本帖最後由 hk133 於 2018-4-30 19:12 編輯
好啦，又繼續update啦。
三樣配件尋日都有講啦。
包括冇款啱用嘅耳套（膠套唔隔音/戴唔實，海綿塞吸音都會影響耳機表現），
好難開嘅防水收納盒（四隻手指大力挖先至開到，整完之後手指都有啲痛），
同埋濾嘴（未試，遲啲再試）。
濾嘴收喺金屬筒入面，金屬筒亦都可以用作更換濾嘴，比較方便。
不過我自己用手擰都得，唔使點用力都扭得郁。
金屬筒做工精緻，全金屬（估計係粉末治金）外殼圓滑，頂部有同心圓紋理。
手機廠就係可以咁玩，配件做工輕鬆超越耳機大廠，有錢就係任性。
收納盒達到IPX7防水級別，外殼做工良好冇毛刺。
不過好難打開係死罪。
收納盒內有擺放收納濾嘴嘅金屬筒嘅位置。
海綿塞冇咩特別，著重講下佢標配嘅膠塞。
全部，係全部嘅形狀都係偏長，估計係為咗迎合導管長度。
不過咁嘅形狀好似好難貼合對耳，隔音效果差，聲音因此大打節扣。
強烈建議使用入耳式耳機時，應選用適合自己嘅耳塞，以免影響耳機聽感。
說明書嘅部分重點，點擊可查看大圖。
標配垃圾鍍銀線，附帶線控功能。
由線控部分可見，佢地對線材唔太友善，線控部分頭尾兩端都有明顯屈曲痕跡，手機廠商整耳機常犯嘅低級錯誤。
插頭及分線器特寫。塑膠部分做工幾好。
奉勸大家如果考慮買呢款耳機，請務必選購原裝升級線或自備其他升級線材，
正如大陸嗰邊嘅評價一樣，原裝線嘅表現唔好，聲音比較差、渾濁。
換上兩種升級線之後，聲音表現都有唔同程度嘅提升，以FiiO LC4.4C最為明顯，搭配X7+AM3B有較大改善。
順便講下FiiO LC4.4C嘅外觀啦。
佢嘅線材編織手法比較特別，令條線變成扁形。
八芯鍍銀6N OCC好粗，中間冇分線器，就咁分開左右兩邊，
從結構嚟睇，應該唔會散開。
呢條線好正，有機會再買多條都好，不過唔知佢幾時正式發售。
用微距鏡頭，可以見到LIVE今次係用knowles單元，並且喺較大嘅單元表面刻上“LIVE Designed by MEIZU”。
聲音表現：
LIVE有三款濾嘴，要慢慢試真啲。
搭配推力較大嘅DAP會有比較好嘅表現，雖然參數睇落易推，實際都係比較大食，甚至比參數上難推嘅VS X更加難服侍。
用spinfit M size耳膠+FiiO M7及X7+AM3B去試。
測試主要係用iBasso條線去試，因為FiiO條線嘅MMCX頭邊緣會輕微頂到個殼，雖然啲聲更加好，但為免影響插頭壽命，而且冇3.5mm轉插，冇咁方便，所以都只係試咗一陣。
而原廠跟機線嘅聲音表現唔掂，所以.....唔試啦。
整體而言LIVE都算唔差，比較著重高頻解析力同量感，高頻聽落好爽。
配合+2dB濾嘴進一步提升高頻水準，明顯係炫耀動鐵單元嘅高頻表現。（之後都繼續用呢個濾嘴試聲）
不過音場就冇動圈單元耳機咁闊，空間感始終差咗少少。
搭配M7，由於M7推力唔算大，所以啲聲唔差亦都唔算好，整體音場比較窄。
搭配X7+AM3B，用3.5mm輸出口，音場開始闊啲，解析力都有輕微嘅提升。
最後插4.4mm輸出口，聲音分離度有改善，音場再闊啲，分析力意外地有較大提升，連續而且急速嘅鼓聲都可以呈現出嚟。
不過就略嫌鼓聲有啲乾澀.......
結他聲反而還原度幾足，聽落幾過癮。
千幾蚊貨色都算滿意嘅，呢個聲音表現，再配合齊全嘅配件以及良好嘅造工，都算係咁啦。
（評測部分到此完結，感謝觀看） |
簡體版
訂閱頻道
訂閱電子報
發表於 2018-4-28 22:14
| 
）
）。
）影相影咗大半日唔想見到咁嘅情況，所以索性分開兩個post。
之後應該仲有啲地方要改良，所以正式推出應該都冇咁快。
