大台播港台既問題,順便問商台叱咤頒獎禮

本帖最後由 frank817 於 2017-7-8 02:48 編輯

大家都知近一星期,大台抽調頭條新聞既爭議,呢度我唔講政治唔講誰是誰非,只係想問下,有時大台唔聽話,唔要播港台節目時,點解有時要被逼就範,有時就可以撐到行企硬唔播?

被逼就範:

多年前,教育電視仲係朝八晚四年代,明珠台直播奧斯卡,部份時間同教育電視重疊,結果要奧斯卡讓路播教育電視,奧斯卡要12點中止或12點開始(視乎當時明珠台係上晝定下晝播教育電視),多年一直備受垢病,大台多次要求港台酌情處理,畀佢暫停半日教育電視,以完整直播奧斯卡,但港台一直堅拒,大台無奈,仲要硬食不知情觀眾既無理指罵投訴,慘成磨心。

直到2006年,香港社會高度關注華裔導演李安能否獲最佳導演獎,而該獎係香港時間中午12點幾頒發,當時明珠台下晝播教育電視,原則上係直播唔到頒發最佳導演獎。在龐大輿論壓力下,港台才稍作讓步,但都唔畀明珠台播晒完整既奧斯卡,而只係畀佢遲一粒鐘播教育電視。


企硬唔播:

今次頭條新聞事件唔多講喇。約2010年同之後幾年,大台同四大唱片公司既爭拗,令大台拒絕四大唱片公司歌手現身自家頻道,甚至拒播港台十大中文金曲頒獎禮,結果港台一反傳統搵亞視首播(以往一直係頒獎禮後一星期,由大台錄影首播,後來唔記得係咪改為大台播live;而亞視一直係農曆新年期間重播)。


我真係唔明,點解教育電視,港台唔批停播,大台就死狗硬食;但十大中文金曲頒獎禮、仲有剛剛既頭條新聞,佢就敢撐到行?

*********************************************

順便一問,講開D樂壇頒獎禮,最受注目同歡迎應該係商台叱咤,睇返wiki,佢曾經有幾年o係元旦下晝攪,大台就有直播。但只係個別幾年,其他大部份都係元旦夜晚攪,大台拒絕自家黃金時段節目讓路,所以只作錄播,仲左刪又減,一直好多人不滿。其中2015年(即係頒2014年既獎),更加因某首講述2014年某特殊事件既歌得獎,大台衰到連錄播都唔肯,做返D陳年電影算。直到今年ViuTV開台後,由ViuTV無廣告直播,終告完美解決。

呢度我又唸到3個問題:

1.點解商台唔索性年年下晝攪?

2.大台有J2都成十年八年,點解唔用J2直播?

3.大台播叱咤咁多問題,最後要搵ViuTV解決,咁未有ViuTV前,點解唔搵亞視?會唔會係商台嫌亞視 6+1,驚佢播會整臭叱咤頒獎禮?

唔記得有冇記錯:HKTV網上開台初期,仲係係威係勢o個陣,剛好遇上以上2015年大台拒播事件,有輿論要求以後HKTV直播,但商台以HKTV唔係大氣電波廣播、觀眾層面低為由拒絕。

印象中只曾於2009年那次是於下午舉行。

TOP

教育電視要夾全港中小學上堂時間
無得霸王硬上弓

via HKEPC Reader for Android

TOP

回覆 3# ccchhhuuunnn


我小學讀過兩間,有D所謂ETV堂係堂上睇教育電視,一間官校真係夾教育電視時間表睇即場,即係例如星期一2:30做小四數學,佢就會編星期一2:30小四上數學ETV堂;另一間教會學校設施較好,有錄影機,就未必使夾,可能播帶,亦可能睇即場。

中學更加係少睇,只當係熄登訓覺時間,兼一定睇帶。

講緊係二三十年前、上個世紀英國佬年代既事(係,我係中坑大叔了)。早十幾年前,已係幾百蚊有部DVD機、近十年更係電視機都有得插手指播片,學校內播片大把方式又方便,教育電視係咪真係要夾學校上堂時間、甚至係咪仲需要佔用大氣電波呢?都係值得商榷。

我真係懷疑,近10年、甚至近20年,仲有幾多學校,編時間表上,係仲會好似我以前間官立小學咁,會夾教育電視時間表,而唔係播碟播USB算(假設仲有畀學生睇的話)。

所以近年兩度削教育電視時間、由每日8粒鐘削到2粒鐘,都係一個進步。

再講,如果話配合學校,咁當年朝八晚四既安排就更加奇,中午時段,全日制學校放lunch中、半日制學校「交更」中,邊個睇?

就算講「現代」,而家暑假,31下晝仲做教育電視又係點解?霉到冇野播到咁?

教育電視係因為70年代時,「睇電視」仲係一樣新奇野,所以用「睇電視」既形式教學去吸引學生眼球,已經唔覺呢個年代係咪仲需要上堂睇片學野,到呢個年代「睇電視」對00後、10後有冇吸引力,我已經唔討論。

講白D:咪鬼要電視台播,畀學校播DVD或手指算啦,再放埋上eTVonline 同 youtube,乜都夠啦

TOP

印象中只曾於2009年那次是於下午舉行。
hkaiw 發表於 2017-7-10 05:59 PM



https://zh.wikipedia.org/wiki/%E ... E%E5%85%B8%E7%A6%AE

無綫電視翡翠台曾經在1996及1997年全程現場直播,更於2008年翡翠台及高清翡翠台兩台同步現場直播(共同點為此三屆頒獎典禮都是在下午舉行,鑑於舉行時間與電視台黃金時段沒產生衝突才被授權現場直播)。


有三次。

不過唔知佢呢個年份,係指

典禮舉行年份(例如所謂2008年,係指2008年1月1日舉行典禮、頒發2007年獎項),

定係

頒發獎項年份(例如所謂2008年,係指頒發2008年獎項,2009年1月1日舉行典禮)。

TOP