[開箱] 1K野有找既21:9

因為香港部MON 壞左. 前2日見618好似有減價就上淘佬睇下. 跟住上網睇好似話買MON 狗東退貨方便D. 冇咁煩. 因為本身部腦都舊蕭地. 怕買得好都推唔到. 要求得最好21:9, 29寸以上. 因為本身都唔會打機睇戲. 魚面就冇得簡都OK. 上去狗東望下合呢個要求既有TITAN, LG, SKYWORTH同ASUS. 睇落D價錢都比我之前睇既淘佬平. 咁TITAN 唔係好識, 飛, SKYWORTH 淨係知佢做電視唔知有MON, 飛. 咁得返LG 同ASUS. LG 部29寸又21:9 啱啱合我要求仲要唔過1K, 998人仔, 但考慮到有ching 話LG MON 都幾奶野ASUS 又真係靚仔D 又144HZ, 尺寸就30寸. 好似仲有隻35寸. 但就$15XX. 最後考慮到部MON 其實都係擺既多. 所以就簡左LG 喇. 仲有睇過網上話有7天無理由. 但狗東我見全部都注明沒有7天無理由退貨. 另外問客服務(感覺都幾唔專業) 話唔包光死點. 係正常生產問題. 唔會退換, 漏光就冇正面答. 我估都係唔理. 因為我見D 大陸MON 都幾多有漏光. 前日買琴日到. 我係大陸收貨既. 收到就冇光點死點. 但係全黑畫面就有漏光. 都幾多下. 但平時用好似冇咩問題. 所以都唔退喇. 因為覺得退黎退去應該都咁上下. 仲要唔知肯唔肯退. 其他都OK. 夠大. 我用部7年前既舊野都用到. 夠平, 因為之前考慮既都要1500 以上.