點解無記亞記節目永遠老奉遲3 - 4分鐘,唯獨新聞就一秒不差?

80年代我已經留意到,無記亞記都係節目永冇準時,節目開始時間,永遠老奉比時間表所寫遲起碼3 - 4分鐘,好似係不成文規矩咁,最離譜係每星期最期待兼冒險挨夜睇既聖鬥士星矢,鑊鑊遲成10分鐘起碼。

唯獨新聞報導,就絕對準時一秒不差。

咁多年都唔見有人講,由廣管局到通訊辦都冇出過聲,似乎社會都普遍接受。有冇c hing(最好係喺電視台行內人)知道,點解會有咁既「文化」,新聞一秒不差,其他節目就老奉例遲起碼3 - 4分鐘?

近年3間新台,奇妙同Viutv似乎冇呢個情況,就算未至於新聞咁一秒不差,但至少時間表寫30分做既節目,我31分開電視都見佢已做緊。港台電視就一時時。

所以CCTVB真係唔該死一死佢。

以前廣管局容許不可以比節目表延遲超過5分鐘播放。

TOP

提示: 作者被禁止或刪除 內容自動屏蔽

TOP

遲播遲收
早播早收
有咩問題
30分鐘節目,扣左廣告時間咪一樣,都唔知有咩好投訴 ...
圖書館 發表於 2020-2-6 12:58


遲收預較錄影會錄唔晒

TOP

提示: 作者被禁止或刪除 內容自動屏蔽

TOP

遲收唔代表唔準時
圖書館 發表於 2020-2-6 14:11


遲過下個節目表定開始時間收咪錄唔晒
好似而家東張西望經常過咗2000先完場
只錄到2000咪錄唔晒

TOP

正如預較錄影《妖怪手錶》於下午4時50分完結,但是昨天卻於下午5時半才播完,結果第2節錄影失敗。

TOP

本帖最後由 死宅男@XC 於 2020-2-6 15:15 編輯
正如預較錄影《妖怪手錶》於下午4時50分完結,但是昨天卻於下午5時半才播完,結果第2節錄影失敗。 ...
hkaiw 發表於 2020-2-6 14:23


記者會係突發情況 上面講嘅係日常情況
台灣節目好似大部分會準時(+10秒)開始

可能要通訊局去限制節目結束嘅時間唔可以超過下個節目列明開始嘅時間
但呢個情況要喺部分情況下括免 例如要播風暴消息或者突發直播所導致嘅超時或者臨時節目調動

TOP

本帖最後由 peter_chan 於 2020-2-6 15:25 編輯

好耐之前(連維基都未申請電視牌的年代)﹐聽過一個講法﹐可信性係幾高下﹐因為講者都係業界人。
但係﹐聽完我都未明點解﹐有待高人再去講解。


條例講左電視台每小時只可以賣10分鐘廣告﹐以00分為每小時的開始。
(而家有無改﹐或者是否間間都唔同﹐我就唔清楚了)

而條例又講得清楚﹐所有報時必須準確﹐而新聞都有報時作用﹐所以又係準時。
(現實真係試過新聞都有delay開場的﹐當然係好極端的突發情況﹐好似係直播緊重大事件)

電視台就利用橫跨2個小時的位置﹐去「借」時間﹐以便播更多的廣告/提升廣告收入。

估計係同計算的方法有關﹐例如係每一節首個廣告開始計。令到每一個小時最後一節廣告﹐只要在59分播出﹐不論幾長﹐都係計入上一小時的10分鐘quota。


總之﹐聽完我都唔係太明。
我只記得個講者最後都講左幾句 : 只係將播廣告的時間調動﹐實際上無多到時間﹐但因為時段收費唔同﹐令到電視台收入增加。佢唔會再詳細解釋﹐因為好複雜同埋有行內機物資料﹐總之明就明﹐唔明就點講都唔會明。

TOP

新聞台都係準時播節目同新聞,  廣告反而似用黎攝時間.

誇張d講宜家翡翠台似係廣告台, 節目用黎攝時間或者植入

TOP