[開箱] See Audio Yume 開箱+聽感分享

本帖最後由 hellomoto123 於 2021-4-7 21:17 編輯

聽感分享
⁃ 隻耳機前日岩岩到手，煲左大約10個鐘。用番原裝線，耳膠用左kbear 07。
⁃ 要先講明既係，呢隻耳機既動圈單元都幾食火，手機直推未必推得開。推力唔夠既話，聲音會唔夠實淨，低頻量感會好少，人聲密度亦欠奉。個人用ipad聽落聲音會正常過手機唔少。
⁃ 會好容易反映到音源錄音差呢個問題，例子係Aga既Lovestory2 (空手而來 demo)，會聽到人聲部份非常尖。
⁃ 聲調偏向中性，聲底偏中上盤，高音明亮清晰，低頻點到即止，快收快放。個人覺得推開左既Yume ，低音量感都算足夠既。
⁃ 人聲既定位適中，聲底乾淨，唔會有顆粒感。不過個人覺得人聲既密度同厚度都爭咁d，厚番少少會比較理想，宜家會比較偏向女聲多d，聽男聲會冇乜feel。
⁃ 音場一般，略嫌有d 2D既感覺，包圍感唔太夠，容易會覺得悶聲。
⁃ 換線對佢既影響好大下，換過Shozy幽靈既原裝線落去，整體會暖番dd，低頻量感多番小小，人聲厚番少少，高頻冇咁亮之下，會襟聽過原線唔小，手上有其他銅線既可以試試。

如果係鍾意中下盤、包圍感、人聲向既，Yume未必咁岩你。個人覺得佢未必咁岩新手玩呢隻野，一黎手機直推未必夠做，二黎對音源質素既要求都有番咁上下。對於玩左耳機一段時間既人，或者本身聽慣d中低頻向既耳機 (例如: Sony N3AP)，Yume作為一隻side grade既選擇絕對唔失禮，可以間中轉下口味，換線對佢既影響亦算大，算係可玩性幾高既耳機。