正壓/負壓 其實係咪仲要睇風壓同風扇轉速?

本帖最後由 stebrickboy 於 2019-8-13 08:21 編輯

小弟新砌一部機,個機箱只可以後面裝1把風扇, 上面同前面各裝3把。
CPU用緊一體水冷,放最頂,3把風扇放係冷排下面吹冷排+排風出機外,機前面裝3把吸風,後面一把抽風
目前所有風扇都係1500速,已經係最高RPM.
部機近床,比較多塵,自然要擔心正壓負壓問題

首先問題1: 我google完都唔太肯定目前呢個setting係正壓定負壓? 因為3把機頂風扇對著冷排吹出機外,冷排會有風阻,而部機前面有一個風扇無咩野阻擋,得2把扇畀幾個硬碟架擋住。雖然目前抽風風扇數量>入風風扇數量,按道理宜家應該係入風 > 出風?

問題2:  我發現呢個Setting CPU比較熱,主要應該係風扇力水唔夠,打算將部機其中3把風扇改做風壓同轉速都比較高的Corsair ML120 Pro磁浮風扇 (Non RGB - 2400RPM)。

方案a. 首先第一個諗法係將機頂果3把CPU風扇轉做呢3把去吹透冷排排氣出機外。不過問題黎啦,咁做部機就100%變負壓(出風>入風)?

方案b: 將呢3把新ge ML120 pro 放係機箱前面開到最大吹入,呢3把2400 RPM (記住除左RPM呢3把風壓都幾勁下)應該可以令到部機由負壓變返做正壓?不過因為我用緊一體水冷,唔知呢3把扇放前面可唔可以有效減低CPU溫度?

諗極都諗唔通唯有上黎求師兄們指點

全部風扇抽入,咪一定係正壓
只要係抽入風扇前面裝好隔塵網就得

你個一體水係咩 model?

TOP

正氣壓唔會令你 D 塵變少架
正氣壓只係方便你隔塵
而隔塵網會令你空氣流量少一半
所以你淨係計風扇數量係冇用架

TOP

你一體水放機頂, 加埋一把機背抽出, 加埋四把抽出
機前抽入仲要有隔塵網, 我唸你機前就算用三把IPPC3000 都一樣係負壓
基本上點搞都一定係負壓架啦
想正壓就冷排放機前, 淨用一把機背抽出

TOP