[真人真事] ViewSonic之售後服務中大伏

本帖最後由 kt42 於 2018-11-10 21:27 編輯

一個月前, 買左隻XG2703-GS,都算係呢個牌子最頂級model之一. 個mon本身quality冇問題, 冇光點冇死點冇漏光, 我用左半個月都好滿意. 突然有一日, 右上方有撻咁既野,

係白底先清楚, 越深色越睇唔到, 大約500 pixels, 其實好少野, 打機都唔會察覺到, 係有時停左係D 白底畫面先覺. 但我個陣心諗, 買左個咁貴既mon, 緊係想佢完美嫁啦, 咪諗住送返去睇下包唔包保. 點知就做左人生最錯決定之一.

最初send email到佢地viewsonic.care@hk.viewsonic.com, 等左一日冇反應, 打電話去CS, 有個極冇禮貌既女人聽電話, 完全唔似Customer Service應有態度. 佢叫我send返D 單據同收貨地址比佢, 有得上門收機. 佢個email address竟然係servicelink2012callcenter@gmail.com , 應該係代理黎, 間野叫Service Link Tech Co., Ltd
因為已經過左7日, 我掉左個盒, 所以同佢講明冇盒, 佢話工程部初步睇落去似入水, 我話ok, 咪送返去check下係咪. 第二日, 佢地搵人上黎收機, 條友兩手空空, 我用個大IKEA袋裝住隻mon同火牛比佢, 佢乜都冇check就咁拎走左.

幾日後, CS打黎話"爆屏人為損壞". 我心諗乜野爆屏呀? 佢send左D相過黎, 我即刻心知不妙...

乜X野事呀?隻mon我嫁? 對返S/N, 真係我隻mon黎!!! 我即刻打電話問佢做乜野我個mon會搞成咁? 佢既解釋係個mon入水, 過左幾日就會惡化成咁. 佢真係當我on9, 右上角入水(就當係真), 導致左邊爆屏? 返屋企即刻send email小佢, 叫佢比合理解釋. 第二日, 佢既回覆係"panel的靠左上方的邊框因外力而導致LCD PANEL的液晶爆裂, 而非入水生鏽。"

當然佢地就唔認係佢地搞到咁啦, 堅稱呢個情況係人為, 所以唔包保. 而我本身報右上角個問題呢? 佢地話check唔到右上方有任何問題. 然後就問都冇問我就話聽日送返隻mon比我.以下係佢地最後回覆.簡單D黎講就係屈我隻mon本身就爆左panel.

人生第一次感覺比人強姦完咁, 用最後一口氣打去比佢地個Sales Manager投訴+要求換mon, 佢就串串貢咁話佢地一直處理手法一樣, 未見過有呢個情況發生.

結論: 我隻mon保養前係行得走得, 保養後即刻掉得. 我覺得自己on9左既地方係: 1. 為左小問題而走去保養 2. 隻mon出街前冇影低相做證據. 我太天真以為大公司做野衰極有限, 點知真係on9無極限.

衣家我係消委會開左file, 唔會有咩期望, 今次真係當買左個教訓, 以後又可以blacklist多一個brand

#Update 2018-11-10
多謝咁多位ching比意見. 有ching話收機冇簽收, 其實上面黃色個張紙係佢收機個陣比我簽既, 算唔算收機紙? 我個人認為好大機會都係佢運輸個陣撞爛左, 你可以話口R同鼻R, 但佢就選擇將呢個責任100%卸落消費者度.
衣家消委初步聯絡左我, 加埋有ching都有提到, 我會去小額錢債告佢. 有消息再update