之前已聽瘦佬講話會有新耳機出,主打入門易推同耐聽。
今晚收工時過去拎線時咁啱到咗少量,但因為大貨未到,未有開SAMPLE做試聽住,而基於已持有Super4同Super1嘅經驗,我就照衝咗先。
先上幾張相先~
今次包裝得好唔錯,硬盒包裝,內部有海綿格做固定,有張產品沙龍照(背面印有規格資料),人造皮耳機盒內有S/M/L三對膠,耳機本體一對(廢話,唔通一隻咩~ ),3.5MM耳機線(同Super1同款,兩絞銅鍍銀)。
隻盒質感幾好,有少少貴氣感,盒面仲壓印咗瘦佬自家品牌LOGO 。
耳機本體同原裝線,水滴型磨砂黑金屬面板唔會做指紋收集噐 。
耳機今次圓潤流線返又輕身,之前嫌佢大佬Super1重同菱角分明頂耳嘅,今次應該戴得舒服無投訴。
17Ohm阻 104dB靈敏度,擺明手機黨福音 。
同大佬影返合照先~
初步聽感,大家原線原裝膠,用手機推(oneplus6),聽Spotify(模擬返一般手機用家狀況)。
Jr用一半音量已經夠聲,大佬要7成左右先得,講易推,細佬Jr真係以下犯上。
聽鄭中基新歌<MY ONLY ONE>,對比大佬Super1,Jr音場會闊落同深少少(大佬係手機力水推唔夠情況下,音場係比較焗促),人聲唔係好貼耳,好似係面前幾步咁,分析力唔錯,細節該有都有(後面和音都幾清楚),但線條感無大佬咁強,人聲感情幾好。
之後試莫文蔚<呼吸有害>,莫文蔚個mood相當唔錯,開首部份嘅齒音都清楚可聞,有啲啲吉,無乜過份修飾,但係可接受的,希望煲返排會再滑返少。
然後試咗一啲hiphop/dance/pop,低音初開聲計都潛得下,但唔係轟炸機打頭,佢低頻個表達係量足但唔糊,偏寬厚自然,呢樣幾合我心。
跟手試下小型室樂幾件樂器一類,小提琴稍稍暗唔夠亮,但大提琴/低音大提琴唔錯,弦線振動感幾好,木結他之類都唔錯,鋼琴就唔多夠穿透感同鏗鏘感。一般小型野都還算應付到,但未算好亮眼。
最後試下聽下大棚野,播下STARWAR OST,細佬表現明顯應接不暇,手忙腳亂(咁當然用手機都可能係原因之一)。
暫時感想係,由包裝以至聲音表現(初開聲計),手機黨應該絕對收貨,整體上係寬厚自然,微暖耐聽(同ZAX感覺有啲似,都係好順好易入耳,係分析力唔夠ZAX好,不過ZAX單元多,好都正常),用原線已經幾好聽下,其待煲返排之後仲有幾多進步空間。 |
簡體版
訂閱頻道
訂閱電子報
發表於 2020-11-3 00:41
| 
),3.5MM耳機線(同Super1同款,兩絞銅鍍銀)。
。
。
。
,文筆唔夠吸引,影相又唔係好得,所以多數都係參與討論,係比較少開箱文,不過今次隻Jr瘦佬話未有試聽住,而我又衝咗,而且今次個包裝真係幾好(雖然同水月雨/天使吉米一類動漫娘設計比未夠搶眼
),所以講下自己感覺,當係比個大概印像各位師兄參考下。