牆身天線會唔會非常敏感?

小弟初黎報到,想請教各位牆身天線敏感度問題。

小弟現有電視系統:大牛龜電視 / 有線電視 / now TV / 天線用 1694A / 插用 Golden Gun / 模擬台有大廈閉路電視。上兩星期買左 MTV3500,初時接收數碼電視非常唔穩定(大廈已做好數碼電視接受工程,另有線協調亦做好),之後換左牆身天線插,情況好左好多,90%以上時間都收到標清台同亞視既新台,但係過左兩三日又唔穩定番,尤其是無線高清台,試過幾個鐘都係無訊號,不過舊台同亞視都收到,唔係好忿氣,因為幾個朋友都買左同一解碼器,雖然話係其他區域但接受好好,乜台都無問題;管理處亦話其他單位接收無問題。

過左幾日,索性買萬X寶既室內天線(藍色個隻),睇下係咪呢區仲未收得到,點知駁落 MTV 度接受非常穩定,就算返緊工預錄電視節目都好放心,亦試過即刻插番去大廈天線,又係窒到不得了,所以都幾肯定係天線有問題。上網搵過資料,我認為原因只有兩個:1)有線條天線無同大廈天線駁好,2)由大廈天線到屋企天線個度出問題。由於呢兩日接收又好好,無線高清都好順(之前拆過牆身天線座搞過下),所以都幾肯定係牆身天線有問題(2),因為之前試過行路大步 D 都會窒,或者窒下唔窒下,好神經質咁,所以想問問各師兄,天線會唔會發生非常敏感既情況?係唔係有地方生金秀?有乜可行既解決方法,重拉天線會唔會有改善?但係入晒牆(有膠管,約組過手指公少少),會唔會好難,或者甚至拉唔到?因為間屋係租既,所以應該都係業主負責,但係我想有充份理由先叫業主搞條天線,最怕換完天線都係咁就唔知點交待,同埋如果換天線係咪會好貴?樓齡約十五年。

唔該晒各位!

左幾日,索性買萬X寶既室內天線(藍色個隻),睇下係咪呢區仲未收得到,點知駁落 MTV 度接受非常穩定,就算返緊工預錄電視節目都好放心,,

既然係咁, 我就建議你唔好搞咁多野........
既然已經睇到, 何必重要去煩?

TOP

原帖由 ahtong 於 2009-3-24 02:24 發表
小弟初黎報到,想請教各位牆身天線敏感度問題。

小弟現有電視系統:大牛龜電視 / 有線電視 / now TV / 天線用 1694A / 插用 Golden Gun / 模擬台有大廈閉路電視。上兩星期買左 MTV3500,初時接收數碼電視非常唔穩定(大廈已 ...
1. 先問下業主之前有冇裝修改過入屋原裝天線主位? 即係話你而家睇緊廳果個位係咪原裝大廈起樓時一直冇變 ? 係就繼續睇下面,唔係o既話就要問返上手師傅個原裝位o係邊 ? 好多時日子耐左搵唔返,有時搵到但已用泥封死左,想打開都唔得。又有可能唔使打開,一切要問返上手師傅至知。複雜啦,唔講住。

2. 出去問口走廊天花頂天線分線箱蓋打開望下( 又或後樓梯錶房,視乎每座樓設計 )。裏面有好多線,要逐條甩開,甩開果下屋內即刻冇野睇果條就係你單位o既,認住佢。再望下呢條線o既用緊果個喉窿內係咪淨得呢條線, 係就好辦。唔止一條即係話有其它單位共用一條喉,咁就算啦。



3. 上面二個條件有晒就好辦,可以自己DIY。新舊線銅芯勾銅芯打實D個結,一邊扯入一邊扯出就換到,一個工序搞掂又唔傷線,快靚正。所以師傅一定係呢個方法。

4. 如果驚個結拉到中途拉斷,就問下管理處工程部有冇電燈師傅o既搵食架生 " 穿線帶 "  ? 有就先將成條舊線拉出,再用穿線帶穿上新線,即係做二個工序。

相熟師傅o可收順 D,出面散做o既 咁樣拉一拉 都要 $7xx 。可以問下" 愛綠茶的熊貓 " ching, 佢落手 DIY 自己做過, 第一次學用" 穿線帶" 就搞掂。
[ 熊貓 ching, 借張穿線帶相用下  ] :


不過租人樓搞咁多野,建議係俾 $人做就無謂,自己DIY 都咪咁重皮落 BELDEN 1694A 線,搬屋後都係留低益下一個,平平地用 D 一般 RG6 天線已夠
[ 熊貓 ching, 借多張天線相用下  ] :


[ 本帖最後由 sg_sling 於 2009-3-24 10:54 編輯 ]

TOP

原帖由 ccw1990 於 24/3/2009 08:52 發表
左幾日,索性買萬X寶既室內天線(藍色個隻),睇下係咪呢區仲未收得到,點知駁落 MTV 度接受非常穩定,就算返緊工預錄電視節目都好放心,,

既然係咁, 我就建議你唔好搞咁多野........
既然已經睇到, 何必重要去煩?


多謝 ccw1990 師兄幫忙!唔好意思,唔記得左講,室內天線放係窗邊可以收晒模擬同數碼所有台,但電視隔離個窗一來有大廈頂住,二來方向唔岩,乜都收唔到,所以要向住第二面方向,不過個邊個窗有一段距離,要將條天線加約兩條延長線先到倒個邊,天線會橫跨客廳同飯廳,所以唔可行,而家就放係書房駁落電腦度睇。

好在呢兩日好似大廈天線都無乜問題,差唔多無窒無爆格,可能我早兩日切左少少牆身天線既末端(或者有少少生(金秀)),希望一路落去都無事(唔敏感),如果唔係要換天線就煩好多。

TOP

原帖由 sg_sling 於 24/3/2009 10:51 發表
1. 先問下業主之前有冇裝修改過入屋原裝天線主位? 即係話你而家睇緊廳果個位係咪原裝大廈起樓時一直冇變 ? 係就繼續睇下面,唔係o既話就要問返上手師傅個原裝位o係邊 ? 好多時日子耐左搵唔返,有時搵到但已用泥封死左,想 ...


好多謝 sg_sling 兄既幫忙!資料十分詳盡!

我相信個牆身天線插位係無變既,因為業主應該十幾年前買落一直都租,租客應該好少會裝修到改插座位置,同埋睇樓個陣我記得其他單位個天線插(應該話擺電視既地方)都係一樣,所以應該無變。

我試過用(小小)力拉條天線,發覺只有少許「虛位」,唔知會唔會換唔到,希望只係拉盡條線,係機樓(天花)另一端一鬆就可以拉到吧。

不過早兩日試過切左少少插座天線末既金屬位(3mm左右),開多少少線,再安番上去,呢兩日收得好順,無窒無爆格既時間佔99%以上,天線亦無話好敏感,我希望真係個少少位可以整好,如果唔係就真係要換天線。

其實各位有無聽聞過天線(電話線、電線等)既失敗例子?我成日覺得換線可以搞到幾個鐘換唔到,尤其是去到 D 轉角位,多唔多失敗例子,要轉用室內天線呢?如果我真係要換天線,好怕換換下轉唔到彎(就算有師傅幫都係),唔知知交番間屋比業主。

TOP

其實如果唔識搞想搵人整
要幾錢到?會唔會都係裝修整埋咖咋?
同埋邊度搵?

TOP

睇過天線槽,有兩個,一個係有線另外一個似係大廈天線+電話線(亂到七彩!)查過自己單位係邊條,應該係於有線個箱一開四跟住去我個單位既,但係條喉有兩條天線(另一條較幼)係咪無可能換到線?另外,條喉係向上既(係錶房隔離牆身,唔係天花)會唔會增加難度?

唉,今晚又黎喇,TVB 高清台窒到話「無訊號」,其他台就收到晒,呢種情況其實係咪都關天線事?定係要加放大器?我之前試過都無乜用,因為直頭係「無訊號」,加大都無用。還是根本係 TVB 半夜會做工程令到好多人都收唔到?

多謝幫忙!

TOP

請問 萬X寶既室內天線(藍色個隻)
how much?

TOP

不過早兩日試過切左少少插座天線末既金屬位(3mm左右),開多少少線,再安番上去,呢兩日收得好順,無窒無爆格既時間佔99%以上

cut 多少少試試

TOP

原帖由 nganshiu 於 25/3/2009 03:10 發表
不過早兩日試過切左少少插座天線末既金屬位(3mm左右),開多少少線,再安番上去,呢兩日收得好順,無窒無爆格既時間佔99%以上

cut 多少少試試


多謝你既意見!等我聽日試下先。

TOP