Elite 110A 骰仔箱有無可能砌 5 系中階機?

四五年無砌過機,想請教下細箱散熱問題,唔知有無錯區。

手上有個 Elite 110A 骰仔機箱,鍾意佢的骰夠晒細部又用到 atx 火牛,現時正搭配緊 AMD 5350 超低功耗 U。

思考緊有無可能用返依個機箱但大換血成為 2021 年的中階電腦,例如 itx 板 + Ryzen5 5600G ,貪佢慳返張顯卡(慳通風散熱空間)。Elite 110A 機箱話支援 120 水冷,但爬文又見好多師兄分享 120 水冷廢到爆,比風冷更廢。唔知有無理解錯,係咪 all in one 才廢,自組 120 水冷效能好 D?還是死心裝返原裝風冷更實際?風冷的話又有無更凌靜的推薦?

由於心目中的 CPU 無論功率同發熱量都提升不少,真係唔敢亂黎。在此認真謙卑向各位大大請教,怕砌左部仇人機比自己。

一體水冷就算係240mm都只係同一個靚少少o既大塔散差唔多散熱能力
未計價錢同打理問題,所以我而家會話用風冷會好過水冷

你隻箱因為要設計問題,heat sink有限高,所以一係水冷一係橫向(下壓式)既風冷(e.g NH-L12S)

而5600G其實得65W,所以就算用到再細D o既NH-L9A都仲應該頂到

如果你係限住要用返呢隻箱,我個人會咁砌法

1) 14cm fan前置吹入
2) NH-L12S (風扇裝heat sink下,由下向上吹heat sink)
3) atx牛個入風位就睇你個人想法
3a. 風扇向上 -> 用鮮風冷卻火牛,但箱內較積熱,可能要用機側2x80mm去導風走(將來裝display card就麻煩囉…)
3b. 風扇向下 -> 可以抽機箱內o既熱空氣走,個人認為風道似好D

TOP

本帖最後由 minibanana 於 2021-8-19 11:58 編輯

不留一般用途風冷比水冷好
仲有240水冷效能同4HP風冷差不多, 5HP已經好過佢
商人利用左液體高比熱容量(specific heat capacity以下簡稱SHC)特性, 令人錯覺以為水冷勁風冷好多
其實如果有玩開煲機(連續煲6小時以上)既人都知, 水冷後期係仲弱過風冷!

其實只係簡單物理現象, 你剛開機時液體係低溫, 因為本身液體有較高既SHC, 加上有不少液體(總容量), 所以剛開始時效果比風冷優。
不過唔好忘記, 要將SHC高的液體降溫的話, 同樣需要咁高能量去散熱, 其實240水冷係唔夠5HP風塔散熱, 因為金屬導熱率高而SHC低, 對比液體, 金屬需要好少能量就改變到溫度, 所以風冷係煲機過程15分鐘左右已經恆定。而水冷會根據冷排散熱面積、Total有幾多溶液, 要等一段比較長時間先會恆定(好多網測打手賣廣告刻意唔話比消費者知, 令人錯覺以為水冷勁風冷好多), 無大水缸既240水冷為例, 連續煲機2小時後(液體加熱到高過室溫後), 效能係絕對差過4HP風冷!

不過你會話, 實際有幾何會咁長時間連續Full load? 無錯, 所以水冷好適合短時間超頻跑分,同埋一般使用好少人會察覺水冷潛在問題。但如果連續長時間打機, 勸你都係揀返風冷做好對流吧。唔好忘記, 水冷仲有個水泵,7x24的話, 建議你都係唔好用水冷, 因為唔少水冷壞機案, 除左漏水, 好多都係壞水泵所致!

其實知原理後就唔好再比商人騙, 玩水冷其實要花費好多金錢同時間, 換到既只有DIY既樂趣, 不要太期待效能, 除非你真係玩到極緻, 花好多錢去玩埋制冷片甚至制冷壓縮機, 2者我都玩過, 最終都係揀返風冷, 因為玩過有經驗就算, 係極緻但唔實用! 所以我好明白入門者既心態, 我打呢段野都係想分享真實經驗, 同比你地有多D心理準備同知識既情況下先好去玩水冷。係資本家賺錢下, 好少人會肯講真相, 仲有好多玩緊水既人都係報喜不報憂, 玩過既人勸你又唔信, 所以打埋原理自己參考。

TOP