小心!PCCW Netvigator 員工盜用客戶信用卡資料(解決問題)

幾個月前我曾經到PCCW位於深水埗桂林街分行辦理更改信用卡資料,過了一段時間後,無意間查看信用卡帳戶,發現多了2單非我本人登記的自動轉帳,均是PCCW Netvigator的,我隨即打去信用卡中心了解,回覆是要向有關方面(PCCW Netvigator )先停止有關帳戶,咁我照做啦,打去PCCW熱線,有員工處理,攪一大輪有位蔡經理聯絡我,解釋說是一位前員工把我的信用卡資料用落另一戶口之上,會立即跟進處理.....OK,我都唔想麻煩,咁就等消息啦,日複日過了個多月,依然未有退款及交待事情發展,打去熱線亦聯絡唔到呢位蔡經理,只係有職員說會再聯絡我,結果當然係無啦...

請大家注意,香港網絡商的員工,只要有你的信用卡號碼,用於網絡服務係唔需要授權,銀行亦唔會查核就可以過數,如果大家好似我咁見數就找既,記得以後個個月查看月結單。

另一單同樣是對PCCW Netvigator非常不滿的事,4月中我申請PCCW Netvigator家居寬頻服務,講好亦寫明是$138/月另加$280安裝費,當時職員話這優惠要5月先裝得,還千叮萬囑唔好5月前搵第二個攪,亦因為咁申請表格上未有寫明安裝日期,如是者又係等啦,到5月6日都未有消息,打比那職員問啦,答複竟然係優惠只在4月進行,5月無架,等多個月睇下有無啦,重反口話無講過5月先裝得...
咁我又去返門市問,答複係電腦記錄中未有呢個申請,咁我問咁呢份申請書即係咩?答案係無用架,同廢物無分別

完全估唔到咁大間公司處理方法會係咁.....



----------------------------------------------------------------
7-5-13
今日第一個回覆
客戶服務主任
Hi Asan,就您提及有關嘅事宜,引起任何不便及不愉快之處,我哋深表抱歉。就您所述嘅情況我哋十分關注,為進一步協助您,請您透過以下連結- https://www.facebook.com/messages/pccwcs 將有關帳戶資料(如登入名稱、賬戶號碼或相關電話號碼)同登記人全名send畀我哋,當收到資料後我哋會立即作出跟進。Thx.

Roy


照指示回覆後
今日第二個回覆

PCCW Customer Service (official)
Hi Asan,我哋非常關注您提及嘅情況,為有效提供協助,請您將有關帳戶資料(如登入名稱、賬戶號碼或相關電話號碼)send畀我哋,以為您跟進及了解有關事宜。Thx.

Asan Lee
真係好笑,口口聲聲話非常關注...
你地有無了解過咩事架,我去邊度比對方個登入名稱、賬戶號碼或相關電話號碼比你地?如果話本人於貴公司資料,上面有我個名,你地正常已經會有同事跟進,係非常關注就唔再需要我一而再再而三,前後比左5次個人資料你地啦,係唔信既,會唔會、識唔識打電話黎証實下?


今日第三個回覆
PCCW Customer Service (official)
Hi Asan,就您嘅查詢,我哋希望能夠與您進一步確認閣下的網上行賬戶資料,非常抱歉上述回覆引起的任何誤會,敬希原諒。另一方面,我哋明白到您嘅關注,並會儘快安排有關部門同事直接透過電話聯絡您以作跟進。謝謝。

---------------------------------------------------------------------------
8-5-13

剛剛收到一名PCCW Netvigator職員來電,又再一次重複提交資料,已承諾無論如何11號會有回覆(不是解決問題)

另外,我想大家真係要申請服務的話,必須小心、清楚注明價錢、合約期、安裝日期等等...
不過其實都無用,因為佢地職員無論同你點講都好,你那份只係申請書,並非合約,要用佢地服務要有心理準備比人玩。

--------------------------------------------------------------------------
10-5-13
尋日客戶關注組已經搵過我,不過我無帶電話覆唔到..
剛剛再打電話黎講返信用卡單野已經進行緊退款手續,大約4、5星期會完成。

至於申請服務依然未解決...

有 d 人真係講大話習以為常
-------------------------------------------------------------------------
14-5-13
得到客戶關注組羅經理的協助排解,如無意外已解決了我的問題。
已安排退還款項
羅經理係唯一一個會承認於申請服務這事情上有職員犯錯,都好爽快咁開出原先職員承諾的條件
我唔係要借故搵著數,我只要求做返返佢地職員承諾的事,所以我都好爽快咁應承左。
附件: 您需要登錄才可以下載或查看附件。沒有帳號?註冊

提示: 作者被禁止或刪除 內容自動屏蔽

TOP

本帖最後由 冷 於 2013-5-7 15:05 編輯

1你可以報警
2係個sales 4月做唔到你座樓
   5月又冇你座樓份

TOP

今日比唔到回覆我的話,收工我會去報警備案。

TOP

1你可以報警
2係個sales 4月做唔到你座樓
   5月又冇你座樓份
冷 發表於 7/5/2013 14:57


就係尋日問門市話4月有,5月無先吹漲

TOP

今日比唔到回覆我的話,收工我會去報警備案。
A君 發表於 2013-5-7 15:03



    比我一定要報警, 好嚴重既罪行

TOP

報警拉左佢等條友唔去好第二間再害人都好呀, 唔好手軟....

TOP

本帖最後由 sai2003 於 2013-5-7 15:13 編輯

盜用客戶信用卡資料呢個CASE
最好去備案先 以防仲有咩手尾
申請書果單好明顯個SALES 4月夠數 想留去5月 以防5月唔夠數
同埋申請書呢D 野係用黎保障公司 唔係消費者

TOP

咁到做得出, 真係要小心D...

TOP

有信用卡num, 買野根本唔使授權,所以要個個月查下月結單最有用

TOP