寬頻師傅，可否叫他把光纖拉入房？

hyiu00

想問問，寬頻光纖入屋，安裝的時候可否叫師傅把光纖穿到入房入面？雖然在大廳大門旁邊有個出線位，但是不想把那些立立雜雜的光纖儀器等放在哪裏，想把儀器全部放在房入面的櫃內，但由大廳到房是要經過另外一條穿線管，唔知寬頻師傅會否嫌麻煩，叫你自己穿，但自己又沒有光纖接線工具，自己很難做到，怎樣辦？

yanchoki

$$解決到既問題就唔係問題，主動啲比啲誠意，師傅會落力啲

via HKEPC IR Pro 3.6.1 - iOS(3.0.0)

康士富

放心
有錢點穿都得
呢個係可以用錢解決到既問題

hyiu00

但是要幾多錢？是否直接比現金師傅，還是給寬頻公司?

ibat

如果樓主做好喉入房
無問題

peter_chan

如果樓主做好喉入房
無問題
ibat 發表於 2021-7-7 22:29

    我當年裝PCCW 光纖﹐師夫一入門口就問裝邊個位﹐我話入房。

佢就好熟練地望下成間屋﹐就講點拉 "明線" 入房﹐ok就開工。
你可以比意見﹐例如﹐師夫原本過條線經門底入房﹐不過我家話事人要穿木板牆﹐師夫話你有窿過到條線就可以﹐我(師夫)無工具。結果係..... 自己用電鑽開窿。

我的朋友有喉位入房﹐就乜都唔需要講﹐幫你穿埋喉行暗線入房。
** 前題係無塞喉﹐係過到穿線帶。

好多野﹐都係師夫上門睇實際環境去決定點處理的。


重點係...... 乜野錢都唔需要額外支付﹐連飲品佢都唔要。

jackkwai

試過好幾間, 咁多次安裝都係拉入房, 師父上門, 一開波就俾支紅牛之類佢醒吓神 , 再試問佢可唔可以幫忙拉入去......
好聲氣D, 唔難一般都會幫你拉.

wyhui5124

我當年裝PCCW 光纖﹐師夫一入門口就問裝邊個位﹐我話入房。

佢就好熟練地望下成間屋﹐就講點拉 "明 ...
peter_chan 發表於 2021-7-7 22:35

    PCCW嘅師傅通常都好熟佢負責大廈嘅layout,條原裝電話喉入屋後點樣走,做倒都會做;而其他ISP就好難講,由個師傅決定,真係話唔做轉頭即走都唔奇。

peter_chan

PCCW嘅師傅通常都好熟佢負責大廈嘅layout,條原裝電話喉入屋後點樣走,做倒都會做;而其他ISP就好難講, ...
wyhui5124 發表於 2021-7-8 17:09

    之後我轉用數記(HKBN)﹐師夫一樣好熟手﹐一入屋就已經知道入屋位在那處﹐問我部機放邊處。

不過﹐今次因為之前屋企有大執過﹐就唔駛佢入房。


或是﹐我住公屋﹐來來去去都係幾個格局﹐乜台的師夫都知道晒線係點走。


講真﹐來來去去都係夾入屋後的線點走。
間間屋都唔同﹐唔會有統一方法的﹐全部都係臨場發揮﹐同用家講點做﹐無問題才開工。