scharnhorst

沒有結論的討論值得睇
TMD1984 發表於 2018-4-30 10:12

    聽完其他人睇法，自己歸納屬於自己既意見咁先好。網上最好就係多資料，自己執到自己夠用既資料當然好，但係如果係能力範圍內不仿考慮一下花少許時間分享一下意見，科林本身都是想人交流意見吧。 更何況音響產業正正是在人的美感，生產技術和市場反應之間角力，他們也無時無刻在找答案呢... 開箱文不是不好，但就似一個人，平常讀工具書多，間上讀下其他書刺激思考也不錯吧。最少我是這樣想。

更難得是樓主不是那種意見不合就口出惡言的人，現在網上世界也不多了，應以行動支持。

TMD1984

聽完其他人睇法，自己歸納屬於自己既意見咁先好。網上最好就係多資料，自己執到自己夠用既資料當然 ...
scharnhorst 發表於 2018-4-30 13:32

一向支持平心理性討論
最唔鍾意部份人以為自己高高在上, 用教訓別人的口吻來討論

scharnhorst

一向支持平心理性討論
最唔鍾意部份人以為自己高高在上, 用教訓別人的口吻來討論 ...
TMD1984 發表於 2018-4-30 13:57

    同意，仲有名為討論，實為推銷嗰啲，推坑我反而唔係太抗拒，因為啲人係真係鍾意先想叫人買。但不多。

sorsor

上網有打手文呢樣野真係好難分真假，有幾多個係真用家，可能真係少數。

～光～

個人分享下...
十幾年前由幾百蚊聽到依家成萬幾蚊耳機 線都換過同隻耳機一樣錢

唔同耳機聽同一個FILE 都唔同聲
我已經睇唔透  用同一款耳機 自己試過無損同128 320分別都大 特別係好多樂器果種

耳機原廠有跟線 已經有佢的味道 想換味道換線不如換耳機...
所以諗返轉頭我覺得自己換線真係有D蠢

cocteau

換線、換耳機、器材，會聽出唔同聲係肯定既，如果換野係為左搵自己更對胃口既signature，錢就唔算白花。
但問心嗰句，換條高價線，當中有幾多係滲入左虛榮，繼而腦放到sound quality "好左"!！ 相信連你自己都未必知。

當然，錢係我既，你理我點用！
有人選擇繼續做國王，無問題，但唔好再 "理所當然" 咁去用自己把尺去做客觀標準。
呢個test就係要話比你自己知，你把尺係無你一直 "以為" 既咁準，個test希望令你有一定程度既自覺。
你可以繼續用呢把尺自用，但唔好 "理所當然" 咁用佢去度人。

TMD1984

到底國王在哪裡？寫耳機評論既人算唔算國王

cocteau

晚上空閒, 心血來潮, 莫見怪, 更絕絕絕不是針對你!
scharnhorst 發表於 2018-4-29 04:08

師兄唔洗戴咁重頭盔，你既意見好客觀，我完全唔介意再多d咁既質量既口水。

表面上我呢個post似係打擊，但出法點係關心。

而呢個forum自吹金耳好把炮既亦唔多，但的確有種導人去做金耳既氣氛：“一耳聽得出應該係基本，人地得我應該都得，我唔信自己對耳差過人“。。。

＞＞其實sound signature 都係reproduce music 既sound quality 既一部份, 佢個名係叫quality 唔代表只有suffix quality 既野先包係當中呢, 呢個係我同你睇法唯一分別.

我唸分別在於，我將sound signature狹義成純粹既一種聲響個性，而呢種個性對整體表現既著色貢獻就係你講既關乎quality。

＞＞sound quality 包括但不只有sampling quality同compression quality

quality當然唔只sampling quality同compression quality，但要去set up一個客觀有效既test去check你對其他類型既quality就唔易。
有人覺得自己對音場、動態、瞬態、分離度、結像etc，有好肯定既分辯力， "睇到" 個結像咁。
我點去設計一個test幫你驗下 "音眼"？ 呢個有一定難度。

我結論係，雖然呢個test只可以令你認清對其中一類quality既判別能力，但結果足以令你懷疑自己對其他類別quality既判別能力。


＞＞篇文第2part 就係叫人要買最好既硬件

唔知係咪我睇漏，我見到佢係要你用好器材去做呢個test，而唔係叫你買。。。
要你用好器材去試係必須既，因為而家要test既係你真實聽力，又或者講係從test result認知你之前既腦放能力。
好器材係會影響結果，係更 "準確" 既結果，而未必係 "更佳" 既結果。
成績係視乎你真實聽力，好器材在於真實反映多於提升。


講返個test既目的。
同一個test可以有唔同目的，你什至可以用呢個test去check你套野掂唔掂，唔掂就再買買買，都得。

我條link同你條link係唔同page，雖然係同一個test，但你條link先有比statistics。
其實我係由呢條youtube片link去個test既，片主目的應該就係要你 "自知"，而唔係同人比較。
https://www.youtube.com/watch?v=YgEjI5PZa78

cocteau

到底國王在哪裡？寫耳機評論既人算唔算國王
TMD1984 發表於 2018-4-30 18:05

我唸每個人既國王都唔同，但自己就得一個。