[開箱] 耳機玩到盡:KZ-Z1 pro (賞圖、聽感) 真。藍芽BT5.2耳機~可用

本帖最後由 tskso 於 2021-3-7 01:52 編輯

IMG_06032021_205301_(788_x_1050_pixel).jpg
2021-3-6 20:54
IMG_06032021_205226_(750_x_1000_pixel).jpg
2021-3-6 20:54

本帖最後由 tskso 於 2021-3-7 18:36 編輯

可以講下對藍牙耳機, kz今次 算係佢係呢個年代 藉住bt 5.2 嘅技術優勢,出一隻價平 發燒感十足嘅藍牙耳機, 作為今年打響頭炮嘅 藍牙產品嚟講, 我形容係成功嘅

可以試講下 聽感,耳機明顯針對流行曲而設計, 基本上覺得聽邊類型都唔會話太差 ,仲可以話係覺得佢唔錯㖭,昨日試demo嘅時候, 簡單試過平時 聽開幾首歌一啲特別突出嘅段落,包括演唱會、 原音女聲 同埋 京劇鏗鏘嘅 樂器 奏鳴, 基於耳機本身屬於偏中低頻, 所以遇到人聲嘅樂曲時, 合情理地表現出人聲前厚嘅特點, 遇到高頻鏗鏘樂器,鑑於聲底有貨 唔會標唔會拆聲, 安全順利過度, 有經驗嘅都知 通常呢啲情況,樂器會展現出另一種味道, 啱嘅就會認同有味有feel, 追求監聽嘅就會略嫌未到家,聽演唱會時,現場氣氛十足,節拍感強, 還好 一個單元加持底下, 複雜環境 還算頂得住, 相信 有賴於 現代單圈調音技術進步 大有關係, 所以我話佢偏向流行 大約就係咁嘅原因, 食正主流聲底, 大路嘢穩陣

配戴方面, 大家睇到幅相 都非常之唔 陌生, 冇錯, 就係佢 就係佢哋, 即係ASX 同 三圈 嘅機殼形狀 非常之相似, 耳機內側有明顯耳殼凹凸嘅設計, 配戴起來 十分穩陣, 特別係上方突出嘅設計, 接觸過嘅會明白呢項優點, 耳機非常之輕 唔記得幾多gram, 應該係3d打印技術, 耳機表面 磨擦力夠唔會跣手, 之前我試過另一個牌子某model, 細細粒圓圓畫滑滑 磨砂面, 好靚仔, 唔買佢 因為我怕好容易跌,Z1pro 肯定唔會, 除非隻手大得好緊要 同埋個人 唔小心 就另計

耳機反應, 連接方面速度算係中上, 而且 連接一項就可以,唔會再分 L / R, 呢樣我係好欣賞, 我嘅手機唔算新bt 4.2, 連接上完全冇問題 ,相信 大部分手機連接方面都兼用到, 簡單試過輕觸式 機身按鈕, 歌曲停止播放 非常之快, 反而有少少覺得靈敏度過高, 如果經常R耳仔嘅朋友 就要留意

通話方面, 兩舊水唔使嘅藍牙耳機, 相信大家估到七八成, 冇錯今次都唔會例外, 通話時巴士站附近 交通燈下, 基本上唔會斷, 我只係check過一個巴士站同交通燈, 我聽對方 說話清晰 唔算假, 話音質素 只能講係普通, 對方唔係太聽到我講嘢 (我呢兩日失失哋聲) ,可能係巴士站係差啲, 但之前試過對五六百蚊嘅NB2 , 呢方面真係好大距離, 所以聽歌為主 通話較少嘅朋友, 又唔介意 有時需要用手機 協助通話嘅話, 係可用的

總括來說, 兩舊水有找, 聽歌主流發燒感覺, 輕盈、 外型過得去嘅耳機嚟講, 的確係可以考慮, 不過有得試試咗先, 最難得係 bt 5.2 帶嚟嘅連接質素, 現場測試,來回 老地方 欽州街 大馬路交通燈, 以及附近 深水x特賣x 門口 徘徊測試, 斷線情況 差唔多接近冇(其實有兩下) , 對比返 去朝聖時帶住嘅乜乜乜, 行經以上兩個地方時 同心跳一樣, 非常活潑, 相信bt 5.2嘅產品陸續有來, 現場都已經有另一品牌 行得好慢嗰對 plus 版 現貨經已推出, 奈何未有demo 冇得試,Z1 pro 今次算叻仔, 我通常講啲practical 嘢, 用得、玩得、睇得、聽得, 好嘢講多少少, 如果你睇到嚟呢度 都仲繼續睇嘅話, 真係要感謝你嘅支持, 同埋代表咗你好無聊 好悶, 咁不如自己出去試一下,哈哈!

(買完記得 屈老細 送對瘦佬耳膠畀你, 比起原裝耳膠已經有 相應嘅提升, 平時買要五蚊一粒 買左耳送右耳)

TOP

IMG_06032021_205916_(1439_x_1030_pixel).jpg
2021-3-6 21:00

Spec 果D自己睇,唔好問我

TOP

又開箱,個荷包傷唔傷

TOP

又開箱,個荷包傷唔傷
lokalok 發表於 2021-3-6 21:26


係兩對
呢對超平,而且音質動搖咗我重入NB2 (pro) 嘅決心

TOP

IMG_06032021_221341_(750_x_1000_pixel).jpg
2021-3-6 22:15

仲有佢, 都係唔好問我住點解入手, 要怪就怪班師兄
呢期 最平最抵 有、無線耳機 畀我買曬

TOP

價錢都唔使問喇
$:$ = 1:1

TOP

而家先留意到KZ放係盒內時個logo同一個方向,咁應該戴上耳後logo就會變成一前一後但聲音同連接不知如何,希望會有demo就有喇。

TOP

而家先留意到KZ放係盒內時個logo同一個方向,咁應該戴上耳後logo就會變成一前一後但聲音同連接不知如何 ...
leungleung1234 發表於 2021-3-6 23:05


有Demo啦,唔係試過點會買,我仲試埋附近交通燈來回過馬路,走去特賣X門口作干擾測試,bt 5.2 唔係講少

TOP

支持開箱!一開開二隻

TOP