

full config