小米電視6至尊版

erickkk

話說舊年父母屋企部Samsung LA40M86BD (2008年時用HSBC信用卡換返來) 開始有啲唔正常, 有時remote明明有電都會不受控制或自己睇睇下無啦啦關機, 加上自己屋企廳部Samsung UA40C7000又剛剛死panel, 咁當然要做下孝子換咗部Panasonic TH-49GX740H比佢哋, 自己就用住佢哋部舊Samsung睇住先, 不過搬到自己屋企成年用落又唔覺佢有咩問題, 加上自己其實都少係廳睇電影或打機, 所以都係用住先就算。

直到最近政府派消費券加上公司谷針8月底前打晒2針有獎金派(我5月已打晒2針), 所以就開始心思思想換機, 依家買32"以上新電視Panel係4K已經係標準, 加上自己一直都抽緊PS5咁無理由仲買HDMI 2.0概電視, 所以HDMI 2.1 + 4K 120Hz + VRR + ALLM又走唔甩, 不過睇返暫時支持晒以上功能概電視全部都唔平, 我諗暫時最多人買概應該就係Sony概x90J系列, 不過港行同國行個價其實都差幾遠, 加上我自己7年前已經有係國內買小米電視返香港概經驗, 所以都有留意下國內概電視(知道消費券唔可以海外網購, 其實消費券只係借口來 ), 最後估唔到經過7年自己又返到小米電視概坑。

我知好多人對小米概產品都比較有介心, 好似我部小米電視2都由最初無廣告, 到有廣告, 又試過2年多啲就壞咗塊logic board, 4年多啲壞埋塊power board, 不過佢概好處就係易買spare part, 上淘寶一search就有大把供應, 2次垠板都係自己淘返來換, 每一部分都已經模組化, 除非死panel如果唔係都好易維修(部電視依家仲好正常咁掛係房用緊), 其實小米主打概都係性價比, 今次小米電視6至尊版概推出真係有啲估佢唔到, 見國內好多評測用Sony X95J(唔係X90J)同佢比居然完全比得上, 感覺大部份概畫質仲要比Sony好, 音響部分就更加超晒班, 當然無得同獨立sound bar或音響組合來比, 不過係香港地方有限概情況下, 我覺得佢55吋提供到4.1.2 + 90W概輸出同100個控光分區(65同75吋分別有成224同256個, 不過屋企無位放)已經好勁, 啲光暗位真係做得比Sony X95J好, 所以我10日前就已經係京東落咗￥100訂, 今日正式開賣就比埋尾數等待佢送去依度啲師兄推介概微x新世代, 我都係見佢寫到明電視類貨物派到佢哋大陸倉庫, 派件員必須開箱通電驗視, 保証電視能開機才會簽收, 加上可以提供打木架服務, 就膽粗粗咁試下, 雖然我7年前都試過小米直寄去珠海比親戚開箱檢查再用x邦物流打木箱送香港, 不過上次要麻煩親戚送到香港又要攪點送上屋企概安排, 所以今次再試試新方法, 成功到步後會再補充開箱文。

Miipp

回覆  Miipp

你又無錯喎, 因為我對LG概product唔太有信心, 佢概電視同電話我成日都覺得係好易壞同易燒印, ...
erickkk 發表於 2021-7-13 11:20

全地球得 L 豬出 TV 用 OLED panel, 唔到你揀

用襟用唔燒印, 咪揀 {LCD panel+QLED 背光} 囉, 咁就唔好諗畫質啦

madgod1213

回覆  Miipp

你又無錯喎, 因為我對LG概product唔太有信心, 佢概電視同電話我成日都覺得係好易壞同易燒印, ...
erickkk 發表於 2021-7-13 11:20

小米應該易壞過LG好多吧, 身邊用小米的Frd三不五時就聽到話又壞

erickkk

小米如果有AD再平都買唔落手
carlkyo 發表於 2021-7-13 13:19

其實我自己用緊部小米電視2依1-2年已經唔覺佢有廣告, 睇返大陸啲review有人話有
廣告但可以skip, 又有人話無廣告開機直入系統, 我覺得有機會睇你設定概地方來決定有冇廣告播, 好似香港應該唔會播因為target客戶都唔同

carlkyo

小米如果有AD再平都買唔落手

erickkk

回覆 7# Miipp

你又無錯喎, 因為我對LG概product唔太有信心, 佢概電視同電話我成日都覺得係好易壞同易燒印, 所以一向都無咩留意佢概產品, 不過睇返OLED55CXPCB其實個差價都有成3千蚊人仔, 所以我講2-3部就太誇張, 不過買多部平價小米ES55 2022款就真係差唔多。

Miipp

OLED要齊HDMI 2.1 + 4K 120Hz + VRR + ALLM個價應該夠我買3-4部小米
erickkk 發表於 2021-7-13 10:46

不會吧

我早一季拍部 55" CX 順風直運到手價都係 9500 人, 而家清貨應該重平.

一部小米 55" QLED 背光電視只要 2xxx?

p.s. 同 hz 下 LCD 液晶反應時間有排追唔上 OLED

erickkk

ching 係有要求，又有獎金做津貼，應該攻頂出部 OLED 吧

QLED 背光只分得幾百區，無乜作為，象素控光系王 ...
Miipp 發表於 2021-7-13 10:09

OLED要齊HDMI 2.1 + 4K 120Hz + VRR + ALLM個價應該夠我買3-4部小米

erickkk

應該要下個月先有得開箱, 原來當初預定只係會送多對小愛音箱Art電池版比你可以作為後置, 發貨時間都係要7月31日11點後先開始, 仲有成大半個月, 當初仲以為9號比埋尾數就會發貨, 有排等......