無啦啦俾和記放飛機

faith

事綠係咁,本身用緊和記,早幾日打來同我傾續約,最終同意下個月開始新合約 paln,由500MB ->1000MB,再送 Mytv Super,但佢就話呢個星期六(即係今日)6點至8點師傅會上來同我安裝,我個時己同佢講,其實下個月先開始新 plan,佢星期六就來安裝及拎個 MyTV Super 盒來,,係咪表示我網速要下個月先自動提升,以及個 Mytv Super 我都未睇得住,要等到下個月先有得睇,佢話係,我心諗,咁你駛乜早成個月來安裝,但橫掂都要來一次,咪應承佢今日係屋企等佢裝完就算,點知頭先 6-8點鬼影都冇隻,打去客戶服務喥佢話師傅今日唔會來,會係下個月17號我新約生效個日先來同我安裝,頂!你早講啦!係你當初 up 今日就來我先係喥等,言談間佢仲話係我攪錯左總之佢吔的人員係生效個日先來同我安裝!

其實而家搵上網公司真係難, P 記出名貴, HKBN 己不復當初咁有親民價,icable 最多負評,中移又租 icable 線的,咁淨返咪得和記同數X通 law,但同一價錢,數X通又無乜禮品送,咁咪淨返和記,但估唔傾續約就落足咀頭,但一 confirm 左續約就變晒臉玩放飛機,唔通想搵間價錢 ok 而 service 又正正常常的 ISP 真係咁困難!

shingzhk

一向都講, 你比幾多錢就有幾多service
老電同HKBN貴得黎唔係冇理由, 你呢D case濕濕碎
先唔講網速呢D主觀野, 淨係講有咩事上唔到網時搵師傅上門
其他公司分分鐘等成個星期先有人影, 呢到有人開post X過
仲等有D人話SMT / CMHK租HKBN個network, 平D但其實冇分別
呢個世界邊有禁著數