我的google帳戶被入侵了!

iwantip6

首先我係到鄙視果個入侵者既行為,而且對google既幫忙完全係感覺到廢!

係4/11,即係琴日,我無啦啦收到我銀行SMS通知,有一畢HKD500元既扣款,開始時我無咩覺得有問題,因為最近我最少係網上購物都幾次,可能係分時段扣錢之類,所以無理會,但之後諗諗下覺得有D唔對路,再認真睇,點解係google ads?我果下真係原全唔知係咩黎,之後我立即打去信用卡公司問呢單交易係咩事之類,了解後,係我同google交易左D野,但又唔可以取消交易,原因係你同google之間既交易之類,ok fine,我之後搵google

大家都知,搵呢D大形公司既電話,你邊有可能搵到,但神奇既係,我真係搵到google ads真係有電話,之後打去了解後,發現我google gmail同帳戶真係俾人入侵左,但攪笑條友無改我密碼,而且做左樣我覺得攪笑,而又覺得條友無大智既事,就係個入侵者同google買左個應該係HKD2000左右既廣告服務,即係你睇片左阻住你果D,真心講句,我唔知笑定嬲好

之後經左一輪又一輪查帳戶同電話攪黎攪去之後,google ads果邊只係識叫我改密碼,同埋教我停止左個廣告服務,重有係退錢,而退錢呢下真係有點煩人,首先我打去銀行問果陣,我係收唔到正式既記錄,即月結單之類,相信只係係系統有條扣數記錄之類,銀行又俾唔到我,而銀行話只可以等google果邊返單,即提供交易記錄,先可以俾到正式既結單之類資料俾我,好啦,了解後我就同google果邊講,因為我已經同google果邊用email傾,無再用電話,但有樣野好吹漲,google只係開始時send個教學俾我停服務之後,就一直無回答我問題同要求,真係覺得好無奈,點解?係有原因

1,就係當我用gmail(入侵左果個帳戶)收google email時,你永無可以係收件到睇到,就係唔知個入侵者set左咩,google既email會自動去左垃圾到,我問google,佢無答
2,因為我之前係個google帳戶到入左信用卡資料,我係取消時,永遠都會扣我8蚊,已經2次都係噤,而同時都係取消唔到,我問google,佢無答
3,因為係琴晚8點幾時,我收到警報,話有人想入我帳戶,好明顯係之前果個入侵者想入,而係我最初同google果邊回報時,我都俾埋入侵登入既時間同IP,想叫google幫我block左佢,我問google,佢無答
4,我另外再send個回報俾google,但又係無覆我

好坦白,我呢家都唔知點好,最吹漲既係,google十問九唔應,只係識叫係改密碼

2021-11-5 13:12

2021-11-5 13:12

**補充返D野,有人話我無set 2 steps verification,其實我係有set到,無論出事前同出事後,我登入我帳戶都有提示,但今次好神奇,入侵者登入我帳戶時,係無提示警示出現

javacomhk

今時今日都無用2 steps verification 就喊都沒謂。

iwantip6

今時今日都無用2 steps verification 就喊都沒謂。
javacomhk 發表於 2021-11-5 13:48

    講起呢個就真係神奇中既神奇,我係有set既,但個入侵者就係唔知用咩方法,重來無提示過,反而我自己每次登入都會有,無論係出事前同出事後

Pennylau

google個cs只會帶你遊花園，不斷轉介唔同人，然後每次都要重複個問題。
其實條友買左ad服務，就係一定搵到兇手啦。
BTW，你最好cut左信用卡先。

Q-Q

有SET兩步認証,唔係要滿足左佢要求,先登入到咩?
過唔到兩步,係阻止登入,而唔係發出警告,警告只係順帶
如果有兩步都比人入侵到,你應該去告google

iwantip6

有SET兩步認証,唔係要滿足左佢要求,先登入到咩?
過唔到兩步,係阻止登入,而唔係發出警告,警告只係順帶
如果 ...
Q-Q 發表於 2021-11-5 18:01

    咪玩啦,香港點告google,美國就可以,唔通我飛去美國咩,就算飛去美國,萬一中左病毒,真係得不償失