[開箱] 可能係世界上最平既16動鐵耳機開箱！！

本帖最後由 soundlover 於 2020-1-9 15:01 編輯

身為最平既單邊16單元耳機，合共32粒鐵，相信個成本都唔平。
上年已經開始有大陸公司整單邊8,單邊16,單邊21單元等，價錢都唔算平但問題係聲音唔得，一味推單元。
今次呢間＂姚香＂，整左隻全無線耳機係用樹脂倒模做，一開始係比佢吸引，同買家傾傾下，話有隻新野出，係32單元，一開始都冇興趣，但聽到個價錢，又覺得可以試下喎，於是就訂左。

呢啲耳機當然係冇包裝盒，但竟然用一個好靚既透明圓盒裝住，而盒蓋係用磁石，好治療既開盒。條線粗，扎實，但可惜佢只有3.5插，所以我換左條2.5線，我試左條純銅，最後中意銀線多啲。
耳機造工非常好，一個x字既黑色面，勝在冇特別，唔誇張，而透明既樹脂清楚睇到，直頭係數到有幾多粒動鐵喺入面。但啲動鐵就冇寫型號既，店主就話係進口單元。一開始以為會戴得好唔舒服，但點知佢隻耳機形狀做得好好，我用final耳膠，戴上耳仔超fit, 完全密封耳仔，有cm耳機感覺，所以未開聲都隔左唔少聲。
聲音方面，耳機結構係
3 x 低頻
3 x 中低
3 x 中頻
3 x 中高
2 x 高頻
2 x 超高

而我第一入耳感覺係好平衡，冇超重既bass, 冇超高既刺音，但有好好既分析力，樂器層次好分明，人聲我覺得偏中後dd, 但聽某啲歌手人聲會前翻。
低頻唔係好深，始終係純鐵，但有量，一般既低頻全部比到你。而高頻有少少毒，聽女聲去到最高頻時好正，而且冇齒音。
而且喺調音方面，並唔係將所有高中低頻推到好前令你誤以為好好聲。聲音係真係有一定既質素。

講下壞處
聲音一開始未發揮得好好，有少少漂，我煲左一晚，聲音明顯穩定左。我估計係16粒單元要磨合一下。
我今日係第二日聽，我覺得呢隻野可以更好聲，再聽多幾日睇下會晤會有更通透既聲音